Thursday, August 22, 2013
ប្រទេសចិនប្រកាសគាំទ្រកម្ពុជាចំពោះវិធានការនានាដើម្បីធានាស្ថិរភាពនិងការអភិវឌ្ឍន៍លើគ្រប់វិស័យ
ឯកឧត្តម វ៉ាង យី (Wang Yi) រដ្ឋមន្ត្រីការបរទេសនៃសាធារណរដ្ឋប្រជាមានិតចិន បានប្រកាសនាព្រឹកថ្ងៃទី២១ ខែសីហា ឆ្នាំ២០១៣ នៅរាជធានីភ្នំពេញនៅក្នុងសន្និសីទកាសែតរួមគ្នាជាមួយសមភាគីកម្ពុជាថា ប្រទេសចិនគាំទ្រយ៉ាងម៉ឺងម៉ាត់ចំពោះព្រះរាជាណាចក្រកម្ពុជា ក្នុងការចាត់វិធានការ ដើម្បីធានាស្ថិរភាពការអភិវឌ្ឍន៍សេដ្ឋកិច្ច និងសិទ្ធិមនុស្ស ព្រមទាំងទប់ស្កាត់ការរំខាននានាពីខាងក្រៅ។
សេចក្តីថ្លែងការណ៍របស់ឯកឧត្តម វ៉ាង យី (Wang Yi) រដ្ឋមន្ត្រីការបរទេសនៃសាធារណរដ្ឋប្រជាមានិតចិន បានធ្វើឡើងបន្ទាប់ពីបញ្ចប់ជំនួបពិភាក្សាជាមួយឯកឧត្តម ហោ ណាំហុង ឧបនាយករដ្ឋមន្ត្រី រដ្ឋមន្ត្រីការបរទេសកម្ពុជា កាលពីព្រឹក ថ្ងៃទី២១ ខែសីហា ឆ្នាំ២០១៣ ។ ឯកឧត្តម វ៉ាង យី បានមានប្រសាសន៍ឲ្យដឹងថា កាលពីប៉ុន្មានថ្ងៃមុន កម្ពុជាបានធ្វើការបោះឆ្នោតជ្រើសតាំងតំណាងរាស្ត្រនីតិកាលទី៥ ហើយគណបក្សកាន់អំណាចទទួលបានអាសនៈភាគច្រើននៅក្នុងរដ្ឋសភា។ ជាមួយគ្នានោះថ្នាក់ដឹកនាំនៃប្រទេសចិន ក៏បានធ្វើលិខិតជូនពរចំពោះគណបក្សប្រជាជនកម្ពុជា ក៏ដូចជាសម្តេចនាយករដ្ឋមន្ត្រីផងដែរ។ ឯកឧត្តមបញ្ជាក់ថា ទំនាក់ទំនងរវាងប្រទេសកម្ពុជា និងចិន មកដល់ពេលនេះកាន់តែរឹងមាំឡើងៗ។ ឯកឧត្តម វ៉ាង យី (Wang Yi) បញ្ជាក់ថា ថ្នាក់ដឹកនាំនៃប្រទេសចិនបានយកចិត្តទុកដាក់យ៉ាងខ្លាំងចំពោះ ទំនាក់ទំនងជាមួយប្រទេសកម្ពុជា ហើយប្រទេសចិន នៅតែបន្តរឹតចំណងមិត្តភាពជាមួយប្រទេសកម្ពុជា និងនៅតែគាំទ្រយ៉ាងម៉ឺងម៉ាត់ ចំពោះប្រទេសកម្ពុជា និងទប់ស្កាត់ការរំខានពីខាងក្រៅ ហើយរដ្ឋាភិបាលចិន នៅតែគាំទ្រយ៉ាងពេញលេញចំពោះរដ្ឋាភិបាលកម្ពុជា ដែលបានចាត់វិធានការ ដើម្បីធានាស្ថិរភាព ការអភិវឌ្ឍសេដ្ឋកិច្ច និងសិទ្ធិមនុស្ស។ ឯកឧត្តមរដ្ឋមន្ត្រីការបរទេសចិនបានអះអាងថា “ប្រទេសចិនជាមិត្តដ៏ល្អរបស់កម្ពុជា ហើយយើងសង្ឃឹមថា គណបក្សនៅកម្ពុជា នឹងចរចាពិភាក្សាគ្នាតាមវិធីសន្តិភាព ដើម្បីសម្រេចបាននូវការបង្កើតរដ្ឋាភិបាលមួយដោយសន្តិវិធី។
