ភ្នំពេញថ្ងៃ២៣ សីហា ២០១២
ឯកឧត្តម ស្វាយ ស៊ីថា
ជារដ្ឋលេខាធិការនៃទីស្តីការគណៈរដ្ឋមន្រ្តី និងឯកឧត្តម Yam Ah Mee ជានាយកប្រតិបត្តិ នៃសមាគមប្រជាជនសិង្ហបុរីបានយល់ស្របទៅ
នឹងទស្សនៈវិស័យកម្ពុជាថា សិង្ហបុរីត្រូវការបន្តការគាំទ្រគម្រោងបច្ចេកវិទ្យាព័ត៌មាន
សារគមនាគមន៍ ដែលកំពុងប្រព្រឹត្តទៅនេះនៅប្រទេសកម្ពុជាខណៈដែលភាគីទាំងពីរយល់ស្របគ្នាថា
យុវជនដើរតួនាទីដ៏ចម្បងក្នុងការចូលរួមវិភាគទានដល់ការអភិវឌ្ឍន៍សេដ្ឋកិច្ច។
ឯកឧត្តម ស្វាយ ស៊ីថា
ដែលមានតួនាទីជាប្រធានអង្គភាពព័ត៌មាន និងប្រតិកម្មរហ័ស នៃទីស្តីការគណៈរដ្ឋមន្រ្តី បានរំលឹកឡើងនូវទស្សនៈវិស័យរបស់
សម្តេចតេជោនាយករដ្ឋមន្រ្តី ហ៊ុន សែន ថា «ចំណេះដឹង និងភាពប៉ិនប្រសប់ទាក់ទងទៅនឹងរបៀបធ្វើការងារ គឺជាការវិនិយោគដ៏ចម្បង
ដើម្បីជ្រោមជ្រែងសុខុមាលភាពសង្គម និងកាត់បន្ថយភាពក្រីក្រ ជាពិសេស ការធ្វើសមាហរណ
កម្មរបស់កម្ពុជាចូលទៅក្នុងសហគមន៍ក្នុងតំបន់ និងពិភពលោក» ។
ឯកឧត្តម ស្វាយ ស៊ីថា
បានមានប្រសាសន៍ថា « នៅឆ្នាំ ២០១៥
អាស៊ាននឹងត្រូវបានគេប្រែក្លាយទៅជាទីផ្សារតែមួយ ហើយរាល់មូលដ្ឋាននៃការផលិតទាំងអស់ត្រូវបានគេអនុវត្តន៍ឱ្យមានលំហូរសេរីទាំងផ្នែកទំនិញសេវាកម្ម
វិនិយោគ និងកម្លាំងពលកម្មជំនាញ»។
ឯកឧត្តម ស្វាយ ស៊ីថា
ក៏បានរំលឹកឡើងនូវនយោបាយឈ្នះៗ ផ្តួចផ្តើមគំនិតឡើងដោយ សម្តេចតេជោនាយករដ្ឋមន្រ្តី
ហ៊ុន សែន នៅឆ្នាំ១៩៩៦ ហើយនៅចុងឆ្នាំ១៩៩៨ កម្ពុជាឈានទៅសម្រេចបានការបញ្ចប់សង្រ្គាមស៊ីវិល និងទំនាស់ផ្ទៃក្នុង។
ចាប់តាំងពីពេលនោះមកប្រជាជាតិកម្ពុជា
ទាំងមូលទទួលបានពេញលេញនូវសន្តិភាពការបង្រួបបង្រួមជាតិស្ថិរភាព នយោបាយ
សន្តិសុខ សណ្តាប់ធ្នាប់សង្គម និងការអភិវឌ្ឍន៍។
ឯកឧត្តមបានមានប្រសាសន៍ថា
កត្តាគន្លឹះទាំងអស់នេះហើយបានរួមចំណែកដ៏ធំធេងក្នុងការរួមវិភាគទាន ដើម្បីទាក់ទាញទេសចរ
និងវិនិយោគិនបរទេស ក៏ដូចជាការគាំទ្រអន្តរជាតិសម្រាប់ ការអភិវឌ្ឍន៍ និងវិបុលភាពរបស់កម្ពុជា។
ឯកឧត្តម ស្វាយ ស៊ីថា
ក៏បានរំលេចឡើងយុទ្ធសាស្រ្តចតុកោណរបស់រាជរដ្ឋាភិបាល ដែលជាមូលដ្ឋានគ្រឹះ
ដែលធានាទាំងការអភិវឌ្ឍន៍ប្រកបដោយចីរភាព និងជាមូលដ្ឋានសម្រាប់កិច្ចសហប្រតិបត្តិការណ៍ជាមួយភាគីដែលមានផលប្រយោជន៍ និងម្ចាស់ជំនួយរាប់បញ្ចូលទាំង
សាធារណរដ្ឋសិង្ហបុរីផងដែរ។
