ពិធីចែកប័ណ្ណកម្មសិទ្ធិដីធ្លីជូនប្រជាពលរដ្ឋចំនួន ៧៤៤ គ្រួសារត្រូវបានប្រារព្ធធ្វើឡើងវិទ្យាល័យបន្ទាយឆ្មារ ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យនាព្រឹកថ្ងៃទី ៧ តុលា ឆ្នាំ២០១២ក្រោមអធិបតីភាពសម្តេចអគ្គមហាសេនាបតីតេជោ ហ៊ុន សែន ដែល ជាខេត្តទី ៥ ដែលប្រជាពលរដ្ឋបានទទួលកម្មសិទ្ធិដីធ្លីនៅក្នុងសកម្មភាពថ្មីនៃការអនុវត្តនយោបាយចាស់របស់រាជរដ្ឋាភិបាល។
ថ្លែងក្នុងឱ្យកាសនោះសម្តេចតេជោ នាយករដ្ឋមន្រ្តីបានមានប្រសាសន៍ឱ្យដឹងថា រវាងក្រុមហ៊ុនជាមួយប្រជាពលរដ្ឋគ្មានដីត្រួតស៊ីគ្នាទេនៅទូទាំង ប្រទេស ហើយរាជរដ្ឋាភិបាល នឹងនិរាករណ៍ចោលដីសម្បទានសេដ្ឋកិច្ច ប្រសិនបើក្រុមហ៊ុនណាមួយមានដីត្រួតស៊ីគ្នាជាមួយប្រជាពលរដ្ឋ។
សម្តេចតេជោ មានប្រសាសន៍បញ្ជាក់ថា រឿងក្រុមហ៊ុនអត់និយាយពាក្យត្រួតស៊ីគ្នារវាងក្រុមហ៊ុន ជាមួយនឹងប្រជាពលរដ្ឋទេ យើងត្រូវឲ្យអាទិភាពទៅលើប្រជាពលរដ្ឋដោយកាត់យកតែម្តង ព្រោះដីនោះជាដីរដ្ឋ។ក្រុមហ៊ុននោះទទួលពីរដ្ឋដូច្នេះរដ្ឋមាន សិទ្ធិនឹងកាត់យកដីនោះវិញ។សម្តេច តេជោមានប្រសាន៍ផ្តល់ការណែនាំថា នៅកន្លែងដទៃទៀតត្រូវតែយកគំរូដោះស្រាយដូចគ្នានៅក្នុងខេត្ត បន្ទាយមានជ័យនេះ ដោយអត់ត្រូវហៅថា ត្រួតស៊ីគ្នារវាងក្រុមហ៊ុន និងប្រជាជនទេ។
សម្តេចតេជោនាយករដ្ឋមន្ត្រីបានថ្លែងថា ការផ្តល់កម្មសិទ្ធិដីជូនប្រជាពលរដ្ឋនៅក្របខ័ណ្ឌទូទាំងប្រទេស ជាពិសេសនៅតាមបណ្តោយព្រំដែនកម្ពុជា-ថៃ នោះ ក្រៅពីការជំរុញការកាន់ កាប់ដីធ្លីរបស់ប្រជាពលរដ្ឋ ជំរុញទៅដល់ការអភិវឌ្ឍន៍ និងការកាត់បន្ថយភាពក្រីក្រវានៅមានបញ្ហាមួយទៀតដែលត្រូវចងភ្ជាប់គ្នានោះ គឺស្ថិតនៅក្នុងក្របខណ្ឌនៃគោលនយោបាយ ឬយុទ្ធសាស្ត្រប្រែក្លាយ តំបន់អតីតសមរភូមិឲ្យទៅជា តំបន់អភិវឌ្ឍន៍ និងជាទៅផ្សារ ហើយខិតខំកសាងខ្សែបន្ទាត់ព្រំដែនកម្ពុជា ជាមួយប្រទេសជិតខាងឲ្យទៅជាព្រំដែនសន្តិភាព មិត្តភាព សហប្រតិបត្តិការ និងការអភិវឌ្ឍ ដែលវាក៏ ស្ថិតនៅក្នុងក្របខ័ណ្ឌនៃនយោបាយការបរទេសរបស់យើងផងដែរ។
