កិច្ចប្រជុំត្រៀមរៀបចំវេទិកាប្រជាជាតិអាស៊ានរបស់សង្គមស៊ីវិលកម្ពុជា
បានបោះឆ្នោតជ្រើសរើសអ្នកតំណាងរបស់ខ្លួន
ដោយមានអ្នកចូលរួមប្រមាណជាង២ពាន់នាក់ ដែលជាតំណាងអង្គការសមាគម
សហជីពចំនួនជាង៩០០ នៅកម្ពុជា ។
ជាលទ្ធផលបេក្ខជនពីររូបបានទទួលការគាំទ្រដោយសម្លេងលើសលុប។
ការបោះឆ្នោតបានប្រព្រឹត្តទៅកាលពីថ្ងៃទី ១៥ ខែមីនា ឆ្នាំ ២០១២
ដោយសេរី ត្រឹមត្រូវ យុត្តិធម៌ តាមលក្ខណៈប្រជាធិបតេយ្យ
និងប្រកបដោយតម្លាភាពជាទីបំផុត
ដែលបានរៀបចំដោយវិទ្យាស្ថានខ្មែរសំរាប់សហប្រតិបត្តិការ
និងសន្តិភាព(CICP) ឧបត្ថម្ភដោយ មូលនិធិ វប្បធម៌ និងសិល្បៈជប៉ុន(IFAC)
នៅសកលវិទ្យាល័យកម្ពុជាក្នុងទីក្រុងភ្នំពេញ។
លោក សុខ ធាវុធ ប្រធានសមាគមយុវជនកម្ពុជា-អាស៊ាន(CAYA)បានទទួលសម្លេងឆ្នោតគាំទ្រចំនួន១៥៨០សម្លេង ឈ្នះដាច់សម្រាប់ទទួលតួនាទីជាតំណាងយុវជនអាស៊ាន លើដៃគូរប្រកួតប្រជែង លោក សេន សុវណ្ណៈ ប្រធានអង្គការយុជនពង្រឹងខ្លួនឯង ដែលបានទទួលសម្លេងឆ្នោត ១៣៣សម្លេង នៃចំនួនសន្លឹកឆ្នោតសរុប១៨៣០ សន្លឹក ។
ចំណែកលោកស្រី ហូយ សុជីវណ្ណី
នាយិកានៃអង្គការបំលាស់ប្តូរជាវិជ្ជមានសំរាប់កម្ពុជា(PCC)
ត្រូវបានគណៈកម្មការបោះឆ្នោតជ្រើសរើសដោយលើកដៃតំណាងឱ្យអង្គការសមាគម
មិនមែនរដ្ឋាភិបាល ពីព្រោះគ្មានគូរប្រកួតប្រជែង។
បន្ទាប់ពី
បង្ហាញនូវលទ្ធផលឆ្នោតរួចមក
គណៈកម្មការរៀបចំបោះឆ្នោតនៅក្នុងឱកាសនោះ
ក៏បានប្រកាសឱ្យតំណាងអង្គការនីមួយៗបញ្ជូនតំណាងរបស់ខ្លួន
សម្រាប់ការឈរឈ្មោះជ្រើសរើសបង្កើតគណៈកម្មការចំនួន៤
ដើម្បីត្រៀមខ្លួនចូលរួមក្នុងកិច្ចប្រជុំអាស៊ាននាពេលខាងមុខ។
គណៈកម្មការ
ទាំងបួននោះ រួមមាន គណៈកម្មការរៀបចំ គណៈកម្មការដឹកនាំទូទៅ
គណៈកម្មការកម្មវិធី និងគណៈកម្មការឯកសារ ដែលត្រូវបានដឹកនាំ
និងគ្រប់គ្រងដោយអង្គការសមាគមចំនួន៤ ផ្សេងៗគ្នា
តាមរយៈការបោះឆ្នោតលើកដៃជាឯកច្ឆន្ទ។
លោកស្រី ណេត ចន្ថា
នាយិការងនៃវិទ្យាស្ថានខ្មែរសម្រាប់សហប្រតិបត្តិការ
