Tuesday, December 18, 2012
កម្ពុជាស្វាគមន៍ការវិនិយោគមិនថាក្រុមហ៊ុនធំ ឬតូច
ជាមួយនឹងបង្ហាញនូវកត្តាចំនួនពីរ
សម្រាប់ការទាក់ទាញអ្នកវិនិយោគិន
មកបណ្តាក់ទុននៅក្នុងប្រទេសកម្ពុជា សម្តេចអគ្គមហាសេនាបតីតេជោ
ហ៊ុន សែន មានប្រសាសន៍អះអាង នាព្រឹកថ្ងៃទី១៧ ខែធ្នូ ថា
ការវិនិយោគនៅក្នុងព្រះរាជាណាចក្រកម្ពុជាមិនមានការរើសអើងថា ជា
ក្រុមហ៊ុនធំ ឬតូចនោះឡើយ។
សម្តេចតេជោមានប្រសាសន៍
នៅក្នុងពិធីសម្ពោធតំបន់ឧស្សាហកម្មសេដ្ឋកិច្ចពិសេសនាងកុក
នៅក្នុងខេត្តកោះកុង
និងរោងចក្រផលិតគ្រឿងបង្គុំប្រព័ន្ធខ្សែភ្លើងសំរាប់រថយន្ត
របស់ក្រុមហ៊ុន YAZAKI ជាក្រុមហ៊ុនមកពីប្រទេសជប៉ុន កាលពីថ្ងៃទី១៧
ខែធ្នូ ឆ្នាំ២០១២ ស្រុកមណ្ឌលសីមា ខេត្តកោះកុងថា
យើងអាចកត់សំគាល់នូវជំនឿសំខាន់ចំនួន២
គឺជំនឿទី១-ស្ថិរភាពខាងនយោបាយរបស់កម្ពុជាខ្លួនឯង
និងជំនឿទី២-គឺមិត្តភាពរវាងកម្ពុជា និងថៃ។
ដោយឡែកទាក់ទងនឹងដំណើរការនៃការផ្តល់ការវិនិយោគនៅព្រះរាជាណាចក្រ
កម្ពុជា សម្តេចតេជោបានមានប្រសាសន៍បញ្ជាក់ថា
ខ្ញុំបាននិយាយហើយថា
ការវិនិយោគនៅកម្ពុជាអត់មានគោលដៅរង់ចាំការវិនិយោគធំ
ចោលការវិនិយោគតូចនោះទេ។ ខ្ញុំសូមបញ្ជាក់ថា
នយោបាយទាក់ទាញវិនិយោគរបស់កម្ពុជា អ្នកណាមកមុនយើងស្វាគមន៍
ចំណែកអ្នកមកក្រោយគ្មានកន្លែងវិនិយោគ សូមកុំចោទប្រកាន់កម្ពុជាថា
ពុករលួយ ហើយសូមសួរបណ្តាក្រុមហ៊ុន ដែលបានទទួលការវិនិយោគចុះ
តើគេបានសូកខ្ញុំប៉ុន្មានហើយ។ សម្តេចតេជោថ្លែងថា
យើងទទួលយកការវិនិយោគដែលបានមកដល់មុន មិនថាធំ មិនថាតូច
ដើម្បីដោះស្រាយការងារធ្វើជាមួយនឹងការជំរុញផលិតកម្មនាំចេញរបស់
ប្រទេសយើង។ សម្តេចតេជោ នាយក រដ្ឋមន្ត្រីមានប្រសាសន៍ថា ឥឡូវនេះ
ទីនេះបានក្លាយទៅជាទីប្រកួតប្រជែងយ៉ាងពិតប្រាកដហើយ រវាងជប៉ុន
និងកូរ៉េខាងត្បូង
មិនអីទេសូមប្រកួតប្រជែងគ្នាទៅវាស៊ីសងលើអ្នកណាផលិតល្អ
ហើយលក់ចេញបានចំណេញ ព្រោះនៅទីនេះអត់មានការរើសអើងទេ។
ក្នុងពិធីបើកសម្ពោធដែលមានអភិបាលខេត្តត្រាត
