សមោសរតន្ត្រីសប្បុរសធម៌ ជួយដល់ប្រជាជនតំបន់តូហូគឹ ប្រទេសជប៉ុនដែលរងគ្រោះដោយរញ្ជួយដី និងរលកយក្សស៊ូណាមិ ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្រ្តី
Wednesday, March 12, 2014
លិខិតចំហរទៅកាន់ លោក Philip Rudduck
[លោក
Philip Rudduck តំណាងឲ្យបក្សសេរីនិយមរបស់អូស្ដ្រាលីក្នុងសភាតំណាងរាស្ត្រកាលពីមុនជារដ្ឋមន្ដ្រីអន្ដោប្រវេសន៍ ពីឆ្នាំ១៩៩៦ ដល់ឆ្នាំ២០០៣ ។
ចំណាប់អារម្មណ៍របស់លោកបាន ត្រូវកាសែត
The Cambodia Daily លើកយកមកផ្សាយ នៅថ្ងៃទី៨ ខែមីនា ឆ្នាំ២០១៤ កន្លងទៅនេះ។]
ខ្ញុំផ្ទាល់មានការចាប់អារម្មណ៍ណាស់
ពេលបានអានព័ត៌មាន ដែលលោកបានលើកឡើងអំពីកម្ពុជា និងការបោះឆ្នោត។
ខ្ញុំនឹកឃើញ កាលពីលោកបានធ្វើទស្សនៈកិច្ចចុងក្រោយនៅកម្ពុជា
នៅចុងទសវត្សរ៍ឆ្នាំ១៩៨០ ពេលនោះខ្ញុំយល់ថា វាសមរម្យហើយដែលលោកបានលើកឡើងថា
កម្ពុជាជាប្រទេស “ឯកបក្ស” ។ (នេះមិនចាំបាច់រិះគន់ថា អ្វីជាឯកបក្សនោះទេ
ព្រោះកាលណោះពុំមានគណបក្សច្រើនដែលមានចេតនា ឬក៏ពុះពារដើម្បីកសាងស្រុកទេស
និងប្រយុទ្ធជាមួយខ្មែរក្រហម ដែលកាលណោះកំពុងគាំទ្រដោយមហាអំណាចបរទេសមួយចំនួន)។
ប៉ុន្ដែក្រោយមក ចាប់តាំងពីឆ្នាំ១៩៩៣
កម្ពុជាបានឆ្លងកាត់ការបោះឆ្នោតជាច្រើនលើកក្នុងក្របខណ្ឌពហុបក្ស ហើយចុងក្រោយនេះ
គណបក្សប្រឆាំងទទួលបានអាសនៈសភាតំណាងរាស្ដ្រយ៉ាងសន្ធឹកសន្ធាប់ គឺច្រើនជាងគណបក្សសេរីនិយមរបស់លោកដែលជាបក្សប្រឆាំង
កាលពីបោះឆ្នោតចុងក្រោយនេះទៅទៀត។
ក្នុងកាសែត The Cambodia Daily ដែលខ្ញុំបានអាន លោកបានលើកឡើងថា “គណបក្សប្រជាជន បានដឹកនាំរដ្ឋាភិបាលអស់រយៈពេលជាយូរឆ្នាំមកហើយ”
គឺជាអ្វីដែលបញ្ជាក់ថា កម្ពុជាជា “រដ្ឋឯកបក្ស”។ ជាការពិតណាស់ហើយ
ដែលគេថាគណបក្សប្រជាជនកម្ពុជា បានបម្រើការក្នុងរាជរដ្ឋាភិបាល តាំងពីឆ្នាំ១៩៩៣
ថ្វីបើក្នុងអំឡុងឆ្នាំ១៩៩៣-១៩៩៨ គណបក្សនេះជាគណបក្សលំដាប់ទីពីរ
ក្នុងរដ្ឋាភិបាលចំរុះក៏ដោយ។
២១ឆ្នាំ គឺពិតជាមានរយៈពេលវែង។
ក៏ប៉ុន្ដែ វាមិនវែងជាង២៣ឆ្នាំ ដែលគណបក្សសេរី និយមរបស់លោក បានដឹកនាំរដ្ឋាភិបាលអូស្ដ្រាលី
ពីឆ្នាំ១៩៤៩ ដល់ឆ្នាំ១៩៧២ (ដោយមិនដែលធ្វើជាដៃគូជាគណបក្សតូចទីពីរ ក្នុងរដ្ឋាភិបាលចំរុះនោះឡើយ)។
ខ្ញុំគិតថា ប្រទេសអូស្ដ្រាលីជាប្រទេសឯកបក្សក្នុងរយៈកាលណោះ។
ទោះជាយ៉ាងណាក៏ដោយ ខ្ញុំឯកភាពជាមួយលោកថា
ការបោះឆ្នោតនៅកម្ពុជាជារៀងរាល់ដងបានប្រព្រឹត្តទៅមិនដូចជាប្រទេសអូស្ដ្រាលីទេ។
សំណាងណាស់ដែលមិនដូច។
លោកក៏ប្រហែលជាដឹងឮហើយថា
កាលពីបោះឆ្នោតខែកញ្ញាកន្លងទៅ ដែលបានលើកគណបក្សលោកឲ្យដឹកនាំរដ្ឋាភិបាលនោះ
អាជ្ញាធរកាន់កាប់ការបោះឆ្នោតនៅរដ្ឋអូស្ដ្រាលីខាងលិចបានបាត់សន្លឹកឆ្នោតចំនួន
១.៣៧០សន្លឹក ក្នុងអំឡុងពេលបោះឆ្នោតជ្រើសតាំងសមាជិកព្រឹទ្ធសភា។ គេរកឃើញករណីនេះដោយសារកាលណោះលទ្ធផលវាប្រកិតគ្នាពេក ហើយមានបេក្ខជនមួយរូប បានស្នើសុំឲ្យមានការរាប់សន្លឹកឆ្នោតឡើងវិញ។
យើងសូមសួរថា តើចំនួនសន្លឹក ឆ្នោតប៉ុន្មានទៀតដែលដើរខុសគន្លង
ខណៈដែលពុំមានបេក្ខជនណាទាមទារឲ្យរាប់ឡើងវិញនោះ? រឿងនេះប្រហែលជានៅតែគ្មាននរណាដឹងទាល់តែសោះ។
បើរឿងនេះវាមិនទាន់គ្រប់គ្រាន់នឹងបន្តុះបង្អាប់ដំណើរការបោះឆ្នោតនៅអូស្ដ្រាលីនោះ
ខ្ញុំសុំលើកយកព័ត៌មានមួយទៀត ដែលបានចុះផ្សាយក្នុងទំព័រកាសែតអង់គ្លេសមួយឈ្មោះ
The Guardian កាលពីថ្ងៃទី២៦ ខែកុម្ភៈ ថា៖ គណៈកម្មការបោះឆ្នោតអូស្ដ្រាលីបានកំពុងពិនិត្យឯកសារបោះឆ្នោតរបស់ខ្លួន
ចំនួន ១៩.០០០ករណី ដែលបានបង្ហាញឲ្យឃើញថា ប្រជាពលរដ្ឋបានបោះ ឆ្នោតលើសពីមួយដង។
អត្ថបទក្នុងកាសែតនោះបានបន្ថែមទៀតថា មានអ្នកខ្លះម្នាក់ឯងបានបោះឆ្នោត ៧ដង
ឬ ៩ដង ឬដល់ទៅ ១៥ដងឯណោះ។
បើយោងតាមសម្ដីដែលគេស្រង់ពាក្យរបស់អាជ្ញាធរទទួលបន្ទុកការបោះឆ្នោតនោះ
បានបញ្ជាក់ថា ករណីជាង ៨.០០០ «ត្រូវបានទាត់ចោល ថាជាកំហុសផ្លូវការ»។ ចុះលោកវិញ
តើលោកគិតថា អ្នកគ្រប់គ្រងការបោះឆ្នោតនោះ គួរឆ្លើយយ៉ាងដូចម្ដេចទៅវិញ?
លើសពីនេះទៅទៀត ភាពអាស្រូវនេះ
មិនមែនកើតឡើងទទេៗដោយគ្មានហេតុផលនោះទេ។ ក្នុងអំឡុងដែលអូស្ដ្រាលីជាប្រទេសឯកបក្សឆ្នាំ១៩៥៤-១៩៦១
និង១៩៦៩ ការបោះឆ្នោតទាំង៣លើកនោះ គណបក្សពលកម្មដែលជាគណបក្សប្រឆាំង ទទួលសម្លេងឆ្នោតច្រើនជាងគណបក្សសេរីនិយម
(តាមលទ្ធផលផ្លូវការរបស់គណៈកម្មការបោះឆ្នោត) ក៏ប៉ុន្ដែគណបក្សសេរីនិយមនៅតែទទួលបានអាសនៈភាគច្រើនក្នុងសភា។
មើលទៅ ទម្លាប់នេះហាក់ដូចជាមិនទាន់រលត់បាត់ស្រមោលនៅឡើយ។
បន្ទាប់ពីគណបក្សសេរីនិយមត្រូវបានជាប់ឆ្នោតដឹកនាំរដ្ឋាភិបាលនៅឆ្នាំ១៩៩៦មក
នៅឆ្នាំ១៩៩៨ មានការបោះឆ្នោតលើកទីមួយក្នុងអាណត្តិរបស់ខ្លួន គណបក្សពលកម្មបានឈ្នះ
៥១% (ក្នុងការបោះឆ្នោតដែលមានគណបក្សតែពីរ) រីឯគណបក្សសេរីនិយមបានសម្លេងឆ្នោត
៤៩%។ វាជាលទ្ធផលដែលប្រកាសជាផ្លូវការដោយគណៈកម្មការបោះឆ្នោត។ តែគណបក្សសេរីនិយមបែរជាបានទទួល៨០អាសនៈ រីឯបក្សប្រឆាំងទទួលបានតែ
៦៧អាសនៈទៅវិញ! (គណបក្សសេរីនិយមក៏ធ្លាប់ “ឈ្នះ” និងដឹកនាំរដ្ឋាភិបាលកាលពីឆ្នាំ១៩៤០
ដែរ ដោយទទួលសម្លេងតិចតួចជាងគណបក្សពលកម្មទទួលបាន។ មានតែមួយលើក គឺនៅឆ្នាំ១៩៩០
ពេលដែលគណបក្សទាំងពីរឈ្នះបានសន្លឹកឆ្នោតខុសគ្នាតែ ០,២% ប៉ុណ្ណោះ។ គណបក្សពលកម្មឈ្នះហើយបានដឹកនាំរដ្ឋាភិបាល
ខណៈខ្លួនឈ្នះគណបក្សសេរីនិយម តែសន្លឹកឆ្នោតលើសខ្វះគ្នាតិចតួចប៉ុណ្ណោះ។
យោងតាមប្រវត្តិសាស្ដ្រនេះ និងរឿងអាស្រូវទាំងនេះនៅក្នុងពេលបោះឆ្នោតខែកញ្ញា
(ចុះ មាននរណាទៀតដឹងថា មានរឿងអាស្រូវដែលត្រូវបានលាក់បាំងប៉ុន្មានទៀត?)
