ភ្នំពេញៈថៃទាំង៧នាក់ដែលកម្ពុជា បានចាប់ខ្លួនពីបទឆ្លងចូលក្នុងទឹកដីកម្ពុជា ដោយច្បាប់នឹងឡើងសវនកានៅថ្ងៃទី១ ខែកុម្ភៈ ឆ្នាំ២០១១ នៅវេលាម៉ោង ៧ នឹង ៣០នាទីព្រឹកក្រោយនេះហើយ។
លោក Prasas Prasasvinitchai ឯកអគ្គរាជទូតថៃប្រចាំនៅ ក្នុងប្រទេសកម្ពុជា បានមានប្រសាសន៍ថាលោកកំពុងធ្វើ ការប្រឹក្សាជាមួយជនជាតិថៃ ៦រូប ដែល តុលាការកម្ពុជា បានអនុញ្ញាត្តអោយក្រៅឃុំ និងស្នាក់នៅក្នុងស្ថានទូតថៃប្រចាំ នៅក្នុងប្រទេសកម្ពុជា នូវសេចក្តីតំរូវការរបស់ពួកគេ។
ក្នុងចំណោមថៃទាំង៧នាក់នោះ គឺមានម្នាក់មិនត្រូវបានតុលាការខ្មែរ អនុញ្ញាត្តអោយនៅក្រៅឃុំនោះទេ គឺ មេដឹកនាំថៃអាវលឿង ឈ្មោះ វីរ៉ា ស៊ុំខ្វាមឃីត ដែល តុលាការកម្ពុជា បានធ្វើការចោទពីបទចារកម្ម។
គួរបញ្ជាក់ដែរថាថៃទាំង៧នាក់ ត្រូវអាជ្ញាធរកម្ពុជា បានចាប់ខ្លួន កាលពីថ្ងៃ ទី២៩ ខែធ្នូ ឆ្នាំ២០១០ ដែលបានចូលក្នុងទឹកដីកម្ពុជា ដោយខុសច្បាប់ នៅភូមិ ជោគជ័យ ខេត្តបន្ទាយមានជ័យ៕
ដោយៈ កញ្ញាដាលីន
Wednesday, January 19, 2011
វេបសាយ ki-media ត្រូវបានក្រសួងមហាផ្ទៃ បញ្ជាឲ្យបិទ
ភ្នំពេញ: គេហទំព័រ ki-media ត្រូវបានមន្ត្រីក្រសួងមហាផ្ទៃ ដាក់បញ្ជាទៅកាន់ក្រុមហ៊ុនផ្គត់ផ្គង់សេវាអ៊ិនថឺណេតទាំងអស់នៅកម្ពុជា ប្លុក មិនឲ្យមើលឃើញទៀតឡើយ។ បញ្ជានោះ ត្រូវបានធ្វើឡើង កាលពីថ្ងៃទី១៨មករា ឆ្នាំ២០១១។ នេះបើតាមបញ្ជាក់របស់អ្នកផ្តល់សេវាអ៊ិនថឺណេត។
មិនទាន់អាចទាក់ទងលោកឧត្តមសេនីយ៍ឯក ខៀវ សុភ័គ អ្នកនាំពាក្យក្រសួងមហាផ្ទៃ ជុំវិញបទបញ្ជាឲ្យបិទរាំងខ្ទប់ចំពោះគេហទំព័រ ki-media នៅឡើយទេ នារសៀលថ្ងៃពុធ ទី១៩មករា ឆ្នាំ២០១១។
ក៏ប៉ុន្តែអ្នកផ្តល់ព័ត៌មាន របស់ក្រុមហ៊ុនសេវាអ៊ិនថឺណេត EZECOM បានឲ្យដឹងនៅរសៀលថ្ងៃទី១៩មករាថា ក្រសួងមហាផ្ទៃ បានប្រាប់មកខាងក្រុមហ៊ុន ឲ្យបិទចំពោះរាល់គេហទំព័រអ៊ិនថឺណេតទាំងឡាយណា ដែលមានអាស័យដ្ឋាន blogspot។ ក្នុងនោះ ក៏មានវេបសាយ ki-media ផងដែរ។
សូមរម្លឹកថា គេហទំព័រ ki-media បានធ្វើការរិះគន់ និងប្រមាថឥតសំចៃ ដល់ប្រមុខថ្នាក់ដឹកនាំជាតិ ដោយប្រើពាក្យ ក្បត់ជាតិ លើសំណុំរឿងព្រំដែនកម្ពុជា-វៀតណាម។
កាលពីថ្ងៃទី១៩ ខែធ្នូ ឆ្នាំ២០១០ តុលាការសាលាដំបូងរាជធានីភ្នំពេញ បានសម្រេចផ្តន្ទាទោសបុគ្គលិក កម្មវិធីស្បៀងអាហារពិភពលោក WFP លោក សេង គុណការ អាយុ ៤០ ឆ្នាំ ឲ្យជាប់ពន្ធនាគារចំនួន ៦ ខែ និងពិន័យជាប្រាក់ ១ លានរៀល ពីបទញុះញង់ឲ្យប្រព្រឹត្តបទឧក្រិដ្ឋ ដែលមានចែង និងផ្តន្ទាទោស តាមមាត្រា ៤៩៥ នៃក្រមព្រហ្មទណ្ឌថ្មី។ ការផ្តន្ទាទោសដូច្នេះ ដោយសារតែបុគ្គលិករបស់អង្គការសហប្រជាជាតិ WFP បានបោះពុម្ពគេហទំព័រ ki-media ដែលមាននិន្នាការប្រឆាំងរដ្ឋាភិបាល៕
មិនទាន់អាចទាក់ទងលោកឧត្តមសេនីយ៍ឯក ខៀវ សុភ័គ អ្នកនាំពាក្យក្រសួងមហាផ្ទៃ ជុំវិញបទបញ្ជាឲ្យបិទរាំងខ្ទប់ចំពោះគេហទំព័រ ki-media នៅឡើយទេ នារសៀលថ្ងៃពុធ ទី១៩មករា ឆ្នាំ២០១១។
