ថ្លែងនៅពិធីចែកប័ណ្ណកម្មសិទ្ធិដីធ្លីជូនប្រជាពលរដ្ឋចំនួន
២៨៦ គ្រួសារនៅភូមមិលោម ឃុំម៉ាលិក ស្រុក អណ្តូងមាស
ខេត្តរនគីរីនាព្រឹកថ្ងៃទី៧ធ្នូឆ្នាំ២០១២ក្នុងនាមថ្នាក់ដឹកនាំជាតិម្នាក់
សម្តេចអគ្គមហាសេនា បតីតេជោ ហ៊ុន សែន បានបង្ហាញឲ្យដឹងថា មោទនភាពរបស់សម្តេចគឺ បានដឹក
នាំប្រទេសជាតិឲ្យមានការ រួបរួមមានការឯកភាពជាតិនិងមានសុខសន្តិភាព ពេញលេញ
ជាលើកដំបូងក្នុងប្រវត្តិសាស្រ្តចាប់តាំង ពីឆ្នាំ ១៩៩៨ មក ។
សម្តេចតេជោនាយករដ្ឋមន្រ្តីមានប្រសាសន៍ថា
"ខ្ញុំមានមោទនភាព ត្រង់ថា
ក្នុងដំណាក់កាលរបស់ខ្ញុំ ខ្ញុំអាច គេហៅថា ធ្វើឲ្យខ្មែរ
ដែលធ្លាប់ច្បាំងគ្នា មកអង្គុយជាមួយគ្នាបាន...។
អីចឹងយើងមានឱកាសប្រមូលគ្នា
តាមនយោបាយឈ្នះឈ្នះ។ អ្នកធ្លាប់វ៉ៃគ្នាពីដើមនោះ គឺថា ឥឡូវនេះ មកអង្គុយបាយជាមួយគ្នា
ជុំគ្នាទៅ...។
អានឹងជាចំណុច មោទនភាពទី១។ ឯមោទនភាពទី២ របស់ខ្ញុំ ខ្ញុំនិយាយពីម្សិលមិញដែរ គឺថា នៅស្រុករបស់យើង
គឺយើងធ្វើសុខដុមបនីយកម្មជនជាតិ
និងសាសនាបាន។ កន្លែងខ្លះ ពេលដែលសម្ពោធវិហារឥស្លាម មានខ្មែរទៅចូលរួម ដល់ទៅបញ្ចុះសីមាវត្តព្រះពុទ្ធ ឥស្លាមមកចូលរួមដែរ។ អីចឹងទេ អាចំណុចទាំងអស់នេះ សុទ្ធតែជាចំណុចមោទនភាព
ក្នុងពេលដែលប្រទេសដទៃ ជម្លោះសាសនា ជម្លោះជាតិសាសន៍ បានកើតឡើង។ ឯចំពោះយើង នៅរួមរស់ជាមួយគ្នា"។ដោយលើកឡើងពីការរីកចំរើនរបស់បងប្អូនជនជាតិដើមភាគតិច នៅខេត្តរតនគិរី ដែលបានប្រើប្រាស់ទូរស័ព្ទទំនើបៗ មានម៉ូតូជិះ ក្នុងសម័យបច្ចុប្បន្ន សម្តេចតេជោ ហ៊ុន សែន បានគូសបញ្ជាក់ថា "បញ្ហាខុសគ្នាខាងសាសនា ឬជនជាតិ មិនមែនជាឧបសគ្គរារាំងដល់ការអភិវឌ្ឍន៍ទេ។ បញ្ហាធំរបស់យើង ត្រូវបណ្តុះបណ្តាលឲ្យមានកំរិតឈានឡើង"។
សម្តេចតេជោ ហ៊ុន សែន នាយករដ្ឋមន្រ្តី ក៏បានរម្លឹកឲ្យដឹងផងដែរពីការបញ្ចេញប្រតិកម្មរបស់សម្តេច តបនឹងជនបរទេសម្នាក់ ដែលចង់ឲ្យសម្តេច មិនធ្វើការអភិវឌ្ឍន៍តំបន់ព្រៃភ្នំ របស់ជនជាតិដើមភាគតិច ដើម្បីរក្សានូវមុខរបរប្រពៃណី ដូចជា ចូលព្រៃ បោកវល្លិ៍ ជាដើម។ តែសម្តេចមានប្រសាសន៍ថា ក្នុងដំណាក់កាលនេះ ត្រូវតែមានការអភិវឌ្ឍន៍ ដោយជនជាតិដើមភាគតិច ក៏មានការរីកចម្រើនគួរឲ្យកត់សម្គាល់ផងដែរ។
សម្តេចតេជោមានប្រសាសន៍អោយដឹងថា