មានប្រសាសន៍ក្នុងសន្និសិទ្ធកាសែតនោះដែរ ឯកឧត្តម ហោ ណាំហុង ឧបនាយករដ្ឋមន្ត្រី រដ្ឋមន្ត្រីការបរទេស នៃព្រះរាជាណាចក្រកម្ពុជា បានមានប្រសាសន៍ឲ្យដឹងថា ដំណើរបំពេញទស្សនកិច្ចរបស់ឯកឧត្តម វ៉ាង យី (Wang Yi) នាពេលនេះដោយសារឆ្នាំ ២០១៣ នេះ ជាឆ្នាំខួបអនុស្សាវរីយ៍លើកទី៥៥ នៃការបង្កើតទំនាក់ទំនងការទូតរវាងកម្ពុជា និងចិន និងជាឆ្នាំមិត្តភាពកម្ពុជា-ចិន។ ក្នុងនាមរាជរដ្ឋាភិបាលកម្ពុជា ឯកឧត្តម ហោ ណាំហុង បានថ្លែងអំណរគុណចំពោះរដ្ឋាភិបាលចិន ដែលបានគាំទ្រការបោះឆ្នោតនៅកម្ពុជាកាលពីថ្ងៃទី២៨ ខែកក្កដា កន្លងទៅ និងបានថ្លែងអំណរគុណចំពោះឯកឧត្តមរដ្ឋមន្ត្រីការបរទេសចិន ដែលបានអញ្ជើញចូលរួមកិច្ចប្រជុំគណៈកម្មការសម្របសម្រួលអន្តររដ្ឋាភិបាល កម្ពុជា-ចិន ផងដែរ។
ទាក់ទងទៅនឹងបញ្ហាអាស៊ាន-ចិន ឯកឧត្តម ហោ ណាំហុង បានមានប្រសាសន៍ឲ្យដឹងថា រដ្ឋមន្ត្រីក្រសួងការបរទេសនៃសាធារណរដ្ឋប្រជាមានិតចិនបានអញ្ជើញឯកឧត្តម ឲ្យចូលរួមនៅក្នុងកិច្ចប្រជុំ រដ្ឋមន្ត្រីការបរទេសអាស៊ាន-ចិន នៅថ្ងៃទី២៨-៣០ សីហា ខាងមុខនេះ និងបានអញ្ជើញឯកឧត្តម ឲ្យចូលរួមកិច្ចប្រជុំគណៈកម្មការសម្របសម្រួល អន្តររដ្ឋាភិបាលកម្ពុជា-ចិនផងដែរ។ ឯកឧត្តម ហោ ណាំហុង បានមានប្រសាសន៍បញ្ជាក់ថា កិច្ចប្រជុំរដ្ឋមន្ត្រីការបរទេសអាស៊ាន-ចិននេះ ជាកិច្ចប្រជុំមានសារសំខាន់ណាស់ គឺដើម្បីពង្រឹងពង្រីកមិត្តភាព កិច្ចសហប្រតិបត្តិការជាយុទ្ធសាស្ត្ររវាងអាស៊ាន និងចិន។ ចំពោះកិច្ចប្រជុំគណៈកម្មការសម្របសម្រួលអន្តររដ្ឋាភិបាលលើដៃគូយុទ្ធសាស្ត្រគ្រប់ជ្រុងជ្រោយរវាងកម្ពុជា-ចិនក៏មានសារៈសំខាន់ មានន័យថា គ្រប់ទិដ្ឋភាពទាំងអស់ ទាំងនយោបាយ ទាំងសេដ្ឋកិច្ច ទាំងពាណិជ្ជកម្ម វិនិយោគ និងវប្បធម៌ជាដើម មានកិច្ចសហប្រតិបត្តិការយ៉ាងល្អ។
ឯកឧត្តម វ៉ាង យី (Wang Yi) រដ្ឋមន្ត្រីការបរទេសនៃសាធារណរដ្ឋប្រជាមានិតចិន បានមកបំពេញទស្សនកិច្ចជាផ្លូវការរយៈពេលពីរថ្ងៃនៅព្រះរាជាណាចក្រកម្ពុជា ចាប់ពីថ្ងៃទី២០ ដល់ ២១ ខែសីហា ឆ្នាំ២០១៣ ៕
