ថ្ងៃទី
១៦ ខែកុម្ភៈ ឆ្នាំ២០១២
អ្នកបោះឆ្នោតកម្ពុជាប្រហែលជាង៩លាននាក់
នឹងចូលរួមការបោះឆ្នោតជ្រើសតាំងសមាជិកក្រុម ប្រឹក្សាឃុំ-សង្កាត់
ដែលនឹងប្រព្រឹត្ដទៅក្នុងថ្ងៃទី០៣ ខែមិថុនា
ឆ្នាំ២០១២ ដែលជាការបោះឆ្នោតសំរាប់ អាណត្ដិទី៣
រៀងរាល់ប្រាំឆ្នាំម្ដង ស្របតាមច្បាប់បោះឆ្នោតក្រុមប្រឹក្សាឃុំ-សង្កាត់ឆ្នាំ២០០១។
គណបក្សនយោបាយដែលមានអាសនៈក្នុងសភាកំពុងរៀបចំត្រៀមសំរាប់ការចូលរួមការបោះឆ្នោត
មួយដោយសម្ងាត់ ដោយផ្ទាល់ ត្រឹមត្រូវ
និងយុត្ដិធម៌ ក្នុងនោះ គណបក្សប្រជាជនកម្ពុជា
បាននិងកំពុង បោះឆ្នោតស្ទាបស្ទង់ជ្រើសរើសបេក្ខជនក្នុងគណបក្សប្រជាជនកម្ពុជា
ដើម្បីឈរឈ្មោះជាសមាជិកក្រុម ប្រឹក្សាឃុំ-សង្កាត់ដែលមានប្រជាប្រិយភាពជាងគេ
ដើម្បីដាក់ចូលក្នុងបញ្ជីបោះឆ្នោតក្រុមប្រឹក្សាឃុំ-សង្កាត់
សំរាប់អាណត្ដិទី៣។
វិធីបោះឆ្នោតស្ទាបស្ទង់ជ្រើសរើសបេក្ខជនក្នុងគណបក្សប្រជាជនកម្ពុជាសំរាប់ឈរឈ្មោះឱ្យប្រជាជន
បោះឆ្នោតបាននិងកំពុងឆ្លុះបញ្ចាំងឱ្យឃើញនូវលក្ខណៈដឹកនាំតាមបែបប្រជាធិបតេយ្យផ្ទៃក្នុងរបស់គណបក្ស
ប្រជាជនកម្ពុជា ហើយលក្ខណៈប្រជាធិបតេយ្យក្នុងបក្សត្រូវបានអនុវត្ដតាំងតែពីឆ្នាំ២០០២
ពេលដែលមាន ការបោះឆ្នោតមូលដ្ឋានលើកដំបូងក្នុងប្រទេសកម្ពុជា។
អ្វីដែលជាគំរូដឹកនាំប្រកបដោយជោគជ័យនោះគឺគណបក្សប្រជាជនកម្ពុជា
បាននិងកំពុងធ្វើសន្និបាត ទូទាំង
១៦៣៣ ឃុំ-សង្កាត់ ដើម្បីបូកសរុបវាយតំលៃការអនុវត្ដន៍ការងារកន្លងមកពីឆ្នាំ២០០៧-២០១២
និងលើកទិសដៅការងារសំរាប់ឆ្នាំ២០១២-២០១៧ ដែលជាដំណើរការដឹកនាំប្រកបដោយប្រជាធិបតេយ្យ
របស់គណបក្សប្រជាជនកម្ពុជា។ ដោយឡែក
គណបក្សប្រឆាំងនៅប្រទេសកម្ពុជាវិញ មេបក្សគឺជាអ្នកជ្រើសតាំងបេក្ខជនសំរាប់
សមាជិកក្រុមប្រឹក្សាឃុំ-សង្កាត់ ដែលឆ្លុះបញ្ជាំងឱ្យឃើញនូវការដឹកនាំមួយមានភាពផ្ដាច់ការក្នុងបក្សរបស់
ខ្លួន។ បើសិនដូច្នេះ តើបក្សប្រឆាំងអាចតាំងខ្លួនជាអ្នកប្រជាធិបតេយ្យបានដែរឬទេ
សំរាប់ការដឹកនាំបក្ស ឬ
ក៏ការដឹកនាំជាតិ ខណៈពេលដែលបេក្ខជនដែលត្រូវឈរឈ្មោះឱ្យប្រជាជនបោះឆ្នោតត្រូវបានចាត់តាំង