បញ្ហាស្លាប់ ឬរបួសដោយសារគ្រាប់មីន ឬគ្រាប់មិនទាន់
ផ្ទុះដែលគេបានយកមកទម្លាក់ពេញស្រុក ខ្មែរ និងការប្រយុទ្ធគ្នាបន្តវេន តជំនាន់ នោះហើយ
ជានយោបាយអតីតកាលដ៏អាក្រក់ ដែលបានបន្សល់ទុកឲ្យយើងដោះស្រាយ។
ទាក់ទងបញ្ហានេះ សម្តេចតេជោបានមានប្រសាសន៍បញ្ជាក់ក្នុង
ពេលពិសារបាយជា មួយថ្នាក់ដឹកនាំជាន់ខ្ពស់នៃរាជរដ្ឋាភិបាល នារាត្រីថ្ងៃទី ៦ ខែធ្នូ
ថា បើយើងគិតពីអតីតកាលរបស់ខ្លួនវាលំបាក ណាស់ ទម្រាំប្រទេសជាតិមានការរីកចម្រើន
ដូចសព្វថ្ងៃនេះ។
ទោះបីយ៉ាងណាដើម្បីរក្សាឲ្យមានភាពសុខដុមបនីយកម្មនយោបាយ
សម្តេចតេជោនាយករដ្ឋមន្ត្រីបានអំពាវនាវឲ្យគណបក្សនយោបាយទាំងអស់ ត្រូវប្រកាន់យកការឃោសនាបោះឆ្នោត ដូចជាការផ្សាយពាណិជ្ជកម្ម។ ការធ្វើដូច្នេះ ត្រូវបានសម្តេចបញ្ជាក់ថា កុំឲ្យមានជម្លោះ នៅពេលឃោសនាបោះឆ្នោត។
សម្តេចតេជោ សែន បានមានប្រសាសន៍ថា "គ្រាន់តែពាក្យសំដី វាអត់ងាប់ទេ។ គ្រាន់តែពាក្យសំដីឃោសនាអី ហើយបើការឃោសនានោះ គេឃោសនាតាមអ្នកផ្សាយពាណិជ្ជកម្ម កាន់តែល្អទៀត។ យើងកុំបង្អាប់ផលិតផលអ្នកដទៃមើល៎! លើកកម្ពស់តែផលិតផលរបស់យើងទៅ វាបានហើយ"។
សម្តេច ហ៊ុន សែន បានបន្ថែមថា "យើងរៀនសូត្រ ពីអ្នកផ្សាយពាណិជ្ជកម្ម។ អ្នកផ្សាយពាណិជ្ជកម្ម អត់ដែលបានទៅបង្អាប់ផលិតផលអ្នកដទៃទេ។ គឺលើកតែពីគុណភាពនៃផលិតផលរបស់ខ្លួនតែប៉ុណ្ណោះ"។
សម្តេចតេជោ សែន បានមានប្រសាសន៍ថា "គ្រាន់តែពាក្យសំដី វាអត់ងាប់ទេ។ គ្រាន់តែពាក្យសំដីឃោសនាអី ហើយបើការឃោសនានោះ គេឃោសនាតាមអ្នកផ្សាយពាណិជ្ជកម្ម កាន់តែល្អទៀត។ យើងកុំបង្អាប់ផលិតផលអ្នកដទៃមើល៎! លើកកម្ពស់តែផលិតផលរបស់យើងទៅ វាបានហើយ"។
សម្តេច ហ៊ុន សែន បានបន្ថែមថា "យើងរៀនសូត្រ ពីអ្នកផ្សាយពាណិជ្ជកម្ម។ អ្នកផ្សាយពាណិជ្ជកម្ម អត់ដែលបានទៅបង្អាប់ផលិតផលអ្នកដទៃទេ។ គឺលើកតែពីគុណភាពនៃផលិតផលរបស់ខ្លួនតែប៉ុណ្ណោះ"។
ទាក់ទិននឹងគោលនយោបាយរបស់គណបក្សប្រជាជនកម្ពុជា
សម្តេចតេជោបានថ្លែងប្រាប់វីរនិស្សិតស្ម័គ្រចិត្ត និងប្រជាពលរដ្ឋក្នុងពិធីចែកប័ណ្ណកម្មសិទ្ធិដីធ្លីនោះថា
គណបក្សប្រជាជនកម្ពុជា មាននយោបាយច្បាស់លាស់ទៅលើនយោបាយគ្រប់វិស័យទាំងអស់
ក៏ដូចជាគោលនយោ បាយជនជាតិភាគតិចនៅក្នុងទសវត្សរ៍ ៨០ ។
សម្តេចតេជោរដ្ឋមន្រ្តីមានប្រសាសន៍ថា យើងមាន គោលនយោបាយចំពោះបញ្ញវន្ត យើងមានគោលនយោបាយចំពោះយុវជន