ក៏ប៉ុន្តែអ្នកផ្តល់ព័ត៌មាន របស់ក្រុមហ៊ុនសេវាអ៊ិនថឺណេត EZECOM បានឲ្យដឹងនៅរសៀលថ្ងៃទី១៩មករាថា ក្រសួងមហាផ្ទៃ បានប្រាប់មកខាងក្រុមហ៊ុន ឲ្យបិទចំពោះរាល់គេហទំព័រអ៊ិនថឺណេតទាំងឡាយណា ដែលមានអាស័យដ្ឋាន blogspot។ ក្នុងនោះ ក៏មានវេបសាយ ki-media ផងដែរ។
សូមរម្លឹកថា គេហទំព័រ ki-media បានធ្វើការរិះគន់ និងប្រមាថឥតសំចៃ ដល់ប្រមុខថ្នាក់ដឹកនាំជាតិ ដោយប្រើពាក្យ ក្បត់ជាតិ លើសំណុំរឿងព្រំដែនកម្ពុជា-វៀតណាម។
កាលពីថ្ងៃទី១៩ ខែធ្នូ ឆ្នាំ២០១០ តុលាការសាលាដំបូងរាជធានីភ្នំពេញ បានសម្រេចផ្តន្ទាទោសបុគ្គលិក កម្មវិធីស្បៀងអាហារពិភពលោក WFP លោក សេង គុណការ អាយុ ៤០ ឆ្នាំ ឲ្យជាប់ពន្ធនាគារចំនួន ៦ ខែ និងពិន័យជាប្រាក់ ១ លានរៀល ពីបទញុះញង់ឲ្យប្រព្រឹត្តបទឧក្រិដ្ឋ ដែលមានចែង និងផ្តន្ទាទោស តាមមាត្រា ៤៩៥ នៃក្រមព្រហ្មទណ្ឌថ្មី។ ការផ្តន្ទាទោសដូច្នេះ ដោយសារតែបុគ្គលិករបស់អង្គការសហប្រជាជាតិ WFP បានបោះពុម្ពគេហទំព័រ ki-media ដែលមាននិន្នាការប្រឆាំងរដ្ឋាភិបាល៕
ដោយ : លីហូវ CEN
បទវិចារណកថា៖សមិទ្ធផលរបស់កម្ពុជាជុំវិញការចាប់ខ្លួនជនជាតិថៃ៧នាក់
ជនជាតិថៃ៧នាក់ដែលត្រូវបានចាប់ខ្លួនដោយសមត្ថកិច្ចកម្ពុជាកាលពីថ្ងៃទី២៩ ខែធ្នូឆ្នាំ២០១០ និង ការអនុវត្តយ៉ាងត្រឹមត្រូវតាមដំណើរការ និងនិតិវិធីរបស់តុលាការកម្ពុជាទៅលើជនជាតិថៃទាំងនោះ និងការខិតខំបញ្ចៀសនូវការប្រឈមមុខដាក់គ្នា គឺ បាននាំឲ្យប្រទេសទាំងពីរ កម្ពុជា‑ថៃ ស្ថិតក្នុងក្រសែភ្នែកនៃមហាជន ជាតិ និងអន្តរជាតិ ពីការរក្សាបាននូវទំនាក់ទំនងល្អ ការធានាបាននូវនិរន្តរភាពធុរៈកិច្ចនៅតាមតំបន់ព្រំដែន ជាពិសេស គឺសមិទ្ធផលជាច្រើនដែលជាជោគជ័យរបស់កម្ពុជា ត្រូវបានស្តែងចេញតាមរបៀបដោះស្រាយបញ្ហាដោយសន្តិវិធី និងតាមអំណាចយុត្តាធិការនៃច្បាប់ ។
ជនជាតិថៃទាំង៧នាក់ ដែលមានទាំងអ្នកតំណាងរាស្ត្រទីក្រុងបាងកកម្នាក់ផង ត្រូវ បានចោទប្រកាន់ពីបទឆ្លងដែនខុសច្បាប់ បទចោទចូលទីលានយោធាកម្ពុជាក្នុងបំណងទុច្ចរិត និងបទចោទប្រកាន់បន្ថែមថ្មីមួយទៀតទៅលើជនជាតិថៃ២នាក់ក្នុងចំ ណោមនោះ គឺលោក វីរៈ ស៊ុមក្វាមឃីត និងនាងរ៉ាទ្រី ភិផាត់ថៈណាផៃប៊ូន ពីបទប៉ុនប៉ងប្រមូលព័ត៌មាន ដែលនាំឲ្យអន្តរាយដល់កិច្ចការការពារជាតិឬហៅថាបទល្មើសចារកម្ម គឺបានបង្ហាញពីភាពរឹងមាំនៃសំណាញ់ច្បាប់របស់តុលាការកម្ពុជា ក្នុងចំណាត់ការដ៏មានប្រសិទ្ធិភាព បញ្ចៀសបាននូវរការប្រឈមមុខដាក់គ្នាដ៏គ្រោះថ្នាក់ក្រៅប្រព័ន្ធ ច្បាប់ ឬអាចចាត់ទុកថាជាស្មារតីនៃការទទួលខុសត្រូវក្នុងកំរិតខ្ពស់បំ ផុតរបស់ប្រមុខដឹកនាំ នៃរាជរដ្ឋាភិបាលកម្ពុជា ដើម្បីរក្សាបាននូវសន្តិសុខ ស្ថិរភាពនៅតាមតំបន់ព្រំដែន និងកិច្ចសហប្រតិបត្តិការគ្នាដ៏ល្អរវាងប្រទេសទាំងពីរ កម្ពុជា‑ ថៃ។