និងសន្តិភាព(CICP)បានឲ្យដឹងថា មុននឹងរៀបចំកម្មវិធីនៅថ្ងៃនេះ
គឺវិទ្យាស្ថានខ្មែរសម្រាប់សហប្រតិបត្តិការ និងសន្តិភាព
បានផ្សព្វផ្សាយដំណឹងជូនសាធារណជនយ៉ាងទូលំទូលាយ
រួមទាំងចែកចាយលិខិតអញ្ជើញជាច្រើនសម្រាប់ការចូលរួមប្រកួតប្រជែង
ចាប់តាំងពីថ្ងៃទី៩ខែមីនា រហូត ដល់ ថ្ងៃទី១៣ ខែមីនា ឆ្នាំ២០១២មកម៉្លេះ
។ ដំណឹងនេះធ្វើឡើងតាមរយៈការចុះផ្សាយក្នុងសារព័ត៌មាន គេហទំព័រ
ជាច្រើន និងតាមទូរទស្សន៏ក្នុងស្រុក។
បើទោះជា
ដំណើរការប្រព្រឹត្តទៅ ដោយសេរី ត្រឹមត្រូវ យុត្តិធម៌ តម្លាភាព
និងតាមលក្ខណៈប្រជាធិបតេយ្យយ៉ាងនេះក៏ដោយ
ក៏នៅតែមានការរិះគន់ពីអង្គការមួយចំនួនតូចដែលមិនបានចូលរួម
ឈរឈ្មោះបោះឆ្នោត និងសារព័ត៌មានបរទេសដែលមាននិន្នាការប្រឆាំង
បានធ្វើការចោទប្រកាន់ដោយពុំឈរលើការពិតជាក់ស្តែង
និយាយមួលបង្កាច់ថា អង្គការដែលជាប់ឆ្នោត គឺជាអង្គការតូចតាច
មិនមានឈ្មោះបោះសម្លេង មិនហ៊ានរិះគន់រាជរដ្ឋាភិបាលនូវចំនុចរសើប
និងថា
ដំណើរការបោះឆ្នោតជ្រើសតាំងនេះត្រូវបានរៀបចំដោយរដ្ឋាភិបាល
នេះបើយោងតាមការចុះផ្សាយរបស់សារព័ត៌មាន Cambodia Daily
កាលពីថ្ងៃទី១៩ខែ មីនា ឆ្នាំ ២០១២ និងសារព័ត៌មាន Bangkok Post ថ្ងៃទី១៨
ខែ មីនា ឆ្នាំ ២០១២។
ពាក្យចោទ
ប្រកាន់ទាំងនេះ គឺបានបង្ហាញនូវការនាំគ្នាទូងស្គរ
វាយបំផ្លាញលទ្ធិប្រជាប្រជាធិបតេយ្យនៅកម្ពុជា
ដែលពួកគេបានយកស្លាកអង្គការរបស់ខ្លួន មកបន្តុះ បង្អាប់អង្គការដទៃ
ដែលត្រូវបានបោះឆ្នោតជ្រើសរើសដោយអ្នកចូលរួមរាប់ពាន់នាក់
ក្នុងនោះមានទាំងព្រះសង្ឃ និស្សិត បញ្ញាវ័ន្ត អង្គការសមាគម សហជីព
ដែលពួកគេបានសម្រេចចិត្តដោយសុភវិនិច្ឆ័យក្នុងការគាំទ្របេក្ខជន
ទាំងពីររូបឱ្យមានភាពជាអ្នកតំណាងដ៏ស្របច្បាប់
ក្នុងការជួបជាមួយប្រមុខរាជរដ្ឋាភិបាល
និងបណ្តាមេដឹកនាំប្រទេសនីមួយៗនៃសមាជិកអាស៊ាន
ក្នុងនាមអង្គការសមាគមមិនមែនរដ្ឋាភិបាល និងតំណាងយុវជនកម្ពុជា
សម្រាប់វេទិកាអាស៊ាន។
ក្រុមអ្នក
រិះគន់ទាំងនោះ គួរគប្បីបង្ហាញនូវការចូលរួម និងលើកតម្លៃ
