ប្រភពពីព្រំដែនកម្ពុជាបានឲ្យដឹងថា នៅវេលាម៉ោង ១០ និង ៣០ នាទី មានទាហានឈុតខ្មៅរបស់សៀម ៥ នាក់ ២ នាក់ស្លៀកពាក់ឯកសណ្ឋាន និង ៣ នាក់ ស្លៀកពាក់ស៊ីវិល បាននាំកម្មករជាង ១០ នាក់ ចុះមកកាន់មាត់អូរព្រំដែនកម្ពុជាថៃ នៃចំនុចខាងលើ ដើម្បីជីកមាត់អូរលើទំនុបខាងទឹកដីរបស់ខ្លួន និងរើមែកឈើដែលមានក្នុងទឹកអូរនោះ ។ ការធ្វើបែបនេះភាគីសៀមចោទប្រកាន់ភាគីកម្ពុជាថា បានលើកទំនប់ដែលធ្វើឲ្យមានទឹកជំនន់ទៅខាងភាគីសៀម រួមទាំងទម្លាក់ឈើជាច្រើនទៅក្នុងអូរទៀតផង ។
សកម្មភាពបែបនេះ ខាងមន្ត្រីទំនាក់ទំនងព្រំដែន និងមន្ត្រីអន្តោប្រវេសន៍កម្ពុជា បានចុះទៅទីនោះ ដើម្បីសួរនាំជាមួយភាគីសៀម ហើយខាងកម្ពុជាបានច្រានចោលនូវអ្វីដែលសៀមលើកឡើង ។ ប្រភពបានឲ្យដឹងទៀតថា ពួកគេក្រៅពីជីកអូរលើកដីធ្វើទំនប់ គឺពួកគេមានបំណងរើសំរះមានសំរាមឈើ ដែលនៅក្នុងទឹក តែនៅពេលខាងកម្ពុជាទៅដល់ពួកគេរត់អស់ ។ ករណីខាងលើ ខាងមេបញ្ជាការវរៈ៩១១ ដែលឈរជើងការពារបានបដិសេធមិនដឹងអ្វីទាំងអស់ ៕
ដោយ : សុផុន