សេចក្តីថ្លែងការណ៍រួម
អាជ្ញាធរ
ជាតិព្រះវិហារ និងគណៈកម្មាធិការជាតិបេតិកភណ្ឌពិភពលោក
សូមសម្តែងនូវកង្វល់យ៉ាងខ្លាំងបំផុតចំពោះសកម្មភាពនានាកំពុងតែ
កើតមាន ដែលបង្ករឡើងដោយកងយោធាថៃនៅលើភ្នំទ្រព្យ
និងស្ថិតនៅយ៉ាងជ្រៅក្នុងតំបន់គ្មានកងទ័ពបណ្តោះអាសន្ន
(Provisional Demilitarized Zone) ។
នៅថ្ងៃទី២៤
និង ថ្ងៃទី២៥ ខែមករា ឆ្នាំ២០១២ ម្តងទៀត
រថយន្តដឹកទំនិញរបស់កងយោធាថៃពីរគ្រឿងបានដឹកជញ្ជូន
និងផ្ទេរចេញនូវសម្ភារៈសំណង់នៅជិតបដិមាករព្រះពុទ្ធរូបដែលត្រូវ
បានតាំងថ្មីៗ និងកន្លែងធ្វើបាតុកម្មនៅដើមខែមករានេះ ។
គេគួរ
តែត្រូវបានរំលឹកថា
តុលាការយុត្តិធម៌អន្តរជាតិបានចេញដីការសម្រេចនៅថ្ងៃទី១៨ ខែកក្កដា
ឆ្នាំ២០១១ ដែលបានបង្កើតតំបន់គ្មានកងទ័ព ហើយថែមទាំងសម្រេចទៀតថា៖“ភាគីទាំងពីរត្រូវទប់ស្កាត់នូវរាល់សកម្មភាពណាមួយដែលអាចធ្វើឲ្យកាន់តែធ្ងន់ធ្ងរ ឬ ពង្រីកជម្លោះមុនតុលាការ ឬ ធ្វើឲ្យកាន់តែមានការពិបាកថែមទៀតក្នុងការដោះស្រាយ” ។
បន្ទាប់
មកទៀត កិច្ចប្រជុំគណៈកម្មាធិការព្រំដែនទូទៅ(General Border
Committee ) រវាងរដ្ឋមន្រ្តីក្រសួងការពារជាតិកម្ពុជា
និងរដ្ឋមន្រ្តីក្រសួងការពារប្រទេសនៃរាជាណាចក្រថៃដែលបានប្រព្រឹត្ត
ទៅនាថ្ងៃទី២១ ខែធ្នូ ឆ្នាំ២០១១ នៅរាជធានីភ្នំពេញ
បានចេញនូវសេចក្តីថ្លែងការណ៍រួមថា៖ ”ភាគីទាំងពីរបានព្រមព្រៀងគ្នាអនុវត្តតាមដីកាសម្រេចរបស់តុលាការយុត្តិធម៌អន្តរជាតិ ដែលចេញនៅថ្ងៃទី១៨ ខែកក្កដា ឆ្នាំ២០១១ ប្រកបដោយតម្លាភាព ស្មើភាព និងដែលអាចផ្ទៀងផ្ទាត់បាន ” ។
អាជ្ញាធរ
ជាតិព្រះវិហារ និងគណៈកម្មាធិការជាតិបេតិកភណ្ឌពិភពលោកជឿជាក់ថា
សកម្មភាព ដែលកំពុងកើតមានឡើងដែលប្រព្រឹត្តដោយក្រុមយោធាថៃ
ដែលមិនត្រឹមតែផ្ទុយទៅនឹងដីកាសម្រេចរបស់តុលាការយុត្តិធម៌
អន្តរជាតិប៉ុណ្ណោះទេ
ប៉ុន្តែថែមទាំាំងផ្ទុយទៅនឹងស្មារតីនៃលទ្ធផលវិជ្ជមាននៃកិច្ចប្រជុំ
គណៈកម្មាធិការព្រំដែនទូទៅ (General Border Committee ) និង កិច្ចប្រជុំ
ផ្សេងៗទៀត រវាងភាគីទាំងពីរដែលប្រាថ្នាចង់ឲ្យមានបរិយាកាសស្ងប់ស្ងៀម
និងសន្តិភាព នៅតំបន់ជុំវិញប្រាសាទព្រះវិហារដើម្បីស្រោចស្រង់
និងការពារសម្បត្តិបេតិកភណ្ឌពិភពលោកនេះ និង
បង្កើតសន្តិភាពរវាងប្រជាជនជិតខាងយើងទាំងពីរ ។
រាជធានីភ្នំពេញ, ថ្ងៃទី១១ខែកុម្ភៈ ឆ្នាំ២០១២
គណៈកម្មាធិការជាតិបេតិភណ្ឌពិភពលោក អាជ្ញាធរជាតិព្រះវិហារ