និងមេបញ្ជាការកងទ័ពនៅខេត្តជាប់ព្រំដែន របស់ថៃចូលរួមផងនោះ
សម្តេចតេជោនាយករដ្ឋមន្ត្រី
បានមានប្រសាសន៍វាយតម្លៃវត្តមានរបស់លោកជំទាវអភិបាលខេត្តត្រាត
(ខេត្តរបស់ថៃជាប់ព្រំដែនខេត្តកោះកុងរបស់កម្ពុជា)
ក៏ដូចជាបណ្តាមេបញ្ជាការនៃកងទ័ពព្រះរាជាណាចក្រថៃ
គឺបានបង្ហាញពីចំណងមិត្តភាព
និងកិច្ចសហប្រតិបត្តិការដ៏ល្អរវាងកម្ពុជា និងថៃ។
សម្តេចតេជោមានប្រសាសន៍ថា ខ្ញុំចង់បានរបៀបនេះ។
ខ្ញុំចង់បានការកសាងព្រំដែនសន្តិភាព មិត្តភាព និងសហប្រតិបត្តិការ។
នេះជាអ្វីដែលប្រជាជនយើងទាំងពីរចង់បាន។
ដូច្នេះយើងត្រូវបន្តការខិតខំ
ដើម្បីធ្វើឲ្យប្រជាជននៅតាមព្រំដែននៃប្រទេសទាំងពីរបានទៅមករក
គ្នា រកស៊ីជាមួយគ្នា ដើម្បីវិបុលភាពជាមួយគ្នា"។
សម្តេចតេជោបានបន្ថែមថា "យើងមានការតភ្ជាប់ជាមួយគ្នា
មិនមែនគ្រាន់តែបញ្ហារូបវន្ត ដូចជាបញ្ហាផ្លូវថ្នល់ទេ ឥឡូវនេះ
យើងមានការតភ្ជាប់គ្នាច្រើនណាស់ សម្រាប់តំបន់កោះកុងរបស់យើងនេះ។
តភ្ជាប់ជាផ្លូវថ្នល់ តភ្ជាប់ជាអគ្គិសនី តភ្ជាប់ជាទេសចរណ៍
តភ្ជាប់ជាពាណិជ្ជកម្ម តភ្ជាប់ជាផ្នែកដទៃទៀត វប្បធម៌ ស្អីៗ ជាដើម។
អីចឹងទេ ឲ្យរឿងនេះ (សុខសន្តិភាពរវាងកម្ពុជា និងថៃ)
វាបន្តជារៀងរហូតទៅ"។ "កងទ័ព និងកងទ័ពសហការគ្នា។ នគរបាលតម្រួត
និងតម្រួតសហការគ្នា។ អាជ្ញាធរខេត្តទាំងពីរសហការគ្នា។
ប្រជាជនសហការគ្នារកស៊ីជាមួយគ្នាទៅ។ ចំណេញណាស់ ចំណេញទាំងសង្ខាង
ហើយអ្នកវិនិយោគគ្មានការភ័យខ្លាច
ជាមួយនឹងការវិនិយោគនៅក្បែរព្រំដែនកោះកុងនេះទេ។
ពីនេះទៅដល់ព្រំដែនតែ ១២០០ម៉ែត្រទេ"។
ទាក់ទងនឹងវត្តមានរបស់ក្រុមហ៊ុនជប៉ុន
ដែលបានសំរេចចិត្តបើកក្រុមហ៊ុន នៅតំបន់សេដ្ឋកិច្ចពិសេសកោះកុង
សម្តេចតេជោនាយករដ្ឋមន្ត្រីបានគូសបញ្ជាក់ថា "ចំណុចនេះ
កាន់តែបង្ហាញអំពីជំនឿជឿជាក់។ មានជំនឿជឿជាក់ពីរយ៉ាង ដែលលោក
យ៉ាហ្សាគី (ប្រធានក្រុមហ៊ុនជប៉ុន) ក៏ដូចជាក្រុមហ៊ុនដទៃទៀត
ដែលមានក្រុមហ៊ុននៅទីនេះ (តំបន់សេដ្ឋកិច្ចពិសេសខេត្តកោះកុង)
