បន្ទាប់ពីការបោះឆ្នោតព្រឹទ្ធសភា កាលពីថ្ងៃទី២៩ ខែមករា ឆ្នាំ២០១២
កន្លងមក
គណៈកម្មាធិការរៀបចំបោះឆ្នោតជាតិបានប្រកាសលទ្ធផលបណ្តោះអាសន្ន
គឺគណបក្សប្រជាជនកម្ពុជាទទួលអាសនៈ៤៨ដោយរួមបញ្ចូលពីការតែងតាំង
អាសនៈ២ ដែលតែងតាំងពីរដ្ឋសភា គណបក្សសម រង្ស៊ី បាន១១ អាសនៈ ។
ក្នុងអំឡុងការបោះឆ្នោតព្រឹទ្ធសភានោះគេបានដឹងថា
គណបក្សប្រជាជនកម្ពុជាកើនឡើងអង្គបោះឆ្នោតរហូតដល់ ៧៩៧ សំឡេង
ផ្ទុយទៅវិញគណបក្សប្រឆាំងបានបាត់អង្គបោះឆ្នោត១៧៩សំឡេងដែលមន្រ្តី
ទាំងនោះបានបោះជូនគណបក្សប្រជាជនទៅវិញ។
ដោយឡែកការបាត់សំឡេងគណបក្សសម រង្ស៊ី
រហូតដល់១៧៩សំឡេងបានន័យថាមិនមែនសំរាប់តែ១៧៩សំឡេងនោះទេ
គឺមានន័យថា គណបក្សសម រង្ស៊ី បានបាត់បង់សំឡេងគាំទ្ររាប់ម៉ឺនសំឡេង
ពីព្រោះសមាសភាពរបស់ អង្គបោះឆ្នោតទាំងនោះបានមកពីសមាសភាពចម្រុះគឺ
សមាជិករដ្ឋសភាជាតិ និងក្រុមប្រឹក្សាឃុំ សង្កាត់
ហើយតំណាងអាសនៈរដ្ឋសភានីមួយៗមានសំឡេងមិនតិចជាង៤ម៉ឺន
ហេតុដូច្នេះការបាត់បង់កំលាំងស្នូល។
រីឯគណបក្សប្រជាជនកម្ពុជា បាន នឹងកើនឡើងនូវសំឡេងគាំទ្រ៧៩៧
គឺមានន័យថា
មិនមែនកើនតែចំនួន៧៩៧នោះទេគឺចំនួនទាំងនេះតំណាងឲ្យចំនួនកើនឡើង
អ្នកគាំទ្រគណបក្សប្រជាជន ចំនួនរាប់ម៉ឺននាក់ផងដែរ ។
ក្នុងការបោះឆ្នោតព្រឹទ្ធសភាពេលនេះក៏ជាសុចនាករ
សម្រាប់វាស់ស្ទង់កំលាំង ឬសំឡេងគាំទ្រ
ដល់គណបក្សប្រជាជនកម្ពុជានៅក្នុងការបោះឆ្នោតក្រុមប្រឹក្សាឃុំ
សង្កាត់នាថ្ងៃទី០៣ខែមិថុនាឆ្នាំ២០១២
ខាងមុខដោយពុំលំបាកអ្វីឡើយ។ត្រង់ចំណុចនេះសបញ្ជាក់ឲ្យឃើញពីការ
រីកចំរើននូវការគាំទ្រចំពោះ
គណបក្សប្រជាជនកម្ពុជាពីមួយថ្ងៃទៅមួយថ្ងៃ
និងបានបង្ហាញពីសកម្មភាពការងារ ចេះសហការណ៍
និងខិតខំដោយយកចិត្តទុកដាក់រក្សាសំឡេង
និងឈានដល់ការបញ្ចុះបញ្ចូលអូសទាញបានសមាជិកក្រុមប្រឹក្សា ឃុំ
សង្កាត់របស់គណបក្សដ៏ទៃឲ្យគាំទ្រគណបក្សគណបក្សប្រជាជនកម្ពុជានោះ
វាមិនមែនធម្មតានោះទេ ។
អ្នកតាមដានស្ថានភាព នយោបាយជាតិ អន្តរជាតិបានស្ទង់ឃើញថា
គណបក្សប្រជាជនកម្ពុជាឈានទៅរកភាពជោគជ័យចំពោះមុខ
ឬអាចនិយាយមួយបែបទៀតថា
មានប្រៀបជាងគណបក្សប្រឆាំងដោយស្តែងឡើងតាមរយៈសកម្មភាពរបស់
ថ្នាក់ដឹកនាំគណបក្សប្រជាជនចេះស្រលាញ់
និងសហការណ៍គ្នាទាំងមន្រ្តីថ្នាក់លើ
រហូតដល់មន្រ្តីថ្នាក់មូលដ្ឋានបានអនុវត្តវប្បធម៌សហការណ៍សាមគ្គីគ្នា
ដូចជាបងប្អូន ហើយចេះជួយមើលសុខទុក្ខ របស់ប្រជាពលរដ្ឋគ្រប់ខេត្ត
រាជធានី ។
ដោយមានគោលនយោបាយល្អរបស់គណបក្សប្រជាជនបានធ្វើឲ្យសមាជិកគណបក្ស
ប្រឆាំងមួយ
ចំនួនបានស្ម័គ្រចិត្តចូលរួមបំរើជាតិមាតុភូមិដោយសមាជិកមួយចំនួនមើលឃើញ
ពីការកសាង និងអភិវឌ្ឍន៍ ហេចដ្ឋារចនាសម្ព័ន្ធ ផ្លូវថ្នល់ តូច ធំ
ខ្វែងខ្វាត់ គ្រប់ច្រកល្ហក វាជាការសម្រួលដល់ការប្រាស្រ័យទាក់ទងគ្នា
ចំណេញពេលវេលាដល់ប្រជាពលរដ្ឋ ក៏ដូចជាអ្នកវិនិយោគិន
ដែលមានជំនឿលើរាជរដ្ឋាភិបាលរក្សាបាននូវស្ថេរភាព នយោបាយ
រក្សាបាននូវសន្តិសុខល្អគ្រប់ខេត្ត ខណ្ឌ រាជធានីទូទាំងប្រទេសទាំងមូល។
គេនៅចាំបានថាតាំងពីឆ្នាំ២០០៨
រាជរដ្ឋាភិបាលកម្ពុជាមានវិវាទជាមួយប្រទេសជិតខាង
ប្រមុខរាជរដ្ឋាភិបាលកម្ពុជាសម្តេចអគ្គសេនាបតីតេជោ ហ៊ុន សែន
នាយករដ្ឋមន្រ្តីកម្ពុជា បានយកគោលការណ៍ សន្តិភាព ចៀសវាងសង្រ្គាម
មកដោះស្រាយ ដោយខិតខំដោះស្រាយ
និងទប់ស្កាត់ការពារនូវបូរណៈភាពដែនដីដោយសន្តិវិធីតាមលក្ខណៈកា
រទូតដែលបានផ្សារភ្ជាប់នូវការដោះស្រាយដោយផ្តល់សិទ្ធិអំណាចតាម
ក្រុមប្រឹក្សាសន្តិសុខអង្គការសហប្រជាជាតិ និងសមាគមន៍អាស៊ីអាគ្នេយ៍
និងឈានដល់តុលាការអន្តរជាតិ ទីក្រុងឡាអេ ។
បន្ទាប់ពីនោះមកប្រទេសកម្ពុជាបានជួបនូវគ្រោះធម្មជាតិ
ទឹកជំនន់បានបំផ្លាញផលដំណាំ ស្រូវរាប់ម៉ឺនហិចតា
និងសត្វពាហនៈមួយចំនួនត្រូវស្លាប់បាត់បង់ជីវិត
រួមទាំងជីវិតមនុស្សមួយចំនួនគួរឲ្យព្រួយបារម្មណ៍
ទាំងអស់នេះត្រូវធ្លាក់បន្ទុកមកលើរាជរដ្ឋាភិបាលកម្ពុជាជាអ្នក
ដោះស្រាយ។
ជាការពិតគ្រោះធម្មជាតិមិនមែនតែប្រទេសកម្ពុជានោះទេគឺបានកើតឡើងនៅ
តាមបណ្តាប្រទេសមួយចំនួននៅតំបន់អាស៊ី ដូចជាប្រទេសពីលីហ្វីន ភូមា
ឡាវ វៀតណាម ថៃ និងកម្ពុជា ។
តែទោះជាមានទឹកជំនន់យាយីយ៉ាងណាក៏ប្រមុខរាជរដ្ឋាភិបាល
និងមន្រ្តីដែលពាក់ព័ន្ធមួយចំនួនបានចុះទៅកន្លែងរងគ្រោះដោយផ្ទាល់
និងបានវាយតម្លៃស្ថានភាព ជាពិសេស សម្តេចតេជោ ហ៊ុន សែន
នាយករដ្ឋមន្រ្តីបានធ្វើដំណើរដល់មូលដ្ឋាន
ហើយចាត់ចែងដោះស្រាយទាន់ពេលវេលា ជាពិសេសសម្តេចតេជោ