ផ្តើមចេញពីសមាណចិត្ត និងដំណោះស្រាយនៃការយោគយល់ ពុំមានវប្បធម៌សងសឹក ក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន បានពញាក់អារម្មណ៏ និងការប្រែក្លាយគំនិតពីភាពចចេះរឹងរូសរបស់ថ្នាក់ដឹកនាំប្រទេស ថៃ នាំឲ្យមានការផ្លាស់ប្តូរឥរិយាបថ ពីការប្រកែកតវ៉ានិង ការទាមទារឲ្យដោះលែងថៃទាំងនោះដោយឥតលក្ខខណ្ឌ មក ជាការព្រមទទួលស្គាល់ការពិតថា ថៃទាំង៧នាក់នោះ ពិតជាបានឆ្លងដែនចូលមកក្នុងទឹកដីកម្ពុជាដោយខុសច្បាប់មិនអាច ប្រកែកបាន ហើយលោកនាយករដ្ឋមន្ត្រីថៃ អាប់ភីស៊ីត វេចាជីវ៉ាក់ ក៏បានសុំឲ្យពួកគេទាំងអស់នោះ ត្រូវតែគោរពសេចក្តីសម្រេចរបស់តុលាការកម្ពុជា ទៀតផង។
ការទម្លាក់ ចុះនូវគំនិតមានៈដោយការចង់ប្រើឥទ្ធិពលប្រទេសខ្លួនធំ មកគាបសង្កត់កម្ពុជាដែលជាប្រទេសតូច ត្រូវបានវាយបំបាក់ ដោយការលាតត្រដាងនូវភាពជាក់លាក់នៃទីតាំងពិតប្រាកដដែលត្រូវបានឈ្លាន ពានដោយថៃ នៅចំនុចភូមិជោគជ័យ ឃុំអូបីជាន់ ស្រុកអូរជ្រៅ ខេត្តបន្ទាយមានជ័យ តាមរយៈរូបភាពវីដេអូ ដែលថតដោយជនជាតិថៃជាប់ចោទ ហើយត្រូវបានផ្សព្វផ្សាយ (យូធូប) ជាសាធារណៈ គឺបានបង្ហាញពីចំណាត់ការប្រកបដោយ ប្រសិទ្ធភាព និងទាន់ពេលវេលា ដែលជាផ្នែកមួយដ៏សំខាន់ក្នុងកាតព្វកិច្ចការពារជាតិរបស់ រាជរដ្ឋាភិបាលកម្ពុជា។
ការចាប់ខ្លួនជនជាតិថៃទាំង៧រូប បានក្លាយទៅជាព្រឹត្តិការណ៍ប្រវត្តិសាស្ត្រដែលមិនធ្លាប់មានចំពោះទឹកចិត្តពលរដ្ឋកម្ពុជា ជាមួយការគាំទ្រនិង សាទរទៅនឹងចំណាត់ការរបស់រាជរដ្ឋាភិបាល ដោយសារតែមហាជនទូទៅបានកត់សម្គាល់ឃើញពីសកម្មភាពរបស់ជនជាតិថៃ ទាំងនោះ ធ្លាប់បានប្រឆាំងជំទាស់ទៅនឹងការចុះប្រាសាទព្រះវិហារខែ្មរចូល ក្នុងបញ្ជីបេតិកភណ្ឌពិភពលោក និងការតវ៉ាចង់បានទឹកដីខ្មែរជាបន្តបន្ទាប់ ។
សកម្មភាពដែលបង្កឡើងដោយក្រុមជ្រុលនិយមអាវលឿងថៃ គឺបានបង្កប់ទៅដោយចរិតនយោបាយ និងការយកការសម្ងាត់ក្នុងមូលដ្ឋានយោធាកម្ពុជា គឺពួកគេបានរំលោភយ៉ាងកំរោលលើគោលការណ៏ច្បាប់អន្តរជាតិ ។ ដូច្នេះ ការអនុវត្តវិធានការផ្លូវច្បាប់ជារឿងអទិភាពដែលមិនអាចខ្វះបាន ដើម្បីទប់ទល់នឹង ចរិតឈ្លានពានមកលើទឹកដីកម្ពុជា ដោយឧបាយកលទុច្ចរិតក្នុងផែនការគិតទុកជាមុននោះ ។
សមិទ្ធ ផលដ៏ធំធេង ដែលបង្ហាញពីភាពស្របច្បាប់ទទួលស្គាល់ជាអន្តរជាតិនៃអធិ បតេយ្យព្រំដែនដ៏ច្បាស់លាស់រវាងកម្ពុជា‑ ថៃ និង ឯករាជ្យភាពនៃប្រព័ន្ធតុលាការកម្ពុជា គឺការព្រមទទួលយកការពិត ដើម្បីបញ្ចប់នូវការអះអាងពីសំណាក់ភាគីថៃដែលធ្លាប់តែបានលើកឡើង ថាតំបន់ដែលត្រូវបានចាប់ខ្លួន គឺស្ថិតនៅក្នុងប្រទេសថៃ គឺពួកគេអាចបញ្ជូនភស្តុតាងទាំងឡាយទៅតុលាការបាន ប៉ុន្តែ តាមរយៈកម្មវិធីតុមូលរបស់ទូរទស្សន៍ ASTV ថ្ងៃទី១៦ ខែ មករា ឆ្នាំ ២០១១ លោកនាយករដ្ឋមន្ត្រីថៃអាប់ភីស៊ីត វេចាជីវ៉ាក់ បានទទួលស្គាល់ថា « ចំណុចដែលជនជាតិថៃទាំង៧នាក់ត្រូវបានខ្មែរចាប់ខ្លួននោះ គឺជាទឹកដីរបស់ខ្មែរ មិនចាំបាច់ទៅពិសោធអ្វីទេ ពីព្រោះបានទទួលសេចក្តីរាយការណ៍គ្រប់ផ្នែក បានអះអាងដូចគ្នាថា ជារបស់ខ្មែរ មានទាំងរូបវីឌីអូទុកជាភស្តុតាងផងដែរ ដូច្នេះ មានន័យថាជនជាតិថៃទាំង៧នាក់នោះពិតជាខុស បន្ទាប់ពីនេះសូមមហាជនថៃទោះជាអ្នកណាក៏ដោយ សូមកុំសង្ស័យតទៅទៀត ប្រយ័ត្នធ្វើឲ្យហេតុការណ៍ច្របូកច្របល់ ទន្ទឹមនឹងនេះសូមឲ្យរង់ចាំការកាត់ទោសរបស់កម្ពុជាថា តើកាត់សេចក្តីដោយវិធីណា? »។ នៅថ្ងៃដដែលនោះដែរទូរទស្សន៍ ASTV ក៍បានចាក់ផ្សាយឡើងវិញនូវបទសម្ភាសន៍របស់លោក ប្រាវីទ វុងសុវណ្ណ រដ្ឋមន្ត្រីក្រសួងការពារជាតិថៃ ដែលមានខ្លឹមសារថា « ទីកន្លែងដែលចាប់ខ្លួននោះ ជាកន្លែងរបស់ខ្មែរ ខ្មែរគេនៅតាំងពីយូរមកហើយ តាំងពីឆ្នាំ១៩៧៧ ទីនោះជាកន្លែងដែលកំណត់ថា ជារបស់កម្ពុជា។ ក្រោយពីពិនិត្យម្តងទៀតនៅឆ្នាំ ២០០៦ ក៏ជាផ្នែកមួយដែរ ដែលមានបង្គោលព្រំដែន ហើយថៃយើងក៏ទទួលស្គាល់ថា ត្រង់នោះ ជារបស់កម្ពុជា»។
បទបង្ហាញខាងលើនេះ គឺបានកើតមានឡើងក្រោយពេលដែលថ្នាក់ដឹកនាំថៃជាបន្តបន្ទាប់ដែលក្នុងនោះមានទាំងលោកឧបនាយករដ្ឋមន្ត្រីថៃ ស៊ូថេប ធឿងសុបាន់ និងលោកកាស៊ីត ភិរម្យ៉ា រដ្ឋមន្ត្រីការបរទេសថៃក៏បាននិយាយដែរថា ថៃទាំងនោះ បានចូលជ្រៅមកក្នុងទឹកដីកម្ពុជា ហើយលោកក៍បានជំរុញឲ្យតុលាការកម្ពុជាពន្លឿនដំណើរការនិវិធីរបស់ ខ្លួនឲ្យបានឆាប់ និងការប្រកាសគោរពនូវសេចក្តីសម្រេចរបស់តុលាការទៀតផង។ ដោយឡែកភស្តុតាងសំខាន់មួយទៀតក្នុងចំណោមការព្រមទទួលយកនូវ ការពិតរបស់ក្រុមមន្ត្រីថៃ ទៅនឹងចំណាត់ការរបស់កម្ពុជានោះ គឺ តាមប្រភពព័ត៌មាន Inn news កាលពីថ្ងៃទី១០ ខែមករា ឆ្នា២០១១ មេបញ្ជាការភូមិភាគ២ថៃ លោក ឧត្តមសេនីយ៍ទោ ថៈវ៉ាត់ឆៃ សមុតសាខន បានចេញមកអះអាងដែរថា « ត្រូវ រង់ចាំដំណើរការរបស់តុលាការ ទន្ទឹមនឹងនេះត្រូវទទួលស្គាល់ថា ថៃ៧នាក់បានបំពានចូលទឹកដីកម្ពុជាតាមអំពើចិត្តដែលមិនបានជូន ដំណឹងដល់សមត្ថកិច្ចជាមុន ប្រសិនបើបានជូនដំណឹងជាមុននោះ ក៏នឹងគ្មានបញ្ហាពិបាកដោះស្រាយតាមក្រោយទេ។ លោកបានបន្តថា ប្រសិនបើនរណាចូលមកក្នុងទឹកដីថៃក្នុងលក្ខណៈបែបនេះ ក៏ត្រូវចាប់ខ្លួនដូចគ្នាដែរ ព្រោះជារឿងនៃសេចក្តីថ្ងៃថ្នូរ ត្រូវតែផ្តល់កិត្តិយសឲ្យគ្នាទៅវិញទៅមក »។
យោង តាមអំណះអំណាងដូចបានរៀបរាប់មកនេះ យើងអាចសន្និដ្ឋានបានថា មេដឹកនាំនៃរដ្ឋាភិបាលថៃបានព្រមព្រៀងគ្នាជាធ្លុងមួយ ទទួលស្គាល់ថា ជនជាតិរបស់ខ្លួនដែលមានចរិតដុតបញ្ឆេះកំហឹងនៃចរន្តជាតិនិយមជ្រុលហួសហេតុ ដែលពួកគេរហូតមានការបំ ពានចូលក្នុងទឹកដីកម្ពុជាដោយខុសច្បាប់នោះ រដ្ឋាភិបាលថៃត្រូវតែមានវិធានការទប់ស្កាត់ជាដាច់ខាត ពីព្រោះទាំងនោះ គឺជា ទង្វើខ្វះសុច្ចរិតភាពដែលមិនបានឆ្លុះបញ្ចាំងពីជាតិសាសន៍ដែល ប្រកាន់ខ្ជាប់នូវការគោរពច្បាប់ទម្លាប់ ឬជាប្រទេសជិតខាងល្អនោះឡើយ។