ពលរដ្ឋអូស្ដ្រាលីមិនអាចមានទំនុកចិត្តលើលទ្ធផលផ្លូវការនោះទេ។
ដូច្នេះ
ក្នុងនាមជាប្រជាជនអូស្ដ្រាលីស្នេហាជាតិមួយរូប
ខ្ញុំចង់ឲ្យសាធារណជនដឹងអំពីតម្រូវការឲ្យមានការស៊ើបអង្កេត
ដែលគ្រប់គ្រងដោយអង្គការសហប្រជាជាតិឥតលំអៀងទៅលើភាពមិនប្រក្រតី
នានាក្នុងការបោះឆ្នោតខែកញ្ញា។
ប្រសិនបើការស៊ើបអង្កេតបែបនោះ ត្រូវបានបង្កើតឡើង
វាប្រហែលជាត្រូវការជំនួយពីអង្គការសង្គមស៊ីវិលនៅកម្ពុជា ដែលមានជំនាញក្នុងការរក
កំហុសឆ្គងនៃការបោះឆ្នោត។ លោកប្រហែលជាអ្នកដែលបានផ្ដល់មូលនិធិដល់អង្គការទាំងនោះផង។
ខ្ញុំសង្ឃឹមថា លោកតំណាងរាស្ដ្រនឹងចូលរួមជាមួយនឹងខ្ញុំដើម្បីគាំទ្រការទាមទារសុំឲ្យមានគណៈកម្មការអន្ដរជាតិមួយដើម្បីស៊ើបអង្កេតការបោះឆ្នោតខែកញ្ញានៅអូស្ដ្រាលី។
ដោយការគោរពដើម្បីការបោះឆ្នោតយុត្តិធម៌
Allen Myers
Open letter to Philip Ruddock
[Philip
Ruddock holds an important position (“chief whip”) for the Liberal Party in the
Australian parliament, and was previously immigration minister from 1996 to
2003. His remarks in parliament quoted below were reported in the Cambodia
Daily on 8 March 2014.]
I
was interested to read press reports of your recent comments on Cambodia and
its elections.
In
the 1980s, which I gather is the last time you visited Cambodia, it would
probably be fair to describe Cambodia as a “one-party state”. (That is not necessarily
a criticism of the one party, because at that time there were not many parties
willing and able to take on, or even help with, rebuilding the country and
fighting the Khmer Rouge, who were being supported by a number of powerful
foreign governments.)
However,
since 1993 Cambodia has had regular multiparty elections; in the most recent
one, the opposition won a larger proportion of seats than was won by the Labor
opposition in the last Australian election.
The
report I read quoted you as saying that “the CPP being in government for such a
long period” is what defines Cambodia as a “one-party state”. And it is true
that the CPP has been in the government since 1993, although in the first
mandate, 1993-98, it was the junior partner.
Twenty-one
years is indeed a long time. But it is not as long as 23 years. Twenty-three
years, from 1949 to 1972, was the length of time that the Liberal Party
provided the government of Australia (without ever being the junior partner in
a coalition). That’s the party you belong to. I guess Australia must have been
a one-party state for all that time.
However,
I do agree with you that Cambodian elections “do not always look the same as”
Australia’s. Fortunately not.
As
you may have heard, in the election last September that brought your party into
government, the electoral authorities in the state of Western Australia somehow
lost 1370 ballots for the state’s members of the Senate. This was discovered
only because the official vote total was very close, and one of the candidates
requested a recount. How many other ballots went astray in electorates where a
recount was not requested, we will probably never know.
As
if this were not enough to discredit the Australian electoral process, on 26
February the Guardian reported that the Australian Electoral Commission
(AEC) was looking into 19,000 cases where electoral records show that
individuals voted more than once. In some instances, the individuals voted
multiple times: the article mentioned instances of single persons voting 7, 9,
12 and 15 times.
According
to the authorities quoted in the article, more than 8000 of the incidents “have
been ruled out as official mistakes”, but what would you expect them to say?
Moreover,
these scandals do not occur in a vacuum. In three elections during the period
when Australia was a one-party state – in 1954, 1961 and 1969 – the opposition
Labor Party won more votes than the Liberals, even in the official tally, but
the Liberals were nevertheless awarded a majority of seats in parliament.
And
these practices seem not to have died out then. After the Liberals were elected
to government in 1996, in the first election under their rule, in 1998, the
Labor Party won 51% of the two-party vote and the Liberals 49%. The result as
declared by the AEC? The Liberals were awarded 80 seats and the opposition 67!
(The Liberals also “won” government in 1940 with fewer votes than the Labor
Party received. Only once, in 1990, when the difference between the parties was
only 0.2%, did Labor win government with fewer votes than the Liberals.)
Given
this history and the admitted scandals in the September election (who knows how
many still hidden ones there are?), Australian citizens can have no confidence
in the official results.
Therefore,
as a patriotic Australian, I am seeking to popularise the demand for an
impartial UN-supervised investigation of the irregularities in the September
election. If such an investigation is established, it might use the assistance
of Cambodian civil society organisations that have expertise in finding
electoral flaws. You may even be funding some of them.
I
hope you will join me in supporting the demand for an international
investigation.
Yours
for fair elections,
Allen Myers
ទស្សនៈ កឹម សុខា ជាជនមិច្ឆាទិដ្ឋិ និងរមិលគុណ!
វាគ្រាន់តែជាការបោកប្រាស់ប្រជាពលរដ្ឋតែប៉ុណ្ណោះ
ដែល កឹម សុខា ផ្ញើសារចេញពីវត្តមួយកន្លែងក្នុងរាជធានីភ្នំពេញ
ជាទីកន្លែងប្រមូលផ្តុំដោយក្រុមប្រឆាំងដ៏ជ្រុលនិយម និងបានបង្កនូវសកម្មភាពហិង្សា
អានាធិបតេយ្យវឹកវរក្នុងសង្គមនាពេលកន្លងមក នូវពាក្យថា «
អ្នកដឹកនាំដែលមិនគោរពពុទ្ធឱវាទនាំឱ្យរាស្ត្ររងទុក្ខ»។
ពាក្យលើកតំកើងពុទ្ធឱវាទនេះ
បើស្តាប់ទៅពិតជាពិរោះ និងជាទីទាក់ទាញដល់សមានចិត្តរបស់ប្រជាពលរដ្ឋជាខ្លាំង
ប៉ុន្តែ ការពិត គឺកឹម សុខា ខ្លួនឯងទៅវិញនោះទេ ដែលបាន និងកំពុងជាន់ឈ្លីលើពុទ្ធោវាទ
ដែលជាពាក្យទូន្មានប្រៀនប្រដៅរបស់ព្រះសម្មាសម្ពុទ្ធ។ ផ្ទុយទៅវិញ កឹម
សុខា នេះហើយ គឺជាជនមិច្ឆាទិដ្ឋិ និងរមិលគុណ
ដែលប្រជាពលរដ្ឋខ្មែរគួរដឹងឱ្យបានច្បាស់ចៀសវៀងចាញ់ឧបាយកល និងវង្វេងដោយសារតែពាក្យបោកបញ្ឆោតរបស់គាត់។
កាលពីថ្ងៃទី១០
ខែមីនា ឆ្នាំ២០១៤
ក្នុងពិធីជួបជាមួយអ្នកគាំទ្ររបស់ខ្លួននៅវត្តសាមគ្គីរង្សី លោក កឹម សុខា
បានចោទប្រកាន់មកលើប្រមុខរាជរដ្ឋាភិបាលថា ជាមេដឹកនាំដែលពោរពេញទៅដោយ លោភៈ
ទោសៈ មោហៈ ហើយថា ការដឹកនាំបែបនេះ
នឹងធ្វើឱ្យប្រជារាស្ត្រនឹងមិនមានសេចក្តីសុខឡើយ និងថែមទាំងឌឺដងដោយពាក្យចំអកឡកឡើយមកលើរាជរដ្ឋាភិបាលថា
បាន និងកំពុងវង្វេង ដោយយកមិត្តធ្វើជាសត្រូវ និងនិយាយសំដៅទៅលើជនជាតិ(យួន គេចោទថាជាសត្រូវ
) ហើយបែរជារាជរដ្ឋាភិបាលយកធ្វើជាមិត្តទៅវិញ។
ហេតុអ្វីបានយើងខ្ញុំ
ជាអ្នកសរសេរអត្ថបទវិភាគនេះ ហៅលោក កឹម សុខា ថាជាជនមិច្ឆាទិដ្ឋិ និងរមិលគុណ?
យើងខ្ញុំសូមការអនុញ្ញាតិបកស្រាយដូចតទៅនេះ៖
ពាក្យថា
មិច្ឆាទិដ្ឋិ គឺសេចក្តីយល់ឃើញខុស ឬដំណើរយល់ឃើញខុសអំពីសេចក្តីពិត។
តើ
កឹម សុខា បានធ្វើខុសអ្វីខ្លះពីសេចក្តីពិត
តាំងពីមុនចាប់ផ្តើមជីវិតធ្វើនយោបាយ រហូតមកដល់ពេលនេះ?
និងហេតុអ្វីបានជាយើងខ្ញុំហៅ កឹម សុខា ថា ជាជនរមិលគុណ?
