សេចក្តីជូនដំណឹង
ថ្ងៃទី ២០ ខែកក្កដា ឆ្នាំ ២០១២ វេលាម៉ោង ០៨:៣០នាទី នៅវិមានសន្តិភាពនៃទីស្តីការគណៈរដ្ឋមន្រ្តី នឹងមានបើកសម័យប្រជុំពេញអង្គគណៈរដ្ឋមន្រ្តី ក្រោមអធិបតីភាពដ៏ខ្ពង់ខ្ពស់បំផុតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាក្នុងអាណត្តិទី៤ ដើម្បីពិភាក្សាលើរបៀបវារៈដូចខាងក្រោម៖
១- សេចក្តីព្រាងផែនការយុទ្ធសាស្ត្រអភិវឌ្ឍន៍ទេសចរណ៍ ២០១២-២០២០។
២- សេចក្តីព្រាងគោលនយោបាយជាតិ ស្តីពីបរិស្ថាន និងសុខភាព។
៣- សេចក្តីព្រាងអនុក្រឹត្យ ស្តីពីការរៀបចំ និងការប្រព្រឹត្តទៅរបស់អគ្គលេខាធិការដ្ឋាន នៃគណៈស្ថាបត្យករកម្ពុជា ។
៤-បញ្ហាផ្សេងៗ ៖ សំណើសុំការយល់ព្រមពីគណៈរដ្ឋមន្ត្រី ដើម្បីផ្ញើសុំសច្ចាប័នពីស្ថាប័ននីតិប្បញ្ញត្តិលើ :
៤.១- អនុសញ្ញាចំនួន០២របស់អាជ្ញាធរជាតិអាវុធគីមី ៖
៤.១.១-អនុសញ្ញាស្តីពីការជូនដំណឹងជាបន្ទាន់ ពីគ្រោះថ្នាក់មហន្តរាយនុយក្លេអ៊ែរ ។
៤.១.២-អនុសញ្ញាស្តីពីសុវត្ថិភាពនុយក្លេអ៊ែរ ។
៤.២-កិច្ចព្រមព្រៀងពិធីសារ និងអនុស្សរណៈយោគយល់គ្នារបស់រដ្ឋលេខាធិការដ្ឋានអាកាសចរស៊ីវិល ៖
៤.២.១-កិច្ចព្រមព្រៀងពហុភាគីអាស៊ាន ស្តីពីសេរីភាវូបនីយ៍កម្មពេញលេញ នៃសេវាកម្ម ដឹកជញ្ជូនអ្នកដំណើរតាមផ្លូវអាកាសរួមទាំងពិធីសារចំនួន ០២
៤.២.២-ពិធីសារអនុវត្តកញ្ចប់កិច្ចសន្យាទី៦ នៃសេវាកម្មដឹកជញ្ជូនតាមផ្លូវអាកាសនៅក្នុងតំបន់អាស៊ាន ។
៤.២.៣-អនុស្សរណៈយោគយល់ ស្តីពីកិច្ចសន្យាសេវាកម្មផ្លូវអាកាសរបស់អាស៊ានជាមួយ ដៃគូ ។
អាស្រ័យហេតុនេះសូមសាធារណៈមតិជាតិ និងអន្តរជាតិជ្រាបជាព័ត៌មាន។
រាជធានីភ្នំពេញថ្ងៃទី១៩ ខែកក្កដា ឆ្នាំ២០១២
-របៀបវារៈនេះអាចនឹងមានការកែប្រែ
នៅក្នុងករណីជាក់ស្តែង។
នៅវិមានសន្តិភាព នៃទីស្តីការគណៈរដ្ឋមន្ត្រី នាព្រឹកថ្ងៃទី១៨ ខែកក្កដា ឆ្នាំ២០១២ មន្ត្រីអ្នកនាំពាក្យមកពីអង្គភាព និងស្ថាប័ននានា របស់រាជរដ្ឋាភិបាល បានទទួលការហ្វឹកហ្វឺន ក្នុងរយៈពេល៣ថ្ងៃ ដើម្បីបំប៉នសមត្ថ ភាពក្នុងតួនាទីជាអ្នកនាំពាក្យ សុច្ចរិត ត្រឹមត្រូវ ពីរាជរដ្ឋាភិបាលជូនប្រជាពលរដ្ឋ តាមរយៈអ្នកសារព័ត៌មាន។