ភាគីទាំងសងខាងវាយតម្លៃខ្ពស់ទៅលើគម្រោងផ្តួចផ្តើមនោះ
ដែលជាអនុស្សរណៈធ្វើឡើងរវាង ទីស្តីការគណៈរដ្ឋមន្រ្តី
និងសិង្ហបុរី ហើយបានចាត់ទុកគម្រោងនេះថា ជារឿងដ៏ជោគជ័យពិតៗមួយ។
អនុស្សរណៈដែលត្រូវបានចុះហត្ថលេខានៅខែ
កក្កដា ឆ្នាំ២០០៥ នៅក្នុងនោះទីស្តីការគណៈរដ្ឋ មន្រ្តីដើរតួនាទីសម្របសម្រួលរវាងក្រសួងអប់រំយុវជនកីឡា និងកងទ័ព។
ប្រទេសសិង្ហបុរីបានផ្តល់ម៉ាស៊ីនកុំព្យូទ័រ
ដែលប្រើហើយមួយចំនួនត្រូវបានគេចែកចាយទៅកាន់មជ្ឈមណ្ឌលហ្វឹកហ្វឺន ផ្សេងៗជាពិសេសនៅតាមអនុវិទ្យាល័យរដ្ឋនៅខេត្តតាកែវ។
បើទោះបីជាបានទទួលជោគជ័យ
ក៏ប៉ុន្តែមានបញ្ហាប្រឈមមួយចំនួនដែលត្រូវតែលើកយកមក ដោះស្រាយ។ ក្នុងចំណោមបញ្ហាប្រឈមទាំងអស់នោះរាប់បញ្ចូលទាំងការកើនឡើងនូវតម្រូវការ
របស់យុវជនកម្ពុជាឱ្យមានការហ្វឹកហ្វឺនបន្ថែម ត្រូវការម៉ាស៊ីនកុំព្យូទ័របន្ថែមទៀតត្រូវការគ្រូបង្វឹកបន្ថែមនិងម៉ាស៊ីនភ្លើង។
បើទោះបីជាបានទទួលជោគជ័យ ក៏ប៉ុន្តែមានភាពប្រឈមមួយចំនួនដែលត្រូវតែលើក យកមកដោះស្រាយ។ ក្នុងចំណោមភាពប្រឈមទាំងអស់នោះរាប់បញ្ចូលទាំងការកើនឡើងនូវ តម្រូវការរបស់យុវជនកម្ពុជាឱ្យមានការហ្វឹកហ្វឺនបន្ថែម ត្រូវការម៉ាស៊ីនកុំព្យូទ័របន្ថែមទៀតត្រូវ ការគ្រូបង្វឹកបន្ថែមនិងម៉ាស៊ីនភ្លើង។
ឯកឧត្តម ស្វាយ ស៊ីថា
ក៏បានស្វែងរកការបញ្ជូនយុវជនកម្ពុជា ដើម្បីទៅហ្វឹកហ្វឺននៅ ប្រទេសសិង្ហបុរីដែលអាចធ្វើទៅបានតាមរយៈកម្មវិធីមិត្តភាព។ «យើងគាំទ្រនូវគម្រោងផ្តួចផ្តើមដែលកំពុង ប្រព្រឹត្តទៅនេះពីព្រោះវាមិនត្រឹមតែជួយយុវជនកម្ពុជាឱ្យក្លាយទៅជាធនធានមនុស្សដ៏ល្អមានផល
ប្រយោជន៍សម្រាប់សង្គមជាតិប៉ុណ្ណោះទេ ក៏ប៉ុន្តែគម្រោងនេះក៏ជួយរដ្ឋាភិបាលកម្ពុជាផងដែរ
ដើម្បី ឈានទៅសម្រេចបានគោលដៅយុទ្ធសាស្រ្តរបស់ខ្លួនដូចជា
«កំណើនការបង្កើតការងារធ្វើសមភាព និងប្រសិទ្ធភាព» ។
ជាការឆ្លើយតបឯកឧត្តម Yam
Ah Mee ដែល ដឹកនាំក្រុមគណៈប្រតិភូមានសមាជិក ៨នាក់ មកពី ស្ថាប័នផ្សេងៗដែលការងាររបស់ពួកគេជួយយុវជនសិង្ហបុរី
យល់អំពីតម្រូវការកាន់តែធំឡើងរបស់ កម្ពុជានៅក្នុងការផ្តល់ចំណេះដឹងសម្រាប់យុវជនកម្ពុជា
ដោយមានទាំងជំនួយបន្ថែមទៀតដែល អាចធ្វើទៅបានសម្រាប់គម្រោងនេះ។
គម្រោងផ្តួចផ្តើមនេះ ក៏ជួយលើកស្ទួយបន្ថែមទៀតនូវចំណងមិត្តភាពប្រទេសទាំងពីរថ្នាក់កម្រិត
រដ្ឋាភិបាល និងថ្នាក់មូលដ្ឋាន៕