អតីតកាលរបស់
កឹម សុខា បានចងឱបភ្ជាប់ជាមួយនឹងប្រវត្តិដ៏អាមាស់ និងការនិយាយតៗគ្នាថា កឹម សុខា ចោរលួចអង្កៗៗៗ
នៅខណៈដែលប្រជាពលរដ្ឋក្រលំបាក វេទនារកអ្វីបរិភោគគ្មាន ព្រោះទើបនឹងងើបចេញពីរបបប្រល័យពូជសាសន៍
ប៉ុល ពត។ ប៉ុន្តែ កឹម សុខា បានរស់នៅដោយការហូបចុកគ្រប់គ្រាន់ និងមានបានយ៉ាងហូរហៀរ
។ កឹម សុខា មិនបានស្គាល់អ្វីទៅដែលហៅថាអត់ឃ្លាននោះទេ។ ការមិនអើពើនឹងអ្នកក្រខ្សត់នោះហើយ
គឺ កឹម សុខា ត្រូវជាប់ឈ្មោះ ម៉្យាងថា ជាចោរ និងម៉្យាងទៀត ក៏ជាប់ឈ្មោះថាជាជន
អាត្មានិយម
គ្មានគិតអ្នកដទៃនៅជុំវិញខ្លួនដែលកាលណោះប្រឈមនឹងការអត់ឃ្លានជាខ្លាំង។
មួយវិញទៀត
ចំពោះពាក្យចោទប្រកាន់របស់កឹម សុខា ទៅលើជនជាតិវៀតណាម ថា ត្រូវបានរាជរដ្ឋាភិបាលយកធ្វើមិត្ត
តែចំពោះខួរក្បាលរបស់ កឹម សុខា វិញចាត់ទុក វៀតណាម គឺជាសត្រូវរបស់ខ្លួនជារៀងរហូតនោះ
គឺកឹម សុខា បានបំភ្លេចចោលទាំងស្រុងនូវសច្ចធម៌ប្រវត្តិសាស្ត្រ
និងគុណបំណាច់ដែលកងទ័ពស្មគ្រ័ចិត្តវៀតណាមបានចូលរួមកម្លាំងក្នុងការរំដោះទឹកដីខ្មែរចេញពីពួករបបអាវខ្មៅដ៏យង់ឃ្នង
និងនាំមកនូវសន្តិភាពដល់បច្ចុប្បន្ន គឺជនជាតិវៀតណាម ដែលត្រូវបាន កឹម
សុខា ហៅដាច់សាច់ ថា យួនៗនោះហើយ
ជាអ្នកបាននាំឱ្យ កឹម សុខា មានឱកាសធ្វើនយោបាយដូចសព្វថ្ងៃ
ប៉ុន្តែ កឹម សុខា បានធ្វើខ្លួនជាសត្វក្រពើរមិលគុណ ។ នេះហើយជាការប្រព្រឹត្តប្រាស់ចាកអំពីពុទ្ធោវាទ។
ជាប់ឈ្មោះជាចោរលួចអង្ករប៉ុណ្នឹងហើយ កឹម សុខា
មិនបញ្ឈប់នូវអំពើខុសឆ្គងត្រឹមនេះទេ ថែមទាំងត្រូវបានមន្ត្រីដែលបំរើការងារនៅមជ្ឈមណ្ឌលសិទ្ធិមនុស្សកម្ពុជាប្តឹងចោទពីបទ
ប្រព្រឹត្តអំពើពុករលួយ
កិបកេងប្រាក់ជំនួយពីបរទេស ដើម្បីយកធ្វើមានបានសម្រាប់ខ្លួនឯងយ៉ាងចាស់ដៃ
ខណៈខ្លួនជាប្រធានអង្គការសិទ្ធិមនុស្សមួយ មុនពេលចូលប្រឡូកក្នុងឆាកនយោបាយ។
នេះ ហើយ ដែលគេហៅថា លោភៈ ដែលកើតចេញពីមោហ៍បាំង។
បើនិយាយអំពី
សីលធម៌រស់នៅក្នុងសង្គមវិញ កឹម សុខា
មិនស័ក្តិសមជាមេដឹកនាំគណបក្សនយោបាយដែលប្រកបដោយកិត្តិយស និងសេចក្តីថ្លៃថ្នូរ
និងជាស្វាមីដែលជាទីគោរព ពេញញចិត្តសម្រាប់ផ្តល់នូវភាពកក់ក្តៅសម្រាប់ក្រុមគ្រួសារនោះទេ
ពីព្រោះតែការមានទំនាក់ទំនងស្នេហាលួចលាក់ដោយមានប្រពន្ធចុងជាច្រើននាក់
គឺជាអំពើផិតក្បត់ និងបំពានលើច្បាប់ឯកព័ន្ធភាពយ៉ាងកំរោល។ នេះ
ហើយជាការរំលោភលើសិក្ខាបទ នៃនិច្ចសីល ត្រង់កន្លែង កាមេសុមិច្ឆាចារា វេរមុនី
សិក្ខាបទំសម្មាទិយាមិ គឺការប្រព្រឹត្តខុសក្នុងកាម។
បើនិយាយអំពីការភូតកុហក់វិញ
យើងសូមមិននិយាយពីមេបក្សប្រឆាំងទេ គឺនិយាយចំពោះតែបុគ្គល កឹម សុខាប៉ុណ្ណោះ គឺធ្លាប់បានភូតកុហក
បោកប្រាស់ប្រជាពលរដ្ឋស្ទើរគ្រប់ទីកន្លែង តាំងពីមុនបោះឆ្នោត
រហូតមកដល់បច្ចុប្បន្ន គឺ កឹម សុខា បានយកគោលនយោបាយ សន្យាខ្យល់
ធ្វើជាវិធីសាស្ត្រក្នុងការធ្វើនយោបាយរបស់ខ្លួន។
ការធ្វើប្រជាភិថុតលើទឹកចិត្តប្រជារាស្ត្រនេះហើយ ដែលជាការបំពានលើព្រះពុទ្ធឱវាទ ត្រង់ចំនុច មុសាវាទាវេរមុនីសិក្ខាបទំសម្មាទិយាមិ។
បុគ្គលអ្នកភូតភរមែងនាំមកនូវសេចក្តីវិនាស ទាំងក្នុងបច្ចុប្បន្ន
និងអនាគត។
បើពិនិត្យលើ
ទិដ្ឋភាពជាក់ស្តែង នៃស្ថានការណ៍នយោបាយក្នុងប្រទេសក្រោយការបោះឆ្នោត គឺកឹម
សុខា បានបដិសេធនូវការពិតជាប់រហូតមក បន្ទាប់ពីគណបក្សសង្គ្រោះជាតិចាញ់ឆ្នោតហើយនោះ
ធ្វើពហិកា មិនចូលប្រជុំសភា និងដើរភូតកុហកពលរដ្ឋខ្មែរក្នុង
និងនៅក្រៅប្រទេស ហើយថែមទាំងភូតភរសហគមន៍អន្តរជាតិថា
កម្ពុជាកំពុងជួបវិបត្តនយោបាយ
ដុតបញ្ឆេះកំហឹងប្រជាពលរដ្ឋឱ្យបះបោរប្រឆាំងជាមួយនឹងរាជរដ្ឋាភិបាលស្របច្បាប់
និងញុះញង់ បង្កហិង្សាបណ្តាលឱ្យមានមនុស្សស្លាប់ និងរបួសនាពេលកន្លងមកនោះ
ទង្វើនេះក៏ចាត់ចូលជា បុគ្គល មិច្ឆាទិដ្ឋិផងដែរ គឺនាំឱ្យអ្នកដទៃយល់ខុសតាមខ្លួន
និងពោរពេញទៅដោយលោភៈ ទោសៈគ្រប់ពេលវេលា។
យើងខ្ញុំជាអ្នកសរសេរទស្សនៈវិភាគនេះ
គ្រាន់តែអធិប្បាយមកយ៉ៗប៉ុណ្ណោះ ក៏អាចឱ្យបងប្អូនប្រជាពលរដ្ឋ បានដឹងថា
ការលើកយកពុទ្ធឱវាទ យកមកលើកតម្កើង ឬជាសំអាងថា ខ្លួនឯងល្អ
ហើយលាបព៌ណមកលើអ្នកដទៃថា ជាបុគ្គលអាក្រក់នោះ គឺ កឹម សុខា នេះឯងជាជនដែលដើរខុសពីគន្លងគោលការណ៍ព្រះពុទ្ធសាសនា
ដើម្បីតែបំរើប្រយោជន៍សួនតួ និងបក្ខពួក។
ផ្ទុយពីការយល់ខុសរបស់
កឹម សុខា គេបានដឹងថា ប្រមុខនៃរាជរដ្ឋាភិបាលកម្ពុជា
ស័ក្តិសមបំផុតជាមេដឹកនាំប្រកបដោយគុណធម៌
និងជាបុគ្គលសម្មាទិដ្ឋិ ឃើញពិត និយាយពិត និងជាបុគ្គលដែលដឹងគុណចំពោះអ្នកដែលមានឧបក្ការៈ
សមដូចទស្សនទានរបស់ សម្តេចតេជោ
ដែលថ្លែងដឹងគុណចំពោះកងទ័ពស្មគ្រ័ចិត្តវៀតណាម
និងឥស្សរជនខ្មែរជាច្រើនរូបដែលបានតស៊ូ ហ៊ានជីវិតដើម្បីជាតិ មាតុភូមិ
ដែលសម្តេចបានបញ្ជាក់ថា « ផឹកទឹកកុំភ្លេចប្រភពទឹក»។
ឃ្លាមួយប្រយោគនេះ
មានន័យគ្រប់គ្រាន់បំផុតសម្រាប់ដាស់សតិ កឹម សុខា ពីការវង្វេងភ័ន្ត ឱ្យងាកមករកផ្លូវប្រតិបត្តិដ៏ពិតប្រាកដតាមពុទ្ធឱវាទ ដើម្បីបានគេចចេញផុតពីអំពើខុសដែលកើតចេញពីការភូតកុហកនៅពីក្រោយជីវិតនយោបាយរបស់ខ្លួន
ប្រសិនបើ កឹម សុខា មានការភ្ញាក់រលឹកទាន់ពេលវេលា ៕
អត្ថបទដោយ៖
គង់ សម្បត្តិ
ឯកឧត្តមបណ្ឌិតសភាចារ្យ សុខ អាន ៖ សមោសរតន្ត្រីសប្បុរសធម៌នឹងអាចជួយបន្ធូរបន្ថយអារម្មណ៍តានតឹងរបស់ប្រជាជនជប៉ុនដែលរងគ្រោះដោយរញ្ជួយដី និងរលកយក្សស៊ូណាមិ
ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី នារសៀលថ្ងៃទី១១ ខែមីនា ឆ្នាំ២០១៤ ក្នុងនាមរាជរដ្ឋាភិបាលកម្ពុជា បានសម្តែងនូវមនោសញ្ចេតនាសោកស្តាយ និងចូលរួមមរណៈទុក្ខជាថ្មីម្តងទៀតចំពោះប្រជាពលរដ្ឋជប៉ុន ពិសេសពលរដ្ឋនៅតំបន់ Tohoku ប្រទេសជប៉ុន បានទទួលរងគ្រោះយ៉ាងធ្ងន់ធ្ងរពីការរញ្ជួយដី និងរលកយក្សស៊ូណាមីដែលមិនធ្លាប់មានកាលពី ៣ឆ្នាំមុន។
