ឯកឧត្តម ស៊ីអ៊ីស្សូ ម៉ាគីណូ (Seishu
MAKINO) អនុរដ្ឋមន្ត្រីក្រសួងសេដ្ឋកិច្ច ពាណិជ្ជកម្ម និង
ឧស្សាហកម្មប្រទេស
ជប៉ុនមានប្រសាសន៍ឲ្យដឹងក្នុងជំនួបសំដែងការគួរសមនាថ្ងៃទី ១៦
ខែធ្នូ ឆ្នាំ ២០១១ជាមួយ សម្តេចអគ្គមហាសេនាបតីតេជោនាយករដ្ឋមន្ត្រី ហ៊ុន សែន នៅវិមានសន្តិភាព រាជធានីភ្នំពេញថារដ្ឋាភិបាលជប៉ុននឹងគាំទ្របណ្តាក្រុមហ៊ុន ជប៉ុនដែលមកបណ្តាក់ទុននៅកម្ពុជា ។
ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្ត្រីបានឲ្យដឹងថា ឯកឧត្តម Seishu MAKINO បានជំរាបជូនសម្តេចតេជោនាយករដ្ឋមន្ត្រីថា
លោកបានពិភាក្សាជាមួយក្រុមហ៊ុនដែលជាគណៈប្រតិភូមកធ្វើទស្សនកិច្ចនៅ
កម្ពុជា ។ នៅព្រឹកថ្ងៃទី ១៦ ធ្នូ ឆ្នាំ ២០១១ លោកបានទទួលព័ត៌មានថា
មានក្រុមហ៊ុនជប៉ុនមួយចំនួនចង់មកវិនិយោគទុននៅកម្ពុជា។ ឯកឧត្តម
Seishu MAKINO មានប្រសាសន៍ថា
រដ្ឋាភិបាលជប៉ុននឹងបន្តជួយគាំទ្រដល់ក្រុមហ៊ុនជប៉ុនទាំងឡាយណា
ដែលមកបណ្តាក់ទុននៅក្នុងប្រទេសកម្ពុជា
ហើយរដ្ឋាភិបាលនឹងប្រឹងប្រែងជំរុញធ្វើយ៉ាងណាឲ្យតំបន់សេដ្ឋកិច្ច
អាស៊ីបូព៌ាឬមហាអនុតំបន់មេគង្គឲ្យរឹងមាំ និង ទទួលបានលទ្ធផលឈ្នះ
ឈ្នះ ។
ឯកឧត្តម Seishu MAKINO បានស្នើឲ្យសម្តេចតេជោនាយករដ្ឋមន្ត្រីបន្តជួយគាំទ្រ និង ពង្រឹងនូវទំនាក់ទំនងរវាងប្រទេសទាំងពីរឲ្យ កាន់តែរឹងមាំថែមទៀត។
លោក
WATANABE ប្រធានគណៈកម្មការសិក្សាធុរកិច្ចនៅប្រទេសតាមមហាអនុតំបន់
មេគង្គ ដែលរួមដំណើរជាមួយឯកឧត្តម Seishu MAKINO ក៏បានជំរាបជូនសម្តេចតេជោ
ថា សភាពាណិជ្ជកម្មជប៉ុនបានកើតឡើង
ហើយបេសកម្មរបស់លោកនៅកម្ពុជានាពេលនេះ គឺដើម្បីចូលរួមក្នុងសិក្ខា
សាលាស្តីពីធុរកិច្ចជប៉ុននៅកម្ពុជា ។ លោកផ្ទាល់បានធ្វើការពិភាក្សា
ជាមួយសភាពាណិជ្ជកម្ម កម្ពុជា និង
បានធ្វើទស្សនកិច្ចទៅកាន់តំបន់សេដ្ឋកិច្ចពិសេស និង
បានចូលរួមការតាំងពិព័រណ៌ភូមិ ១ ផលិតផល ១
ដែលគណៈប្រតិភូអមដំណើរជាមួយលោកមាន ៤០ នាក់
មានការចាប់អារម្មណ៍យ៉ាងខ្លាំង។ បច្ចុប្បន្នលោក WATANABE
កំពុងតែធ្វើការសិក្សាទៅលើធុរកិច្ច ពាណិជ្ជកម្ម
នៅក្នុងមហាអនុតំបន់មេគង្គផងដែរ។
មានប្រសាសន៍ក្នុងជំនួបនោះសម្តេចតេជោនាយករដ្ឋមន្ត្រី
បានថ្លែងអំណរគុណចំពោះប្រជាជន និង
