Friday, October 7, 2011
បទសម្ភាសន៍ លោក បណ្ឌិត ឈឹម ផលវរុណ ប្រធានវិទ្យាស្ថានពលរដ្ឋវិជ្ជា ជាមួយ លោក ជុំ កុសល អ្នកសម្របសម្រួលកម្មវិធី បញ្ញាជន ទូរទស្សន៍ ស៊ី ធី អិន ស្តីពី គណបក្សប្រឆាំងគិតតែបង្ករឿងអត់ជួយដោះស្រាយបញ្ហា
ថ្ងៃទី0៧ ខែតុលា ឆ្នាំ២០១១
លោក ជុំ កុសល ៖
សំណួរ ៖
ពេលរាជរដ្ឋាភិបាលរវល់ដោះស្រាយបញ្ហាទឹកជំនន់ចែកអំណោយដល់ជន
រងគ្រោះ តែបក្សប្រឆាំងអត់រវល់។ សម រង្ស៊ី
គិតតែបៀមឈាមព្រួសដាក់គេ ជេរ ចោទប្រកាន់រាជរដ្ឋាភិបាល។
តើលោកបណ្ឌិតចាប់អារម្មណ៍យ៉ាងណាដែរ?
លោក បណ្ឌិត ឈឹម ផលវរុណ ៖
ចម្លើយ ៖ រាជរដ្ឋាភិបាល កាកបាទក្រហមកម្ពុជា រវល់សង្គ្រោះប្រជាពលរដ្ឋ
តែបក្សប្រឆាំងបែរជាយកវេទិកាសាធារណៈ ប្រព័ន្ធផ្សព្វផ្សាយ
វាយប្រហាររាជរដ្ឋាភិបាល។ សម រង្ស៊ី គាត់ចោទថា
រាជរដ្ឋាភិបាលកាត់ដីឲ្យបរទេស ធ្វើបាបប្រជាពលរដ្ឋ
បើស្តាប់ទៅវាក្រក់ហួស។ ព្រោះបើរដ្ឋាភិបាលច្របាច់ករាស្រ្ត
គឺមិនបាច់មានការបោះឆ្នោតអីទេ។ ក្នុងបរិបទទឹកជំនន់នេះ លោក សម
រង្ស៊ី តំណាងរាស្រ្តគណបក្សប្រឆាំង គួរមានមុខនៅកន្លែងទឹកជំនន់
ឆ្លៀតសួរសុខទុក្ខប្រជាពលរដ្ឋ តែគ្មានសោះ។ ការអំពាវនាវរបស់ សម
រង្ស៊ី ទៅអន្តរជាតិឲ្យជួយគឺធ្វើកុំឲ្យខ្មាស់គេប៉ុណ្ណោះ
ព្រោះខ្លួនអត់បានធ្វើអ្វីសោះ។
-របប ប៉ុល ពត អត់មានការកាប់ព្រៃឈើទេ មានតែការសម្លាប់មនុស្ស
ហេតុអ្វីក៏ឆ្នាំ ១៩៧៨ មានទឹកជំនន់ដែរ ម៉េចមិនថាផង។
-គណបក្សសិទ្ធិមនុស្សរបស់លោក កឹម សុខា គឺដូចពួកខ្មែរក្រហម
ប៉ុលពត គិតតែពីជេរ បង្កឲ្យមានកំហឹងវណ្ណៈ។
ជាងនេះទៅទៀតគណបក្សសិទ្ធិមនុស្ស លោក កឹម សុខា
ពេលគេរវល់ជួយប្រជាពលរដ្ឋ ឯងរវល់តែខាងជេរ។
លោក ជុំ កុសល ៖
បច្ចុប្បន្នប្រជាជនរងគ្រោះដោយសារទឹកជំនន់គ្រប់ទីកន្លែងទោះតិច
ច្រើនទទួលបានជំនួយ ចែកឥតរើសអើង។
តែមេបក្សមួយដាក់កម្មវិធីជួបប្រជាពលរដ្ឋ
ដល់ពេលមានទឹកជំនន់លើកពេលអត់ទៅ។ បើខ្ញុំវិញខ្ញុំទៅហើយ
ដើម្បីជួបសួរសុខទុក្ខប្រជាពលរដ្ឋ។ សម រង្ស៊ី
ក្លាយទៅជាទណ្ឌិតទៅហើយ តែឥរិយាបថគាត់ធ្វើឲ្យគេក្តៅអត់ឈប់