ក្នុងឱកាសអញ្ជើញចូលរួមជាអធិបតីក្នុងពិធីសម្តែងសិល្បៈសប្បុរសធម៌ នៅសណ្ឋាគារស៊ូហ្វីតែល ភូគីត្រា រាជធានីភ្នំពេញ ដើម្បីជួយដល់តំបន់ Tohoku ប្រទេសជប៉ុន ដែលរៀបចំធ្វើឡើងដោយស្ថានទូតជប៉ុនប្រចាំនៅព្រះរាជាណចក្រកម្ពុជា និងមូលនិធិផ្កាឈូក ឯកឧត្តមបណ្ឌិតសភាចារ្យ សុខ អាន បានមានប្រសាសន៍ថា យើងទាំងអស់គ្នានៅចងចាំយ៉ាងច្បាស់អំពីគ្រោះមហន្តរាយដ៏ធំនេះ ហើយយើងពិតជាមានការតក់ស្លុតនិងរន្ធត់យ៉ាងខ្លាំងចំពោះទំហំនៃការខូចខាតនិងការបាត់បង់ជីវិតមនុស្សរហូតជិតដល់ ២០.០០០នាក់។ ឆ្លៀតឱកាសនេះខ្ញុំក៏សូមកោតសរសើរចំពោះមូលនិធិផ្កាឈូក និងស្ថានទូតជប៉ុនប្រចាំព្រះរាជាណាចក្រកម្ពុជា ក្នុងការរៀបចំពិធីរំឮកខួបលើកទីបីនៃគ្រោះធម្មជាតិដ៏ធ្ងន់ធ្ងរនេះ ដែលអនុញ្ញាតឱ្យយើងទាំងអស់មានឱកាសម្តងទៀត ដើម្បីគោរពវិញ្ញាណក្ខន្ធជនរងគ្រោះ ព្រមទាំងបញ្ជូនសារចូលរួមមរណៈទុក្ខទៅកាន់ប្រជាជន និងរដ្ឋាភិបាលជប៉ុន ជាពិសេសទៅកាន់ក្រុមគ្រួសារជនរងគ្រោះក្នុងសោកនាដកម្មនេះ។ ក្នុងនាមប្រជាជន និងរាជរដ្ឋាភិបាលកម្ពុជា ដែលមានសម្ដេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជា ជាថ្មីម្ដងទៀតខ្ញុំសូមសម្ដែងនូវក្ដីអាណិតអាសូរ និងសោកស្តាយចំពោះអ្នកដែលបានបាត់បង់ក្រុមគ្រួសារជាទីស្រឡាញ់ មិត្តភ្ងា សហការី ក៏ដូចជាបាត់បង់ផ្ទះសំបែង ទ្រព្យសម្បត្តិ និងរបរអាជីវកម្មដោយសារមហន្តរាយថ្ងៃទី១១ ខែមីនាឆ្នាំ២០១១ នៅតំបន់ Tohoku។
ឯកឧត្តមបណ្ឌិតសភាចារ្យ សុខ អាន ក៏បានមានប្រសាសន៍ថ្លែងអំណរគុណចំពោះប្រទេសជប៉ុន ដែលតែងតែផ្តល់ការយកចិត្តទុកដាក់ចំពោះប្រទេស និងប្រជាពលរដ្ឋកម្ពុជាទទួលរងគ្រោះពីខ្យល់ព្យុះទីហ្វុង Ketsanaដែលបានបណ្តាលឱ្យបាត់បង់ជីវិតមនុស្ស ខូចខាតទ្រព្យសម្បិត្តនិងផលដំណាំយ៉ាងដំណំកាលពីឆ្នាំ២០០៩។ ឯកឧត្តមបណ្ឌិតសភាចារ្យឧបនាយករដ្ឋមន្ត្រី ប្រទេសជប៉ុនគឺជាប្រទេសមួយក្នុងចំណោមប្រទេសជាមិត្តដទៃទៀត ដែលបានផ្ដល់ជំនួយភ្លាមៗមកកម្ពុជា ទាំងស្មារតីនិងហិរញ្ញវត្ថុ។ នេះគឺជាកាយវិការដ៏ឧត្តុង្គឧត្តមឆ្លុះបញ្ចាំងឱ្យឃើញនូវការជួយគ្នាទៅវិញទៅមក មិត្តភាព និងសាមគ្គីភាពជាអន្តរជាតិ។
មានប្រសាសន៍ក្នុងឱកាសនោះដែរ ឯកឧត្តម Yuji Kumamaru ឯកអគ្គរាជទូតជប៉ុនប្រចាំនៅកម្ពុជា បានរំលឹកដល់មនោសញ្ចេតនារបស់ប្រជាពលរដ្ឋ និងរាជរដ្ឋាភិបាលកម្ពុជា ដែលបានចូលរួមរំលែកទុក្ខជាមួយប្រជាជនជប៉ុន ក្នុងពេលមានឧបទវហេតុរញ្ជួយដី និងរលកយក្សស៊ូណាមិ កាលពីឆ្នាំ២០១១កន្លងមកនេះនៅតំបន់ Tohuku និងអរគុណចំពោះភ្ញៀវដែលបានចូលរួមក្នុងកម្មវិធីសមោសរតន្ត្រីសប្បុរសធម៌ ជួយដល់តំបន់ Tohuku ផងដែរ។
សូមបញ្ជាក់ថា ក្នុងពិធីសម្តែងសិល្បៈនេះ មានកុមារាកុមារីកម្ពុជាជាច្រើនបានច្រៀងចម្រៀងជាភាសាជប៉ុនដែលនិពន្ធឡើងជាពិសេសដើម្បីផ្តល់ជាកម្លាំងចិត្តដល់ជនរងគ្រោះ និងក្រុមគ្រួសារពីការរញ្ជួយដី និងរលកយក្សស៊ូណាមី។ ឯកឧត្តមបណ្ឌិតសភាចារ្យ សុខ អាន បានចាត់ទុកចម្រៀងដ៏មានអត្ថន័យរបស់ក្មួយៗសិល្បៈករ សិល្បៈការិនីកម្ពុជាបានច្រៀង និងសម្តែងប្រាកដជានឹងបានឮដោយប្រជាជនជប៉ុន ហើយនឹងអាចជួយបន្ធូរបន្ថយអារម្មណ៍តានតឹងរបស់ជនរងគ្រោះ និងក្រុមគ្រួសារ៕
រាជរដ្ឋាភិបាលសម្រេចបញ្ចូលក្របខ័ណ្ឌគ្រូបង្រៀនចំនួន៦០០០នាក់ក្នុងឆ្នាំ២០១៤ និងប្រកាសលុបបំបាត់កាំប្រាក់ក្របខណ្ឌប្រភេទ “ឃ”
សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសនាព្រឹកថ្ងៃទី១១ ខែមីនា ឆ្នាំ២០១៤ សម្រេចឱ្យបញ្ចូលក្របខ័ណ្ឌគ្រូបង្រៀន ត្រឹម៦០០០ នាក់ទៀត នៅឆ្នាំ២០១៤ ក៏ដូចជាការប្រកាសឲ្យដឹងពីការលុបចោលកាំប្រាក់ក្របខណ្ឌប្រភេទ «ឃ» របស់មន្ត្រីរាជការដែលមានចំនួនប្រមាណជាង ១ម៉ឺននាក់ នៅទូទាំងប្រទេសដោយដំឡើងឲ្យទៅជាក្របខណ្ឌប្រភេទ «គ» ទាំងអស់ដើម្បីបន្ថយគម្លាតប្រាក់បៀវត្សក្នុងជួរមន្ត្រីរាជការ។
ថ្លែងក្នុងពិធីប្រគល់សញ្ញាបត្រដល់គរុនិស្សិត កម្រិតឧត្តម (បរិញ្ញាបត្រ+១) ជំនាន់ទី១៨ និងគ្រូបង្រៀន កម្រិតមូលដ្ឋាន ឯកទេស ភាសាបារាំងខ្មែរជំនាន់ទី១៥ នៅវិទ្យាស្ថានជាតិអប់រំទាក់ទងនឹងការសម្រេចឲ្យជ្រើសរើសក្របខ័ណ្ឌគ្រូបង្រៀនចំនួន ៦០០០នាក់នេះ សម្ដេចតេជោនាយករដ្ឋមន្ត្រីបានមានប្រសាសន៍ពន្យល់ថា នៅឆ្នាំ២០១៤នេះ ក្របខ័ណ្ឌគ្រូបង្រៀន ដែលត្រូវជ្រើសរើសថ្មី មានចំនួនដល់ទៅ៦.០០០នាក់ ប៉ុន្តែ ឯកឧត្តម ហង់ ជួនណារ៉ុន បានស្នើសុំដល់ ទៅ៧០០០នាក់ឯណោះ ប៉ុន្តែដោយសារ តែការស្នើសុំនេះ បានធ្វើឡើងក្រោយពេលដែលច្បាប់ថវិកាបានរៀបចំរួច ដូច្នេះបានជាអនុញ្ញាតផ្តល់ជូនតែចំនួន៦០០០នាក់តែប៉ុណ្ណោះ។ សម្តេចតេជោបាន ណែនាំឱ្យក្រសួងអប់រំ លើកផែនការដែល ទាក់ទងនឹង បញ្ហាបន្ថែមបុគ្គលិកនេះ សម្រាប់ឆ្នាំ២០១៥ ទៅក្រសួងមុខងារ សាធារណៈ និងក្រសួងសេដ្ឋកិច្ច និង ហិរញ្ញវត្ថុ សម្រាប់ចំនួន៧.០០០នាក់។ ដោយឡែកសម្រាប់ការស្នើសម្រាប់ឆ្នាំ ២០១៤ដោយសារច្បាប់ថវិកាបានរៀបចំរួច សម្តេចក៏បានអនុញ្ញាតពីចំនួន៥០០០ នាក់ ដល់៦០០០នាក់ ដោយមិនអាច សម្រេចផ្តល់ជូនដល់ ៧០០០នាក់នោះទេ។
ទាក់ទងនឹងការរីកចម្រើននៃការបណ្តុះបណ្តាលគ្រូបង្រៀន សម្ដេចតេជោមានប្រសាសន៍ឲ្យដឹងថា ក្រោយរំដោះពីរបប ប៉ុល ពត ជាពិសេសចាប់តាំងពីដំណាក់កាលមួយ ដែលយើងបានរៀបចំនូវវិស័យអប់រំ នេះឡើង បន្ទាប់ពីការដួលរលំរបប ប៉ុល ពត ការបណ្តុះបណ្តាលគ្រូ ដើម្បីបន្តវេន គឺជារឿងត្រឹមត្រូវ!។ ប៉ុន្តែមានដំណាក់ កាលមួយរបស់កម្ពុជា គឺគ្មានទេ ដែលហៅ ថា ដំណាក់កាលបន្តវេននោះ គឺរបប ប៉ុល ពត នោះឯង។ សម្តេចតេជោមានប្រសាសន៍កត់សំគាល់ថា វិស័យ អប់រំ បើសិនជាគ្មានការចូលរួមដោយ សង្គមទាំងមូលទេ តើវិស័យអប់រំរបស់យើង អាចឈានមកដល់កម្រិតប៉ុណ្ណេះបាន ដែរឬទេ? នេះជាចំនុចដែលយើងត្រូវចោទសួរ!។