បានអំពាវនាវរកសហគមន៍ ជាតិ អន្តរជាតិ
និងអ្នកដែលមានចិត្តមនុស្សធម៌ដើម្បីជួយសង្រ្គោះជីវិតមនុស្ស សត្វ
ក៏ដូចជាជួយផ្តល់ស្បៀងអាហារ
ដល់ប្រជាពលរដ្ឋណាដែលជួបនូវទឹកជំនន់នេះ
ក្នុងខណៈពេលនោះគេបានឃើញអំពីសកម្មភាពមន្រ្តីរបស់គណបក្សប្រជាជន
កម្ពុជាបានយកចិត្តទុកដាក់ចុះជួយប្រជាពលរដ្ឋប្រកបដោយប្រសិទ្ធភាព
ខ្ពស់បំផុត។
ផ្ទុយទៅវិញគណបក្សសម រង្ស៊ី
បែជាមិនបានជួយប្រជាពលរដ្ឋហើយថែមទាំងស្តីបន្ទោសមកលើប្រ
មុខរដ្ឋាភិបាលថា
ការចុះជួយប្រជាពលរដ្ឋក្នុងពេលទឹកជំនន់នោះគឺជាការធ្វើប្រជាភិថុតទៅវិញ
អ្នកវិភាគជាតិ អន្តរជាតិ បានលើកសំនួរថា ប្រសិនបើគណបក្សសម រង្ស៊ី
ដឹកនាំប្រទេស នៅពេលជួបទឹកជំនន់យ៉ាងដូច្នេះតើគណបក្សសម រង្ស៊ី
មានសន្តានចិត្តចុះជួយជនរងគ្រោះដែរឬទេ? ចម្លើយគឺគណបក្សសម រង្ស៊ី
នឹងមិនជួយប្រជាពលរដ្ឋនោះទេ
ពីព្រោះឆ្លងតាមការជួបគ្រោះទឹកជំនន់រប្រមុខរាជរដ្ឋាភិបាលបានជាប់ដៃ
ដោះស្រាយដល់ជនរងគ្រោះ តែតំណាងរាស្រ្តរបស់ គណបក្ស សម រង្ស៊ី
បានធ្វើផ្គរធ្វើភ្លៀង
ដោយគំរាមធ្វើពហិការមិនចូលរួមអនុម័តកញ្ចប់ថវិការជាតិឆ្នាំ២០១២
ការមិនចូលរួមប្រជុំដើម្បីអនុម័តកញ្ចប់ថវិការ នេះ សម្តេចតេជោសែន ធ្លាប់បានមានប្រសាសន៍ថា«គឺជាចេតនាបំផ្លាញជាតិ មិនចង់ឲ្យមានការអភិវឌ្ឍន៍ប្រទេស ដែលនោះគ្រាន់តែជាផែនការឥតប្រយោជន៍»។
ជារួមនៅក្នុងពេលដែលរាជរដ្ឋាភិបាលចុះជួយដល់ប្រជាពលរដ្ឋពេលដែលមាន
គ្រោះទឹកជំនន់ គណបក្ស សម រង្ស៊ី បែជាមានតំណាងរាស្រ្ត និង
សមាជិកមូលដ្ឋានមួយចំនួនធ្វើចលនាចាកចេញពីគណបក្សរបស់ខ្លួន
ជាបន្តបន្ទាប់
ហើយរាល់ការចាកចេញមន្រ្តីទាំងនោះតែងតែរិះគន់ថាគណបក្សសម រង្ស៊ី
ផ្តាច់ការគ្រួសារនិយម គ្មានលិទិ្ធប្រជាធិបតេយ្យនៅក្នុងបក្សជាដើម។ល។
ដូច្នេះក្នុងដំណាក់កាលនេះគណបក្សសម រង្ស៊ី
មិនអាចលាក់បាំងសាធារណមតិបានទេ
អំពីវិបត្តិក្នុងបក្សដ៏ធ្ងន់ធ្ងរនេះ។ចរន្តនៃការដើរចេញពីបក្សទ្រង់ទ្រាយ
ធំគឺជាការបាក់ទំនប់ដ៏ធំក្នុងដំណាក់កាលដែលមានគ្រោះមហាព្យុះកំបុត
ត្បូង។ អញ្ចឹង គណបក្សសម រង្ស៊ី
រវល់តែទាស់ទែងគ្នាផ្ទៃក្នុងបក្សដូច្នេះគណបក្សសម រង្ស៊ី
គ្មានពេលជួយកសាងជាតិមាតុភូមិនោះទេ។
រួម ជាតិ