Wednesday, October 15, 2014
ពិធីប្រារព្ធខួបអនុស្សាវរីយ៍លើកទី២០ឆ្នាំ នៃថ្ងៃបង្កើតកងពលតូចថ្មើរជើងលេខ៧០
ពិធីប្រារព្ធខួបអនុស្សាវរីយ៍លើកទី២០ឆ្នាំ នៃថ្ងៃបង្កើតកងពលតូចថ្មើរជើងលេខ៧០ ក្រោមអធិបតីភាពដ៏ខ្ពង់ខ្ពស់បំផុត សម្ដេចអគ្គមហាសេនាបតីតេជោ ហ៊ុន សែន នាយឧត្តមសេនីយ៍ផុតលេខផ្កាយមាស៥ នាយករដ្ឋមន្ត្រី នៃព្រះរាជាណាចក្រកម្ពុជា នៅបញ្ជាការដ្ឋានកងពលតូចថ្មើរជើងលេខ៧០ចោមចៅ រាជធានីភ្នំពេញ
កម្ពុជាកំណត់យកថ្ងៃទី១៥តុលាជាថ្ងៃគោរពព្រះវិញ្ញាណក្ខន្ធ័ព្រះបរមរតនកោដ្ឋ
ថ្ងៃទី១៥ ខែតុលា ជារៀងរាល់ឆ្នាំ
ត្រូវបានរាជរដ្ឋាភិបាលកម្ពុជា កំណត់ធ្វើជាទិវាគោរពព្រះវិញ្ញាណក្ខន្ធ័ព្រះបរមរតនកោដ្ឋព្រះករុណាព្រះបាទសម្តេចព្រះនរោត្តមសីហនុ
បើគិតមកត្រឹមថ្ងៃនេះ ការយាងសោយទិវង្គតរបស់ព្រះអង្គមានរយៈពេល២ឆ្នាំមកហើយ។
ពីធីគោរពព្រះវិញ្ញាណក្ខន្ធ័ព្រះបរមរតនកោដ្ឋថ្ងៃនេះ
ប្រជាជាតិកម្ពុជាទាំងមូល រួមមាន
ថ្នាក់ដឹកនាំនៃក្រសួងស្ថាប័នរដ្ឋទាំងអស់បានអញ្ជើញមកកាន់វិមានតំកល់ព្រះបរមរូប
ព្រះបរមរតនកោដ្ឋនៅលើសួនច្បារខាងកើតវិមានឯករាជ្យ
ដើម្បីមកចូលរួមគោរពព្រះវិញ្ញាណក្ខន្ធ័។
ចាប់តាំងពីព្រឹកព្រលឹមនាថ្ងៃពុធទី១៥តុលា
ឆ្នាំ២០១៤នេះ ថ្នាក់ដឹកនាំសំខាន់ៗរបស់ជាតិ បានអញ្ជើញមកចូលរួមគោរពព្រះវិញ្ញណក្ខន្ធ័
ព្រះបរមរតនកោដ្ឋគម្រប់ខួបពីរឆ្នាំនៃការយាងសោយទិវង្គតរបស់ព្រះអង្គ
ដើម្បីស្មឹងស្មាតសំរួមកាយវាចារចិត្ត សំដែងនូវកតាញូតាធម៌គោរពដឹងគុណយ៉ាងជ្រាលជ្រៅ
ចំពោះព្រះគុណូបការៈ ដ៏ឧត្តុងឧត្តម របស់ព្រះអង្គដែលក្នុងមួយព្រះជន្មរបស់ព្រះអង្គបានបូជាអ្វីៗគ្រប់បែបយ៉ាងដើម្បីបុព្វហេតុជាតិមាតុភូមិ
និងប្រជារាស្ត្រជាកូន ជាចៅចៅទួតរបស់ព្រះអង្គដើម្បីសេចក្តីសុខសាន្តនិងភាពរុងរឿងរីកចំរើននៃប្រជាជាតិកម្ពុជាទាំងមូល។
នៅក្នុងពិធីគោរពព្រះវិញ្ញាណក្ខន្ធ័នេះគេសង្កេតឃើញប្រតិភូថ្នាក់ដឹកនាំ
ស្ថាប័នព្រឹទ្ធសភា ប្រតិភូស្ថាប័នរដ្ឋសភា ប្រតិភូស្ថាប័ននីតិប្រតិបត្តិ
សមាជិករាជរដ្ឋាភិបាលមកពីបណ្តាក្រសួងចំនួន២៧ ក្រៅពីនេះក៏មានគណប្រតិភូមកពីក្រសួងព្រះបរមរាជវាំង
គណប្រតិភូក្រុមប្រឹក្សាធម្មនុញ្ញ តុលាការ កំពូល