ទាក់ទងនឹងប្រាក់បៀរវត្សរ៍របស់មន្ត្រីរាជការ សម្ដេចតេជោនាយករដ្ឋមមន្ត្រីមានប្រសាសន៍ពន្យល់ថា ការដំឡើងប្រាក់បៀវត្សតាមពហុអត្រាប្រភេទកាំប្រាក់ គ៣-១៤ គ៣-១៣ គ៣-១២ គឺឡើងដល់ជាង ២០% ប៉ុន្តែក្របខណ្ឌ «ក» វិញឡើងបានតែ ២%ទេ ព្រោះថា កន្លងមកបើក្របខណ្ឌប្រភេទ«ក»ប្រាក់ខែ១លានរៀល បើឡើង ២០% នោះនឹងបាន ២០ម៉ឺនរៀល ហើយបើកាំប្រាក់ប្រភេទ«គ»ប្រាក់ខែ ៣៦ម៉ឺនរៀលពេលឡើង ២០% បានតែ ៧ម៉ឺនរៀល ដូច្នេះត្រូវរៀបចំឡើងវិញអត់តម្លើង ២០% ស្មើគ្នានោះទេ គឺតាមរបៀបពហុអត្រាក្របខណ្ឌណាត្រូវឡើងបានប៉ុន្មាន ក្របខណ្ឌណាឡើងបានប៉ុន្មានរុញតាមរបៀបដែលហៅថា រុញបំបាស់។ ឥឡូវត្រូវរុញក្របខណ្ឌប្រភេទ «គ» ឲ្យវាបាស់ឡើងបន្តិចទៅ ដែលនេះជាកម្មវិធីនៃការរៀបចំប្រព័ន្ធបៀវត្សនៅពេលខាងមុខ។
សម្ដេចតេជោបានមានប្រសាសន៍ថា យើងត្រូវធ្វើដំណើរបន្តិចម្ដងៗតាមកម្មវិធីកំណែទម្រង់របស់រាជរដ្ឋាភិបាល ហើយការកែទម្រង់លើកនេះ យ៉ាងហោចណាស់ បើទោះបីជាប្រាក់ខែរបស់យើង មិនទាន់ស្របតាមការចង់បាន ប៉ុន្តែវានឹងប្រសើរឡើងបន្តិចម្តងៗ។ បើឲ្យមនុស្សស្របគ្រប់គ្នាលើពិភពលោក វាទាល់តែពិភពលោកទាំងមូលមានលុយម្នាក់ៗស្មើនឹង ប៊ែលហ្គែត ឯណោះនោះទើបពិភពលោកគឺវាអស់មានបញ្ហា។ ប៉ុន្តែនៅលើពិភពលោកនេះវាមានអ្នកមាន មានអ្នកក្រ មានអ្នកមានប្រាក់ខែច្រើនមានអ្នកប្រាក់ខែតិច វាជារឿងធម្មតាខ្លាំងណាស់។ ឯរឿងអ្នកសន្យាគឺអត់លំបាកទេព្រោះរឿងគ្រាន់តែនិយាយវាគ្មានអ្វីលំបាកទេ ប៉ុន្តែការធ្វើឲ្យបាននោះថា តើត្រូវដោះស្រាយរបៀបម៉េច មិនមែនគ្រាន់តែការនិយាយហើយឲ្យចប់នោះទេ។
ក្នុងបញ្ហាថវិកានេះដែរ សម្ដេចតេជោ ក៏ បានថ្លែងសំដៅទៅ មេបក្សប្រឆាំងថា៖ បញ្ហាការប្រើប្រាស់ថវិកា មិនមែនជាបញ្ហា ធម្មតាទេ ហើយអ្នកដែលគេនិយាយគឺ សម្បូរបែប! គេនិយាយយ៉ាងម៉េចក៏បាន ដែរ! ចង់ឱ្យម្នាក់៥លាន! ម្នាក់២លាន! ម្នាក់៣លាន! ស្រេចតែចិត្តចង់! ប៉ុន្តែ អង្គរក្សនិងអ្នកបើកបររថយន្តរបស់ខ្លួនឯង គឺឱ្យតែ៨០ ដុល្លារទេ! បញ្ហានេះគឺសុំឡើងផង! ។
សម្តេចតេជោនាយករដ្ឋមន្ត្រីមានប្រសាសន៍បញ្ជាក់ថា ការចំណាយទៅលើបញ្ហាបៀវត្សរ៍ ក្នុង១ខែៗមិនមែនជារឿងតូចទេ ហើយការចាយទៅលើបញ្ហាបៀវត្សរ៍ បើកាលណាចាយហើយ គឺមិនអាចដកហូតវិញបានទេ...ឥឡូវនេះកំណែទម្រង់ការបើកបៀវត្សរ៍របស់មន្ត្រីរាជការ កងកម្លាំងប្រដាប់អាវុធរបស់យើង គឺបានធ្វើក្នុងខែគឺធានាយ៉ាងណាឱ្យបើកលុយក្នុងខែ។
សម្តេចតេជោមានប្រសាសន៍ថា ការជំរុញឲ្យបើកប្រាក់ខែក្នុងខែត្រូវតែបញ្ជាក់ជាមួយ ក្រសួងសេដ្ឋកិច្ច និងហិរញ្ញវត្ថុបញ្ជាក់ជាមួយរតនាគារជាតិឲ្យបានច្បាស់ថា ក្នុងពេលដែលយើងរុញមក ដើម្បីបើកប្រាក់ខែឲ្យបានក្នុងខែ សាច់ប្រាក់មានពិតប្រាកដឬអត់ដូច្នេះត្រូវរៀបចំរំកិលសាច់ប្រាក់ តាំងពីប៉ុន្មានខែមុន រំកិលជាបណ្ដើរៗព្រោះបញ្ហារឿងថវិកាវាមានជាក្រដាស និងវាមានជាសាច់ប្រាក់ បើមានអាណាប័កទៅបើកវាគ្រាន់តែជាក្រដាសទេ ប៉ុន្តែទៅដល់រតនាគារវាមានសាច់ប្រាក់ឬអត់ នេះវា ជារឿងមួយទៀត។
សម្តេចតេជោបានមានប្រសាសន៍ថា ក្នុងឋានៈជានាយករដ្ឋមន្ត្រីមកនិយាយនៅទីនេះ ស្រាប់តែដល់ពេលអនុវត្តន៍ជាក់ស្ដែងគេទៅបើកលុយបែរជាខាងរតនាគារថា អត់មានសាច់លុយ បើអីញ្ចឹងយើងជានាយករដ្ឋមន្ត្រីយើងធ្វើនាយករដ្ឋមន្ត្រីរបៀបម៉េចទៅ ប៉ុន្តែគេគ្រាន់តែនាយករដ្ឋមន្ត្រី ឧទាហរណ៍អត់បញ្ហាអ្វីទាំងអស់ នេះខ្ញុំគ្រាន់តែឧទាហរណ៍ទេតើ បើខ្ញុំឈ្នះខ្ញុំឲ្យប្រាក់ខែ១លាន ហើយបើកឲ្យលឿន បើកតាំងពីថ្ងៃទី១ ច្បាស់ណាស់គេនឹងនិយាយព្រោះគេជានាយករដ្ឋមន្ត្រី ឧទាហរណ៍ ប៉ុន្តែនាយករដ្ឋមន្ត្រីពិតនិយាយត្រូវតែធ្វើ៕
ឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានថ្លែងឱ្យដឹងថា ចាប់ពីឆ្នាំ ១៩៩៣មក វិទ្យាស្ថានជាតិអប់រំ បានចាប់ផ្តើមបណ្តុះបណ្តាលរយៈពេលវែង ដល់គ្រូបង្រៀន កម្រិតឧត្តម គ្រូបង្រៀនកម្រិតមូលដ្ឋាន ឯកទេសភាសាបារាំងខ្មែរ អង់គ្លេសខ្មែរ គ្រូបឋមសិក្សា គ្រូឧទ្ទេសបឋមសិក្សា គ្រូ ឧទ្ទេសភាសាបារាំងអធិការបឋមសិក្សា និងអធិការមធ្យមសិក្សា សរុបចំនួន ១៣.៥៣៨នាក់ក្នុងនោះនារី៣.៥៦៣ នាក់។ ចាប់ពីឆ្នាំសិក្សា ២០១២-២០១៣ មក វិទ្យាស្ថានជាតិអប់រំ បានបើកវគ្គបណ្តុះ បណ្តាលថ្នាក់ បរិញ្ញាបត្រជាន់ខ្ពស់ផ្នែក គ្រប់គ្រងអប់រំ។ ដោយឡែកនៅឆ្នាំសិក្សា ២០១៣-២០១៤នេះ វិទ្យាស្ថាន ក៏មានបើកវគ្គបណ្តុះបណ្តាល គ្រូឧទ្ទេសអធិការ អប់រំផងដែរ ដែលមានសិក្ខាកាមចូលរួម២១នាក់ ក្នុងនោះមាននារី៨នាក់។
ជាមួយនោះ លោករដ្ឋមន្ត្រីក្រសួងអប់រំ ថ្លែងដែរថា រាជរដ្ឋាភិបាល ក្រោមការដឹកនាំប្រកបដោយគតិបណ្ឌិត និងឈ្លាសវៃ របស់សម្តេចតេជោនាយករដ្ឋមន្ត្រី បានដោះស្រាយទាន់ពេលវេលា នូវរាល់បញ្ហា ខ្វះខាតនានារបស់វិស័យអប់រំ។ ជាក់ស្តែងក្រៅពីជំនួយឧបត្ថម្ភនូវសំណង់អគារ សិក្សាជាច្រើន សម្តេចបានយកចិត្តទុកដាក់សម្រេចដំឡើងប្រាក់បៀវត្សរ៍ជូនគ្រូបង្រៀន និងផ្តល់អាទិភាពឱ្យក្រសួងអប់រំ ធ្វើការជ្រើសរើសគ្រូបង្រៀន ក្នុង១ឆ្នាំៗ ចំនួន ៥០០០នាក់តាំងពីឆ្នាំ២០០២ មក។
ដោយឡែកសម្រាប់ឆ្នាំ២០១៤នេះ សម្តេចបានអនុញ្ញាត ឱ្យក្រសួងជ្រើសរើសគ្រូបង្រៀនចំនួន៦០០០នាក់ ដើម្បីឆ្លើយ តបទៅនឹងសំណូមពរ រីកចម្រើនរបស់ វិស័យអប់រំ នៅទូទាំងប្រទេស។
ក្នុងពិធីប្រគ់សញ្ញាបត្រនោះ សម្តេចតេជោនាយករដ្ឋមន្ត្រីបានសម្តែងនូវទឹកចិត្តសោមនស្សចំពោះ លទ្ធផលបណ្ដុះ បណ្ដាលគរុនិស្សិត ដែលមានចំនួនយ៉ាងច្រើន រហូតដល់១០៣៨នាក់នោះ៕
មោទនភាពរបស់សម្តេចតេជោ គឺការប្រែក្លាយតំបន់អតីតសមរភូមិប្រយុទ្ធឲ្យក្លាយទៅជាតំបន់អភិវឌ្ឍន៍ និងជាទីផ្សារ
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា បានមានប្រសាសន៍អះអាងពីស្រុកបវេល ខេត្តបាត់ដំបង់ នាព្រឹកថ្ងៃទី១០ ខែមីនា ឆ្នាំ២០១៤ ថា គណបក្សប្រជាជនកម្ពុជាមិនមាននយោបាយប្រជាភិថុតិណាមួយទេ។ នយោបាយរបស់យើងជានយោបាយជាក់ស្តែង ហើយនយោបាយហេដ្ឋារចនាសម្ព័ន្ធដែលយើងបាន និងកំពុងធ្វើនៅតែជានយោបាយអាទិភាពរបស់គណបក្សប្រជាជនកម្ពុជា។
