លោកស្រី មូរ សុខហួរ បាន និងកំពុងនិយាយបំផ្លើស ភូតកុហក
ដើម្បីអ្វីមួយ ដែលគេអាចចាត់ទុកថា ជាអ្នកនយោបាយស្ទាត់ជំនាញ
ពូកែខាងការបោកប្រាស់ ឬក៏អាចនិយាយបានថា
ជាអ្នកនាំពាក្យដ៏ពិសេសម្នាក់
របស់អង្គការមិនមែនរដ្ឋាភិបាលមួយក្រុមតូច
ដែលកំពុងទាញនីតិរដ្ឋនៅកម្ពុជាឱ្យដើរថយក្រោយ
គឺលោកស្រីពុំសក្តិសមជាអ្នកតំណាងរាស្ត្រនោះទេ។
ការពោលដូច្នេះ ដោយយោងថា លោកស្រី មូរ សុខហួរ
បានកសាងនូវកំហុសដ៏ធំថ្មីមួយទៀត បន្ថែមពីលើរឿងអាស្រូវ
ដែលធ្លាប់កើតមានក្នុងរឿងក្តីក្តាំ
នៅពីក្រោយបទបរិហារកេរ្តិ៍ជេរប្រមាថថ្នាក់ដឹកនាំប្រទេស ដែល
ផ្តើមចេញពីការនិយាយបំផ្លើស គ្មានការពិត នាពេលកន្លងមក ។
មិនត្រឹមតែប៉ុណ្ណោះ លោកស្រី មូរ សុខហួរ
ហាក់ដូចជាកំពុងធ្វើខ្លួនជាអ្នកចម្រៀងអាយ៉ៃ
បំរើការឱ្យក្រុមតន្ត្រីមួយវង់ ដែលមានបក្សពួក ខ្សែរយៈ
ជាមួយអង្គការមិនមែនរដ្ឋាភិបាលមួយក្តាប់តូច
បង្កើតបានជាក្រុមប្រឆាំងមួយ ដែលនិយមចូលចិត្តរិះគន់រាជរដ្ឋាភិបាល
ដោយប្រើប្រាស់ប្រព័ន្ធឃោសនា ដើម្បីបន្ទរសំឡេងទៅខាងក្រៅ។
តាមរយៈការស្រង់សម្តីចុះផ្សាយក្នុងសារព័ត៌មាន The Cambodia Daily
ថ្ងៃទី០២ ខែ វិច្ឆិកា ឆ្នាំ ២០១១ លោកស្រី មូរ សុខហួរ
បាននិយាយបំប៉ោងព័ត៌មាន
ពាក់ព័ន្ធនឹងរឿងក្តីនៃសំណុំរឿងជះទឹកអាស៊ីត ទៅលើតារាសិល្បៈ
នាង តាត ម៉ារីណា កាលពីឆ្នាំ ១៩៩៩
ដែលតុលាការបានចាត់ការចប់សព្វគ្រប់
និងអនុវត្តត្រឹមត្រូវតាមដំណើរការនៃនិតិវិធីរួចហើយ ប៉ុន្តែ
ត្រូវបានលោកស្រី មូរ សុខហួរ អះអាងដូច្នេះថា ៖ ករណីរបស់ តាត
ម៉ារីណា
មិនដែលធ្លាប់មានការចាប់ខ្លួនជនល្មើសណាម្នាក់មកផ្តន្ទាទោសនោះទេ
និងបានបន្តថា ជនល្មើសនៅតែមានសេរីភាព »។
ការចេញមកអត្ថាធិប្បាយបោកបញ្ឆោតសាធារណមតិដូចនេះ គឺអាចទុកថា
ជាការរួមគំនិតគ្នាបង្កើតនូវក្បាលម៉ាស៊ីនប្រឆាំងនឹងប្រព័ន្ធ
យុត្តិធម៌ ពីព្រោះសំណុំរឿងនេះ ត្រូវបានអនុវត្តចប់សព្វគ្រប់
និងសាលក្រមបានចូលជាស្ថាពរហើយ
គឺមិនមែនដូចការចោទប្រកាន់អំពីនិទណ្ឌភាពទៀតនោះទេ។ ផ្ទុយទៅវិញ
សម្តីរបស់លោកស្រីមូរ សុខហួរ គឺបានប៉ះពាល់យ៉ាងធ្ងន់ធ្ងរ
ដល់កិច្ចខិតខំប្រឹងប្រែងរបស់អាជ្ញាធរមានសមត្ថកិច្ច ជាពិសេស
មន្ត្រីតុលាការ ដែលបានកសាងសំណុំរឿង និងចាត់ការករណីនេះ
យ៉ាងត្រឹមត្រូវ ផ្អែកលើភស្តុតាងដាក់បន្ទុក
ហើយជនល្មើសក៏បានទទួលទោសទណ្ឌរួចហើយដែរ
ទៅតាមការកំណត់នៃច្បាប់។