គណកម្មាធិការជាតិរៀបចំការបោះឆ្នោត ទីស្តីការគណៈរដ្ឋមន្ត្រី អគ្គបញ្ជាការដ្ឋានកងយោធពលខេមរៈភូមិន្ទ អគ្គស្នងការដ្ឋាននគរបាលជាតិ ធនាគារជាតិនៃកម្ពុជា អជ្ញាធរសវនកម្មជាតិ អង្គភាពប្រឆាំងអំពើពុករលួយ កាកបាទក្រហមកម្ពុជា គណៈកម្មាធិការជាតិគ្រប់គ្រងគ្រោះមហន្តរាយ
និងគណៈប្រតិភូមកពីសាលារាជធានីភ្នំពេញ។ ក្រៅពីក្រសួងស្ថាប័នខាងលើ
រាជរដ្ឋាភិបាលបានណែនាំឲ្យគ្រប់ស្ថាប័ន គ្រឹះស្ថានសាធារណៈ គ្រប់ស្ថានទូត ស្ថានកុងស៊ុលព្រះរាជាណាចក្រកម្ពុជាប្រចាំតាមបណ្តាប្រទេសនានា
,រដ្ឋបាលក្រោមជាតិគ្រប់លំដាប់ថ្នាក់ គ្រប់វត្តអារាម បូជនីយ៏ដ្ឋានសាសនា អាស្រមវិបស្សនា និងប្រជាពលរដ្ឋតាមមូលដ្ឋាន ត្រូវរៀបចំពិធីគោរពព្រះវិញ្ញាណក្ខន្ធនេះឲ្យបានស័ក្តិសមនឹងព្រះគុណូបការៈរបស់ព្រះអង្គចំពោះជាតិមាតុភូមិ ឲ្យបានស្របតាមព្រះបរមងាររបស់ព្រះអង្គ
ជាព្រះវររាជបិតាឯកភាពជាតិខ្មែរ និងឲ្យបានវិសេសវិសាលថ្លៃថ្លា ស័ក្តិសម
និងសេចក្តីគោរពស្រឡាញ់ ដែលផុះចេញពីក្រអៅបេះដូង របស់ប្រជារាស្ត្រខ្មែរគ្រប់ៗរូប។
ដោយឡែកនៅទីស្តីការគណៈរដ្ឋមន្ត្រី
ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី
ក៏បានដឹកនាំការគោរពព្រះវិញ្ញាណក្ខន្ធ័ព្រះបរមរតនកោដ្ឋផងដែរដើម្បីផ្តល់ឱកាសដល់មន្ត្រីរាជការនៃទីស្តីការគណៈរដ្ឋមន្ត្រីទាំងអស់បានមកចូលរួមគោរពព្រះវិញ្ញាណក្ខន្ធ័
គម្រប់ខួបពីរឆ្នាំនៃការយាងសោយទិវង្គតនៃអង្គព្រះមហាវីរក្សត្រនៃយើង។
បើទោះបីព្រះអង្គបានលាចាកឆ្ងាយពីយើងអស់រយៈពេលពីរឆ្នាំកន្លងមកក៏ពិតមែន
ប៉ុន្តែព្រះករុណាទិគុណ ព្រះកិត្តិនាម របស់ព្រះអង្គនៅតែមានក្លិនពិដោរក្រអូបត្រជាក់ដូចទឹកអម្រឹតប្រោះព្រំប្រទានស័ព្ទសាធុការពរដល់ប្រជារាស្ត្រគ្រប់ៗរូបបានសុខចំរើន
និងមានតម្លៃមិនអាចកាត់ថ្លៃបាន។
ព្រះអង្គបានបន្សល់ទុកនូវស្ថាព្រះហស្ថដ៏ធំធេងសម្រាប់ជាតិ
ក្នុងនោះព្រះអង្គបានទាមទាឯករាជ្យពេញបរិបូរណ៏ពីអាណានិគមន៏និយមបារាំង ព្រះអង្គបានខិតខំកសាងសមិទ្ធផលលើគ្រប់វិស័យទទួលបានការរីកចំរើននៅគ្រប់ទិសទីមានគ្រឹះស្ថានសិក្សាគ្រប់កំរឹតមន្ទីរពេទ្យ
ផ្លូវថ្នល់ ស្ពាន ស្រះទឹក ប្រឡាយ វត្តអារាម រោងចក្រ កំពង់ផែ
អាកាសយាន្តដ្ឋាន។ល។ ព្រះអង្គជាព្រះប្រិយក្សត្រអធនស្រឡាញ់សន្តិភាព និងបានបំពេញព្រះរាជកិច្ចដ៏លើសលប់