ទី១,អ្នកនាំពាក្យ ត្រូវមានគុណសម្បត្តិ និងមានជំហរប្រកាន់ភ្ជាប់នូវគោលការណ៍របស់ស្ថាប័នដែលខ្លួនត្រូវនាំពាក្យ និងគោលជំហររបស់រាជរដ្ឋាភិបាល។
វេទិកាធុរកិច្ចអាមេរិក-អាស៊ាននៅក្រោមប្រធានបទ «ការប្តេជ្ញាឆ្ពោះទៅរកការតភ្ជាប់»បានប្រព្រឹត្តទៅនៅក្នុងខេត្តសៀមរាប ដែលជាទឹកដីដ៏បរមបុរាណនៃអរិយធម៌អង្គរនៃព្រះ រាជាណាចក្រកម្ពុជា នៅថ្ងៃទី ១៣ ខែកក្កដា ឆ្នាំ២០១២ ដោយមានវត្តមានលោកជំទាវ ហ៊ីលឡារី គ្លីនតុន រដ្ឋមន្រ្តីក្រសួងការបរទេសសហរដ្ឋអាមេរិកនិងវត្តមានឯកឧត្តម ធេន សេន ប្រធានាធិបតីនៃសាធារណរដ្ឋសហភាពមីយ៉ាន់ម៉ា លោកជំទាវ យីងឡាក់ នាយករដ្ឋមន្ត្រីនៃព្រះរាជាណាចក្រថៃត្រូវបានចាត់ទុកថា ជាព្រឹត្តិការណ៍មានសារសំខាន់សម្រាប់កម្ពុជា ជាពិសេសសម្រាប់បណ្តា ប្រទេសអាស៊ានទាំងអស់នោះ ។
អំពីជំហររបស់ព្រះរាជាណាចក្រកម្ពុជា សម្តេចនាយករដ្ឋមន្រ្តីថ្លែងថា ខ្ញុំសូមគាំទ្រ យ៉ាងពេញទំហឹងចំពោះគំនិតបង្កើន និងពង្រឹងភាពជាដៃគូ យុទ្ធសាស្ត្ររវាងសហរដ្ឋឤមេរិក និងឤស៊ានរួមបញ្ចូលទាំងភាពជាដៃគូរវាងរដ្ឋាភិបាល និងវិស័យឯកជនរបស់ប្រទេសយើង ទាំងអស់គ្នាផងដែរ ដើម្បីជំរុញកសាងហេដ្ឋារចនាសម្ព័ន្ធទាំងផ្នែករឹង និងផ្នែកទន់សំដៅ ធានាឱ្យមានការតភ្ជាប់គ្នាយ៉ាងពេញលេញនៅក្នុងតំបន់។ សម្តេចតេជោមាន ប្រសាសន៍ថា សម្រាប់កម្ពុជាវិញយើងបានប្រឹងប្រែងបង្កើតបរិស្ថានវិនិយោគមួយ ដែលមានលក្ខណៈសេរីបំផុតនៅក្នុងតំបន់ តាមរយៈការអនុវត្តគោលនយោបាយបើកចំហ និងការផ្តល់នូវរបបសារពើពន្ធ និងបរិស្ថានវិនិយោគអនុគ្រោះ ដែលគ្មានការរើសអើងជូនដល់ធុរជនចាប់តាំងពីឆ្នាំ ១៩៩៣ មក។ ទន្ទឹមនឹងនេះ យើងកំពុងតែជំរុញអនុវត្តយ៉ាងសកម្មនូវរបៀបវារៈកែទម្រង់ផ្ទៃក្នុងប្រទេស ដោយផ្តោតជា ពិសេសទៅលើការសម្រួលពាណិជ្ជកម្ម។