បរិបទជាអទិភាពនៅក្នុងប្រទេសកម្ពុជា
នាពេលបច្ចុប្បន្នគឺការសង្រ្គោះបន្ទាន់ ចំពោះប្រជាជន
ដែលកំពុងតែរងគ្រោះយ៉ាងធ្ងន់ធ្ងរដោយទឹកភ្លៀងជន់លិច ។
សម្តេចតេជោនាយករដ្ឋមន្រ្តីកម្ពុជាបានថ្លែងកាលពីថៃ្ងទី០១ តុលា ២០១១ ថា
គិតត្រឹមថៃ្ងទី៣០ ខែកញ្ញា មានប្រជាជនស្លាប់ដោយទឹកជំនន់ចំនួន១៤៨នាក់
ប្រជាពលរដ្ឋរងគ្រោះចំនួន១៧០.០០០គ្រួសារ
ប្រជាពលរដ្ឋបានជម្លៀសចេញពីមូលដ្ឋានចំនួន១៧.០០០គ្រួសារ និង
ដំណាំស្រូវចំនួន៨ម៉ឺនហិចតាបានទទូលរងនូវការបំផ្លាញ។
ជាមួយនេះដែរសម្តេចតេជោនាយកមន្រ្តី
បានដាក់ចេញនូវវិធានការណ៏ឲ្យស្ថាប័នពាក់ព័ន្ឋ
ទាំងអស់ត្រូវយកចិត្តទុកដាក់ជួយសង្គ្រោះជាបន្ទាន់ដល់ប្រជាពលរដ្ឋដែល
កំពុងតែរងគ្រោះដោយទឹកជំនន់ ជាពិសេសគឺមិនត្រូវឲ្យមានប្រជាពលរដ្ឋណាម្នាក់
ត្រូវស្លាប់ដោយអត់បាយ ដោយសារអាជ្ញាធរមិនបានដឹង និងមិនបានដោះស្រាយឡើយ។
យោងតាមអនុសាសន៏ដ៏មានប្រសិទ្ឋិភាពរបស់ប្រមុខរាជរដ្ឋាភិបាលកម្ពុជា
គ្រប់ក្រសួងស្ថាប័នទាំងអស់ ដែលជាថ្នាក់ដឹកនាំ មន្រ្តី
និងសមាជិករបស់គណបក្សប្រជាជនកម្ពុជា
បានចុះជួយប្រជាពលរដ្ឋនៅតាមបណ្តាខេត្ត ក្រុង
ដោយបានផ្តល់នូវអំណោយជាថវិកា និងជាសម្ភារៈ
ដើម្បីជួយសំរាលនូវការលំបាករបស់ពួកគាត់ ។ សកម្មភាពមនុស្សធម៌ទាំងអស់នេះ
បានបង្ហាញពីការយកចិត្តទុកដាក់របស់ថ្នាក់ដឹកនាំគណបក្សប្រជាជនកម្ពុជា
ក៏ដូចជាថ្នាក់ដឹកនាំរាជរដ្ឋាភិបាលកម្ពុជា ដែលតែងតែយកចិត្តទុកដាក់
និងបង្ហាញវត្តមានជានិច្ចនៅក្នុងស្រទាប់ប្រជាជនគ្រប់វណ្ណៈនៅពេល
ប្រជាជនជួប នូវគ្រោះអាសន្នផ្សេងៗ ។
នៅក្នុងកាលទេសៈដ៏លំបាកនេះ ប្រជាពលរដ្ឋកម្ពុជាមានចម្ងល់ថា
នៅពេលកំពុងតែជួបនូវគ្រោះទឹកជំនន់យ៉ាងធ្ងន់ធ្ងរជាប្រវត្តិ
សាស្រ្តនេះ
ហេតុអ្វីបាត់មុខក្រុមសកម្មជនគណបក្សនយោបាយប្រឆាំងសូន្យឈឹងគ្មានស្រមោល
? ដែលគណបក្សប្រឆាំងតែងតែធ្វើការអួតអាងតាមប្រព័ន្ឋឃោសនានាថា
ខ្លួនបានចុះមូលដ្ឋានច្រើនជាងគេ ។ យើងបានធើ្វការកត់សំគាល់ថា
ការចុះមូលដ្ឋានរបស់គណៈបក្សប្រឆាំង
គឺដើម្បីពង្រឹងតែរចនាសម្ព័ន្ឋគណបក្ស ឃោសនាមូលបង្កាច់ ភូតកុហក
បំពុលពត៌មាន ញុះញង់ បំបែកបំបាក់ប្រជាជន ឲ្យស្អប់ខ្ពើមរាជរដ្ឋាភិបាល