ដាក់ការជឿជាក់ និងហ៊ានដាក់ការវិនិយោគនៅកម្ពុជា
និងនៅខេត្តកោះកុងនេះ។
ជំនឿទី១-ស្ថិរភាពខាងនយោបាយរបស់កម្ពុជាខ្លួនឯង
និងជំនឿទី២-គឺមិត្តភាពរវាងកម្ពុជា និងថៃ។ បានសេចក្តីថា
គាត់មានជំនឿពីរយ៉ាង ទើបគាត់មកវិនិយោគ។
បើគ្រាន់តែមានស្ថិរភាពនយោបាយនៅកម្ពុជាតែមួយមុខ ហើយកម្ពុជា
និងថៃ ប្រឈមមុខដាក់គ្នា គាត់មិនមកដាក់ទុនទេ។
គាត់ខ្លាចផ្ទុះអាវុធទៅឆេះរោងចក្រគាត់ ព្រោះអាកន្លែងនឹង
(តំបន់សេដ្ឋកិច្ចពិសេសខេត្តកោះកុង) បាញ់៦០ ក៏ដល់ដែរ។ ខាងណោះ (ថៃ)
បាញ់កាំភ្លើងធំ៦០ ឬក៏ ៨០មីលីម៉ែត្រ មកដល់ហើយ។ អីចឹងទេ
កុំវ៉ៃគ្នាឲ្យសោះ! មានការងារអីនិយាយគ្នា។
អានឹងល្អពិតប្រាកដហើយ"។
សម្តេចតេជោនាយករដ្ឋក៏បានប្រកាសឲ្យដឹងផងដែរ
ពីជំហររបស់សម្តេចក្នុងការបន្តកិច្ចការ ក្នុងឆាកនយោបាយជាបន្តទៀត
បើសិនជាមានការគាំទ្រពីប្រជាពលរដ្ឋ។ ក្នុងនាមជានាយករដ្ឋមន្ត្រី
សម្ដេចតេជោក៏បានបញ្ជាក់ផងដែរ
ពីជំហរការពារបរិស្ថានដោយសម្តេចមិនអនុញ្ញាតឲ្យមានការធ្វើ
អាជីវកម្មរ៉ែទីតានីញ៉ូម នៅជីផាត ក្នុងខេត្តកោះកុងនេះទេ។
សម្តេចតេជោនាយករដ្ឋមន្ត្រីមានប្រសាសន៍បញ្ជាក់ថា
“ខ្ញុំអត់ទាន់សម្រេចចិត្តចាកចេញទេ
ខ្ញុំនឹងចូលរួមប្រកួតប្រជែងនៅក្នុងការបោះឆ្នោតសាកលឆ្នាំ២០១៣
បន្តទៀត ហើយប្រសិនបើប្រជាពលរដ្ឋបោះឆ្នោតគាំទ្រ
ខ្ញុំនឹងបន្តធ្វើនាយករដ្ឋមន្ត្រីជាបន្តទៀត
ព្រោះខ្ញុំមិនទាន់ចាស់ទេ”។
ទាក់ទងទៅនឹងរ៉ែទីតានីញ៉ូម
ដែលរកឃើញថាមាននៅក្នុងទឹកដីខេត្តកោះកុង សម្តេចតេជោ
នាយករដ្ឋមន្ត្រីបានមានប្រសាសន៍ថា “គេសិក្សាទៅឃើញថា ទីតាញ៉ូម
នៅតំបន់នោះ គឺមានប្រមាណជា ៣០ពាន់លានដុល្លារ នៅក្រោមដី។
ប៉ុន្តែពេលធ្វើអាជីវកម្មតម្រូវឲ្យធ្វើការឈូសឆាយព្រៃប្រមាណជា
២ម៉ឺនហិកតា ហើយជាតំបន់ដែលមានដំរីឆ្លងកាត់ផង។ អីចឹងទេ
ទុកវាក្រោមដីសិនទៅ។ អន្តរាយព្រៃឈើ ហើយពេលដែលជីក
អាទឹកវាមិនហូរច្រោះចុះមក ពេលនោះ មិនមែនទឹកសមុទ្រខៀវទៀតទេ
