រាជ
រដ្ឋាភិបាលនិងតំណាងអង្គការក្រៅរដ្ឋាភិបាល(NGO)ចំនួន ២៩
បានជួបពិភាក្សាជាមួយគ្នាជាលើកដំបូងនៅវិមានសន្តិភាពកាលពីថ្ងៃទី
១៧ កុម្ភៈ ឆ្នាំ ២០១២ ក្រោមអធិបតីភាពដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន
នាយករដ្ឋមន្រ្តីនៃព្រះរាជាណាចក្រកម្ពុជា និង
ជាប្រធានគណៈកម្មាធិការជាតិ គ្រប់គ្រងគ្រោះមហន្តរាយ
ដើម្បីពិនិត្យរួមគ្នាលើលទ្ធផល នៃកិច្ច
អន្តរាគមន៍របស់រាជរដ្ឋាភិបាល និង NGO
ក្នុងការជួយសង្រ្គោះប្រជាពលរដ្ឋរងគ្រោះដោយគ្រោះ
ធម្មជាតិទឹកជំនន់ក្នុងឆ្នាំ២០១១កន្លងមកនេះ។
នៅ
ក្នុងកិច្ចប្រជុំដែលមានការផ្សាយបន្តផ្ទាល់តាមរយៈវីដេអូ
ខុនហ្វឺរិនទៅតាមបណ្តា រាជធានី ខេត្ត ក្រុង ទូទាំងប្រទេស និង
ជាពិសេសជាមួយ និង បណ្តាអង្គភាពកងកំលាំងប្រដាប់អាវុធ
នៅទូទាំងប្រទេសផងដែរ សម្តេចអគ្គមហាសេនាបតីតេជោ ហ៊ុន សែន
បានសំដែងនូវការកោតសរសើរ និង
វាយតំលៃខ្ពស់ដល់តំណាងអង្គការក្រៅរដ្ឋាភិបាល ផ្នែកឯកជន
ប្រទេសជាមិត្តនានាលើសកលលោក សប្បុរសជន
ក៏ដូចជាតំណាងគណបក្សនយោបាយ ពិសេសគណបក្សប្រជាជនកម្ពុជា និង
កងកំលាំងប្រដាប់អាវុធទាំងអស់
ដែលបានចូលរួមចំណែកមិនអាចកាត់ថ្លៃបានជាមួយរាជរដ្ឋាភិបាលកម្ពុជា
ក្នុងការអន្តរាគមន៍ជួយសង្រ្គោះប្រជាពលរដ្ឋរងគ្រោះ
ដោយគ្រោះធម្មជាតិទឹកជំនន់ក្នុងឆ្នាំ ២០១១
ទទួលបានលទ្ធផលដ៏ត្រចះត្រចង់បំផុត។
ក្រោយពីបានប្រជុំពិភាក្សាផ្លាស់ប្តូរយោបល់ និងបទពិសោធន៍ជាមួយបណ្តាតំណាងអង្គការ NGO ដែលចូលរួម សម្តេចតេជោនាយករដ្ឋមន្រ្តី
ក៏បានដាក់ចេញនូវទិសដៅភារកិច្ចមួយចំនួន
ដើម្បីត្រៀមនូវរាល់លក្ខណៈសម្បត្តិគ្រប់បែបយ៉ាង ក៏ដូច
ជាវិធានការនានាក្នុងការទប់ស្កាត់
ក៏ដូចជាអន្តរាគមន៍ជួយសង្រ្គោះប្រជាពលរដ្ឋងាយរងគ្រោះ ក្នុងឆ្នាំ
២០១២ ដែលមានការប៉ាន់ស្មានថាននឹងមានទឹកជំនន់ធំ និង
បណ្តាឆ្នាំខាងមុខ គណៈកម្មាធិការជាតិគ្រប់គ្រងគ្រោះមហន្តរាយ
ដែលមានតួនាទីសំខាន់ក្នុងការសម្របសម្រួល
ត្រូវបន្តនូវកិច្ចសហប្រតិបត្តិការកៀរគរនូវការគាំទ្រដ៏
ទូលំទូលាយជាមួយក្រសួងស្ថាប័នពាក់ពន្ធ័ អង្គការជាតិ-អន្តរជាតិ
អង្គការក្រៅរដ្ឋាភិបាលថ្នាក់តំបន់ ភ្នាក់ងារអង្គការសហប្រជាជាតិ
គាំទ្រគ្នាទៅវិញទៅមក ដើម្បីឆ្លើយតបទៅនឹងបញ្ហាប្រឈមនានា។
-បង្កើន
ល្បឿនកិច្ចខិតខំប្រឹងប្រែងកសាងសមត្ថភាពចាំបាច់លើថ្នាក់ សហគមន៍
ថ្នាក់ក្រោមជាតិ ថ្នាក់ជាតិ
ដើម្បីគ្រប់គ្រងកាត់បន្ថយគ្រោះមហន្តរាយ ដែលជាទិសដៅរួម
ក្នុងការពង្រឹងយន្តការជាតិនៃការបញ្ជ្រាប
ការកាត់បន្ថយគ្រោះភ័យនៃគ្រោះមហន្តរាយ កំណត់ការ