ទោះជា យ៉ាងណា គេបានកត់សម្គាល់ឃើញថា នាពេលថ្មីនេះ រដ្ឋាភិបាលថៃបានពង្រឹងនូវការទប់ស្កាត់យ៉ាងតឹងរឹង ដោយមិនអនុញ្ញាតឲ្យក្រុមអ្នកតវ៉ាអាវលឿងមកបង្កការរាំងស្ទះដល់ ប្រជាជនរស់នៅតាមតំបន់ព្រំដែននោះឡើយ ។ ជាមួយគ្នានេះ ដើម្បីបន្ធូរបន្ថយភាពតានតឹង និងបង្ហាញពីទំនាក់ទំនងល្អនៃប្រទេសទាំងពីរ មុនការសម្រេចរបស់តុលាការឲ្យជនជាតិថៃចំនួន៦នាក់បាននៅក្រៅឃុំ ជាបណ្តោះអាសន្ន គេបានមើលឃើញថា រដ្ឋាភិបាលថៃ មានការដោះលែង និងបញ្ជូនត្រឡប់មកវិញនូវពលរដ្ឋខ្មែរប្រមាណជិត២០០នាក់ដែលត្រូវ បានចាប់ខ្លួនជាបន្តបន្ទាប់នាពេលកន្លងមក ក្នុងចំណោមនោះ មានពលរដ្ឋខ្មែរខ្លះ មិនត្រឹមតែពាក់ព័ន្ធនឹងបទល្មើសព្រហ្មទណ្ឌប៉ុណ្ណោះទេ គឺ មានការប្រព្រឹត្តបទឧក្រិដ្ឋទៀតផង ត្រូវបានដោះលែងឲ្យមានសេរីភាពមករស់នៅក្នុងប្រទេសកំណើតរបស់ ខ្លួនវិញ។ ជាការចាប់អារម្មណ៍មួយទៀតនោះ កាលពីថ្ងៃទី ១៨ ខែ មករា ឆ្នាំ២០១១ សមត្ថកិច្ចថៃ ក៏បានចាប់ខ្លួនមេដឹកនាំបណ្តាញអ្នកស្នេហាជាតិថៃមា្នក់ គឺលោក Chaiwat Sinsuvong ដោយ ចោទប្រកាន់ពីបទទាក់ទងទៅនឹងការឡោមព័ទ្ធព្រលានយន្តហោះកាលពី ឆ្នាំ២០០៨។ បើយោងតាមព័ត៌មានដែលទទួលបានមុនពេលចាប់ខ្លួន គឺលោក Chaiwat បាន ដឹកនាំក្រុមអ្នកគាំទ្រអាវលឿងដើម្បីផ្ញើញត្តិប្រឆាំងនឹង រដ្ឋាភិបាលថៃទៅកាន់ព្រះមហាក្សត្រ ហើយក្រុមនេះ ក៍បានចោទប្រកាន់រដ្ឋាភិបាលថៃថា ខ្វះការគ្រប់គ្រងលើបញ្ហានៃការបោះបង្គោលព្រំដែនជាមួយប្រទេស កម្ពុជាផងដែរ។
ដូច្នេះ ការសម្រេចជាឆន្ទានុសិទ្ធរបស់សាលាដំបូង និងសាលាឧទ្ធរណ៍នៃតុលាការកម្ពុជា ដែលបានអនុញ្ញាតដោះលែងជនជាប់ចោទជាជនជាតិថៃ៦នាក់ ឲ្យនៅក្រៅឃុំជាបណ្តោះអាសន្ន គឺជាសញ្ញាមួយដ៏ល្អនៃការបន្ធូរបន្ថយភាពតានតឹង និងការរក្សាបាននូវទំនាក់ទំនងល្អផ្នែកការទូត ការធានាបាននូវស្ថិរភាព និងបានជួយសម្រួលដល់ការប្រកបរបរទទួលទាន ក៍ ដូចជាការផ្លាស់ប្តូរពាណិជ្ជកម្មរវាងគ្នាទៅវិញទៅមករបស់ប្រជាជន នៅតាមព្រំដែននៃប្រទេសទាំងពីរ ដែលជានិរន្តរភាពនៃធុរកិច្ច ប្រក្រតីភាពនៃការចេញចូលរបស់ភ្ញៀវទេសចរណ៍ ជាពិសេស គឺបានបង្ហាញប្រាប់ពិភពលោកថា កិត្តិយស និងកិត្យានុភាព ការឯកភាពជាតិ កិច្ចការការពារទឹកដី គឺត្រូវបានរាជរដ្ឋាភិបាលគោរពយ៉ាងម៉ឺងម៉ាត់ស្របតាមរដ្ឋធម្មនុញ្ញ ក៏ដូចជាភាពរឹងមាំនៃអំណាចតុលាការដែលជាស្ថាប័នឯករាជ្យនៅក្នុង ប្រទេសកម្ពុជា បានក្លាយទៅជាគំរូដ៏ល្អនៃមាគ៌ាសន្តិភាពសម្រាប់បណ្តាប្រទេសក្នុង តំបន់និងនៅលើសកលលោក ៕
ពូន សំរេច
ថៃចាប់ពលរដ្ឋខ្មែរ៥នាក់ទៀត នៅច្រកព្រំដែនជោគជ័យ
ភ្នំពេញ ៖ បើយោងតាមការប្រាប់ឲ្យដឹង ពីអភិបាលស្រុកអូរជ្រៅ លោកកែវ សែន ឲ្យកម្ពុជាថ្មីដឹងថា ពលរដ្ឋខ្មែរចំនួន៥នាក់ទៀត ត្រូវបានទាហានប៉ារ៉ាថៃចាប់ខ្លួនកាលពីថ្ងៃទី១៧ ខែមករា កន្លងទៅនេះ។ លោកកែវ សែននិយាយថា ពលរដ្ឋទាំង៥នាក់នោះរស់នៅក្នុងភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយ មានជ័យ។ ពួកគាត់បានធ្វើដំណើរទៅស៊ីឈ្នួលជាកម្មករនៅក្នុងទឹកដីថៃ។