ករណីជះទឹកអាស៊ីត ទៅលើនាងតាត ម៉ារីណា
បានកើតឡើងកាលពី១២ឆ្នាំកន្លងទៅ។
បើតាមការបញ្ជាក់របស់ប្រធានសាលាដំបូង អតីតក្រឡាបញ្ជី
ព្រះរាជអាជ្ញា និងស្នងការនគរបាលរាជធានីភ្នំពេញ ដែលជាសាក្សី
និងក៏ជាអ្នកអនុវត្តផ្ទាល់ក្នុងសំណុំរឿងនេះ
បានផ្តល់កិច្ចសម្ភាសន៍ក្នុងបទយកការណ៍មួយ ស្តីពី
«តើរាជរដ្ឋាភិបាលបានធ្វើអ្វីខ្លះដើម្បីកំណែទម្រង់ច្បាប់
និងប្រព័ន្ធយុត្តិធម៌នៅកម្ពុជា? ដែលត្រូវបានចាក់ផ្សាយជាសាធារណៈ
តាមរយៈស្ថានីយ៍វិទ្យុ និងទូរទស្សន៍អប្សរា កាលពីថ្ងៃទី៥ ខែ
កក្កដា ឆ្នាំ ២០១១ លោក សួស ឡា
ជាមួយនឹងការលើកបង្ហាញនូវសំរង់សាលក្រមព្រហ្មទណ្ឌ
ដែលបានចូលជាស្ថាពរនៅថ្ងៃទី១៣ ខែ មីនា ឆ្នាំ ២០០១
បានមានប្រសាសន៍ថា« ចំពោះព័ត៌មានដែលថា រឿង តាត ម៉ារីណា
អត់ទាន់បានជំនុំជំរះនោះជារឿងមិនពិតទេ
ខ្ញុំជាអតីតក្រឡាបញ្ជីនៃតុលាការក្រុងភ្នំពេញនៅឆ្នាំ ២០០០
ហើយខ្ញុំជាអ្នកទទួលជំនុំជំរះក្នុងរឿងនេះផ្ទាល់តែម្តង។ លោកសួស
ឡា បានបន្តថា យើងបានបើកសវនាការនៅថ្ងៃទី ២៨ ខែ ធ្នូ ឆ្នាំ ២០០០
ក្នុងពេលនោះជនជាប់ចោទគេចខ្លួន អត់បានចូលសវនាការទេ
ហើយខាងជនរងគ្រោះក៏អត់បានតាំងខ្លួនជាដើមបណ្តឹងរដ្ឋប្បវេណីដែរ។
ក្រោយពេលជំនុំជរះហើយ
ខ្ញុំចេញលិខិតជូនដំណឹងពីសាលក្រមកំបាំងមុខទៅជនជាប់ចោទ
ហើយបន្ទាប់មកនៅថ្ងៃទី ១៣ ខែ មិនា ឆ្នាំ ២០០១
សាលក្រមហ្នឹងចូលជាស្ថាពរ
ដោយសារអត់មានអ្នកចូលមកប្តឹងតវ៉ាតាមកំណត់ច្បាប់ទេ
អញ្ចឹងខ្ញុំក៏បានសម្រង់សាលក្រមមួយទៀត គឺសម្រង់សាលក្រមស្ថាពរនេះ
»។
អតី
តព្រះរាជអាជ្ញារងនៃសាលាដំបូងរាជធានីភ្នំពេញ លោក យ៉េត ចរិយា
ក៏បានឱ្យដឹងដែរថា « ក្នុងរឿងនេះគ្មានដើមបណ្តឹងរដ្ឋប្បវេណីទេ
ទោះបីគ្មានដើមបណ្តឹងរដ្ឋប្បវេណី
តំណាងអយ្យការជាម្ចាស់បណ្តឹងអាជ្ញានោះបានសម្រេចបើកការស៊ើបសួរ
ទៅចៅក្រមស៊ើបអង្កេត
ហើយចៅក្រមស៊ើបអង្កេតក៏បានអនុវត្តតាមនីតិវិធីបញ្ជូនរឿងហ្នឹងទៅ
ជំនុំជុំរះតាមផ្លូវច្បាប់ ហើយរឿងនេះបានជំនុំជំរះរួចហើយ
គឺផ្តន្ទាទោសជនជាប់ចោទ ឯគូរកនគ្មានសវតាជាតិនោះ
យើងសម្រេចបង្អង់បណ្តឹងអាជ្ញា បច្ចុប្បន្នគេហៅថា
លើកលែងការចោទប្រកាន់ដោយគ្មានសវតាជាតិ ដូច្នេះនិទណ្ឌភាព គ្មានទេ
គឺដំណើរការនីតិវិធីដើរតាមផ្លូវច្បាប់ »។
ចំ
ណែកឯ លោក ជីវ កេង ប្រធានសាលាដំបូងរាជធានីភ្នំពេញ
បានមានប្រសាសន៍ថា ករណីរឿងជះទឹកអាស៊ីតទៅលើ កញ្ញា តាត ម៉ារីណា
