Tuesday, November 11, 2014

បទយក​ការណ៍ ស្តីពី​​ពិពណ៌​ការងារ​​ថ្នាក់​ជាតិ​​លើកទី​៤ ឆ្នាំ២០១៤ (វគ្គទី១១០)

​អ្នក​ធ្វើ​ការ​នៅ​​​​វិទ្យុ​អាស៊ី​សេរី ត្រូវ​បាន​គេដឹង​ថា ជាមេខ្លោង​ញុះញង់​​ និង​ជម្រុញ​ឲ្យ​មាន​ការ​បិទ​ផ្លូវ​សាធារណៈ

ពល​រដ្ឋ​សហគមន៍​បឹង​កក់៧​នាក់ និង​មនុស្ស​មួយ​ចំ​នួនទៀត ដែល​សមត្ថកិច្ច​ចាប់​ខ្លួន និង​បញ្ជូន​ទៅ​តុលាការ​នៅ​ព្រឹក​ថ្ងៃ​ទី​១១ ខែ​វិច្ឆិកា ឆ្នាំ​២០១៤​នេះ ត្រូវ​បាន​គេទំ​លាយ​ឲ្យ​ដឹង​ថា ការ​បិទ​ផ្លូវ​សាធារណៈ​នៅ​ខាង​មុខសាលារាជធានី​ភ្នំ​ពេញ​កាលពី​ម្សិល​មិញ​ គឺ​ប្រជាពល​រដ្ឋ​ធ្វើ​តាម​ការញុះ​ញង់​និង​ការ​ជម្រុញដោយ​បង្ខំ​​ពី​អ្នក​ធ្វើ​ការឲ្យ​​​វិទ្យុ​អាស៊ី​សេរីតែ​ប៉ុណ្ណោះ​​។

ប្រភព​ច្បាស់​ការពី​មន្ត្រីតុលាការ​បាន​ឲ្យ​ដឹង​ថា នៅ​ពេល​សាកសួរ​ចម្លើយ​ អ្នក​ភូមិបឹង​កក់ បាន​បញ្ជាក់​ថា  ​អ្នកធ្វើ​ការឲ្យ​​​វិទ្យុ​អាស៊ី​សេរី​ បាន​​បង្ខំ​ពួកគាត់ ដោយ​និយាយថា «  បើ​​ប្រជាពលរដ្ឋ​នាំ​គ្នា​​បិទ​ផ្លូវ​ខាង​មុខ​សាលា​រាជ​ធានី​ភ្នំ​ពេញ គឺពួក​គេ( វិទ្យុ​អាស៊ី​សេរី​) » នឹង​ជួយ​ផ្សព្វ​ផ្សាយ​ឲ្យ​។

នេះ​មិន​មែន​ជា​លើក​ទី​១ទេ  គឺ​ជានិច្ចកាល​​វិទ្យុ​អាស៊ី​សេរី​ ត្រូវ​បាន​គេដឹង​ថា នៅ​ពី​ក្រោយ​ខ្នង​នៃ​អំ​ពើ​ញុះ​ញង់ អុចអាល​ បះ​បោរ ជម្រុញ​ឲ្យ​មាន​ការ​ប្រព្រឹត្ត​អំ​ពើ​ល្មើសច្បាប់​នានា។ មិន​ត្រឹម​តែ​ប៉ុណ្ណោះ​ អ្នក​ដឹក​នាំ​មួយ​ចំ​នួន​ធ្វើ​ការ​ឲ្យ​វិទ្យុ​អាស៊ី​សេរី​ គឺ​ភាគ​ច្រើ​នជា​សាច់​ញាតិរបស់​លោក កឹម សុខា ហើយ​បុគ្គលិក​របស់​វិទ្យុ​អាស៊ី​សេរី​តែង​តែ​ទទួល​នូវ​ការ​ណែ​នាំ​ពី​មេដឹកនាំ​គណបក្ស​ប្រឆាំង​ ដើម្បី​ផលិត​ព័ត៌មាន​​មិន​ពិត និង​បំ​ពុល​សាធារណៈមតិជាញឹក​ញាប់​។ ​ដោយ​ការ​បំ​រើនយោបាយ​ឲ្យ​គណ​បក្ស​សង្គ្រោះ​ជាតិ​នេះ​ហើយ ទើបវិទ្យុ​អាស៊ី​សេរី​តែង​តែ​ផ្សព្វ​ផ្សាយ​នូវ​ព័ត៌មានភូត​កុហក ប្រាស​ចាក​ពី​ក្រម​សីលធម៌​វិជ្ជាជីវៈរបបអ្នក​សារព័ត៌មាន​ជាប់​រហូត​មក​ ក្នុង​អ្វី​​ដែល​គេដឹង​យ៉ាង​ច្បាស់​ថា បេសកកម្ម​ដ៏ចម្បង​របស់​វិទ្យុ​អាស៊ី​សេរី​ ក្រៅ​ពី​ការ​ផលិតព័ត៌មាន​បំ​ភ្លើស លំ​អៀង​ គាំទ្រ​គណបក្ស​ប្រឆាំង ដើម្បី​បានទទួល​ប្រាក់​​ខែ​ដ៏​ច្រើន​ពី​សហរដ្ឋ​មេរិក ​វិទ្យុ​អាស៊ី​សេរី​ មាន​ទិសដៅរបស់​ខ្លួន​​ដ៏​សំ​ខាន់​មួយ​ទៀត     គឺចេទនា​បំ​ផ្លាញ​​ស្ថិរភាព​នយោបាយ សន្តិសុខ សណ្តាប់​ធ្នាប់​​​សង្គម​ និង​មានបំ​ណង​រុញច្រាន​​ ​​សង្គ​ម​កម្ពុជា​​ឲ្យ​ធ្លាក់​ចូល​ក្នុង​សភាព​វឹក​វរចលាចល។