ពួកគេទាំង៥នាក់នោះត្រូវបានគេចាប់ខ្លួននៅក្នុងស្រុក វឌ្ឍនានុខន ខេត្តស្រះកែវ ក្នុងទឹកដីថៃ ខណៈដែលពលរដ្ឋទាំងនោះចូលទៅធ្វើជាកម្មករដូចសព្វដង។ លោកកែវ សែន និយាយទៀតថា យើងកំពុងតែព្យាយាមទាក់ទងជាមួយអាជ្ញាធរថៃ ដើម្បីឲ្យដឹងថា តើពលរដ្ឋទាំង៥នាក់នោះកំពុងតែស្ថិតនៅទីណាឥឡូវនេះ។ ពលរដ្ឋទាំង៥នាក់នោះមានទី១-ឈ្មោះ ម៉ាក់ មី ភេទស្រី អាយុ២៧ឆ្នាំ, ទី២-ឈ្មោះម៉ាក់ ចិត្រា, ភេទប្រុស អាយុ១៦ឆ្នាំ ត្រូវជាបងប្អូនបង្កើត,ទី៣-សួន ថាន ភេទប្រុស អាយុ១៩ឆ្នាំ, ទី៤-ឈ្មោះធន ថាន ភេទប្រុស អាយុ៣០ឆ្នាំ និងទី៥-ឈ្មោះធន ធី ភេទប្រុស អាយុ ១៦ឆ្នាំ អ្នកទាំងអស់គ្នារស់នៅក្នុងភូមិជោគជ័យ។ ទាក់ទងនឹងការចាប់ខ្លួននេះ ប្រធានវរៈព្រំដែនច្រកជោគ ជ័យបានបដិសេធថាមិនទាន់ដឹងនៅឡើយទេ ហើយក៏មិនទាន់ដឹងថា តើពួកគេទាំង៥នាក់ឆ្លងកាត់ចូលទឹកដីថៃតាមច្រកព្រំដែនណានោះទេ៕
ឫទ្ធី- អ.ពៅ
កម្ពុជាថៃឯកភាពគ្នាថាការចាប់ខ្លួនថៃ៧នាក់មិនប៉ះពាល់ទំនាក់ទំនងការទូត
ភ្នំពេញ: បន្ទាប់ពីជំនួបជាមួយរដ្ឋមន្ត្រីការបរទេសកូឡុំប៊ីនៅព្រឹកមិញ លោកហោ ណាំហុងរដ្ឋមន្ត្រី ការបរទេសកម្ពុជាបានអះអាងនៅព្រឹកនេះថា កម្ពុជានិងថៃ បានឯកភាពគ្នាថាការចាប់ខ្លួន ជនជាតិថៃទាំង៧នាក់មិនបានធ្វើឲ្យប៉ះពាល់ដល់ចំណងការទូតរវាងប្រទេសទាំងពីរទេ។
ការឯកភាពគ្នានេះបានធ្វើឡើងក្នុងជំនួបរវាងរដ្ឋមន្ត្រីការបរទេសទាំងពីនៅប្រទេសឥណ្ឌូនេស៊ីកាលពីថ្ងៃទី១៧មករា។ លោកហោ ណាំហុងអះអាងថា ភាគីថៃបានគោរពការអនុវត្តច្បាប់អន្តោប្រវេសន៍របស់កម្ពុជា ហើយថាកម្ពុជាគ្មានបំណងអាក្រក់ណាមួយចំពោះថៃក៏ដូចជាគ្មានការគុំគួនជាមួយជនជាតិថៃដែរ។
រដ្ឋមន្ត្រីការបរទេសថៃក៏បានថ្លែងអំណរគុណកម្ពុជាដែលបានដោះលែងជនជាតិថៃឲ្យនៅក្រៅឃុំជាបន្តបន្ទាប់៕
ការឯកភាពគ្នានេះបានធ្វើឡើងក្នុងជំនួបរវាងរដ្ឋមន្ត្រីការបរទេសទាំងពីនៅប្រទេសឥណ្ឌូនេស៊ីកាលពីថ្ងៃទី១៧មករា។ លោកហោ ណាំហុងអះអាងថា ភាគីថៃបានគោរពការអនុវត្តច្បាប់អន្តោប្រវេសន៍របស់កម្ពុជា ហើយថាកម្ពុជាគ្មានបំណងអាក្រក់ណាមួយចំពោះថៃក៏ដូចជាគ្មានការគុំគួនជាមួយជនជាតិថៃដែរ។
រដ្ឋមន្ត្រីការបរទេសថៃក៏បានថ្លែងអំណរគុណកម្ពុជាដែលបានដោះលែងជនជាតិថៃឲ្យនៅក្រៅឃុំជាបន្តបន្ទាប់៕
ក្រុមជ្រុលនិយមអាវលឿងថៃស្ងៀមស្ងាត់ នៅតាមច្រកព្រំដែន
អាជ្ញាធរខ្មែរប្រចាំនៅតាមច្រកព្រំដែន កម្ពុជាថៃក្នុងខេត្តបន្ទាយមានជ័យបាន បញ្ជាក់ថាក្រុមថៃអាវលឿងបាននាំ គ្នាដកថយអស់ហើយនៅថ្ងៃទី១៩ខែមករា នេះក្រោយពីព្យាយាម ចង់ចូលមកពិនិត្យបង្គោលឡាក់លេខ៤៦ និង៤៨នោះតែ មិនបានសម្រេចនោះ ។ តាមប្រសាសន៍របស់ ប្រធានការិយាល័យទំនាក់ទំនង ព្រំដែនអន្តរជាតិកម្ពុជាថៃ បានឲ្យដឹងថាកាលពីថ្ងៃទី១៨ខែមករាម្សិលមិញនេះ ប្រតិភូថៃអាវលឿងបានដាក់សំណើរចង់ចូល ទៅពិនិត្យបង្គោលឡាក់លេខ ៤៦ និង៤៨ ស្ថិតក្នុងភូមិជោគជ័យស្រុកអូរជ្រៅ ខេត្តបន្ទាយមានជ័យ ប៉ុន្តែត្រូវបាន ភាគីកម្ពុជាបដិសេធសំណើរនោះ ។ សូមជម្រាថាការប៉ុនប៉ងចង់ចូលពិនិត្យបង្គោលឡាក់លេខ៤៦និង៤៨កម្ពុជាដែល ជាទីតាំងអាជ្ញាធរកម្ពុជា ចាប់ខ្លួនថៃ៧នាក់ពីបទឆ្លងចូលទឹកដីខ្មែរខុសច្បាប់នោះ គឺនៅគ្រាដែលមេដឹកនាំថៃអាវលឿងឈ្មោះ វិរ៉ាស៊ុម ក្វាមឃីតត្រូវបន្តជាប់ឃុំក្នុង មន្ទីរឃុំឃាំងព្រៃសរនៅឡើយ។