សម្តេចតេ ជោមានប្រសាសន៍បញ្ជាក់ថា អ្វីដែលយើងបានវាស់វែងផ្តល់កម្មសិទ្ធិនៅក្នុងតំបន់នេះ គឺបានគួបផ្សំចងជាសំណុំជាមួយនឹងក្របខ័ណ្ឌគោលនយោបាយទាំងពីរនេះឯង ព្រោះតំបន់អតីតសមរភូមិដែលខ្លាំងបំផុតគឺតំបន់នៅជាប់ព្រំដែន កម្ពុជា-ថៃនេះឯង ។ យើងនៅ ទីនេះកំពុងតែប្រែក្លាយបន្តនូវការអនុវត្តយុទ្ធសាស្ត្រ ឬក្របខ័ណ្ឌគោលនយោបាយប្រែក្លាយអតីត សមរភូមិឲ្យទៅជាតំបន់អភិវឌ្ឍនោះហើយ ។
សម្តេច តេជោមានប្រសាសន៍ថា ខ្ញុំពិតជាមានមោទនភាពជាមួយនិងកិច្ចការដែលយើងបាន និងកំពុងធ្វើដែលជានយោបាយមួយក្លាយទៅជាចលនាជាតិហើយដែលមានការចូលរួមយ៉ាងសស្រោក សស្រាំពីសំណាក់ប្រជាពលរដ្ឋរបស់យើង ព្រោះអ្វីដែលគួរខ្លាចមិនមែនប្រជាជនមានដីច្រើននោះទេ ប៉ុន្តែអ្វីដែលគួរខ្លាចគឺប្រជាជនអត់ដីធ្វើ។
សម្តេច តេជោ មានប្រសាសន៍ថា សកម្មភាពដែលយើងបានប្រកាន់យកនេះនឹងធ្វើឲ្យប្រ ជាពលរដ្ឋរបស់យើងអស់កង្វល់បន្ថែមទៅដល់ល្បឿននៃការបង្កបង្កើនផល នឹងអាចលឿនជាងមុន ហើយនៅពេលដែលសុវត្ថិភាពនៃការកាន់កាប់ដីធ្លីត្រូវបានដោះស្រាយ រួចរាល់។
ខ្ញុំរំពឹងថា ប្រជា ពលរដ្ឋរបស់យើងនឹងប្រើប្រាស់ដីនេះជាប្រយោជន៍ ដោយមិនត្រូវយកទៅលក់ឬបញ្ចាំយកទៅលេងល្បែងនោះទេ ព្រោះដីនេះទុកកាន់តែយូរតម្លៃរបស់វានឹងកាន់តែខ្ពស់។សម្តេចតេជោមានប្រសាសន៍បញ្ជាក់ថាសម្តេចមិនបានកាន់មាស កាន់ពេជ្រមកជូនប្រជាពលរដ្ឋទេ ក៏ប៉ុន្តែដីធ្លីនោះហើយដែលអាចបង្កើតមាសពេជ្រនិងបង្កើតអ្វីៗនៅ ពេលក្រោយ។
ខ្ញុំរំពឹងថា ប្រជា ពលរដ្ឋរបស់យើងនឹងប្រើប្រាស់ដីនេះជាប្រយោជន៍ ដោយមិនត្រូវយកទៅលក់ឬបញ្ចាំយកទៅលេងល្បែងនោះទេ ព្រោះដីនេះទុកកាន់តែយូរតម្លៃរបស់វានឹងកាន់តែខ្ពស់។សម្តេចតេជោមានប្រសាសន៍បញ្ជាក់ថាសម្តេចមិនបានកាន់មាស កាន់ពេជ្រមកជូនប្រជាពលរដ្ឋទេ ក៏ប៉ុន្តែដីធ្លីនោះហើយដែលអាចបង្កើតមាសពេជ្រនិងបង្កើតអ្វីៗនៅ ពេលក្រោយ។