ដើម្បីសន្តិភាពនៅកម្ពុជា នៅក្នុងតំបន់
និងនៅលើពិភពលោកទាំងមូល។ព្រះវីរៈគំរូដ៏ឧត្តុង្គឧត្តម ថ្លៃថ្លា វិសេស
វិសាលរបស់ព្រះអង្គគឺកំពុងស្ថិតនៅជាប់ក្នុងដួងចិត្តប្រជារាស្ត្រខ្មែរគ្រប់ៗគ្រូប
មិនអាចបំភ្លេចបាន ដែលធ្វើឲ្យ កូនចៅគោរពដឹងគុណ ជានិច្ចចំពោះព្រះអង្គ
បើទោះបីព្រះអង្គបានយាងសោយទិវង្គតចាកឆ្ងាយពីកូនចៅ ចៅទួតក៏ ពិតមែន។
ព្រះករុណាព្រះបាទសម្តេចព្រះនរោត្តមសីហនុ
ព្រះមហាវីរៈក្សត្រនៃព្រះរាជាណាចក្រកម្ពុជា ព្រះបរមរតនកោដ្ឋ
ព្រះអង្គបានយាងសោយទិវង្គតកាលពីថ្ងៃ១៥ ខែតុលា ឆ្នាំ២០១២
ដោយព្រះជរាពាធនៅមន្ទីរពេទ្យទីក្រុងប៉េកាំ នៃសាធារណរដ្ឋប្រជាមានិតចិន
ក្នុងព្រះជន្នាយុ៩០ព្រះវស្សា។ ការយាងសោយទិវង្គតរបស់ព្រះអង្គ
គឺជាការបាត់បង់អង្គព្រះមហាវីរក្សត្រកម្ពុជាដ៏ឆ្នើមពុំមានអ្នកប្រៀបប្រដូចឡើយ៕
មន្ត្រីជាន់ខ្ពស់កម្ពុជា ជំរាបភាគីថៃអំពីគម្រោងអភិរក្ស និងអភិវឌ្ឍន៏របស់ ICC ព្រះវិហារកម្ពុជាថា មិនប៉ះពាល់ដល់ទំនាក់ទំនងល្អរវាងប្រទេសទាំងពីរទេ
មន្ត្រីជាន់ខ្ពស់កម្ពុជា
ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី
រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានមានប្រសាសន៍ថា គម្រោងអភិរក្ស
និងអភិវឌ្ឍ ICC ព្រះវិហារ គឺធ្វើឡើងស្របតាមសាលដីការបស់តុលាការអន្តរជាតិ
ក្រុងឡាអេឆ្នាំ១៩៦២ និងការបកស្រាយសាលក្រមឆ្នាំ២០១៣ គឺមិនមានការប៉ះពាល់ដល់ទំនាក់ទំនងរវាងកម្ពុជា‑ថៃ
ក៏ដូចជាបញ្ហាព្រំដែនរបស់ប្រទេសថៃនោះឡើយ។
ក្នុងជំនួបពិភាក្សាការងារនៅវិមានមិត្តភាពកាលពីថ្ងែទី១៤ខែតុលា
ឆ្នាំ២០១៤ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី
បានពន្យល់ភាគីថៃ ឯកឧត្តម Nattavudh Photisaro អគ្គលេខខាធិការរងក្រសួងការបរទេសថៃ អំពីការបង្កើតគណៈកម្មាធិការសម្របសម្រួលកិច្ចគាំពារ
និងអភិវឌ្ឍន៏រមណីយដ្ឋានតំបន់ប្រវត្តិសាស្ត្រព្រះវិហារ(ICCព្រះវិហារ)ថា គណៈកម្មាធិការនេះបំពេញតួនាទីរបស់ខ្លួនដោយឈរលើបទដ្ឋានគតិយុត្តិ
ច្បាប់ជាតិ និងអន្តរជាតិ និងការងារបច្ចេកទេសផ្នែកបេតិកភណ្ឌទទួលដែលស្គាល់ដោយអង្គការយូណេស្កូ
និងគណៈកម្មាធិការបេតិកភណ្ឌពិភពលោក ។
ឯកឧត្តមឧបនាយករដ្ឋមន្ត្រីសុខ