ពលរដ្ឋខ្មែរ៥នាក់ត្រូវបានថៃបញ្ជូនមកឲ្យកម្ពុជាវិញហើយ
ពលរដ្ឋខ្មែរ៥នាក់ត្រូវបានអាជ្ញាធរថៃ បញ្ជូនមកឲ្យកម្ពុជាវិញហើយ ក្រោយពីមានការសុំដោះលែងពីខាងភាគីកម្ពុជា ។ តាមប្រសាសន៍របស់អ្នកនាំពាក្យ ក្រសួងការបរទេសនិង សហប្រតិបត្តិការអន្តរជាតិ លោក កុយ គួង បានឲ្យដឹងថា ពលរដ្ឋខ្មែរទាំង៥នាក់នោះត្រូវបាន ដោះលែងកាលពីថ្ងៃ ទី១៨ខែមករា ម្សិលមិញនេះជាមួយ នឹងកម្មករខ្មែរផ្សេងទៀតសរុបទាំង អស់ចំនួន៧៣នាក់ ។
ការដោះលែងនេះគឺក្រោយដែលមាន សេចក្តីរាយការណ៍ថាពលរដ្ឋខ្មែរ៥នាក់ ដែលបានឆ្លងចូលទៅក្នុងដីថៃដោយ ខុសច្បាប់ត្រូវបានប៉ូលិសថៃប្រចាំការនៅចំណុចស្រុកវត្តថាណានកន ខេត្តស្រះកែវចាប់ខ្លួននៅវេលាម៉ោង៣ ទៀបភ្លឺថ្ងៃទី១៨មករាម្សិលមិញ ។
ពលរដ្ឋទាំងនោះមានឈ្មោះម៉ាក់ មី ភេទស្រី អាយុ២៧ឆ្នាំ ឈ្មោះម៉ាក់ ចិត្រា ភេទប្រុស អាយុ១៦ឆ្នាំ ឈ្មោះ ផុន ថាន ភេទប្រុស អាយុ ៣១ឆ្នាំ ឈ្មោះ ផុនលី ភេទប្រុស អាយុ ១៦ឆ្នាំ និងឈ្មោះផាន ភេទប្រុសអាយុ ១៦ឆ្នាំ។ ពួកគេត្រូវបានអាជ្ញាធរខេត្តអះអាងថាជាអ្នកស្រុកកំពង់ធំ ត្រូវចេញទៅធ្វើជា កម្មករ នៅប្រទេសថៃតែត្រូវបានថៃបញ្ជូនមក កម្ពុជាវិញហើយ។
ជុំវិញការចាប់ខ្លួនពលរដ្ឋខ្មែរដែលចេញទៅធ្វើការនៅក្រៅប្រទេសនេះ ផងដែរ អាជ្ញាធរខ្មែរប្រចាំនៅខេត្តបន្ទាយមានជ័យបានឲ្យដឹងថាអាជ្ញាធរតែងតែធ្វើការ ណែនាំអប់រំប្រជាពលរដ្ឋនៅតាមបណ្តោយព្រំដែនឲ្យងាកមកធ្វើការងារនៅក្នុង ប្រទេសកម្ពុជា។
ដើម្បីជៀសវាងនូវគ្រោះថ្នាក់និងការចាញ់បោកណាមួយនៅ ទឹកដីថៃនោះ
គួរបញ្ជាក់ផងដែរថា អាជ្ញាធរកម្ពុជានិងថៃបានធ្វើការទំនាក់ទំនងគ្នា ជាបន្តបន្ទាប់នៅពេលដែលមានសេចក្តីរាយការណ៍ ពីការចាប់ពលរដ្ឋនៃប្រទេស ទាំងពីរ ។ កាលពីពីសប្តាហ៏មុនអាជ្ញាធរថៃ បានប្រគល់ពិរុទ្ធជន ខ្មែរចំនួន២០៩ នាក់មកឲ្យកម្ពុជាវិញ ហើយទន្ទឹមនឹងនេះ ថៃ៦នាក់ត្រូវបាន សម្រេចឲ្យនៅ ក្រៅឃុំហើយ នៅសល់តែមេដឹកនាំថៃអាវលឿង ឈ្មោះ វីរ៉ាស៊ុមក្វាមឃីត តែមួយប៉ុណ្ណោះដែល នៅតែជាប់ឃុំក្នុងមន្ទីរឃុំ ឃាំងព្រៃសរ នៅឡើយនោះ។ ទោះបីជាយ៉ាងណាក៏ដោយមន្ត្រីរាជរដ្ឋាភិបាលកម្ពុជាបានអះអាងថាទំនាក់ទំនង ការទូតនៃប្រទេសទាំងពីរនៅតែមានភាពប្រសើរឡើងដដែល ក្រោយដែល នាយករដ្ឋមន្ត្រីនៃប្រទេសទាំងពីរបានជួបគ្នា៤លើករួចមកហើយនោះ ៕
ការដោះលែងនេះគឺក្រោយដែលមាន សេចក្តីរាយការណ៍ថាពលរដ្ឋខ្មែរ៥នាក់ ដែលបានឆ្លងចូលទៅក្នុងដីថៃដោយ ខុសច្បាប់ត្រូវបានប៉ូលិសថៃប្រចាំការនៅចំណុចស្រុកវត្តថាណានកន ខេត្តស្រះកែវចាប់ខ្លួននៅវេលាម៉ោង៣ ទៀបភ្លឺថ្ងៃទី១៨មករាម្សិលមិញ ។
