Friday, September 19, 2014
លោក អាត់ ធន់ ប្រធានសហភាពការងារកម្ពុជា ត្រូវបានតុលាការដាក់ឲ្យនៅក្រោមការស៊ើបអង្កេត និងមិនត្រូវអនុញ្ញាតជួបបុគ្គលមួយចំនួនបង្កើតជាក្រុម ធ្វើសកម្មភាពនៅតាមទីសាធារណៈ
%2B(1).JPG)
លោក អាត់ ធន់ ប្រធានសហភាពការងារកម្ពុជា
ដែលគេដឹងថាជំនាញខាងបះបោរ ដឹកនាំធ្វើបាតុកម្ម
ក្នុងហេតុផលការពារប្រយោជន៍កម្មករ
ខណៈដែលខ្លួនលោកផ្ទាល់ជាប់ពាក់ព័ន្ធនឹងសំណុំរឿងពុករលួយ នៅព្រឹកថ្ងៃទី១៨ ខែកញ្ញា ឆ្នាំ២០១៤នេះ បានចូលខ្លួនទៅបំភ្លឺនៅសាលាដំបូងរាជធានីភ្នំពេញ ដើម្បីឆ្លើយបំភ្លឺពីដំណើររឿង
ហិង្សាដោយចេតនា ស្ថានទម្ងន់ទោស ដែលបាន ប្រើមធ្យោបាយនានាដើម្បីជាឧបសគ្គដល់ចរាចរណ៍សាធារណៈ
ប្រព្រឹត្តនៅសួនឧស្សាហកម្ម កាណាឌីយ៉ា
ផ្លូវវ៉េងស្រេង ខណ្ឌពោធិ៍សែនជ័យ រាជធានីភ្នំពេញ កាលពីថ្ងៃទី២៥ ខែធ្នូ ឆ្នាំ២០១៣ រហូតដល់ថ្ងៃទី៣ ខែមករា ឆ្នាំ២០១៤។
បន្ទាប់ពីសាកសួរពេញមួយព្រឹក លោក អាត់ ធន់ ចៅក្រមមិនបានសម្រេចឃុំខ្លួន
នោះទេ ប៉ុន្តែចៅក្រមស៊ើបសួរបានដាក់លក្ខខណ្ឌចំនួន៨ចំណុច រួមមាន៖ ១-មិនត្រូវផ្លាស់ប្តូរលំនៅដ្ឋាដោយគ្មានការអនុញ្ញាតពីចៅក្រមស៊ើបសួរ ២-ត្រូវឆ្លើយតបនឹងការកោះហៅពីចៅក្រមស៊ើបសួរ
៣-មិនត្រូវជួបបុគ្គលមួយចំនួនបង្កើតជាក្រុម ធ្វើសកម្មភាពនៅតាមទីសាធារណៈ
ដែលនាំអោយប៉ះពាល់ដល់សណ្តាប់ធ្នាប់សាធារណៈ ៤-មិនត្រូវទៅកាន់ទីកន្លែងនៅចំណុចមុខសួនកាណាឌីយ៉ា
៥-មិនត្រូវជួបកម្មកររោងចក្រនៅសួនឧស្សាហកម្មកាណាឌីយ៉ា ៦-មិនត្រូវបង្កអោយខូចសណ្តាប់ធ្នាប់សាធារណៈនៅជុំវិញទីធ្លាសាលាដំបូងរាជធានីភ្នំពេញ
៧-មិនត្រូវកាន់កាប់ឬយកតាមខ្លួននៅអាវុធ និង៨-ត្រូវចូលបង្ហាញខ្លួននៅប៉ុស្តិ៍នគរបាលបឹងទំពុនក្នុងរយៈពេលមួយខែម្តង។
សូមរំលឹកផងដែរថា
កាលពីពេលថ្មីៗកន្លងទៅនេះ លោក អាត់ អន់
ត្រូវបានរងនូវពាក្យបណ្តឹងពីមន្ត្រីរបស់ខ្លួន និងកម្មករ ដោយចោទថា លោក
បានពុករលួយលុយជាង១២ម៉ឺនដុល្លារអាមេរិក
ប៉ុន្តែ ត្រូវបានលោក អាត់ ធន់
ខិតខំបង្វែរករណីពីការប្រព្រឹត្តអំពើពុករលួយ ឆបោក
និងគៃបំបាត់ប្រាក់រំលឹករបស់កម្មករ
ឲ្យទៅជាសកម្មភាពសហជីពក្នុងការទាមទារប្រាក់ឈ្នួលកម្មករវិញ
ដើម្បីបន្លំភ្នែកគេ នេះបើតាមសេចក្តីថ្លែងការណ៍ របស់ លោក អ៊ុំ វិសាល
និងលោកស្រី រឿន ច័ន្ទថន សមាជិកស្ថាបនឹក សម្ព័ន្ធសហជីព C.CAWDU
ចុះថ្ងៃទី១៣ ខែកញ្ញា ឆ្នាំ២០១៤។
.JPG)
Subscribe to:
Posts (Atom)