គិតតែចងគំនំបុគ្គលជាមួយសម្តេចតេជោ បៀមឈាមព្រួសដាក់គេ។
ខ្លួនឯងអួតថាបណ្ឌិតសេដ្ឋកិច្ច គួរតែយល់អំពីតម្រូវការខាងពន្ធដា
។ ក្នុងបទសម្ភាសន៍កាលពីថ្ងៃទី ៣ ខែ តុលា
ក្នុងកម្មវិធីភ្លើងទៀន លោក សម រង្ស៊ី
ចាត់ទុកអ្នកវិនិយោគទុនជាសត្រូវរបស់ប្រជាពលរដ្ឋ
ផ្ទុយពីរាជរដ្ឋាភិបាលអំពាវនាវឲ្យគេមកវិនិយោគទុនបង្កើតការងារឲ្យ
ប្រជាពលរដ្ឋ។
លោក បណ្ឌិត ឈឹម ផលវរុណ ៖
ចម្លើយ ៖ នេះហើយ គេហៅថានយោបាយប្រើអំពើហឹង្សា។ សម រង្ស៊ី
ប្រកាន់គោលជំហរ បែងចែក និងបង្កកំហឹងវណ្ណៈដូច កឹម សុខា ដែរ
ដោយគ្រាន់តែពួកគេប្រើពាក្យប្រជាធិបតេយ្យមកបិទបាំង
។ខ្មែរក្រហមក៏ប្រើពាក្យប្រជាធិបតេយ្យមកបិទបាំងដែរ
ដើម្បីចងកំហឹងវណ្ណៈ។ សម រង្ស៊ី កឹម សុខា
គួរតែយល់ពីនិយមន័យនៃរដ្ឋ ដែលមានតាំងពីពន្ធដាឡើងទៅ។
រដ្ឋប្រកាន់របបសេរី គេឲ្យប្រជាជនមានសេរីភាពក្នុងការរកស៊ី
និងធ្វើអ្វីៗ ហើយរដ្ឋជាអ្នកយកពន្ធ ផ្ទុយពីរបបកុំម្មុយនីស្ត
ដែលរដ្ឋយកពន្ធតិច ព្រោះអ្វីៗលើដៃរដ្ឋអស់ទៅហើយ។ សួរថា
ប្រទេសសេរីណាខ្លះដែលគេអត់យកពន្ធ? ស្រុកណាក៏មានអ្នកវិនិយោគ
មានក្រុមហ៊ុនរកស៊ី ដែរ គេមិនប្រឆាំងក្រុមហ៊ុនវិនិយោគ
អ្នករកស៊ីឯកជន ដូចសម រង្ស៊ី ទេ។ សម រង្ស៊ី កឹម សុខា
សុទ្ធតែមានជម្ងឺដូចគ្នា
គឺជម្ងឺរករឿងតែមិនបានដាក់ចេញវិធីដោះស្រាយឡើយ។
លោក
ជុំ កុសល ៖ បើ សម រង្ស៊ី ថាមិនឲ្យយកពន្ធ
លុបអ្នករកស៊ីចេញពីប្រទេស តើលោក សម រង្ស៊ី
សមជាអ្នកសេដ្ឋកិច្ចដែរឬទេ។
បើគាត់ដឹកនាំរដ្ឋាភិបាលគាត់បានលុយពីណា បើគ្មានអ្នកវិនិយោគ
តើមានអ្វីមកអភិវឌ្ឍន៍ នេះសុំឲ្យប្រជាពលរដ្ឋគិតពិចារណា។
-ថ្មីៗនេះមានស្ត្រីជានិស្សិតបេក្ខជនបណ្ឌិតមកពីប្រទេសអង់គ្លេស
បានមកសុំសម្ភាសន៍ជាមួយសម្តេចតេជោ អំពីបទពិសោធន៍ និងការដឹកនាំ
ដែលឲ្យទទួលជោគជ័យនៅប្រទេសកម្ពុជា
ដើម្បីធ្វើនិក្ខេបបទបណ្ឌិតរបស់គាត់
ហេតុអ្វីគាត់សុខចិត្តជិះយន្តហោះពីអង់គ្លេសមកកម្ពុជា
ម៉េចមិនសម្ភាសន៍ តូនីប្លែរ កាមើរ៉ូន ឬ សម រង្ស៊ី កឹម សុខា ទៅ
ម៉េចគេមករកសម្តេចហ៊ុន សែន វិញ ?