នៅក្នុងឱកាសសម្ពោធដាក់ឲ្យប្រើប្រាស់ផ្លូវជាតិលេខ ៥៧ បេ ដែលត្រូវបានចាត់ទុកជាផ្លូវយុទ្ធសាស្ត្រសំខាន់តភ្ជាប់ពីផ្លូវជាតិលេខ៥ ពីខេត្តបាត់ដំបងទៅកាន់ព្រំដែន កម្ពុជា-ថៃ តាមទីតាំងផ្សេងៗគ្នា ដោយមានវត្តមានលោកជំទាវ ពូ ជៀនគួ (Bu Jianguo) ឯកអគ្គរដ្ឋទូតសាធារណរដ្ឋប្រជាមានិតចិនប្រចាំកម្ពុជាចូលរួមផង សម្តេចតេជោនាយករដ្ឋមន្ត្រីមានប្រសាសន៍បញ្ជាក់ឲ្យដឹងថា ជាការសម្ពោធផ្លូវចុងក្រោយក្នុងចំណោមផ្លូវ៣ខ្សែ នៅភាគពាយ័ព្យប្រទេសកម្ពុជាដែលសម្ដេចធ្លាប់បានហៅថា ជា «មុំ ចង្ក្រានអភិវឌ្ឍន៍» ដែលក្នុងនោះរួមមានខេត្តបាត់ដំបង បន្ទាយមានជ័យ និងប៉ៃលិន ហើយដែលមុននេះខេត្តទាំងបីជាសមរភូមិដ៏ក្ដៅគគុកនោះ។
«មុំចង្ក្រាន អភិវឌ្ឍន៍»ដែលសម្តេចតេជោបានមានប្រសាសន៍ គឺសំដៅទៅដល់ការសាងសង់ ផ្លូវបីខ្សែ ក្នុងនេះ ផ្លូវទី១ គឺផ្លូវភ្ជាប់ពីបាត់ដំបងទៅប៉ៃលិន, ផ្លូវទី២ គឺផ្លូវជាតិលេខ៥៧បេ ដែលមានកំណាត់ផ្លូវទាំងបីដែលសម្ពោធ និងផ្លូវទី៣ គឺផ្លូវជាតិ លេខ៥៩ ដែលតភ្ជាប់ពីកូនដំរី ម៉ាឡៃ ទៅ ប៉ៃលិន។ សម្ដេចតេជោមានប្រសាសន៍ឲ្យដឹងថា ទិសពាយ័ព្យ នឹងទទួលបានផ្លូវ១ខ្សែទៀត គឺផ្លូវជាតិលេខ៥៥ ដែលតភ្ជាប់រវាងទីរួមខេត្តពោធិ៍សាត់ ទៅទល់នឹងថ្មដា ព្រំដែនកម្ពុជា-ថៃ ដែលផ្លូវនេះ មានប្រវែង ១៨២គ.ម ហើយនឹងត្រូវបើកការដ្ឋានសាងសង់ខាងមុខ។ បន្ទាប់ពីផ្លូវជាតិលេខ៥៥ គឺចិនបានជួយនៅតំបន់ពាយ័ព្យប្រទេសកម្ពុជានូវផ្លូវដល់ទៅជាង៧០០គ.ម ដើម្បីកម្ពុជាភ្ជាប់ផ្ទៃក្នុងរបស់ខ្លួន និងភ្ជាប់រវាងកម្ពុជាជាមួយព្រះរាជាណាចក្រថៃដែលនេះជានយោបាយអាទិភាពរបស់ព្រះរាជាណាចក្រកម្ពុជា ក្នុងការតភ្ជាប់ផ្ទៃក្នុងរបស់ខ្លួន និងម្ខាងទៀតភ្ជាប់ជាមួយប្រទេសជិតខាង។
ដោយរម្លឹកពីគោលបំណងជាក់លាក់ ក្នុងការប្រែក្លាយតំបន់ អតីតសមរភូមិប្រយុទ្ធ ឱ្យក្លាយទៅជាតំបន់អភិវឌ្ឍន៍ និងជាទីផ្សារនោះ សម្តេចតេជោបានបង្ហាញនូវមោទនភាពយ៉ាងខ្ពស់ដោយនៅក្នុងមួយជីវិតរបស់សម្តេច ដែលបានប្រមូលខ្មែរ ដែលមាននិន្នាការខុសៗគ្នាទាំងអស់ឱ្យឈប់វ៉ៃគ្នា ហើយមកអង្គុយធ្វើការជាមួយគ្នា។ សម្ដេចតេជោថ្លែងថា «អ្វីដែលសំខាន់នោះ នៅត្រង់ថា គោលបំណងជាក់លាក់បន្ទាប់ពីការអនុវត្ត នយោបាយឈ្នះ-ឈ្នះ បង្កើតឡើងនូវសន្តិភាព សម្រាប់តំបន់នេះនិយាយដោយឡែក និងនិយាយជារួមគឺទូទៅចាប់តាំងពីឆ្នាំ១៩៩៦ ខ្ញុំព្រះករុណាខ្ញុំ មានបំណងយ៉ាងខ្លាំង ក្នុងការប្រែក្លាយតំបន់អតីតសមរភូមិ ប្រយុទ្ធក្លាយទៅជាតំបន់អភិវឌ្ឍន៍ និងជាទីផ្សារ។ ចំណុចនេះគឺជាចំណុចដែលយើងត្រូវមើលឃើញ! អតីតកាលរបស់យើងទម្រាំ មានសុខសន្តិភាព ដែលកើតឡើងដោយកម្ពុជាខ្លួនឯងស្វែងរក ក្នុងឋានៈជាក្មេងជំនាន់ក្រោយ ហើយដែលដោះស្រាយបញ្ហាចំណងអ្នកមុនបានបង្កនេះ គឺយើងត្រូវការធ្វើយ៉ាងណាឱ្យតំបន់អតីតសមរភូមិប្រយុទ្ធនោះ ក្លាយទៅជាតំបន់អភិវឌ្ឍពិតប្រាកដ នេះជាចំណុចសំខាន់ណាស់សម្រាប់ខ្ញុំ ព្រះករុណាខ្ញុំ ក៏ដូចជាពលរដ្ឋកម្ពុជា ជាទូទៅ... ខ្ញុំព្រះករុណាខ្ញុំ មានមោទនភាពមួយជីវិត នៅត្រង់ការប្រមូលខ្មែរដែលមាននិន្នាការខុសគ្នាទាំងអស់ឱ្យឈប់វ៉ៃគ្នា ហើយមកអង្គុយធ្វើការជាមួយគ្នា។ អត់មានប្រើគ្រាប់កាំភ្លើងមួយគ្រាប់ទេ អត់មានយកមនុស្សទៅសម្លាប់ទេនោះគឺជាមោទនភាពបំផុត»។
សម្តេចតេជោបានមានប្រសាសន៍ឲ្យដឹងថា ទន្ទឹមនឹងការយកចិត្តទុកដាក់ទៅលើវិស័យសង្គម និងវិស័យដទៃទៀតដែលទាក់ទង ទៅនឹងការកសាងប្រទេស ប៉ុន្តែបើគ្មានផ្លូវ គ្មានស្ពាន គ្មានប្រឡាយទឹក គ្មានអគ្គិសនី និងគ្មានធនធានមនុស្សទេ យើងក៏មិនអាចធ្វើអ្វីបានដែរ។ ចំពោះអ្នកបោកប្រាស់ធ្វើយ៉ាងណាជានយោបាយរបស់គេដោយឡែក។ ព្រោះពលរដ្ឋបានបោះឆ្នោតបញ្ជាក់អំពីការជ្រើសរើសនយោបាយរបស់ខ្លួន សម្រាប់បណ្តាបក្សនយោបាយកន្លងទៅ ហើយក្នុងនោះនយោបាយរបស់ប្រជាជនកម្ពុជាដើរព្រមគ្នានឹងការដោះស្រាយ បញ្ហាសេដ្ឋកិច្ច និងបញ្ហាសង្គម បញ្ហាអប់រំ និងវិស័យដទៃទៀតគឺផ្តោតការយកចិត្តទុកដាក់លើបញ្ហាទាក់ទងនឹងបញ្ហាហេដ្ឋារចនាសម្ព័ន្ធដែលបាននឹងកំពុងធ្វើ និងបន្តធ្វើតទៅទៀតជានយោបាយអាទិភាពដែលចរន្តជាទូទៅនៃការចង់បានរបស់ ប្រជាជននៅក្នុងប្រទេសរបស់យើង ក៏ដូចជាការចង់បាននៃសហគមន៍ទាំង តំបន់មេគង្គ និងទាំងតំបន់អាស៊ានដែលកំពុងតែធ្វើការតភ្ជាប់។
ជាមួយគ្នានេះតាងនាមឲ្យប្រធាន និងប្រធានកិត្តិយស និងសមាជិក សមាជិកា គណបក្សប្រជាជនកម្ពុជាបានថ្លែងអំណរគុណចំពោះពលរដ្ឋកម្ពុជាដែលបាន បោះឆ្នោតជូនដែលនាំឲ្យរាជរដ្ឋាភិបាលមានលទ្ធភាពក្នុងការដឹកនាំ និងបន្តកសាងប្រទេសជាតិឲ្យមានការអភិវឌ្ឍលើគ្រប់វិស័យបន្តទៀតនោះ។
សម្តេចតេជោនាយករដ្ឋមន្ត្រីបានមានប្រសាសន៍ថា ក្នុងនាមសម្តេច ជា ស៊ីម, សម្តេច ហេង សំរិន និងក្នុងនាមរូបសម្តេចផ្ទាល់សម្តេចសូមថ្លែង អំណរគុណចំពោះពលរដ្ឋទាំងអស់ដែល បានបោះឆ្នោតគាំទ្រចំពោះគណបក្សប្រជាជនកម្ពុជាកាលពីសម័យបោះឆ្នោតកន្លងទៅដែលការបោះឆ្នោតនោះហើយ ដែលផ្តលឱកាសដល់សម្តេចបានមកសម្ពោធផ្លូវនៅថ្ងៃនេះ។
តាមរយៈលោកជំទាវ ឯកអគ្គរដ្ឋទូតសាធារណរដ្ឋប្រជាមានិតចិនប្រចាំកម្ពុជា សម្តេចតេជោ បានថ្លែងអំណរគុណចំពោះរដ្ឋាភិបាល និងប្រជាជនចិន ដែលតែងតែជួយគាំទ្រដល់ការអភិវឌ្ឍកម្ពុជា ក្នុងវិស័យជាអាទិភាព របស់រាជរដ្ឋាភិបាល គឺ ទឹក ផ្លូវ ភ្លើង និងធនធានមនុស្ស។ សម្ដេចតេជោថ្លែងសំដៅទៅកាន់ឯកអគ្គរដ្ឋទូតចិនថា «ធ្វើអគ្គរដ្ឋទូតចិននៅកម្ពុជា ត្រូវដើរជាមួយនាយករដ្ឋមន្ត្រីច្រើន ដោយសារតែមានសមិទ្ធផលច្រើនត្រូវសម្ពោធដាក់ឱ្យប្រើប្រាស់ និងបើកការដ្ឋាន»។ ទាក់ទិននឹងទំនាក់ទំនងកិច្ចសហប្រតិបត្តិការ រវាងកម្ពុជា និងចិនដែលបានឈានដល់ដំណាក់កាល ដៃគូជាយុទ្ធសាស្ត្រគ្រប់ជ្រុងជ្រោយ សម្ដេចតេជោមានប្រសាសន៍បញ្ជាក់ថា កម្ពុជានៅត្រូវការទុនយ៉ាងច្រើនពីមិត្តចិន ដើម្បីបន្តការកសាងប្រទេសជាតិតទៅទៀត។
ឯកឧត្តម ត្រាំ អ៊ីវ តឹក រដ្ឋមន្ត្រីក្រសួងសាធារណការ និងដឹកជញ្ជូនបានឱ្យដឹងថា នៅតាមកំណាត់ផ្លូវ ទាំងបីនេះ មានសាងសង់លូគ្រប់ប្រភេទ ២៥៩ កន្លែង និងស្ពាន៤១កន្លែង ប្រវែង សរុប ៧៣០ម៉ែត្រ។ ផ្លូវនេះអនុវត្តការសាងសង់ដោយក្រុមហ៊ុនសាជីវកម្មស្ពាន និងថ្នល់ចិន និងត្រួតពិនិត្យបច្ចេកទេសដោយក្រុមហ៊ុនក្វាងចូវវ៉ានអាន បានបើកការដ្ឋានកាលពីថ្ងៃទី២១ខែមីនា ឆ្នាំ២០១១ និងបញ្ចប់នៅថ្ងៃទី១៦ ខែធ្នូ ឆ្នាំ២០១៣ កន្លងទៅ ដែលតាមការគ្រោងទុកផ្លូវនេះ ត្រូវប្រើរយៈពេលសាងសង់ ៤៨ខែ ប៉ុន្តែបានបញ្ចប់មុនផែនការ។
