សាធារណមតិទាំងក្នុងប្រទេស និងទាំងក្រៅប្រទេស សុទ្ធតែដឹងថា លោក សម រង្ស៊ី ជាប្រធានគណបក្សសង្រ្គោះជាតិ រីឯលោក កឹម សុខា ជាអនុប្រធាន។ តែអ្វីដែលគេសង្កេតឃើញនោះគឺថា ចាប់តាំងពី លោក កឹម សុខា ត្រូវបានគណបក្សសម្រេចឲ្យទទួលដំណែងជាអនុប្រធានទី១នៃរដ្ឋសភា មក គាត់ហាក់ដូចជា មានឫកពារក្អេងក្អាង មិនសូវបានស្តាប់ ឬអនុវត្តតាមសេចក្តីសម្រេចរបស់លោក សម រង្ស៊ី ដែលជាប្រធានរបស់ខ្លួន នោះឡើយ។
ព្រឹត្តិការណ៍ជាក់ស្តែង មុនពេល
លោក សម រង្ស៊ីបានត្រូវ នាយករដ្ឋមន្រ្តី ហ៊ុន សែន ឯកភាពបង្កើតដំណែងថ្មីមួយ ជាប្រធានក្រុមសមាជិកភាគតិចរដ្ឋសភា ដែលមានឋានៈស្មើនាយករដ្ឋមន្រ្តី នោះ លោក កឹម សុខា ក្នុងតួនាទីជាអនុប្រធានទី១រដ្ឋសភា ដែលម្តងម្កាលពេលប្រធានរដ្ឋសភាអវត្តមាន
លោកទទួលនាទីជាប្រធានស្តីទី ត្រូវយល់ថា ខ្លួនមានអំណាចគ្រប់គ្រងរដ្ឋសភា ដែលលោក សម រង្ស៊ី ប្រធានរបស់ខ្លួនមានឋានៈត្រឹមតែជាសមាជិកសាមញ្ញមួយរូប ឬក៏អាចថា លោក សម រង្ស៊ី មានឋានៈជាសមាជិកកូនក្រុមរបស់ខ្លួនតែប៉ុណ្ណោះ។
ជានិច្ចកាល ពេលប្រជុំគណៈអចិន្រ្តៃយ៍របស់គណបក្សខ្លួន ដែលបានសម្រេចថាអីចេះ
ឬថាអីចុះ ដែលមានហត្ថលេខារបស់ប្រធានលើកំណត់កត់ត្រា លុះដល់ស្អែកឡើង លោក កឹម សុខា និយាយធ្វើយ៉ាងហី ហាក់ដូចជាមិនដឹងមិនឭនូវអ្វីដែលប្រធានរបស់ខ្លួនបានណែនាំក្នុងអង្គប្រជុំ តួយ៉ាងដូចជាករណីលោកស្រី ឡាក់ សុភាព ជាដើម ដែលពាក់ពន័្ធទៅនឹងព័តមានលេចឭរឿង
អាស្រូវ កិបកេងលុយរបស់បក្ស ២០ទៅ៤០លាន ដុល្លារអាមេរិកជាដើម។
ព្រឹត្តការណ៍ដ៏ធំមួយ ថ្ងៃទី២២ខែកក្កដា ឆ្នាំ២០១៤ លោក សម រង្ស៊ី បានខិតខំប្រឹងប្រែងចរចាស្មើភាពគ្នា ជាមួយនឹងគណបក្សប្រជាជនកម្ពុជា ជាមួយនឹង លោក ហ៊ុន សែន អនុប្រធានគណបក្សប្រជាជនកម្ពុជា ក្នុងគោលបំណងបញ្ចប់នូវបញ្ហាប្រទូស្តរ៉ាយនានា ក្នុងសង្គមបន្ទាប់ពីការបោះឆ្នោតឆ្នាំ២០១៣ បែរជាខ្លួននិយាយយ៉ាងឆ្កុយថា «ខ្ញុំមិនពេញចិត្តនឹងកិច្ចព្រមព្រៀងនេះទេ តែគ្មានជំរើស»។ ការអួតក្អេងក្អាងនេះគឺបន្លឺឡើង ក្នុងគំនិតអួតសំញែងដាក់ក្រុមអ្នកគាំទ្រខ្លួននៅទីក្រុងឡុងបិច រដ្ឋកាលីហ័រនី កាលពីថ្ងៃអាទិត្យទី១៥ កន្លងទៅនេះ។