អាន បានជំរាបជូនដល់ភាគីថៃថា « សូមកុំឲ្យមានការព្រួយ បារម្ភ អំពីគម្រោង (ICCព្រះវិហារ) ពីព្រោះគម្រោងនេះមិនធ្វើឲ្យមានការប៉ះពាល់ដល់ទំនាក់ទំនងមិត្តភាព
កិច្ចសហប្រតិបត្តិការល្អរវាងកម្ពុជាថៃនោះទេ ហើយក៏មិនធ្វើឲ្យប៉ះពាល់ដល់ខ្សែបន្ទាត់ព្រំដែនរបស់ប្រទេសថៃនោះដែរ
គម្រោងICCព្រះវិហារនេះ ធ្វើទៅតាមក្របខណ្ឌដែលអង្គការយូណេស្កូបានទទួលស្គាល់តាំងពីឆ្នាំ២០០៨មកម្លេះ។
ឯកឧត្តមឧបនាយករដ្ឋមន្រ្តី
មានប្រសាសន៏បន្ថែមថា ការសម្រេចបង្កើតICCព្រះវិហារ
គឺតម្រូវឲ្យមានសមាជិក៧រូប ក្នុងនោះក៏មានភាគីថៃជាសមាជិកមួយរូបផងដែរ។ សមាជិកទាំង៧នៃ
ICCព្រះវិហារនេះ
មានសិទ្ធិជជែកជាចំហរចំពោះកិច្ចការទាក់ទងនឹងការអភិរក្ស
អភិវឌ្ឍន៏ និងជួសជុលរមនីយដ្ឋានតំបន់ប្រវត្តិសាស្ត្រព្រះវិហារនេះ។ ដូច្នេះ រាល់គម្រោងដែលICCព្រះវិហារត្រូវធ្វើគឺគោរពតាមសាលដីការបស់តុលាការយុត្តិធម៌អន្តរជាតិក្រុងឡាអេឆ្នាំ១៩៦២(ICJ)
និងស្របតាមការបកស្រាយសាលក្រមរបស់តុលាការអន្តរជាតិក្រុងឡាអេ
កាលពីថ្ងៃទី១១ ខែវិច្ឆិកា ឆ្នាំ២០១៣កន្លងមកនេះ។
ក្នុងខ្លឹមសារសាលដីកានោះបានបកស្រាយច្បាស់ថា
ភាគីថៃមិនត្រូវរារាំងឬទប់ស្កាត់កម្ពុជាក្នុងការអភិរក្ស
និងអភិវឌ្ឍន៏រមនីយដ្ឋានព្រះវិហារនេះឡើយ រីឯកម្ពុជា គឺមានសិទ្ធិពេញលេញក្នុងការការពារ
កសាង និងអភិរក្សប្រាសាទព្រះវិហារបស់ខ្លួន។
សូមបញ្ចាក់ថា
សាលដីកាឆ្នាំ១៩៦២នេះ បានសម្រេចយ៉ាងច្បាស់ថា ប្រាសាទព្រះវិហារស្ថិតនៅក្នុងអធិបតេយ្យភាពទឹកដីរបស់ព្រះរាជាណាចក្រកម្ពុជា
ថៃត្រូវតែដកឆ្នាំការពារពីតំបន់ព្រះវិហារចេញ ហើយក៏តម្រូវឲ្យភាគីថៃត្រូវសងវត្ថុបុរាណដែលថៃបានលួចយកពីប្រាសាទព្រះវិហារមកឲ្យកម្ពុជាវិញផងដែរ៕
អត្ថបទដោយ៖
សុវណ្ណាតារា
បទវិភាគ៖ យុទ្ធនាការដោយប្រើអំពើហិង្សាដឹកនាំលោក ថាច់ សេដ្ឋា និងការលូកដៃ របស់គណបក្សសង្គ្រោះជាតិ ធ្វើអោយខ្មែរបែកបាក់
ពិតណាស់ថា ជោគជ័យរបស់កញ្ញា ស៊ន សៀវម៉ី
ដែលបានទទួលជ័យលាភីមេដាយមាសតេក្វាន់ដូ
នៅក្នុងការប្រកួតកីឡាអាស៊ីលើកទី១៧ នៅប្រទេសកូរ៉េ គឺជាមោទនភាពរបស់ប្រទេសកម្ពុជា លើឆាកអន្តរជាតិ ក្នុងការបង្ហាញឲ្យឃើញ
ពីភាពវិជ្ជមាននៃការខិតខំរបស់រាជរដ្ឋាភិបាល ដើម្បីបង្កើតសាមគ្គីភាព