រដ្ឋាភិបាលជប៉ុនដែលបានផ្តល់ជំនួយបន្ទាន់មកដល់កម្ពុជាពាក់ព័ន្ធនឹង
បញ្ហាទឹកជំនន់។ តំណាងឲ្យប្រជាជនកម្ពុជា សម្តេចតេជោ
បានចូលរួមរំលែកទុក្ខដល់ប្រជាជន រដ្ឋាភិបាលជប៉ុន
ដែលបានទទួលរងនូវផលលំបាកទាំងឡាយដែលបណ្តាលមកពីគ្រោះធម្មជាតិកន្លង
មកនោះ។
សម្តេចអគ្គមហាសេនាបតីតេជោ ហ៊ុន សែន
មានប្រសាសន៍ថា ទោះបីជាមានវិបត្តិសេដ្ឋកិច្ច និង ហិរញ្ញវត្ថុពិភពលោក
និង ភាពមិនប្រាកដប្រជា នៃសេដ្ឋកិច្ចរបស់សហគមន៍អឺរ៉ុប និង
សហរដ្ឋអាមេរិក រួមទាំងទឹកជំនន់ ដែលបានរាតត្បាតកម្ពុជាកម្លងមកក៏ដោយ
ក៏សេដ្ឋកិច្ចកម្ពុជានឹងមានកំណើនពី ៦,៤%ទៅ៧%ដែរ។ សម្តេចតេជោថ្លែងថា
កម្ពុជានឹងប្រឹងប្រែងយ៉ាងខ្លាំងដើម្បីធ្វើយ៉ាងណាឲ្យមានស្ថិរភាព
នយោបាយ ស្ថិរភាពម៉ាក្រូសេដ្ឋកិច្ច ដែលជាកត្តាទាក់ទាំញអ្នកវិនិយោគ។ សម្តេចតេជោ
បានមានប្រសាសន៍ឲ្យដឹងថា កន្លងមករូបសម្តេចផ្ទាល់ និង
ឯកឧត្តមនាយករដ្ឋមន្ត្រីជប៉ុនបានចុះហត្ថលេខាលើកិច្ចព្រមព្រៀង
សេរីភាវូបនីយកម្ម និង គាំពាវិនិយោគ រវាងប្រទេសទាំងពីរ
ដែលការនេះគឺជាកិច្ចព្រមព្រៀងដ៏កម្រមួយដែលបានចុះហត្ថលេខាដោយនាយក
រដ្ឋមន្ត្រី ឆ្លុះបញ្ចាំងពីការយកចិត្តទុកដាក់អំពីកាតរការពារ និង
គាំពារវិនិយោគជប៉ុនមក កាន់កម្ពុជា។
សម្តេចតេជោ
មានប្រសាសន៍ថា កន្លងមកជប៉ុនបានផ្តល់ជំនួយមកកាន់កម្ពុជាយ៉ាងច្រើន
ប៉ុន្តែដោយ
ឡែកការវិនិយោគពីជប៉ុនមកវិញគឺមានចំនួនតិចបើទោះជាពេលនេះការវិនិយោគ
មានសន្ទុះកើនឡើងក៏ដោយ។ សម្តេចតេជោថ្លែងថា
យុទ្ធសាស្ត្ររបស់កម្ពុជាពាក់ព័ន្ធនឹងការវិនិយោគគឺការពារអ្នក
វិនិយោគ ដែលបានបោះទុនវិនិយោកនៅកម្ពុជា និង ឲ្យបានទទួលជោគជ័យ
ដែលតាមរយៈនោះអ្នកវិនិយោគ
នឹងអាចជួយទាក់ទាញអ្នកវិនិយោគដទៃទៀតមកកាន់កម្ពុជាជាមិនខាន។ សម្តេចនាយករដ្ឋមន្រ្តី
ថ្លែងថា
នៅពេលនេះកម្ពុជាបានត្រៀមខ្លួនជាស្រេចដើម្បីជំរុញកិច្ចសហប្រតិបត្តិការ
រវាងកម្ពុជា-ជប៉ុនឲ្យកាន់តែរឹងមាំថែម ទៀត ជាពិសេស
ទៅលើវិស័យវិនិយោគ និង វិស័យពាណិជ្ជកម្មនោះ។
សម្តេចតេជោ
ក៏បានស្នើឲ្យលោក WATANABE
ក៏ដូចជារាជរដ្ឋាភិបាលជប៉ុនបន្តជួយធ្វើការសិក្សាលើ
បញ្ហាសេដ្ឋកិច្ច ធុរកិច្ច ជាពិសេស
លើបញ្ហាបរិស្ថាននៅតាមប្រទេសក្នុងមហាអនុតំបន់មេគង្គផងដែរ៕