ទាក់ទងនិងបញ្ហាបែងចែកដីធ្លីជូនប្រជាពលរដ្ឋនៅក្នុងសកម្មភាពថ្មីនៃនយោបាយចាស់នេះសម្តេចតេជោមានប្រសាសន៍ថា កិច្ចការនេះ មិនមែនជាការចៃដន្យ ឬជាការប្រថុយប្រថាននោះទេ។
ក្នុង ប្រសាសន៍ដែល សំដៅទៅរកអ្នកប្រឆាំង ជាជនបរទេសដែលលើកឡើងអំពីបញ្ហាសិទ្ធិមនុស្សនៅកម្ពុជា សម្តេចតេជោបញ្ជាក់ថា សម្តេចមិនសង្ឃឹមថា បានទទួលពិន្ទុល្អ ស្តីពីសិទ្ធិមនុស្សទេ ព្រោះបើគេរាយការណ៍ល្អស្តីពីសិទ្ធិមនុស្សនៅកម្ពុជា មានន័យថា អ្នក ដែលធ្វើការងារផ្នែកសិទ្ធិមនុស្សអស់ការងារធ្វើដែលនាំឱ្យបាត់ បង់ប្រាក់ខែរបស់ពួកគេ។
សម្តេចតេជោបានបានមានប្រសាសន៍ឱ្យដឹងថា នៅឆ្នាំ២០០៥ ពេលជួបប្រជុំជាមួយអគ្គលេខាធិការ អាស៊ាន និងអង្គការសហប្រជាជាតិ សម្តេចបានប្រាប់ទៅឯកឧត្តម កូហ្វីអាណន់ដែលជាអគ្គលេខាធិការអង្គការសហប្រជាជាតិ ថា សម្តេច គ្មានសង្ឃឹមថា កម្ពុជានឹងមានរបាយការណ៍ល្អ ស្តីពីស្ថានភាពសិទ្ធិមនុស្សនៅកម្ពុជាទេ ព្រោះបើគេរាយល្អ បានសេចក្តីថា មន្ត្រីទាំងអស់ ទាំងបរទេស និងក្នុងស្រុកអស់ការងារធ្វើហើយ។ដូច្នេះគេត្រូវតែរាយការណ៍ អាក្រក់ពីកម្ពុជា ដើម្បីទទួលបានជំនួយបន្ត។
ទាក់ទងនិងបញ្ហាជាចម្បងនៃសិទ្ធមនុស្សម្តេចតេជោ នាយករដ្ឋមន្ត្រី ក៏បានមានប្រសាសន៍ថា ក្រៅពីសិទ្ធិនៃការរស់រានមានជីវិត និងបន្ទាប់ពីការអនុវត្ត នូវនយោបាយឈ្នះឈ្នះ បញ្ចប់សង្គ្រាម ថ្ងៃនេះជាថ្ងៃដែលប្រជាពលរដ្ឋរបស់យើងបានទទួល នូវកម្មសិទ្ធិដីធ្លី ដើម្បីធានានូវការអភិវឌ្ឍន៍យូរអង្វែង តកូន តចៅ តជំនាន់។
ឆ្លៀត ឱកាសនេះដែរ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានប្រកាសផ្តល់អគារសិក្សា ចំនួន១ខ្នង៦បន្ទប់ ដល់វិទ្យាល័យបន្ទាយឆ្មារ និង១ខ្នងទៀតមាន៣បន្ទប់សំរាប់រោងជាង និងផ្នែកកាត់ដែរ ព្រមទាំងបានបំពាក់ម៉ាស៊ីនដេរចំនួន៥០គ្រឿង និងបានប្រគល់ថវិកាចំនួន២.០០០ដុល្លារអាមេរិក សំរាប់ជួសជុលអគារ១ខ្នងដែលចាស់ទ្រុឌទ្រោមផងដែរ៕
សម្តេចតេជោនាយករដ្ឋមន្ត្រី បានមានប្រសាសន៍ឱ្យដឹងថា "នៅពេលការវាស់វែងដីធ្លី ធ្វើប័ណ្ណកម្មសិទ្ធិ ដែលធ្វើឡើងដោយក្រុមយុវជនស្