និងការផ្សារភ្ជាប់ប្រទេសកម្ពុជាជាមួយប្រទេសក្នុងតំបន់ និងបណ្តាប្រទេសក្នុងពិភពលោកផងដែរ។
ក៍ប៉ុន្តែការខិតខំទាំងនេះ ត្រូវបានបង្អាក់ដំណើរដោយក្រុមមនុស្សមួយក្រុមតូចដែលមានបំណងធ្វើឲ្យកម្ពុជាបែកបាក់មិត្តភាព
និងកាន់តែធ្វើឲ្យមានភាពឃ្លាតឆ្ងាយពីប្រទេសជិតខាងក៏ដូចជាប្រទេសមួយចំនួននៅលើពិភពលោកទៅវិញ
។
ជាក់ស្តែង គណបក្សសង្គ្រោះជាតិ
ដែលមាននិន្នាការនយោបាយ រើសអើងពូជសាសន៍ បានធ្វើសកម្មភាពផ្សព្វផ្សាយ
តាមគ្រប់រូបភាព នូវសកម្មភាពហិង្សា ញុះញង់ បង្កជម្លោះជាមួយប្រទេសជិតខាង
គឺមិនបានឆ្លុះបញ្ចាំងពីប្រយោជន៍ជាតិជាធំ និងមិនដែលថ្លឹងថ្លែងពីផលប៉ះពាល់ទៅលើសេដ្ឋកិច្ចរបស់ប្រទេសជាមិត្ត
និងកិច្ចសហប្រតិបត្តិការជាមួយប្រទេសជិតខាងសោះឡើយ ។
ការញុះញង់ រើសអើងពូជសាសន៍នេះ មិនគ្រាន់តែជាកង្វល់របស់ថ្នាក់ដឹកនាំក្នុងប្រទេសតែប៉ុណ្ណោះទេ
ប៉ុន្តែបញ្ហានេះ ក៏ជាកង្វល់របស់សកលលោកផងដែរ ជាពិសេស ទង្វើជ្រុលនិយម នាំឲ្យមានជាហិង្សាបង្កឡើងដោយគណបក្សសង្គ្រោះជាតិ
និងក្រុមសង្ឃអត់វិន័យមួយចំនួន គឺ
បាន និងកំពុងដើរផ្ទុយពីគោលការណ៍អនុសញ្ញាអន្តរជាតិ
ស្តីពីការបំបាត់រាល់ទម្រង់នៃការរើសអើងពូជសាសន៍ឆ្នាំ
១៩៦៩ផងដែរ ។ សកម្មភាពទាំងអស់នេះហើយ គឺជាប្រភពនៃការបែកបាក់ផ្ទៃក្នុងប្រទេស
និងក៏ជាការបង្កឲ្យមានសង្គ្រាមស៊ីវិលកើតមានឡើងជាថ្មីម្តងទៀត ដែលមិនអាចស្មានបាន។
តាមរយៈឯកសារវីដេអូរបស់សារព័ត៌មានអន្តរជាតិ BBC ចេញផ្សាយថ្ងៃទី ៣ ខែតុលា ឆ្នាំ២០១៤ បានលើកឡើងពីការព្រួយបារម្ភយ៉ាងខ្លាំងរបស់ប្រជាជនស្លូតត្រង់រស់នៅក្នុងប្រទេសកម្ពុជាដែលមានសញ្ជាតិខ្មែរស្របច្បាប់ត្រឹមត្រូវ
ក៏ប៉ុន្តែមានសាច់ញ្ញាតិ្តជាជនជាតិវៀតណាម បានបាត់បង់ អាយុជីវិតប្តី និងកូន។ លោក ជិន វ៉ាន់ឈៀង Tran Van Chien ដែលបាត់បង់អាយុជីវិតចោលប្រពន្ធ
ដែលពរពោះកូនស្រី៨ខែ ក្មួយស្រីដែលគួរអោយអាសូរ(មិនស្គាល់ឪពុក) ដែលឪពុកក្មេងស្រីនេះត្រូវបានសំលាប់ដោយគ្មានធម៌មេត្តាពីក្រុមបាតុករ
ដែលទទួលឥទ្ធិពលពីការផ្សព្វផ្សាយរបស់គណបក្ស សង្គ្រោះជាតិ បង្កើតអោយមានការស្អប់ខ្ពើមប្រជាជនខ្មែរវៀតណាម
។
សួរថាតើអ្នកដឹកនាំសកម្មភាពនេះ
គួរតែទទួលខុសត្រូវចំពោះការបាត់បង់នេះដែរឬទេ ?