ប្រទេសចិនអបអរសាទរចំពោះគណបក្សប្រជាជនកម្ពុជាដែលឈ្នះឆ្នោតទទួលបានសំលេងភាគច្រើននៅក្នុងស
ក្នុងឱកាសចូលជួបសម្តែងការគួរសម ចំពោះសម្តេចអគ្គមហាសេនាបតីតេជោ ហ៊ុន សែន នាថ្ងៃទី២១ ខែសីហា ឆ្នាំ២០១៣ នៅវិមានសន្តិភាព រាជធានីភ្នំពេញ ឯកឧត្តម វ៉ាង យី រដ្ឋមន្រ្តីក្រសួងការបរទេសនៃសាធារណរដ្ឋប្រជាមានិតចិន បានឲ្យដឹងថា ថ្នាក់ដឹកនាំនៃសាធារណរដ្ឋប្រជាមានិតចិនទាំងអស់ បានចូលរួមអបអរសាទរ ចំពោះគណបក្សប្រជាជនកម្ពុជាដែលបានឈ្នះបានសំលេងភាគច្រើននៅក្នុងការបោះឆ្នោតជ្រើសតាំងតំណាងរាស្រ្តនីតិកាលទី៥ កាលពីថ្ងៃទី២៨ ខែកក្កដា ឆ្នាំ២០១៣។
ឯកឧត្តម ប្រាក់ សុខុន រដ្ឋមន្រ្តីប្រតិភូអមនាយករដ្ឋមន្រ្តីឲ្យដឹងថា ឯកឧត្តម រដ្ឋមន្រ្តីការបរទេសនៃសាធារណរដ្ឋប្រជាមានិតចិន ក៏បានសំដែងនូវការគោរពកោតសរសើរផងដែរជូនចំពោះ សម្តេចតេជោនាយករដ្ឋមន្រ្តី ដែលបានដឹកនាំប្រទេសកម្ពុជាទទួលបាននូវការអភិវឌ្ឍរីកចំរើនលើគ្រប់វិស័យ។ ក្នុងជំនួបពិភាក្សាការងារ ជាមួយសម្តេចអគ្គមហាសេនាបតីតេជោ ហ៊ុន សែន រយៈពេលជាង២ម៉ោង ឯកឧត្តម វ៉ាង យី មានប្រសាសន៍ថា ប្រទេសយើងទាំងពីរ (កម្ពុជា-ចិន) គឺជាប្រទេសមិត្តភ័ក្រ និងជាអ្នកជិតខាងល្អជាមួយគ្នា ហើយក្រោមការដឹកនាំរបស់ថ្នាក់ដឹកនាំនៃប្រទេសទាំងពីរ យើងបានអភិវឌ្ឍន៍ និងបង្កើននូវទំនាក់ទំនងមិត្តភាព ដែលមានលក្ខណៈពិសេស និងបានពង្រឹងនូវការជឿទុកចិត្ត និងការគាំទ្រគ្នាទៅវិញទៅមក គឺក្នុងស្មារតីនេះហើយ ដែលថ្នាក់ដឹកនាំរបស់ប្រទេសចិនបានណែនាំ និងបញ្ជាឲ្យរូបឯកឧត្តមដឹកនាំគណៈប្រតិភូមកធ្វើទស្សនកិច្ចនៅក្នុងប្រទេសកម្ពុជា ម្យ៉ាង គឺដើម្បីពង្រឹងនូវភាពជាដៃគូយុទ្ធសាស្រ្តគ្រប់ជ្រុងជ្រោយផង និងម៉្យាងទៀត គឺដើម្បីបញ្ជាក់ថា ប្រទេសចិនយកចិត្តទុកដាក់ចំពោះទំនាក់ទំនងជាមួយនិងកម្ពុជា ហើយប្រទេសចិនគាំទ្រ និងខិតខំរក្សាការពារឲ្យបាននូវ សាមគ្គីភាព និងមិត្តភាព នៃប្រទេសទាំងពីរ ពិសេសទៅទៀតនោះប្រទេសចិនបន្តគាំទ្រនូវមិត្តភាពជាមួយនឹងប្រទេស កម្ពុជា។