មូលហេតុគឺដោយសារគេជឿលើសមត្ថភាពដឹកនាំរបស់សម្តេច ហ៊ុន សែន ។
កាសែត ឌឺណេសិន របស់ថៃក៏សរសេរថា ក្រោមការដឹកនាំរបស់សម្តេចតេជោ
ហ៊ុន សែន កម្ពុជា នឹងក្លាយជាខ្លានៅអាស៊ីផងដែរ។
លោក បណ្ឌិត ឈឹម ផលវរុណ ៖
ចម្លើយ ៖
បាទការធ្វើនិក្ខេបបទគឺគេត្រូវរកអ្វីដែលមានលក្ខណៈពិសេសគំរូ
ដើម្បីយកទៅសរសេរសម្រាប់មនុស្សទូទៅ គឺគេមិនយកអ្វីដដែលនោះទេ។
ករណីនិស្សិតអង់គ្លេស គឺប្រធានបទរបស់គេ
និយាយពីការដឹកនាំចេញពីការលំបាកទៅរកភាពជោគជ័យ
អញ្ចឹងគឺគេឃើញសម្តេចតេជោ ហ៊ុន សែន ដែលដឹកនាំបានជោគជ័យទើបគេមក
។ អញ្ចឹងទេបើពិនិត្យនយោបាយរបស់គណបក្ស សម រង្ស៊ី កឹម សុខា
គឺខុសពីនយោបាយរបស់គណបក្សកាន់អំណាច។ សម រង្ស៊ី កឹម សុខា
ប្រកាន់គោលនយោបាយចងកំហឹងវណ្ណៈ ផ្ទុយពីគោលនយោបាយរបស់សម្តេច
ហ៊ុន សែន យកបញ្ហាឈ្នះឈ្នះ មកដោះស្រាយបញ្ហា ។
កម្ពុជាទើបតែបញ្ចប់សង្រ្គាមមានសុខសន្តិភាព បានប្រមាណជាង ១០
ឆ្នាំ ប៉ុណ្ណោះ នៅមានបញ្ហាច្រើនត្រូវដោះស្រាយ និងធ្វើបន្ត។
ដូច្នោះគណបក្សនយោបាយនានាត្រូវបង្ហាញពីនយោបាយរបស់ខ្លួន
ដើម្បីដោះស្រាយបញ្ហាមកប្រកួតប្រជែង មិនមែនបង្កើតបញ្ហា
ធ្វើការចងកំហឹងវណ្ណៈក្នុងសង្គមនោះទេ។
លោក ជុំ កុសល ៖
សំណួរ ៖ ខ្ញុំសុំចាប់អារម្មណ៍ពីបញ្ហាពន្ធអចលនៈទ្រព្យបន្តិច
ខាងពន្ធដាគួរធ្វើវេទិកាមួយ ដើម្បីពន្យល់ប្រជាពលរដ្ឋតាមទូរទស្សន៍
ដើម្បីកុំឲ្យមានការភ័ន្តច្រឡំ។ ខាងលោក សម រង្ស៊ី
ក៏គួរតែយល់ដែរក្នុងនាមលោកជាអ្នកសេដ្ឋកិច្ច តើគេយកពន្ធដើម្បី
ធ្វើអ្វី?
លោក បណ្ឌិត ឈឹម ផលវរុណ ៖
ចម្លើយ ៖ ការធ្វើនយោបាយគឺគេធ្វើដោយរកវិធីដោះស្រាយបញ្ហា
មិនមែនបង្កើតបញ្ហានោះទេ។
តើបក្សប្រឆាំងមានសមត្ថភាពដោះស្រាយបញ្ហាបានទេសព្វថ្ងៃនេះ
ព្រោះគេឃើញតែក្រុមបក្សប្រឆាំងសព្វថ្ងៃគិតតែស្វែងរកបញ្ហា
បង្កើតបញ្ហា ហើយឲ្យរដ្ឋដោះស្រាយទៅវិញ។
សម្រង់ព័ត៌មាន៖ ឱម ច័ន្ទតារ៉ា
Subscribe to:
Posts (Atom)