ពលរដ្ឋទាំងនោះមានឈ្មោះម៉ាក់ មី ភេទស្រី អាយុ២៧ឆ្នាំ ឈ្មោះម៉ាក់ ចិត្រា ភេទប្រុស អាយុ១៦ឆ្នាំ ឈ្មោះ ផុន ថាន ភេទប្រុស អាយុ ៣១ឆ្នាំ ឈ្មោះ ផុនលី ភេទប្រុស អាយុ ១៦ឆ្នាំ និងឈ្មោះផាន ភេទប្រុសអាយុ ១៦ឆ្នាំ។ ពួកគេត្រូវបានអាជ្ញាធរខេត្តអះអាងថាជាអ្នកស្រុកកំពង់ធំ ត្រូវចេញទៅធ្វើជា កម្មករ នៅប្រទេសថៃតែត្រូវបានថៃបញ្ជូនមក កម្ពុជាវិញហើយ។
ជុំវិញការចាប់ខ្លួនពលរដ្ឋខ្មែរដែលចេញទៅធ្វើការនៅក្រៅប្រទេសនេះ ផងដែរ អាជ្ញាធរខ្មែរប្រចាំនៅខេត្តបន្ទាយមានជ័យបានឲ្យដឹងថាអាជ្ញាធរតែងតែធ្វើការ ណែនាំអប់រំប្រជាពលរដ្ឋនៅតាមបណ្តោយព្រំដែនឲ្យងាកមកធ្វើការងារនៅក្នុង ប្រទេសកម្ពុជា។
ដើម្បីជៀសវាងនូវគ្រោះថ្នាក់និងការចាញ់បោកណាមួយនៅ ទឹកដីថៃនោះ
គួរបញ្ជាក់ផងដែរថា អាជ្ញាធរកម្ពុជានិងថៃបានធ្វើការទំនាក់ទំនងគ្នា ជាបន្តបន្ទាប់នៅពេលដែលមានសេចក្តីរាយការណ៍ ពីការចាប់ពលរដ្ឋនៃប្រទេស ទាំងពីរ ។ កាលពីពីសប្តាហ៏មុនអាជ្ញាធរថៃ បានប្រគល់ពិរុទ្ធជន ខ្មែរចំនួន២០៩ នាក់មកឲ្យកម្ពុជាវិញ ហើយទន្ទឹមនឹងនេះ ថៃ៦នាក់ត្រូវបាន សម្រេចឲ្យនៅ ក្រៅឃុំហើយ នៅសល់តែមេដឹកនាំថៃអាវលឿង ឈ្មោះ វីរ៉ាស៊ុមក្វាមឃីត តែមួយប៉ុណ្ណោះដែល នៅតែជាប់ឃុំក្នុងមន្ទីរឃុំ ឃាំងព្រៃសរ នៅឡើយនោះ។ ទោះបីជាយ៉ាងណាក៏ដោយមន្ត្រីរាជរដ្ឋាភិបាលកម្ពុជាបានអះអាងថាទំនាក់ទំនង ការទូតនៃប្រទេសទាំងពីរនៅតែមានភាពប្រសើរឡើងដដែល ក្រោយដែល នាយករដ្ឋមន្ត្រីនៃប្រទេសទាំងពីរបានជួបគ្នា៤លើករួចមកហើយនោះ ៕
កម្ពុជាថៃឯកភាពគ្នាថាការចាប់ខ្លួនថៃ៧នាក់មិនប៉ះពាល់ទំនាក់ទំនងការទូត
ភ្នំពេញ: បន្ទាប់ពីជំនួបជាមួយរដ្ឋមន្ត្រីការបរទេសកូឡុំប៊ីនៅព្រឹកមិញ លោកហោ ណាំហុងរដ្ឋមន្ត្រី ការបរទេសកម្ពុជាបានអះអាងនៅព្រឹកនេះថា កម្ពុជានិងថៃ បានឯកភាពគ្នាថាការចាប់ខ្លួន ជនជាតិថៃទាំង៧នាក់មិនបានធ្វើឲ្យប៉ះពាល់ដល់ចំណងការទូតរវាងប្រទេសទាំងពីរទេ។
ការឯកភាពគ្នានេះបានធ្វើឡើងក្នុងជំនួបរវាងរដ្ឋមន្ត្រីការបរទេសទាំងពីនៅប្រទេសឥណ្ឌូនេស៊ីកាលពីថ្ងៃទី១៧មករា។ លោកហោ ណាំហុងអះអាងថា ភាគីថៃបានគោរពការអនុវត្តច្បាប់អន្តោប្រវេសន៍របស់កម្ពុជា ហើយថាកម្ពុជាគ្មានបំណងអាក្រក់ណាមួយចំពោះថៃក៏ដូចជាគ្មានការគុំគួនជាមួយជនជាតិថៃដែរ។
រដ្ឋមន្ត្រីការបរទេសថៃក៏បានថ្លែងអំណរគុណកម្ពុជាដែលបានដោះលែងជនជាតិថៃឲ្យនៅក្រៅឃុំជាបន្តបន្ទាប់៕
ការឯកភាពគ្នានេះបានធ្វើឡើងក្នុងជំនួបរវាងរដ្ឋមន្ត្រីការបរទេសទាំងពីនៅប្រទេសឥណ្ឌូនេស៊ីកាលពីថ្ងៃទី១៧មករា។ លោកហោ ណាំហុងអះអាងថា ភាគីថៃបានគោរពការអនុវត្តច្បាប់អន្តោប្រវេសន៍របស់កម្ពុជា ហើយថាកម្ពុជាគ្មានបំណងអាក្រក់ណាមួយចំពោះថៃក៏ដូចជាគ្មានការគុំគួនជាមួយជនជាតិថៃដែរ។
រដ្ឋមន្ត្រីការបរទេសថៃក៏បានថ្លែងអំណរគុណកម្ពុជាដែលបានដោះលែងជនជាតិថៃឲ្យនៅក្រៅឃុំជាបន្តបន្ទាប់៕
Subscribe to:
Posts (Atom)