ប្រជាពលរដ្ឋខ្មែរក្នុងប្រទេស បានស្តាប់នូវសម្លេងរបស់ លោក កឹម សុខា តាមគេហទំព័រឮថា «យើងបានកិច្ចព្រមព្រៀងយ៉ាងខ្លី ហើយអត់បានច្បាស់លំអិតទេ ហើយមិនបានបកស្រាយច្រើនទេ»។ និយាយនេះគឺបញ្រ្ចាសទៅនឹងលោក សម រង្ស៊ី ទាំងស្រុង។ ព្រោះថា ខណៈដែលចេញពីប្រជុំចុងក្រោយ រួមទាំង លោក ស ខេង ដែលជាប្រធានសមាជិកក្រុមភាគច្រើនក្នុងរដ្ឋសភា ផងដែរនោះ លោក សម រង្ស៊ី បានថ្លែងថា «គណបក្សទាំងពីរពេញចិត្តនឹងអ្វីដែលយើងបាន ពិភាក្សាគ្នា» ដែលអាចឈានដល់សេចក្តីព្រាងច្បាប់ថ្មីមួយគឺការរៀបចំ និងការប្រព្រឹត្តទៅនៃគណៈកម្មាធិការជាតិរៀបចំការបោះឆ្នោត និងការតែងតាំងគណៈកម្មាធិការបោះឆ្នោតថ្មី និងសេចក្តីព្រាងច្បាប់ជ្រើសរើសតំណាងរាស្រ្ត។
ពលរដ្ឋខ្មែរគ្រប់រូបក្នុងប្រទេសឆ្ងល់ណាស់ថា តើហេតុអ្វីក៏ លោក កឹម សុខា យករឿងនេះទៅផ្សព្វផ្សាយនៅសហរដ្ឋអាមេរិក? បើតាមប្រភពព៌ត័មានពីអ្នកដែលដឹងរឿងផ្ទៃក្នុងពិតរបស់គណបក្សសង្រ្គោះជាតិនៅសហរដ្ឋអាមេរិក ទើបអាចឆ្លើយសំណួរនេះបាន។ ព្រោះថា លោក កឹម សុខា មិនអាចនៅក្រោម លោក សម រង្ស៊ី បាន។ ពួក លោក កឹម សុខា គិតថាក្រុមលោក សម រង្ស៊ី ជាក្រុមអភិជន ជាក្រុមដែលមានសញ្ជាតិពីរ ឬក៏ជាអាណិកជនខ្មែរ-អាមេរិកាំង ឬក៏ជាខ្មែរ-បារាំង ជាដើម ហើយក៏ជាក្រុមអ្នកបញ្ញវន្តផងដែរ។ ដូច្នេះហើយទើប លោក កឹម សុខា ខិតខំព្យាយាម ប្រមែប្រមូលអ្នកមិនសូវចេះដឹង ដែលស្រួលភូតភរ បង្កើតជាក្រុមមួយ ហៅថា គណបក្សសង្រ្គោះជាតិសហរដ្ឋអាមេរិក ដើម្បីឲ្យមានតុល្យភាពជាមួយនឹងក្រុម លោក សម រង្ស៊ី ដែលមានឈ្មោះថា គណបក្សសង្រ្គោះជាតិប៉ែកខាងជើងសហរដ្ឋអាមេរិក។
នរណាក៏ដឹងដែរថា លោក សម រង្ស៊ី បានឆ្លងកាត់នូវ «ទង្វើខុសច្បាប់» ត្រូវតុលាការកម្ពុជា កាត់ទោសកំបាំងមុខ ជាច្រើនលើកច្រើនសារ ដែលបង្ខំឲ្យលោកនិរទេសខ្លួនឯង។ ប៉ុន្តែករណីចុងក្រោយនេះ (នៅដើមខែកក្កដា ឆ្នាំ២០១៣ បន្ទាប់ពីត្រឡប់មកពីប្រទេសបារាំងវិញ ក្រោយពីពេលដែលលោក ហ៊ុន សែន នាយក រដ្ឋមន្រ្តីនៃព្រះរាជាណាចក្រកម្ពុជា ស្នើព្រះមហាក្សត្រឲ្យលើកលែងទោសដល់រូបលោក