យោង​តាម​ការ​ប្រកាសព័ត៌មាន​របស់​សាលារាជធានី​ភ្នំ​ពេញ ចុះ​ថ្ងៃ​ទី​១១ ខែ​វិច្ឆិកា ឆ្នាំ​២០១៤ នេះ​បាន​ឲ្យ​ដឹង​ថា កាលពី​ព្រឹក​ថ្ងៃ​ទី​១០ ខែ​វិច្ឆិកា ឆ្នាំ​២០១៤ មាន​ប្រជាពល​រដ្ឋ​តំ​បន់​បឹង​កក់​ប្រមាណ​៤០នាក់  បាន​មក​ប្រមូល​ផ្តុំ​គ្នា​​នៅ​មុខ​សាលារាជ​ធានី​ភ្នំ​ពេញ​ ក្នុ​ង​គោល​បំ​ណង​ស្នើ​សុំ​ឲ្យ​មាន​ការ​ដោះ​ស្រាយ​បញ្ហា​លិចទឹក​តំ​បន់​បឹង​កក់ ហើយ​ថា ចំ​ពោះ​សំ​ណើរនេះ​សាលារាជធានី​ភ្នំ​ពេញ​ បានទទួល​យក ​និង​កំ​ពុង​មាន​ចំ​ណាត់​ការ​ជា​បន្ត​បន្ទាប់​ក្នុង​ការ​ដោះ​ស្រាយ​ទឹក​ចេញផុត​ពី​ការ​ជន់​លិច​ក្នុង​តំ​បន់​នោះ។ ប៉ុន្តែ​  ប្រជា​ពេល​រដ្ឋ​ទាំង​នោះ​បាន​ធ្វើ​សកម្ម​ភាព​តវ៉ា​ទាំង​បំ​ពានច្បាប់ ដោយ​បាន​ប្រមូល​ផ្តុំ​គ្នាបិទ​ផ្លូវ​ព្រះ​​​មុន្នី​​វង្ស ដែល​ស្ថិត​នៅ​ចំ​ខាង​មុខ​សាលារាជធានី​ភ្នំ​ពេញ​ បង្ក​ឲ្យ​មាន​ការ​កកស្ទះជា​ខ្លាំង​​ដល់​​ចរាចរណ៍​សា​ធារណៈ ។

 ក្នុង​គោល​បំ​ណង​រក្សាសណ្តាប់​ធ្នាប់ និង​ផល​ប្រយោជន៍​សាធារ​ណៈ​របស់​ប្រជា​ពល​រដ្ឋ​ទូ​ទៅ​ ទើប​អាជ្ញាធរ​មាន​សមត្ថកិច្ច​បង្ខំ​ចិត្ត​ចាត់​វិធាន​ការ​តាម​ផ្លូវ​ច្បាប់​ ។

យោងតាមច្បាប់ចរាចរណ៍ផ្លូវគោកមាត្រា៧៨ បានចែងយ៉ាងច្បាស់ថា ជនណាបាន​ប្រើ​ប្រា​ស់​​មធ្យោបាយណាមួយ ដើម្បីជាឧបកសគ្គដល់ចរាចរណ៍សាធារណៈត្រូវផ្តន្ទាទោសដាក់​ពន្ធនា​គារ ពី​មួយ​(១)ខែ ទៅមួយ(១)ឆ្នាំ និងពិន័យជាប្រាក់ ពី​ម្ភៃម៉ឺនរៀល ទៅពីរលានរៀល ។

គេនៅ​រង់​ចាំ​មើល​ថា តើ​បញ្ហានេះ នឹង​ត្រូវ​បាន​ក្រុម​ប្រឆាំង​ពង្រីក​សាច់​រឿង និង​បង្វែជា​បញ្ហា​នយោបាយ​ដោយ​វិធី​យ៉ាង​ណា​ទៀត​នោះ​ទេ​ ពី​ព្រោះ​ ករណី​ចាប់​ខ្លួន​ប្រជាពលរដ្ឋ​តំ​បន់​បឹង​កក់ ក៏​មាន​​​​ការ​បកស្រាយ​ប្រាស់​ចាក​អំ​ពី​គោល​ការ​ណ៍​ច្បាប់ ​ដោយ​មន្ត្រី​អង្គ​ការ​សិទ្ធិ​មនុស្ស​ក្នុង​ស្រុក​មួយ​ចំ​នួន​ បាន​និយាយគាំ​ទ្រ​ទង្វើ​ល្មើសច្បាប់​ទាំង​ទទឹង​ទិស​ថា ការ​ចាប់​ខ្លួន ជា​ការ​បំ​បិទសិទ្ធិ​បញ្ចេញ​មតិ និង​ជា​ការ​គំ​រាម​កំ​ហែង​ទៅ​លើ​ក្រុម​អ្នក​តវ៉ា​ ប៉ុន្តែ​ ​ពួក​អង្គ​​ការ​សង្គម​ស៊ី​វិល​ទាំង​នោះ មិន​បាន​លើក​ឡើង​សូម្បី​តែ​មួយ​ម៉ាត់​អំ​ពីមេខ្លោង​នៅ​ពី​ក្រោយ​ខ្នង និង​​​ទង្វើ​​​បំ​ពានច្បាប់ ​នៃ​ការ​បិទ​ផ្លូវ​សាធារ​ណៈ ដែល​នាំ​ឲ្យ​មាន​ការ​រំ​ខាន និង​ប៉ះ​ពាល់​​​​ដល់​សន្តិសុខ សណ្តាប់​សង្គ​ម​នោះ​ឡើយ៕