ពេលនោះទឹកសមុទ្រក្រហម។ អីចឹង ទុកវាទៅ អាទីតាញ៉ូម
នៅខាងក្រោមដីនោះ។ ចាំដល់យើងកើត ៣ជាតិមកទៀត ចាំគេធ្វើអាជីវកម្ម
ក៏មិនទាន់អីដែរ"។
សម្តេចតេជោនាយករដ្ឋមន្ត្រីក៏បានបន្ថែមថា "មិញនឹងគឺថា ប្រហែលជាឯកឧត្តម គូរ៉ូគី (ឯកអគ្គរាជទូតជប៉ុនប្រចាំកម្ពុជា) ជញ្ជក់មាត់ ឃើញព្រៃវាធំពេក ជញ្ជក់មាត់ ហើយខ្ញុំក៏បានប្រាប់ដែរ ទីតាញ៉ូម គេសិក្សាប្រមាណជា ៣០ពាន់លានដុល្លារ នៅខាងក្រោម។ ប៉ុន្តែដើម្បីដោះស្រាយ យកអាទីតាញ៉ូមនឹងបាន ត្រូវកាប់ព្រៃប្រមាណ ២ម៉ឺនហិកតា។ បញ្ហាព្រៃ ២ម៉ឺនហិកតានេះ ត្រូវកាប់ឈើទាំងតូចទាំងធំ។ វាអន្តរាយឈើ អានឹងម្ខាង។ ខែម្ខាងទៀត ដល់ពេលជីកទៅ អាទឹកនឹងវាហូរច្រោះចូលក្នុងសមុទ្រ។ វាមិនមែនសមុទ្រទឹកខៀវ ដែលត្រូវមុជទឹកទៀតទេ។ វាទៅជាសមុទ្រទឹកក្រហម និងទឹកលឿង ដែលមុជទៅវាអន្តរាយ"។
សម្តេចតេជោនាយករដ្ឋមន្ត្រីក៏បានបន្ថែមថា "មិញនឹងគឺថា ប្រហែលជាឯកឧត្តម គូរ៉ូគី (ឯកអគ្គរាជទូតជប៉ុនប្រចាំកម្ពុជា) ជញ្ជក់មាត់ ឃើញព្រៃវាធំពេក ជញ្ជក់មាត់ ហើយខ្ញុំក៏បានប្រាប់ដែរ ទីតាញ៉ូម គេសិក្សាប្រមាណជា ៣០ពាន់លានដុល្លារ នៅខាងក្រោម។ ប៉ុន្តែដើម្បីដោះស្រាយ យកអាទីតាញ៉ូមនឹងបាន ត្រូវកាប់ព្រៃប្រមាណ ២ម៉ឺនហិកតា។ បញ្ហាព្រៃ ២ម៉ឺនហិកតានេះ ត្រូវកាប់ឈើទាំងតូចទាំងធំ។ វាអន្តរាយឈើ អានឹងម្ខាង។ ខែម្ខាងទៀត ដល់ពេលជីកទៅ អាទឹកនឹងវាហូរច្រោះចូលក្នុងសមុទ្រ។ វាមិនមែនសមុទ្រទឹកខៀវ ដែលត្រូវមុជទឹកទៀតទេ។ វាទៅជាសមុទ្រទឹកក្រហម និងទឹកលឿង ដែលមុជទៅវាអន្តរាយ"។
សម្តេចតេជោ ហ៊ុន សែន ក៏បានប្រកាសបញ្ជាក់ថា "អីចឹងទេ
ទុកវាសិនទៅនៅក្រោមដី ចាំដល់ ២០០ឆ្នាំទៀត ចាំយើងកើតមក ចាំគេធ្វើ
ក៏មិនទាន់យឺតពេលដែរ ហើយពេលនោះ
ប្រហែលជាខ្ញុំក្លាយទៅជាអ្នកប្រឆាំងនឹងការជីកយករ៉ែ។
ទៅជាសកម្មជនការពារបរិស្ថាន ប្រឆាំងនឹងការជីកយកអាទីតាញ៉ូម
ព្រោះឥឡូវខ្លួនជានាយករដ្ឋមន្ត្រី ខ្លួនជំទាស់មិនឲ្យធ្វើ។
មិនអនុញ្ញាត។ ដល់ខ្លួនកើតមក ២០០ឆ្នាំទៀត
ខ្លួននឹងធ្វើជាសកម្មជនប្រឆាំងនឹងការជីកយកអាទីតាញ៉ូម។