កិត្តិយស ហើយជាងនេះទៅទៀត
គួរតែបង្កើននូវកិច្ចសហការដើម្បីមុខមាត់របស់ប្រទេសខ្លួន
ដែលមានឱកាសបានធ្វើជាម្ចាស់ផ្ទះនៃកិច្ចប្រជុំកំពូលអាស៊ាន
មិនគួរគប្បីនឹងនាំគ្នាជាន់កំទេច ក្តិចបំផ្លាញ
សម្លាប់ទឹកចិត្តដល់អង្គការ សមាគមផ្សេង ដើម្បីសំរេចគោលដៅប្រឆាំង
ទាញយកផលប្រយោជន៍ផ្ទាល់ខ្លួន ជាអទិភាព
ហើយបំភ្លេចផលប្រយោជន៍ជាតិនោះទេ។
ការពិត
តួនាទីរបស់អង្គការសង្គមស៊ីវិល សមាគម សហជីពនៅកម្ពុជា
គឺបង្កើតឡើងដើម្បីបំរើផលប្រយោជន៍ពលរដ្ឋខ្មែរ
លើកកម្ពស់ដំណើរការប្រជាធិបតេយ្យ ពង្រឹងការគោរពច្បាប់
និងចូលរួមកសាង អភិវឌ្ឍប្រទេសដោយតម្លាភាព
មិនមែនបង្កើតអង្គការសម្រាប់តែពង្រីកសេចក្តីក្លាហាន
ក្នុងការប្រើប្រាស់វេទិការិះគន់ដើម្បីតែការទាក់ទាញជំនួយពីបរទេស
ហើយសម្លឹងមកស្រុកខ្មែរក្នុងក្រសែភ្នែកអាក្រក់
ដោយពុំមានការតាំងចិត្តធ្វើជាគំរូសម្រាប់បណ្តាអង្គការដទៃរៀនសូត្រ
តាមនោះទេ។
ការរៀបចំ
វេទិកាសង្គមស៊ីវិល វេទិកាប្រជាជនអាស៊ាន
និងដំណើរការឆ្ពោះទៅអាស៊ានតែមួយឆ្នាំ២០១៥
គឺដើម្បីឆ្លើយតបទៅនឹងគោលបំណងជាក់លាក់
និងគោលការណ៍ចំបងដែលចែងក្នុងធម្មនុញ្ញអាស៊ាន
ក្នុងផែនទីចង្អុលបង្ហាញពីយុទ្ធសាស្ត្រ ឆ្នាំ ២០០៩ ‑ ២០១៥។
វេទិការអាស៊ាន
គឺបង្កើតឡើងដើម្បីបំរើឱ្យផលប្រយោជន៍របស់ប្រជាជនទាំងដប់ប្រទេស។
វេទិកានេះ ផ្តល់ឱកាសឱ្យប្រជាពលរដ្ឋចូលរួមលើកឡើងនូវបញ្ហារួមគ្នា
រិះរកយុទ្ធសាស្រ្តដោះស្រាយថ្នាក់ជាតិ និងតំបន់។
សន្និសីទកំពូលសង្គមស៊ីវិលអាស៊ាន
/ វេទិកាប្រជាជនអាស៊ាន(ACSC / APF) ត្រូវបានផ្ដួចផ្ដើមគំនិតដំបូង
ដោយប្រទេសម៉ាឡេស៊ីនៅឆ្នាំ២០០៥ ហើយបន្ទាប់មកត្រូវបានរៀបចំឡើង នៅ
ប្រទេសហ្វីលីពីននៅឆ្នាំ២០០៦ បន្ទាប់មកនៅប្រទេសសឹង្ហបូរី ២០០៧
និងនៅរាជាណាចក្រថៃនៅឆ្នាំ២០០៩ និងឆ្នាំ២០១០
នៅសាធារណៈរដ្ឋសង្គមនិយមវៀតណាម ឆ្នាំ២០១១ នៅប្រទេសឥណ្ឌូនេស៊ី ហើយនៅឆ្នាំ២០១២នេះ កម្ពុជាយើង ធ្វើជាម្ចាស់ផ្ទះអាស៊ាន។
វេទិការអាស៊ាន