យោងតាមរដ្ឋធម្មនុញ្ញ មាត្រាទី៣១ ជំពូកទី៣ បានចែងយ៉ាងច្បាស់ថា
ប្រជាពលរដ្ឋខ្មែរមានភាពស្មើគ្នាចំពោះមុខច្បាប់ មានសិទិ្ធសេរីភាព
និងករណីយកិច្ចដូចគ្នាទាំងអស់ ដោយឥតប្រកាន់ពូជសាសន៍ ពណ៍សម្បុរ ភេទ ជំនឿសាសនា
និន្នាការនយោបាយ ដើមកំណើត ជាតិ ឋានៈសង្គម ធនធាន ឬស្ថានភាពឯទៀតឡើយ ។ ម៉្យាងទៀត សេចក្តីប្រកាសជាសកលស្តីពីសិទិ្ធមនុស្សឆ្នាំ
១៩៤៨ និងអនុសញ្ញាស្តីពីការលុបបំបាត់ពីការរើសអើងពូជសាសន៍របស់អង្គការសហប្រជាជាតិ
ក៏បានចែងយ៉ាងច្បាស់អំពីផលវិបាកនៃការអនុវត្តផ្ទុយពីគោលការណ៍ជាលក្ខណៈអន្តរជាតិនេះដែរ។
យ៉ាងណាមិញ បើលោក ថាច់ សេដ្ឋា ជាបុគ្គលស្រលាញ់ប្រទេស ស្រលាញ់ការអភិវឌ្ឍ ស្រលាញ់ និងគោរពសិទ្ធិមនុស្ស គោរពច្បាប់ និងរដ្ឋធម្មនុញ្ញមែននោះ
រូបលោកមិនគួរប្រព្រឹត្តសកម្មភាពអ្វីដែលផ្ទុយពីច្បាប់កំពូលរបស់ប្រទេសឡើយ។
ផ្ទុយទៅវិញ លោក ថាច់ សេដ្ឋា គាត់មិនបានគោរព និងឲ្យតម្លៃសិទ្ធិមនុស្សរបស់អង្គការសហប្រជាជាតិ សោះឡើយ គឺលោកបានដឹកនាំបង្កឲ្យមានការរើសអើងទៅលើដើមកំណើតជាតិសាសន៏របស់បុគ្គល។
ទង្វើនេះ គឺជាបញ្ហាចំបងដែលនឹងជំរុញឲ្យមានអសន្តិសុខ និងអស្ថេរភាពក្នុងប្រទេស
ជាពិសេសទៅលើការវិនិយោគរបស់បរទេស ដែលជាប្រភពសំខាន់ក្នុងសេដ្ឋកិច្ចជាតិ ក៍ដូចការបង្កើតការងារជូនប្រជាជនខ្មែរ។
លោក ថាច់ សេដ្ឋា ប្រធានសមាគមខ្មែរកម្ពុជាក្រោម
ដែលជាមេដឹកនាំធ្វើបាតុកម្មអានាធិបតេយ្យ
បង្កហិង្សាមុខស្ថានទូតវៀតណាមប្រចាំនៅកម្ពុជា គប្បីដឹងថា ប្រសិនបើគ្មានសន្តិសុខ