ក្នុងទិសដៅបំរើឲ្យមហិច្ឆិតានយោបាយ រឺ
គោលបំណងទុច្ចរិតរបស់ខ្លួនតែប៉ុណ្ណោះ ។ ផ្ទុយទៅវិញពួកគេពុំដែលបានកសាង
រឺ ជួយអ្វីដល់ប្រជាពលរដ្ឋឡើយ
ជាពិសេសដូចនៅពេលប្រជាជនមួយចំនួនកំពុងតែជូប នូវទុក្ខលំបាក ខ្វះស្បៀងអាហារ
ទីជម្រក មន្ទីរពេទ្យ ថ្នាំសង្កូវ សាលារៀន និងបញ្ហាទឹកស្អាតជាដើម
ដែលត្រូវការជាចាំបាច់ នូវជំនួយឧបត្ថម្ភពីគ្រប់មជ្ឈដ្ឋាន ទោះបីតិចក្តី
ច្រើនក្តី ដើម្បីទ្រទ្រង់ជីវភាពលំបាករបស់ប្រជាជននោះ
គឺពុំដែលឃើញមុខរបស់គណបក្សប្រឆាំងចុះទៅសួរសុខទុក្ខ
រឺជួយប្រជាជនម្តងណាឡើយ ។
ដោយឡែកប្រជាពលរដ្ឋឃើញតែថ្នាក់ដឹកនាំ និង
មន្រី្តរាជរដ្ឋាភិបាលកម្ពុជាប៉ុណ្ណោះ ដែលស្គាសសុខ
ស្គាល់ទុក្ខរបស់ប្រជាជនពិតប្រាកដ ហើយការចុះមូលដ្ឋាននេះ
គឺបានកសាងនូវហេដ្ឋារចនាសម្ព័ន្ឋ ផ្លូវថ្នល់ វត្តអារាម សាលារៀន
មន្ទីរពេទ្យ ។ល។
នៅក្នុងគ្រាដែលកំពុងតែរងគ្រោះដោយជំនន់ទឹកភ្លៀងជន់លិចដ៏ធំនេះ
អង្គការមនុស្សធម៌នានាជាដៃគូររបស់រាជរដ្ឋាភិបាល និង ថ្នាក់ដឹកនាំ
គណបក្សប្រជាជនកម្ពុជា គ្រប់ឋានៈ និង
គ្រប់ស្ថាប័នទាំងអស់បាន
ចេញធើ្វសកម្មភាពក្នុងក្របខ័ណ្ឌមនុស្សធម៌នៅគ្រប់ទិសទី
ដែលត្រូវបានទទួលផលប៉ះពាល់ដោយទឹកជំន់ ក្នុងគោលដៅជួយសង្រោះជាបន្ទាន់
ដល់ប្រជាជន ។
វប្បធម៌ចែករំលែក និង
ទម្លាប់ផ្សារភ្ជាប់ទៅនឹងទុក្ខលំបាករបស់គណបក្សប្រជាជនកម្ពុជា
និងថ្នាក់ដឹកនាំរាជរដ្ឋាភិបាល ជាមួយប្រជាជនគ្រប់ស្រទាប់វណ្ណៈនេះ
គឺជាគុណធម៌របស់គណបក្ស ក្នុងការឆ្លើយតបទៅនឹងការផ្តល់ការគាំទ្រ
និងទុកចិត្ត ពីសំណាក់ប្រជាជនកម្ពុជារាប់លាននាក់ ហើយក៏ជាមូលដ្ឋានគ្រឹះ
របស់គណៈបក្សប្រជាជនកម្ពុជាឆ្ពោះទៅរកការដឹកនាំប្រទេស
ប្រកបដោយសន្តិភាព សេ្ថរភាព និងចិរភាព ។ រីឯអំពើអសកម្មរបស់គណបក្សប្រឆាំង
និងមិនឈឺឆ្អាលរបស់គណបក្សប្រឆាំង ចំពោះប្រជាជនដែលបាន
និងកំពុងតែទទួលរងផលប៉ះពាល់យ៉ាងធ្ងន់ធ្ងរនោះ គឺជាអំពើរមិលគុណ
និងជាភ័ស្តុតាងជាក់សែ្តង ផ្ទុយទៅនឹងការភូតកុហករបស់ខ្លួន
ដែលធ្លាប់តែអួតអាងថា ខ្លួនជាជើងឯកសេ្នហាជាតិ
ខ្លួនជាអ្នកគិតគូរពីការលំបាករបស់ប្រជាជន
ប៉ុន្តែបាត់មុខឈឹងនៅពេលដែលប្រជាជនកំពុងតែរងគ្រោះដោយទឹកជំន់ ៕
ដោយ រួម រក្សា
ថៃ្ងទី ០៤ តុលា ២០១១