ឯកឧត្តម ប្រាក់ សុខុន ឲ្យដឹងថា នៅក្នុងជំនួបនោះដែរថ្នាក់ដឹកនាំទាំងពីរក៏បានធ្វើការពិភាក្សាគ្នា និងធ្វើការផ្លាស់ប្តូរព័ត៌មានពីគ្នាទៅវិញទៅមកជុំវិញសភាពការណ៍ នៅក្នុងប្រទេសកម្ពុជា និងនៅក្នុងប្រទេសចិន។ ឯកឧត្តម រដ្ឋមន្រ្តីការបរទេសចិនបានគូសបញ្ជាក់ថា ឯកឧត្តមមើលឃើញនូវការប្រសើរនៅក្នុងការដោះស្រាយបញ្ហាកម្ពុជា ដោយសន្តិវិធី ហើយភាគីចិនមានការត្រេតអរប្រសិនបើកម្ពុជាអាចរកដំណោះស្រាយច្រក ចេញសម្រាប់វិបត្តិនេះ ដោយសន្តិវិធីដោយការចរចាដោយការជជែកគ្នានោះ។ ឯកឧត្តមរដ្ឋមន្ត្រីប្រតិភូអមនាយករដ្ឋមន្ត្រីបានមានប្រសាសន៍ឲ្យដឹងទៀតថា ភាគីទាំងពីរ (កម្ពុជា-ចិន) ក៏បានពិភាក្សាគ្នាផងដែរទាក់ទិនទៅនឹងការពង្រឹងពង្រីកទំនាក់ទំនងសហប្រតិបត្តិការ ជាទូទៅរវាងរដ្ឋមន្រ្តីការបរទេស នៃប្រទេសទាំងពីរកម្ពុជា-ចិន ដែលពិភាក្សាគ្នាយ៉ាងពិស្តារនៅក្នុងជំនួបអាហារថ្ងៃត្រង់ថ្ងៃទី២១ ខែសីហា នៅសណ្ឋាគារអាំងទែកុងតឺណង់តាល់ ដែលរៀបចំឡើងដោយឯកឧត្តម ឧបនាយករដ្ឋមន្រ្តី ហោ ណាំហុង ហើយដែលឯកឧត្តមទាំងពីរនឹងធ្វើសេចក្តីថ្លែងការណ៍នៅចំពោះអ្នកសារព័ត៌មានជាតិ-អន្តរជាតិផងដែរ។
ឯកឧត្តម វ៉ាង យី បានជម្រាបជូនសម្តេចតេជោនាយករដ្ឋមន្រ្តីដែរថា ឯកឧត្តម នាយករដ្ឋមន្រ្តីចិន លី ខឺជាង នឹងរង់ចាំជួបពិភាក្សាការងារទ្វេភាគីជាមួយសម្តេចតេជោនាយក រដ្ឋមន្រ្តីនៅក្នុងឱកាស ដែលសម្តេចតេជោអញ្ជើញចូលរួមពិព័រណ៌អាស៊ាន-ចិន លើកទី១០ នៅទីក្រុងណាន់នីងប្រទេសចិននៅដើមខែកញ្ញា ឆ្នាំ២០១៣ នេះ។ ឯកឧត្តម រដ្ឋមន្ត្រីការបរទេសចិន មានប្រសាសន៍ឲ្យដឹងថា នៅក្នុងខែកញ្ញា ឆ្នាំ២០១៣ នេះដែរ នឹងមានសមាជិកគណៈអចិន្រៃ្តយ៍នៃបក្សកុម្មុយនីស្តចិន អញ្ជើញមកទស្សនកិច្ចនៅក្នុងប្រទេសកម្ពុជា ដែលជាការបញ្ជាក់ឲ្យឃើញដែរថា ទំនាក់ទំនងនៃប្រទេសទាំងពីរចិន-កម្ពុជា នៅតែស្អិតល្មួតជាមួយគ្នាដដែល។
មានប្រសាសន៍ក្នុងឱកាសនោះដែរ សម្តេចតេជោ ហ៊ុន សែន បានស្វាគមន៍ចំពោះ ដំណើរទស្សនកិច្ច របស់ឯកឧត្តម វ៉ាង យី និងចាត់ទុកថា ដំណើរទស្សនកិច្ចនេះ នឹងពង្រឹងបន្ថែមទៀតនូវចំណងមិត្តភាព និង កិច្ចសហប្រតិបត្តិការ រវាងប្រទេសទាំងពីរ។ ជាមួយនឹងការ ផ្តាំផ្ញើនូវការសាកសួរសុខទុក្ខ ទៅកាន់ថ្នាក់ដឹកនាំចិន សម្តេចតេជោសែន បានមានប្រសាសន៍បញ្ជាក់ថា សម្តេចនឹងអញ្ជើញទៅណាន់នីងប្រទេសចិន ដើម្បីជួបជាមួយឯកឧត្តមនាយករដ្ឋមន្ត្រីចិនពិភាក្សាអំពីបញ្ហាទំនាក់ទំនងទ្វេភាគី។