ដោយមេបក្សយ៉ាងដូច្នេះ? សំរាប់សាធារណៈជនភាគច្រើនដែលជាអ្នកបោះឆ្នោតយល់ឃើញថា
មេបក្ស ប្រឆាំងបានដឹកនាំផ្ដាច់ការក្នុងបក្ស
អាស្រ័យដោយលក្ខណៈដឹកនាំផ្អែកលើចិត្ដ ឬ
អារម្មណ៍យល់ឃើញ របស់បុគ្គលដែលជាមេដឹកនាំបក្ស។
ឧទ្ទារហ៍ថ្មីៗនេះ សមរង្ស៊ី បានតម្រូវឱ្យសមាជិកបក្សរបស់ខ្លួន
ពិសេស សមាជិកក្រុមប្រឹក្សាឃុំ-សង្កាត់
ត្រូវស្បថ និងត្រូវដកហូតទូរស័ព្ទដៃ ដើម្បីបោះឆ្នោតដែលឆ្លុះ
បញ្ចាំងឱ្យឃើញនូវការដឹកនាំមួយមានភាពផ្ដាច់ការក្នុងបក្សរបស់ខ្លួន។
ដូច្នេះ
ជីវភាពនៃសមាជិកគណបក្សសមរង្ស៊ីតែងតែឋិតនៅក្រោមការគាបសង្កត់របស់មេបក្ស
និង ការប្រមាថថ្មីៗនេះដល់មាជិករបស់ខ្លួនពីសំណាក់
យឹម សុវណ្ណ អ្នកនាំពាក្យបក្សសមរង្ស៊ីដែលបានចាត់
ទុកសមាជិករបស់ខ្លួនមួយចំនួន ដែលមិនបានបោះឆ្នោតឱ្យបក្សសមរង្ស៊ីថា
ជាស្លឹកឈើជ្រុះពីដើម។
ផ្ទុយទៅវិញ
គណបក្សប្រជាជនកម្ពុជា កាលណាមានប្រជាធិបតេយ្យផ្ទៃក្នុងបក្ស
យើងអាច សន្និដ្ឋានបានថា គណបក្សនេះដឹកនាំរដ្ឋាភិបាលក៏មានប្រជាធិបតេយ្យដូច្នោះដែរ។
ជាក់ស្ដែងចំពោះបេក្ខជន
ដែលត្រូវបានបោះឆ្នោតជ្រើសរើសក្នុងគណបក្សប្រជាជនកម្ពុជាត្រូវតែជា បេក្ខជនដែលមានប្រជាប្រិយភាពជាងគេ ហើយក៏ជាបេក្ខជនដែលនឹងទទួលបានការគាំទ្រ
និងការជឿទុក ចិត្ដពីប្រជាជននៅមូលដ្ឋានផងដែរ។
បទពិសោធន៍បែបនេះបានធ្វើឱ្យគណបក្សប្រជាជនកម្ពុជាតែងតែទទួលបានជ័យជំនះដ៏លើសលុបក្នុងការបោះឆ្នោតក្រុមប្រឹក្សាឃុំ-សង្កាត់នៅទូទាំងប្រទេសពីអាណត្ដិមួយទៅអាណត្ដិមួយ
ចាប់តាំងពីការបោះ ឆ្នោតថ្នាក់ក្រោមជាតិលើកដំបូងក្នុងឆ្នាំ២០០២
និងលើកទី២ ឆ្នាំ២០០៧។
អ្វីដែលប្រជាជនកម្ពុជាយល់បានយ៉ាងច្បាស់លាស់បំផុតនោះ
គឺគណបក្សប្រជាជនកម្ពុជាមានកម្មវិធី នយោបាយច្បាស់លាស់
ដោយរាប់ទាំងគោលការណ៍១១ខ របស់គណបក្ស
និងស្ថាដៃធំៗ ៨ យ៉ាង
របស់គណបក្ស ត្រូវបានប្រកាន់យក និងអនុវត្ដឥតងាករេ
ដែលបាននិងកំពុងធ្វើឱ្យសង្គមកម្ពុជាយើងមាន សន្ដិភាព
ស្ថិរភាព សន្ដិសុខសណ្ដាប់ធ្នាប់នៅទូទាំងប្រទេស
ព្រមទាំងការអភិវឌ្ឍជាបន្ដបន្ទាប់ជូនដល់ ជាតិមាតុភូមិ
និងប្រជាជនកម្ពុជា។
ដោយ
ឡុង សុគុណ