សង្គមទេនោះ នឹងអាចបណ្តាលឲ្យគ្មានការទុកចិត្តពីសំណាក់អ្នកវិនិយោគបរទេសឡើយ និងថែមទាំងបានបង្កឲ្យមានភាពរាំងស្ទះដក្នុងការស្វែងរកការងារធ្វើរបស់ប្រជាពលរដ្ឋ
និងបង្កឲ្យជនបរទេសភ័យខ្លាចក្នុងការមកបណ្តាក់ទុនវិនិយោគទៀតផង។
បើទោះជាខ្មែរកណ្តាល ខ្មែរក្រោម
ខ្មែរកាត់ចិន ឬខ្មែរអាមេរិច គឺសុទ្ធតែជាខ្មែរដូចគ្នាទាំងអស់ គឺទាំងអស់គ្នាចូលរួមក្នុងសង្គមដូចគ្នា
ចូលរួមក្នុងចង្វាក់សេដ្ឋកិច្ចប្រទេសស្មើៗគ្នា ដូច្នេះហើយបានជារាជរដ្ឋាភិបាលមានតួនាទីដ៍សំខាន់ក្នុងការប្រតិបត្តិរដ្ឋធម្មនុញ
និងការពារសុវត្ថិភាព រក្សាស្ថេរភាពសង្គមជូនប្រជាជនខ្មែរគ្រប់រូប
ដោយមិនប្រកាន់ពូជសាសន៏ និងកំណើតដើមឡើយ ។ឧទាហរណ៍ដូចជាប្រទេសអូស្ត្រាលីដែលបើកចំហរទ្វារ
ស្វាគមន៏ប្រជាជនលើពិភពលោកដែលមានជំនាញឲ្យចូលធ្វើការ និងពលរដ្ឋទូទៅដែលចង់មករស់នៅប្រទេសអូស្ត្រាលី។
នេះគឺឆ្លុះបញ្ចាំងឲ្យឃើញថា កិច្ចសហប្រតិបត្តិការល្អរវាងប្រជាជន និងប្រជាជន
ក៏ដូចជាជាមួយរាជរដ្ឋាភិបាល នៅក្នុងប្រទេសអូស្ត្រាលី
ធ្វើឲ្យសេដ្ឋកិច្ចរបស់ប្រទេសអូស្ត្រាលីទាំងមូលរីកចំរើនគួរឲ្យកត់សម្គាល់។
បើពិនិត្យមើលពីបរិបទក្នុងសង្គមកម្ពុជាវិញ សួរថាតើ លោក ថាច់ សេដ្ឋា ដែលជាសកម្មជនរបស់គណបក្សសង្គ្រោះជាតិ
ជាទីប្រឹក្សាផ្ទាល់របស់លោក កឹម សុខា
អនុប្រធានទី១រដ្ឋសភាដែលជាគណបក្សមួយត្រូវផ្តល់តម្លៃឲ្យធ្វើជាតំណាងប្រជាជនក្នុងសភានោះ
គប្បីគិតពីប្រយោជន៏សេដ្ឋកិច្ចជាតិ គិតពីការគោរពសិទ្ធិមនុស្ស
និងគោរពរដ្ឋធមនុញ ដែឬទេ ?