បានវិលចូលមាតុភូមិវិញ ដោយពុំមានឈ្មោះថាជា«ទណ្ឌិត» ទៀតឡើយ បានក្លាយទៅជាអ្នកដឹកនាំមួយរូប មានចរិតទន់ភ្លន់ ដឹងខុស ដឹងត្រូវ ចេះបត់បែនតាមកាលៈទេសៈ តាមសភាពការនយោបាយក្នុង និងក្រៅប្រទេស ដែលញាំងដល់ការផ្តល់នូវឱកាសជួនប្រជាពលរដ្ឋខ្មែរ ដែលជាអ្នកគាំទ្រគណបក្សនយោបាយទាំងពីរ បានរស់នៅក្រោមដំបូលសុខសន្តិភាព។
ឥរិយាបទសម្របសម្រួលរបស់មេដឹកនាំគណបក្សសង្រ្គោះជាតិ គឺលោក សម រង្ស៊ី ដែលធ្វើឲ្យប្រទេសជាតិបានស្ងប់ស្ងាត់ពីភាពដែលប្រៀបបានការបះបោរ (ដូចព្រឹត្តិការណ៍បន្ទាប់ពីការបោះឆ្នោតហើយនោះ) មិនគួរលោកអនុប្រធានគណបក្សសង្រ្គោះជាតិ កឹម សុខា បែរជាមិនស្តាប់មេដឹកនាំរបស់ខ្លួន បែរជានិយាយប្រាប់អ្នកគាំទ្រនៅទីក្រុងឡុងប៊ិច ថា «យើងមិនបោះបង់ជំហរទាមទារ រហូតប្តូររបប ហ៊ុន សែន នោះទេ យើងនៅតែតស៊ូរហូត»។ តើការនិយាយបែបនេះ ជាឥរិយាបទអ្នកទទួលខុសត្រូវមួយរូបក្នុងឆាកនយោបាយ ដែលខ្លួនទទួលខុសត្រូវក្នុងប្រវត្តិសាស្រ្ត និងដែលខ្លួនត្រូវទទួលខុសជាអនុប្រធាន របស់លោក សម រង្ស៊ី ឬយ៉ាងណា?ឬមួយក៏ពាក្យដែលនិយាយនេះ គ្រាន់តែបិទបាំងនូវភាពល្ងង់ខ្លៅរបស់ខ្លួន នូវភាពក្អេងក្អាងរបស់ខ្លួន ចំពោះមុខអ្នកគាំទ្រនៅក្រៅប្រទេសថាខ្លួនពុំមែនជាអ្នកដឹកនាំល្ងង់ខ្លៅនោះទេ។
នៅក្រុងឡុងបិច លោក កឹម សុខា បានបន្តទៀតថា «បើសិនពួកយើងខ្ញុំបន្តធ្វើតទៅទៀតខ្មែរនឹងបង្ហូរឈាម»។ តើភាសានេះមិនបានន័យថា លោក កឹម សុខា ដើរបញ្រ្ចាស់ខ្យល់ជាមួយប្រធានរបស់ខ្លួន ដោយប្រើពាក្យខ្មែរបង្ហូរឈាមនោះ ក៏ត្រូវមានសំណួរសួរថា អ្នកណាបង្កឲ្យមានការបង្ហូរឈាមយ៉ាងទទេៗបែបនេះ ព្រោះពាក្យថា ការបង្ហូរឈាមប្រើនៅពេលយុគសម័យមួយ ក្នុងប្រទេសមួយដែលមានការបះបោរ ធ្វើបដិវត្តទម្លាក់រដ្ឋាភិបាល ដែលកំពុងកាន់អំណាចស្របច្បាប់ ហើយការបំបះបំបោរឲ្យមានការបង្ហូរឈាម តើនេះពុំបានន័យថា លោក កឹម សុខា មានគំនិតប៉ុនប៉ងធ្វើរដ្ឋប្រហារឬទេ?
ក្នុង
ករណីនេះ លោក កឹម សុខា ពុំគ្រាន់តែជាអ្នកនយោបាយមិនស្តាប់មេ
កើយប៉ុណ្ណោះទេ បន្ថែមលើនេះទៀត លោក កឹម សុខា នឹងត្រូវប្រឈមមុខចំ
ពោះមុខច្បាប់ទៀតផងដែរ៕