ឯកឧត្តមរដ្ឋមន្ត្រីក្រសួងសាធារណការ និងដឹកជញ្ជូនបានឱ្យដឹងថា ផ្លូវជាតិលេខ ៥៧បេ គឺជាផ្លូវយុទ្ធសាស្ត្រយ៉ាងសំខាន់ តភ្ជាប់ពីផ្លូវជាតិលេខ៥ រហូតដល់ព្រំដែនកម្ពុជា-ថៃ តាមទីតាំងផ្សេងៗគ្នា ដែលមានពលរដ្ឋរស់នៅអមសងខាងផ្លូវដ៏ច្រើនកុះករ ភាគច្រើនប្រកបរបរកសិកម្ម ដោយសារដីនៅតំបន់នេះ មានជីជាតិល្អ និងការធ្វើពាណិជ្ជកម្ម និងពលកម្មឆ្លងដែន។
ការសាងសង់រួច នូវផ្លូវជាតិលេខ៥៧បេ ទាំងបីកំណាត់នេះត្រូវបានចាត់ទុកថា បានធ្វើសមាហរណកម្មផ្ទៃក្នុងបន្ថែម ព្រមទាំងបង្កលក្ខណៈងាយស្រួលក្នុងការទំនាក់ទំនង និងការធ្វើដំណើរ រវាងខេត្តបាត់ដំបងឆ្ពោះទៅព្រំប្រទល់កម្ពុជា-ថៃ និងតាមរយៈផ្លូវជាតិលេខ៥៩ ឆ្ពោះទៅខេត្តប៉ៃលិន ដែលតភ្ជាប់គ្នានូវតំបន់ប៉ៃលិន កំរៀង ភ្នំព្រឹក្ស សំពៅលូន ម៉ាឡៃ ទៅនឹងច្រកទ្វារព្រំដែន ប៉ោយប៉ែត-អារញ្ញប្រាថេត ហើយតាមរយៈ ផ្លូវជាតិលេខ៥៧ និងផ្លូវជាតិលេខ៥ ឆ្ពោះទៅរាជធានីភ្នំពេញ។ ផ្លូវជាតិលេខ៥៧បេ និងជួយសម្រួលបន្ថែមដល់ការធ្វើពាណិជ្ជកម្មឆ្លងកាត់ព្រំដែន ទេសចរណ៍ និងការអភិវឌ្ឍដាំដុះដំណាំកសិកម្ម និងកសិ-ឧស្សាហកម្ម ដ៏មានសក្តានុពល ពិសេសដំណាំស្រូវ ដំឡូងមី ពោត សណ្ដែក របស់ខេត្តបាត់ដំបង និងតំបន់ តាមបណ្ដាយព្រំដែនកម្ពុជា ថៃ ជាការរួមចំណែកយ៉ាងធំ ក្នុងការជំរុញល្បឿននៃការអភិវឌ្ឍសេដ្ឋកិច្ចជាតិ និងកាត់បន្ថយភាពក្រីក្រ របស់ ប្រជាជនកម្ពុជា បានយ៉ាងឆាប់រហ័សផងដែរ។ បច្ចុប្បន្ន នេះខេត្តបាត់ដំបង បាននឹងកំពុងធ្វើសមាហរណកម្មផ្ទៃក្នុង ដោយខេត្តមានផ្លូវក្រាល កៅស៊ូជាច្រើនខ្សែ តភ្ជាប់ពីទីរួមខេត្ត ឆ្ពោះ ទៅកាន់ទីរួមស្រុកចំនួន១៣ ក្នុងចំណោម ស្រុកទាំង១៤ របស់ខេត្ត។ ដៅយឡែក រាជរដ្ឋាភិបាល ក៏នៅមានគម្រោងសាងសង់ផ្លូវខេត្តលេខ ១៥៧៧បន្ថែមប្រវែង៥៥គ.ម តភ្ជាប់ពី ផ្លូវជាតិលេខ៥៧ កាត់តាមសេកសក និងស្រុកសំឡូត ឆ្ពោះទៅច្រកទ្វារព្រំដែន ”ច្រក៤០០” ដែលបានបញ្ចូលក្នុងផែនការឆ្នាំ២០១៥ និងគ្រោងប្រើប្រាស់ហិរញ្ញប្បទាន ពីសាធារណរដ្ឋប្រជាមានិតចិន។
គម្រោងនេះនឹងបំពេញបន្ថែមបណ្ដាញផ្លូវ ថ្នល់តំបន់ពាយ័ព្យទិស និងបញ្ចប់សមាហរណកម្មផ្ទៃក្នុងរបស់ខេត្តបាត់ដំបង។ ផ្លូវជាតិលេខ៥៧បេ មានប្រវែងសរុប ១៧៦៣៥គ.ម បានសាងសង់ឡើងដោយចំណាយប្រាក់កម្ចីសម្បទានពីសាធារណរដ្ឋប្រជាមានិតចិន ៨៩លាន ៩សែន ៨ម៉ឺនដុល្លារអាមេរិក និងថវិកាបដិភាគមួយចំនួនរបស់ រាជរដ្ឋាភិបាលកម្ពុជា ចំណាយទៅលើការដោះមីន យុទ្ធភណ្ឌមិនទាន់ផ្ទុះ និងដោះស្រាយផលប៉ះពាល់៕
សុន្ទរកថា ឯកឧត្តមបណ្ឌិតសភាចារ្យ សុខ អាន ក្នុងពិធីរំឮកខួបលើកទីបីនៃការរញ្ជួយដី និងរលកយក្សស៊ូណាមី នៅតំបន់ Tohoku ប្រទេសជប៉ុន
រាជធានីភ្នំពេញ ថ្ងៃទី១១ ខែមីនា ឆ្នាំ២០១៤
- ឯកឧត្តម Yuji Kumamaru ឯកអគ្គរាជទូតជប៉ុនប្រចាំនៅព្រះរាជាណាចក្រកម្ពុជា
- លោកស្រី Tomiko Kimura ស្ថាបនិកាមូលនិធិផ្កាឈូកនិងជានាយិកាសាលាអូរីហ្គាមី
- ឯកឧត្តម លោកជំទាវ អស់លោក លោកស្រី ភ្ញៀវកិត្តិយសជាតិនិងអន្តរជាតិ
- ក្មួយៗ កុមារា កុមារី សិស្សានុសិស្សទាំងអស់ជាទីមេត្រី!
ថ្ងៃនេះ កាលពីឆ្នាំ២០១១ តំបន់ Tohoku ប្រទេសជប៉ុនបានទទួលរងគ្រោះយ៉ាងធ្ងន់ធ្ងរពីការរញ្ជួយដី និងរលកយក្សស៊ូណាមី ដែលមិនធ្លាប់មានពីមុនមក ។ យើងទាំងអស់គ្នានៅចងចាំយ៉ាងច្បាស់អំពីគ្រោះមហន្តរាយដ៏ធំនេះ ហើយយើងពិតជាមានការតក់ស្លុត និងរន្ធត់យ៉ាងខ្លាំងចំពោះទំហំនៃការខូចខាត និងការបាត់បង់ជីវិតមនុស្សរហូតជិតដល់ ២០.០០០នាក់។ ឆ្លៀតឱកាសនេះ ខ្ញុំក៏សូមកោតសរសើរចំពោះមូលនិធិផ្កាឈូក និងស្ថានទូតជប៉ុនប្រចាំព្រះរាជាណាចក្រកម្ពុជា ក្នុងការរៀបចំពិធីរំឮកខួបលើកទីបីនៃគ្រោះធម្មជាតិដ៏ធ្ងន់ធ្ងរនេះ ដែលអនុញ្ញាតឱ្យយើងទាំងអស់មានឱកាសម្តងទៀត ដើម្បីគោរពវិញ្ញាណក្ខន្ធជនរងគ្រោះ ព្រមទាំងបញ្ជូនសារចូលរួមមរណៈទុក្ខទៅកាន់ប្រជាជន និងរដ្ឋាភិបាលជប៉ុន ជាពិសេសទៅកាន់ក្រុមគ្រួសារជនរងគ្រោះក្នុងសោកនាដកម្មនេះ។
ក្នុងនាមប្រជាជន និងរាជរដ្ឋាភិបាលកម្ពុជា ដែលមានសម្ដេចអគ្គមហាសេនាបតីតេជោ ហ៊ុន សែនជានាយករដ្ឋមន្ត្រីនៃព្រះរាជាណាចក្រកម្ពុជា ជាថ្មីម្ដងទៀត ខ្ញុំសូមសម្ដែងនូវក្ដីអាណិតអាសូរ និងសោកស្តាយ ចំពោះអ្នកដែលបានបាត់បង់ក្រុមគ្រួសារជាទីស្រឡាញ់ មិត្តភ្ងា សហការី ក៏ដូចជាបាត់បង់ផ្ទះសំបែង ទ្រព្យសម្បត្តិ និងរបរអាជីវកម្ម ដោយសារមហន្តរាយថ្ងៃទី១១ ខែមីនាឆ្នាំ២០១១ នៅតំបន់ Tohoku។
កាលពីឆ្នាំ២០០៩ ប្រទេសកម្ពុជាបានទទួលរងគ្រោះពីខ្យល់ព្យុះទីហ្វុង Ketsana ដែលបានបណ្តាលឱ្យបាត់បង់ជីវិតមនុស្ស ខូចខាតទ្រព្យសម្បិត្ត និងផលដំណាំយ៉ាងដំណំ។ ប្រទេសជប៉ុន គឺជាប្រទេសមួយក្នុងចំណោមប្រទេសជាមិត្តដទៃទៀត ដែលបានផ្ដល់ជំនួយភ្លាមៗមកកម្ពុជា ទាំងស្មារតី និងហិរញ្ញវត្ថុ។ នេះគឺជាកាយវិការដ៏ឧត្តុង្គឧត្តមឆ្លុះបញ្ចាំងឱ្យឃើញនូវការជួយគ្នាទៅវិញទៅមក មិត្តភាព និងសាមគ្គីភាពជាអន្តរជាតិ។
នាថ្ងៃនេះ កុមារា កុមារីកម្ពុជាជាច្រើន បានច្រៀងចម្រៀងជាភាសាជប៉ុន ដែលនិពន្ធឡើងជាពិសេស ដើម្បីផ្តល់ជាកម្លាំងចិត្តដល់ជនរងគ្រោះ និងក្រុមគ្រួសារពីការរញ្ជួយដី និងរលកយក្សស៊ូណាមី។ ខ្ញុំជឿជាក់ថា ចម្រៀងដ៏មានអត្ថន័យរបស់ក្មួយៗប្រាកដជានឹងបានឮដោយប្រជាជនជប៉ុន ហើយនឹងអាចជួយបន្ធូរបន្ថយអារម្មណ៍តានតឹងរបស់ជនរងគ្រោះ និងក្រុមគ្រួសារ។ ខ្ញុំក៏សូមកោតសរសើរ និងវាយតម្លៃខ្ពស់ចំពោះមូលនិធិផ្កាឈូក និងផ្នែក ឯកជនរបស់ជប៉ុននៅកម្ពុជា ដែលបានប្រមូលមូលនិធិ ដើម្បីជួយដល់ជនរងគ្រោះពីមហន្តរាយនេះ។
ជាទីបញ្ចប់ ខ្ញុំសូមជូនពរឯកឧត្តម លោកជំទាវ លោកឧកញ៉ា អស់លោក លោកស្រី ភ្ញៀវកិត្តិយសជាតិនិងអន្តរជាតិ ក្មួយៗសិស្សានុសិស្សទាំងអស់ សូមមានសុខភាពល្អ ទទួលបានជោគជ័យគ្រប់ភារកិច្ច និងមានសុភមង្គលក្នុងក្រុមគ្រួសារ។
សូមអរគុណ!