អីចឹងអ្នកកោះកុងរបស់យើង ដោះស្រាយបញ្ហាបានដូចគេដូចឯង"។
សម្តេចតេជោនាយករដ្ឋមន្ត្រីក៏បានគូសបញ្ជាក់ឲ្យដឹងថា "កោះកុង
លែងកំសត់ហើយ។ កោះកុង មានកន្លែងទេសចរណ៍
ហើយមានកន្លែងទេសចរណ៍ធម្មជាតិ។ ទេសចរណ៍ធម្មជាតិនៅជីផាត
ដែលបរទេសចូលចិត្តទៅដេកណាស់ ហើយបើសិនជាទុកឲ្យជីផាតទឹកល្អក់
អានឹងគឺអន្តរាយហើយ។ មិនត្រឹមតែខូចដីនៅជីផាតទេ
ខូចដីនៅខាងក្រោមនេះទៀត។ អីចឹងទេ ខ្ញុំគិតថា
ប្រហែលជាអ្នកធ្វើនាយករដ្ឋមន្ត្រីក្រោយខ្ញុំ
មិនប្រញាប់ប្រញាល់ពេកទេ ក្នុងការជីកយកអាទីតាញ៉ូម
ដែលមានតម្លៃប្រមាណជា ៣០ពាន់លានដុល្លារ។ ខ្ញុំគិតថា មិនមែនត្រឹមតែ
៣០ពាន់លានទេ ទោះបីជា ១០០ពាន់លាន ឬក៏ ២០០ពាន់លាន
ក៏គួរកុំអាល់ជីកអី។ អន្តរាយបរិស្ថាន និងធនធានធម្មជាតិរបស់យើង
ផ្នែកសមុទ្រ"។
លោក Shingi Yazaki ប្រធានក្រុមហ៊ុន Yazaki products co,ltd
បានថ្លែងឲ្យដឹងថា
រោងចក្រផលិតគ្រឿងបង្គុំប្រព័ន្ធខ្សែភ្លើងរថយន្ដក្រុមហ៊ុនយ៉ាសាគី
បានបោះទុនវិនិយោគ សាងសង់រោងចក្រចំនួន ២៤,៣៨០,០០០
ដុល្លារអាមេរិកលើផ្ទៃដីទំហំ ៣ហិកតា ដោយបង្កើតការងារ
ជូនដល់បងប្អូនយើងសរុបចំនួន ៦០០នាក់ និងកើនដល់
២០០០នាក់នៅឆ្នាំ២០១៥ និង ៣០០០នាក់ នៅបណ្តាឆ្នាំខាងមុខទៀត។
សូមបញ្ជាក់ថា ទោះបីជាបានដំណើរការតាំងតែពីឆ្នាំ២០០៦ មកក៏ពិតមែន
ក៏ប៉ុន្តែតំបន់ឧស្សាហកម្មសេដ្ឋកិច្ចពិសេសនាងកុក
ទើបតែត្រូវបានសម្ពោធជាផ្លូវការនាពេលនេះ។
តំបន់ឧស្សាហកម្មសេដ្ឋកិច្ចពិសេសនាងកុក
មានរោងចក្រតម្លើងរថយន្តម៉ាកហ៊ីយន្តដាយ របស់សាធារណរដ្ឋកូរ៉េ
រោងចក្រផលិតសម្លៀកបំពាក់សម្រាប់នាំចេញ
និងរោងចក្រផលិតគ្រឿងបង្គុំប្រព័ន្ធខ្សែភ្លើងរថយន្តរបស់ក្រុមហ៊ុនយ៉ា
សាគី សម្រាប់នាំចេញទៅកាន់ទូទាំងពិភពលោក
ដែលត្រូវបានដាក់សម្ពោធនេះ។ នៅពេលខាងមុខនេះ
នឹងមានរោងចក្រផលិតបាល់ ម៉ាកមីកាហ្សា
មកបង្កើតនៅក្នុងតំបន់ឧស្សាហកម្មសេដ្ឋកិច្ចពិសេសនាងកុកនេះផងដែរ៕
Subscribe to:
Posts (Atom)