នេះ ត្រូវបានតុលាការរាជធានីភ្នំពេញបានជំនុំជំរះរួចហើយ
តាមសាលក្រមលេខ ៧៨ ជ ចុះថ្ងៃទី ២៨ ខែធ្នូ ឆ្នាំ ២០០០ ហើយសាលក្រមនេះ
គឺបានចូលជាស្ថាពរទៅហើយ
ដោយសម្រេចផ្តទ្ទាទោសជនល្មើសក្នុងរឿងនេះ គឺដាក់ពន្ធនាគារ ១
ឆ្នាំ ហើយទោសនោះត្រូវបានព្យួរដោយសាកល្បងរយៈពេល ៥ ឆ្នាំ។
អញ្ចឹងករណីនេះ មានការអនុវត្តចប់សព្វគ្រប់រួចអស់ហើយ ដូច្នេះ
ការផ្សព្វផ្សាយថា តុលាការមិនបានចាត់ការទៅលើករណីនេះ
គឺជារឿងមិនពិតនោះទេ។
ដូចគ្នា
នេះដែរ លោក ទូច ណារ៉ុថ ស្នងការនគរបាលរាជធានីភ្នំពេញ
បានបញ្ជាក់ថា ៖ ករណីនេះ មានការផ្តន្ទាទោសរួចហើយ
ដោយមានលិខិតជូនដំណឹងពីសាលក្រមកំបាំងមុខទៅជនជាប់ចោទ
និងមានឯកសារដែលជាសំរង់សាលដីកានៅនឹងដៃរបស់លោកផ្ទាល់នៅពេលនេះ
។លោក ទូច ណារ៉ុថ បានបន្ថែមថាការដែលអង្គការមួយចំនួន
ក៏ដូចជាក្រុមអ្នករិះគន់អំពីនិទណ្ឌភាព
គឺពួកគេធ្វើការចោទប្រកាន់ដោយពុំមានមូលដ្ឋានសោះឡើយ ។ លោកថា
ក្នុងរឿងនេះ
តុលាការបានសំរេចផ្តន្ទាទោសជនល្មើសពីបទបង្ករបួសស្នាមដោយចេតនា
ដែលរហូតមកដល់ពេលបច្ចុប្បន្ននេះ
គឺវាផុតអាជ្ញាយុកាលនៃការព្យួរទោសហើយ។
តាមរយៈការបកស្រាយជាសាធារណៈ
អំពីការពិតជាក់ស្តែងរបស់មន្ត្រីតុលាការ
និងអាជ្ញាធរមានសមត្ថកិច្ចទាំងនេះ
គឺជាឯកសារផ្លូវច្បាប់ដ៏មានសារសំខាន់
ទុកសំរាប់ធ្វើជាមេរៀនដល់លោកស្រី មូរ សុខហួរ ក្នុងន័យបញ្ជាក់ថា
ក្នុងឋានៈជាអ្នកតំណាងរាស្ត្រ
គួរគប្បីធ្វើនយោបាយត្រូវប្រកាន់លើភាពសុច្ចរិត យុត្តិធម៌
និងទទួលយកការពិត ។ ជាងនេះទៅទៀត តួនាទីរបស់អ្នកតំណាងរាស្ត្រ
គឺការចូលរួមលើកកំពស់ការគោរព និងអនុវត្តច្បាប់
និងគប្បីធ្វើខ្លួនជាបុគ្គលដែលរួមចំណែកដើម្បីកំណែទម្រង់ច្បាប់
និងយុត្តិធម៌ ឱ្យបានប្រសើរឡើងនៅកម្ពុជា
ដែលពុំគួរក្បត់នឹងឆន្ទៈរបស់ប្រជាពលរដ្ឋម្ចាស់ឆ្នោត
ដើម្បីបំរើតែផលប្រយោជន៍បុគ្គល និងបក្សពួកខ្លួន ជាពិសេស
បើត្រចៀកឮហើយពុំគួរធ្វើជាថ្លង់ មិនដឹងមិនឮ
ហើយប្រកាន់ខ្ជាប់នូវឧបាយកលទុចរិត មួលបំភ្លៃការពិត បំប៉ោងព័ត៌មាន
នោះពុំសក្តិសមជាអ្នកតំណាងរាស្ត្រទេ ផ្ទុយទៅវិញ
ទង្វើរបស់លោកស្រី មូរ សុខហួរ
វាគ្រាន់តែជាការបង្ហាញយ៉ាងច្បាស់អំពីឥរិយាបទ
តំណាងឱ្យអ្នកនាំពាក្យរបស់ក្រុមអង្គការមិនមែនរដ្ឋាភិបាលមួយ
ចំនួន ដែលមាននិន្នាការ «ប្រឆាំងដើម្បីការបំផ្លាញ តែប៉ុណ្ណោះ» ៕
ដោយៈ ពូន សំរេច