យើងមានគោល នយោបាយចំពោះវិស័យកសិកម្ម…ដែលតាមរយៈគោលនយោបាយទាំងនោះ ខ្ញុំគិតថា
វាជា មូលដ្ឋានគ្រឹះ ដើម្បីឲ្យយើងចេញដំណើររហូតមកដល់ពេលនេះ។
ឯកឧត្តម ប៉ាវ ហមផាន
អភិបាលខេត្តរតនគីរី បានរាយការណ៍អោយដឹងថា ដំណាំកៅស៊ូក្នុងខេត្តរតនគីរដែលដាំ
ជាលក្ខណៈឯកជន និងគ្រួសារមានចំនួន ២៣. ២៣៥ ហិកតា ហើយកៅស៊ូដាំថ្មីចំនួន ២.៤៣៦
ហិកតាបានដំណើរការចៀរជ័រហើយ ។ ទាក់ទិនបញ្ហាដាំដុះនេះ សម្តេចតេជោមានប្រសាសន៍
ថ្ងៃនេះខ្ញុំសប្បាយចិត្តណាស់ចំពោះលទ្ធផលដែលប្រជាពលរដ្ឋយើងដាំបាននេះ
ខ្ញុំជឿជាក់ថា ថ្ងៃក្រោយ សក្តានុពលខាងផ្នែកកៅស៊ូនេះ ប្រហែលជាមាននៅខេត្តរតននគីរីនេះ។
ខ្ញុំសង្ឃឹមថា នៅពេលដែលយើងមានការតភ្ជាប់បណ្តាញគម នាគមន៍ហើយនោះ
ប៉ូលសេដ្ឋកិច្ចទី ៤
នៅភូមិភាគឦសាន្តនេះនឹងក្លាយទៅជាតំបន់កសិ-ឧស្សាហកម្មដ៏ធំរបស់យើងជាមិនខាន។
សម្តេចតេជោនាយករដ្ឋមន្រ្តីមានប្រសាសន៍ថា
ឥឡូវនេះកម្លាំងពលកម្មនៅចំការកៅស៊ូមានបញ្ហា ហើយ ដែលខ្ញុំសូមផ្តាំទៅអ្នកមានចំការកៅស៊ូថា
នៅពេលខាងមុខអ្នកដែលត្រូវការកម្លាំងពលកម្ម ទាំងឡាយសូមយកចិត្តទុកដាក់លើ
បញ្ហាចំនួន ៣ គឺទី១ ប្រាក់ខែខ្ពស់ ទី២ ផ្ទះស្នាក់នៅ និងទី៣ សុខមាលភាព។
ឯកឧត្តម ប៉ាវ ហមផាន បានឲ្យដឹងថា
ស្ថានភាពសន្តិសុខនៅខេត្តរតនគីរីទាំង មូលមានភាព ល្អប្រសើរ។
ការងារបង្កបង្កិនផលស្រូវរដូវ វស្សាឆ្នាំនេះទទួលបានផលល្អ ដោយសារស្ថានភាពទឹកភ្លៀងមានអំណោយផល
ហើយពុំមានជួបប្រទះនឹងគ្រោះធម្មជាតិឡើយ។ ការ ដាំដុះប្រចាំឆ្នាំ
សម្រេចបានលើផ្ទៃដីសរុបជាង ២៧.៦០១ ហិកតា ស្មើនឹង ១០៦,៥២%នៃផែនការប្រចាំឆ្នាំ២៦. ០០០
ហិកតា។ ចំពោះដំណាំរួមផ្សំនិងដំណាំកសិ-ឧស្សាហកម្មក៏កំពុងមានអត្រាកើនឡើង ដូចជា
ដំឡូងមី សណ្តែកសៀង ស្វាយចន្ទី និងដំណាំហូបផ្លែផ្សេងៗទៀត
ដែលបច្ចុប្បន្នបានក្លាយទៅ ជាប្រភពចំណូល យ៉ាងសំខាន់សម្រាប់គ្រួសារនីមួយៗ។
ឯកឧត្តម ប៉ាវ ហមផាន
មានប្រសាសន៍ឲ្យដឹងថា ការអភិវឌ្ឍហេដ្ឋារចនាសម័្ពន្ធនានាទទួលបានការរីកចម្រើនហួសពីការស្មានជាពិសេសប
ណ្តាញផ្លូវជាតិ និងបណ្តាញផ្លូវក្រាលកៅស៊ូនៅក្នុងក្រុង ដែលរាជ រដ្ឋាភិបាលបានយកចិត្តទុកដាក់ខ្ពស់៕
អត្ថបទអង្គភាពព័ត៌មាននិងប្រតិកម្មរហ័ស
.gif)