បទអត្ថាធិប្បាយ៖ មួយជីវិតរបស់មេដឹកនាំគណបក្សប្រឆាំង គិតតែម៉្យាងគត់ គឺ បង្កចលាចលសង្គម និងបំផ្លាញជាតិ!
នៅក្រោយពេលជួបចរចាគ្នាម្តងៗរវាងគណបក្សប្រជាជនកម្ពុជា
និងគណបក្សសង្រ្គោះជាតិ គេតែងតែកត់សម្គាល់ឃើញថា លោក សម រង្ស៊ី ប្រធានគណបក្សសង្រ្គោះជាតិ
ជានិច្ចកាលបានបង្ហាញមុខតាមរយៈបណ្តាញសង្គមហ្វេសបុករបស់ខ្លួន ( Facebook ) ដែលបានលើកឡើងថា
«យើងមិនចូលប្រជុំសភាដាច់ខាត ដរាបណា ការៀបចំការបោះឆ្នោតត្រឹមត្រូវឡើងវិញ មិនទាន់បានដោះស្រាយនោះ»។
ការលើកឡើងរបស់មេដឹកនាំគណបក្សប្រឆាំង
ត្រូវបានអ្នកវិភាគឯករាជ្យមួយចំនួនវិភាគថា វាគ្រាន់តែជាការដោះសារ
ឬគ្រាន់តែជាការដោះបំណុលសន្យារបស់ខ្លួនតែប៉ុណ្ណោះ។
ចាប់តាំងពីចុងខែកុម្ភៈ
រហូតមកដល់ដើមខែមីនាឆ្នាំ២០១៤នេះ ទោះបីតំណាងក្រុមបច្ចេកទេសនៃគណៈកម្មការចម្រុះរបស់គណបក្សទាំងពីរបានដំណើរការចរចា
មានការឯកភាពគ្នាជាបន្តបន្ទាប់ និងមានការខ្វែងគំនិតគ្នាមួយចំនួនក្តី ក៏ក្រុមបច្ចេកទេសនៃគណបក្សទាំងពីរ
នឹងនៅតែបន្តជួបចរចា នាថ្ងៃច័ន្ទទី១៧ ខែមីនា ឆ្នាំ២០១៤ ខាងមុខក្តី ប៉ុន្តែបែរជាថ្នាក់ដឹកនាំរបស់គណបក្សសង្រ្គោះជាតិ
ជាពិសេស លោក សម រង្ស៊ី ជារើយៗតែងតែបោះពាក្យសម្តីតាមរយៈសារព័ត៌មាននានាជាញ៉ឹកញាប់
មានជាអាទិ៍៖
កាលពីថ្ងៃទី១៨ ខែកុម្ភៈ
និងថ្ងៃទី០៣ និង ថ្ងៃទី១១ ខែមិនា ឆ្នាំ២០១៤ សម
រង្ស៊ី បានលើកឡើងថា « ប្រសិនបើគណបក្សប្រជាជនកម្ពុជាមិនព្រមព្រៀងនៅសប្តាហ៍ខាងមុខចំពោះសំណើររបស់គណបក្សសង្រ្គោះជាតិឲ្យប្រើរូបមន្តពីរភាគបីរបស់រដ្ឋសភា
ដើម្បីតែងតាំងសមាជិកគណៈកម្មាធិការជាតិរៀបចំការបោះឆ្នោតទេនោះ
នឹងមិនមានកិច្ចប្រជុំគណៈកម្មាធិការគណបក្សចម្រុះក្នុងអនាគតទៀតទេ .....ប្រសិនបើគ្មានចម្លើយតបវិជ្ជមានទេមិនចាំបាច់បន្តពិភាក្សាទៀតទេ
...យើងឈប់ចរចា...។ល។»។
ការលើកឡើងរបស់លោក
សម រង្ស៊ី មួយម៉ាត់ណាក៏គម្រាមឈប់ចរចា មួយម៉ាត់ណាក៏ព្រមានយកការមិនចូលប្រជុំសភាមកធ្វើចំណាប់ខ្មាំងលើគណបក្សប្រជាជនកម្ពុជា
និងមកលើរាជរដ្ឋាភិបាលដែរ។
គេនៅចាំបានថា
កាលឆ្នាំ២០០៤ លោក សម រង្ស៊ី បានយល់ព្រមលើកដៃអនុម័តវិសោធនកម្មរដ្ឋធម្មនុញ្ញពី២ភាគ៣
មក ៥០បូក១ ដោយខ្លួនឯង ប៉ុន្តែបច្ចុប្បន្ននេះ
បែរជាលោក សម រង្ស៊ី ទាមទារចង់ធ្វើវិសោធកម្មពី៥០បូក១
មក២ភាគ៣ វិញ។ នេះ គឺជាចេតនាបង្កការរាំងស្ទះផ្នែកនយោបាយជាថ្មីបង្កឡើងដោយគណបក្សប្រឆាំង
និងមានបំណងរុញស្ថានការណ៍នយោបាយដែលកំពុងល្អប្រសើរ
ឱ្យវិលទៅរកវិបត្តិដូចពីអតីកាល។
កាលពីថ្ងៃទី១០ខែមិនាឆ្នាំ២០១៤
គណបក្សសង្រ្គោះជាតិ បានចេញសេចក្តីថ្លែងការណ៍ ថា«គោលជំហរគណបក្សសង្រ្គោះជាតិ
ទាមទារឲ្យស្ថាប័នគ.ជ.បជាស្ថាប័នធម្មនុញ្ញ និងការជ្រើសតាំងសមាសភាព គ.ជ.ប ត្រូវអនុម័តដោយសម្លេង ពីរភាគបី
នៃសមាជិកសភាទាំងមូល...។ល។
ឆ្លើយតបទៅនឹងសេចក្តីថ្លែងការណ៍នោះ
គណបក្សប្រជាជនក៏បានចេញសេចក្តីថ្លែងការណ៍របស់ខ្លួន ដោយបញ្ជាក់ជំហរថា ជំនួបរបស់គណៈកម្មការចម្រុះគណបក្សប្រជាជនកម្ពុជា
និងគណបក្សសង្រ្គោះជាតិនៅវិមានព្រឹទ្ធសភា នាថ្ងៃទី១០ ខែមីនា ឆ្នាំ២០១៤
មិនអាចឈានដល់ការធ្វើសេចក្តីប្រកាសរួមឡើយ។គណៈកម្មការចម្រុះដើម្បីសិក្សា
និងរៀបចំក្របខ័ណ្ឌកំណែទម្រង់ការបោះឆ្នោត ខាងគណបក្សប្រជាជនកម្ពុជា
បានឯកភាពឲ្យដាក់ប្រធានបទ«កំណែទម្រង់ស្ថាប័នរៀបចំការបោះឆ្នោត»ទៅក្នុងក្របខ័ណ្ឌកំណែទម្រង់ការបោះឆ្នោត
តែមិនឯកភាព ការចែងអំពីស្ថាប័នរៀបចំការបោះឆ្នោតជាស្ថាប័នធម្មនុញ្ញ
ហើយអនុម័តសមាសភាព ស្ថាប័ននេះដោយសម្លេងពីរភាគបីនៃសមាជិករដ្ឋសភាទាំងមូលទេ។ គណបក្សប្រជាជនកម្ពុជា
មានការសោកស្តាយ ដោយគណបក្សសង្រ្គោះជាតិនៅតែយកបញ្ហានេះមកធ្វើជាលក្ខខ័ណ្ឌ ដែលអាចបង្កការរាំងស្ទះដល់ដំណើរការកំណែទម្រង់ការបោះឆ្នោតនាពេលខាងមុខ។
គណបក្សប្រជាជន នៅតែប្រកាន់ជំហរបន្តការចរចា តាមស្មារតីនៃកិច្ចប្រជុំនាថ្ងៃទី១០ខែមីនាឆ្នាំ២០១៤។
ការទាមទាររបស់គណបក្សសង្រ្គោះជាតិត្រូវឱ្យស្ថាប័នគ.ជ.ប
ជាស្ថាប័នធម្មនុញ្ញ
គឺមានតម្លៃស្មើនឹងការទាត់ចោលស្ថាប័នក្រុមប្រឹក្សាធម្មនុញ្ញ
ដែលបានធ្វើការប្រកបដោយសុក្រិតភាពនាពេលកន្លងមក
ក្នុងការដោះស្រាយពាក្យបណ្តឹង
និងភាពមិនប្រក្រតីនានាពាក់ព័ន្ធនឹងដំណើរការបោះឆ្នោតនាពេលកន្លងមកដោយផ្អែកលើគោលការណ៍ច្បាប់នោះ
។
ម៉្យាងទៀត
ការទាមទាររបស់មេដឹកនាំគណបក្សប្រឆាំងចង់ប្តូរពីរូបមន្ត៥០ភាគរយបូក១
មក២ភាគ៣វិញនោះ សង្គមកម្ពុជា
នឹងអាចប្រឈមជាមួយវិបត្តិដែលនឹងកើតមានជាថ្មី
ហើយច្បាប់សំខាន់ៗជាច្រើនដែលត្រូវការអនុម័តអាចនឹងជាប់គាំង
ដោយការបដិសេធពីតំណាងរាស្ត្រគណបក្សប្រឆាំងជាក់ជាពុំខានឡើយ៕
អត្ថបទដោយ៖
លី គាំ
Subscribe to:
Posts (Atom)