លើកទី៧ នៅប្រទេសកម្ពុជាដែលប្រារព្ធធ្វើឡើងចំនួន២ថ្ងៃ ចាប់ពីថ្ងៃទី៣
ដល់ថ្ងៃទី៤ ខែមេសា ឆ្នាំ២០១២ តាមគម្រោងមានអ្នកចូលរួមចំនួន១២០០
ទៅ១៥០០នាក់ នឹងលើកឡើងប្រធានបទស្តីពី « យេនឌ័រ
និងការអភិវឌ្ឍន៍ក្នុងអាស៊ាន »
ដែលនឹងរៀបចំវេទិកាសង្គមស៊ិវិលឲ្យប្រជាជនរបស់អាស៊ានទាំងដប់ប្រទេសនេះ
សម្រេចដំណើរការឆ្ពោះទៅបង្កើតបាននូវសហគមន៍អាស៊ាននៅឆ្នាំ២០១៥ ។
ដូច្នេះ
ការបោះឆ្នោតជ្រើសរើសអ្នកតំណាងអង្គការសមាគមមិនមែនរដ្ឋាភិបាល
និងតំណាងយុវជនអាស៊ាន ក៏ដូចជាការបង្កើតគណៈកម្មការទាំង៤
ដើម្បីចូលរួមរៀបចំវេទិកាអាស៊ាន
គឺពិតជាបានធ្វើឡើងតាមលក្ខណៈស្របច្បាប់ តាមលក្ខណៈប្រជាធិបតេយ្យ
ប្រកួតប្រជែងដោយបើកចំហរ ជូនដំណឹងជាសាធារណៈ
មិនមែនធ្វើឡើងដោយភាពស្ងាត់ស្ងៀម
ឬក៏រៀបចំដោយរាជរដ្ឋាភិបាលនោះទេ។
ផ្ទុយទៅ
វិញការខកខានពុំបានចូលរួមបោះឆ្នោត គឺអាចចាត់ទុកថា
ជាចេតនាចង់បង្កើតនូវយុទ្ធនាការបំផ្លាញផលប្រយោជន៍របស់ប្រទេស
ជាតិខ្លួនឯង និងចាំតែរិះគន់ មិនបានចូលរួមសហការ
គឺជាការបាត់បង់ឱកាសមួយដ៏ធំក្នុងនាមជាអង្គការ
សមាគមមិនមែនរដ្ឋាភិបាលមួយនៅកម្ពុជា ឬក៏អាចនិយាយបានថា
ប្រហែលជាដឹងខ្លួនជាមុនថា អង្គការរបស់ខ្លួនគ្មានប្រជាប្រិយភាព
ឬនឹងមិនទទួលបានជោគជ័យទើបមិនឈរឈ្មោះសម្រាប់ការបោះឆ្នោតនោះ៕
ដោយៈ សម រាំងសែក (អ្នកវិភាគឯករាជ្យ)
PHNOM
PENH, 20 March 2012 (PRU) – Cambodian Deputy Prime Minister Dr. Sok An
on Tuesday welcomed a group of US investors who are interested in
learning about Cambodia’s development as the country is chairing ASEAN.
The
Deputy Prime Minister responded to questions—including
Cambodia-Thailand bilateral relations, the petroleum draft law, tourism
and reforms—raised by the group.
“If
Google was to participate in promoting Cambodia’s tourism sector,
Cambodia would achieve a higher tourism growth”, said the Deputy Prime
Minister.