ពិតណាស់ថា លោក ថាច់ សេដ្ឋា ដែលជាសមាជិកសកម្មរបស់គណបក្សសង្គ្រោះជាតិ
និងក៍ ជាអ្នកដឹកនាំបាតុកម្មជាច្រើនលើកច្រើនសារក្នុងបំណងបង្ករហឹង្សាដោយបង្ហាញអោយឃើញ
ពីភាពគ្មានសុជីវធម៌ក្នុងការដឹកនាំ ដោយបានដុតបំផ្លាញទង់ជាតិរបស់ប្រទេសវៀតណាម
ដែលជាតំណាង អោយប្រទេសជាតិគេ និងប្រជាជនវៀតណាមទាំងមូល ។ ទង្វើនេះវាហាក់បីដូចជាការដុតបំផ្លាញកិត្តិយសប្រទេស
ហើយក៏ជាការស្តែងអោយឃើញថា អ្នកដឹកនាំឲ្យមានការដុតនោះជាបុគ្គលបែបណា? ការយកហិង្សា
និងមិនយកឧត្តមគតិមកដោះស្រាយបញ្ហា គឺជាការបន្ទាបកិត្តិយសប្រទេសកម្ពុជាទាំងមូល
ដោយហេតុថា ប្រទេសយើងមានសភា មានច្បាប់ត្រឹមត្រូវ ចុះហេតុអ្វីបានជាយក
ទងើ្វដែលអាណាធិបតេយ្យមកដោះស្រាយបញ្ហាទៅវិញ? ។ ម៉្យាងវិញទៀត ប្រជាជនខ្មែរដែលធ្លាប់មានវប្បធម៌ថ្កុំថ្កើង
ស្លូតបូត សុភាពរាបសារ ក៏គួរពិចារណាឡើងវិញម្តងទៀតថា ការដែលវៀតណាម
ផ្លាស់ប្តូរអ្នកនាំពាក្យស្ថានទូតថ្មី
គឺអាចមានតម្លៃគ្រប់គ្រាន់ក្នុងការបញ្ជាក់ថា ការនិយាយពីបញ្ហាទឹកដីខ្មែរកម្ពុជាក្រោមកន្លងមកនោះ
ដែលក្រុមបាតុករចោទថា ជាការបំភ្លៃប្រវត្តិសាស្ត្រ អាចថា
គេពិតជាបានទទួលកំហុសហើយ។ ដូច្នេះ
សូមខ្មែរពន្លត់ទៅនូវការទាមទារយុត្តិធម៌នៅពីក្រោយការសូមអភ័យទោសរបស់អ្នកដទៃ
ដែលគេដឹងថា បានធ្វើខុស។
ការអាធ្យាស្រ័យក៏ជាការទុកមុខមាត់កិត្តិយសដល់ប្រទេសជិតខាងផងដែរ។
អំពើហិង្សាមិនមែនជាជម្រើសល្អនាំឲ្យសង្គមមានសន្តិភាព
និងស្ថិរភាពនយោបាយឡើយ ។ ផ្ទុយទៅវិញ ហិង្សា នឹងនាំឲ្យសង្គមខ្មែរបែកបាក់
បង្កឲ្យមានអរីភាពជាមួយប្រទេសជិតខាង និងនាំឲ្យអន្តរជាតិវាយតម្លៃតាមរយៈសកម្មភាពរបស់សកម្មជនគណបក្សសង្គ្រោះជាតិ
ថា ប្រទេសខ្មែរ ជាប្រទេសអត់ច្បាប់ អត់ទំលាប់ និងប្រជាជន មានចរិតឃោរឃៅ អសុជីវធម៌ទៅវិញនោះទេ។
ទោះជាយ៉ាងណា
រាជរដ្ឋាភិបាលដែលប្រកាន់ខ្ជាប់នូវការគោរពច្បាប់ គឺបាន និងកំពុងខិតខំលើកតម្កើងការអនុវត្តច្បាប់
ដើម្បីពង្រឹងនូវនីតិរដ្ឋនៅកម្ពុជា និងទទួលបាននូវការវាយតម្លៃ ពីសំណាក់អន្តរជាតិអំពីមុខមាត់ កិត្តិយសរបស់កម្ពុជា
ដែលពុំគួរគប្បីត្រូវបានក្រុមអគិតិមួយចំនួនតូច ព្យាយាមធ្វើឲ្យប្រទេសរបស់ខ្លួនអាប់មុខទៅវិញនោះឡើយ
។
ដូច្នេះ គណបក្សសង្គ្រោះជាតិ និងសកម្មជន លោក ថាច់
សេដ្ឋា រួមជាមួយក្រុមសង្ឃជ្រុលនិយមមួយចំនួន
គួរបញ្ឈប់ការញុះញង់ អុជអាល បង្កហិង្សា ក្នុងន័យកេងចំណេញយកផលប្រយោជន៏បក្ស
និងបុគ្គល ធំជាងកិត្តិយសប្រទេសជាតិទៀតទៅ។ ដូចគ្នានេះដែរ
ព្រះសង្ឃគួរគប្បីប្រកាន់យកនូវធម៌ខន្តី
ទើបសាកសមជាបុព្វជិតដែលប្រជាពលរដ្ឋគោរព និងនាំឲ្យព្រះពុទ្ធសាសនារុងរឿង៕
អត្ថបទដោយ៖ សុខ ពេជ្រ
Subscribe to:
Posts (Atom)