ទាក់ទងនឹងដំណើរការនៃការបើកកិច្ចប្រជុំរដ្ឋសភានីតិកាលទី៥ ក្រោយការបោះឆ្នោត ឯកឧត្តម ប្រាក់ សុខុន បានឲ្យដឹងថា សម្តេចតេជោនាយករដ្ឋមន្ត្រី បានលើកឡើងហើយថា ជំហររបស់រាជរដ្ឋាភិបាលក៏ដូចជាគណបក្សប្រជាជនកម្ពុជាមិនមានអ្វីផ្លាស់ប្តូរទេ នោះគឺកិច្ចប្រជុំរដ្ឋសភាលើកដំបូងក្រោយការបោះឆ្នោតយ៉ាងយូរ ៦០ថ្ងៃ និងការបង្កើតរដ្ឋាភិបាល នឹងប្រព្រឹត្តទៅដូចការគ្រោងទុកដោយគ្មានការជាប់គាំងនយោបាយអ្វីឡើយ៕
ឯកឧត្តម ផៃ ប៊ុនឈឿន បើកកិច្ចប្រជុំគណៈអភិបាលខេត្ត នៅសាលាខេត្តកណ្តាល
នៅព្រឹកថ្ងៃទី ២២ ខែសីហា ឆ្នាំ២០១៣ នៅសាលាខេត្តកណ្តាលមានបើកកិច ្ចប្រជុំគណៈអភិបាលខេត្ត ក្រោមអធិបតីភាព៖ ឯកឧត្តម ផៃ ប៊ុនឈឿន ទីប្រឹក្សាផ្ទាល់សម្តេចអគ្គ មហាសេនាបតីតេជោ ហ៊ុន សែន និងជាអភិបាលខេត្តកណ្តាល ។
របៀបវារៈនៃកិច្ចប្រជុំមាន៖
១-ពិនិត្យពិភាក្សាលើសេចក្តី ព្រាងរបាយការណ៍រីកចម្រើន ខែសីហា នៃការអនុវត្តផែនការសកម្មភាព រយៈពេល ៣ខែ(កក្កដា សីហា កញ្ញា) ឆ្នាំ២០១៣ របស់រដ្ឋបាលខេត្ត
២-ពិនិត្យពិភាក្សាជាបឋមលើផែ នការចំណូល-ចំណាយថវិកាឆ្នាំ ២០១៤របស់រដ្ឋបាលខេត្ត
៣-ពិនិត្យពិភាក្សាលើសេចក្តី ព្រាងសេចក្តីសម្រេចស្តីពីដំ ណើរការរៀបចំកសាងកម្មវិធីវិន ិយោគ ៣ឆ្នាំរំកិល ២០១៤-២០១៦ របស់រដ្ឋបាលខេត្ត
៤-ពិនិត្យពិភាក្សាលើសេចក្តី ព្រាងប្រតិទិនស្តីពីដំណើរកា ររៀបចំកសាងកម្មវិធីវិនិយោគ ៣ឆ្នាំរំកិល ២០១៤-២០១៦ របស់រដ្ឋបាលខេត្ត
៥-ពិនិត្យពិភាក្សាលើរបៀបវារ ៈកិច្ចប្រជុំសាមញ្ញលើទី ៥២ ក្រុមប្រឹក្សាខេត្តថ្ងៃទី ២៩ ខែសីហា ឆ្នាំ២០១៣ ៕
របៀបវារៈនៃកិច្ចប្រជុំមាន៖
១-ពិនិត្យពិភាក្សាលើសេចក្តី
២-ពិនិត្យពិភាក្សាជាបឋមលើផែ
៣-ពិនិត្យពិភាក្សាលើសេចក្តី
៤-ពិនិត្យពិភាក្សាលើសេចក្តី
៥-ពិនិត្យពិភាក្សាលើរបៀបវារ
Subscribe to:
Posts (Atom)