ទទួលខុសត្រូវថ្នាក់ជាតិ ថ្នាក់ក្រោមជាតិ និងថ្នាក់មូលដ្ឋាន
ដោយធ្វើការពិភាក្សាទូលំទូលាយ និងលើក
ស្ទួយការយល់ដឹងក្នុងចំណោមអ្នកពាក់ព័ន្ធទាំងអស់។
-បង្កើត
ច្បាប់ស្តីពីការគ្រប់គ្រងគ្រោះមហន្តរាយ និង
កែសំរួលលិខិតបទដ្ឋានផែនការសកម្ម ភាព
ដើម្បីលើកស្ទួយការអនុវត្តន៍ការកាត់បន្ថយគ្រោះមហន្តរាយ
លើកកំពស់ការចូលរួមរបស់សហ គមន៍លើការកាត់បន្ថយគ្រោះភ័យ
នៃគ្រោះមហន្តរាយ ដោយពង្រឹងឡើងវិញនូវប្រព័ន្ធផ្តល់ព័ត៌មាន
ជាមុនងាយយល់បាន ដែលប្រើប្រាស់ដោយប្រជាពលរដ្ឋតាមមូលដ្ឋាន។
រៀបចំពង្រឹងសមត្ថភាព សំរាប់កក់ត្រាវិភាគបូកសរុបផ្សព្វផ្សាយ និង
ការផ្លាស់ប្តូរព័ត៌មាន ស្ថិតិ និង ទិន្នន័យស្តីពីមុខសញ្ញា
គ្រោះថ្នាក់ គ្រោះភ័យ ផលប៉ះពាល់ និង ការខូចខាត
ព្រមទាំងរៀបចំវិធីសាស្រ្តសំរាប់ធ្វើការប៉ាន់ប្រមាណ និង
ការត្រួតពិនិត្យឲ្យបានហ្មត់ចត់។
ធ្វើកិច្ចសហប្រតិបត្តិការថ្នាក់តំបន់ និង អន្តរជាតិ
ដើម្បីប៉ាន់ប្រមាណ និង ត្រួតពិនិត្យមុខសញ្ញាគ្រោះថ្នាក់
ដែលបង្កឲ្យមានគ្រោះមហន្តរាយ ការផ្លាស់ប្តូរ និង
ផ្តល់ព័ត៌មានជាមុនតាមរយៈការរៀបចំឲ្យបានល្អ។
-រៀប
ចំបច្ចេកសព្ទ័ទាក់ទងការងារគ្រប់គ្រងគ្រោះមហន្តរាយសំរាប់
ប្រើប្រាស់ក្នុងការអភិវឌ្ឍន៍ ស្ថាប័ន ប្រតិបត្តិការឯកសារបណ្តុះបណ្តាល ។
បន្តកិច្ចសហប្រតិបត្តិការជាមួយអង្គការដៃគូលើការ
បណ្តុះបណ្តាលមន្រ្តីគ្រប់គ្រងគ្រោះមហន្តរាយ និង
ការបន្សាំនៃការប្រែប្រួលអាកាសធាតុ។
រៀបចំស្ថាប័នសម្របសម្រួលកិច្ចការគ្រោះអាសន្ន
ដើម្បីសហការជាមួយដៃគូ និង មជ្ឈមណ្ឌលសំរបសំរួល ជំនួយមនុស្សធម៌អាស៊ាន
ក្នុងការលើកកំពស់សមត្ថភាពការត្រៀមរៀបចំនិងឆ្លើយតបគ្រោះ
មហន្តរាយ នៅថ្នាក់សហគមន៍ ថ្នាក់ក្រោមជាតិ និង ថ្នាក់តំបន់
ជាពិសេសក្នុងក្របខណ្ឌអាស៊ាន។ បន្តពង្រឹង និង
ពង្រីកសកម្មភាពកសាងផែនការត្រៀមបំរុងថ្នាក់ជាតិ ថ្នាក់ក្រោមជាតិ
និង ថ្នាក់មូលដ្ឋានសហគមន៍
ដើម្បីធានាកិច្ចសំរបសំរួលបានកាន់តែលឿន និង
ឆាប់រហ័សក្នុងការឆ្លើយតបគ្រោះអាសន្ន និង គ្រោះមហន្តរាយ និង
បន្តអនុវត្តការងារគំរោងគ្រប់គ្រង និង ទប់ស្កាត់ជម្ងឺផ្តាសាយបក្សី
និង គំរោងស្តារឡើង វិញក្រោយគ្រោះមហន្តរាយកើតមានឡើង។
សម្តេចតេជោនាយករដ្ឋមន្រ្តី
បានស្នើដល់គ្រប់ស្ថាប័ននៃរាជរដ្ឋាភិបាលទាំងអស់
ត្រូវបង្កើននូវចំណេះដឹង
របស់សាធារណៈជនទូទៅអំពីការប្រុងប្រយ័ត្ននានា
ដែលត្រូវប្រកាន់យកដើម្បីបញ្ចៀសឥទ្ធិពលគ្រោះថ្នាក់។
ត្រូវផ្សព្វផ្សាយកម្មវិធីការយល់ដឹងសាធារណៈ និង
ការត្រៀមរៀបចំទៅនឹងគ្រោះមហន្តរាយនៅសហគមន៍
ដែលអាចកាត់បន្ថយជាអតិបរមានូវការខូចខាតទ្រព្យសម្បត្តិ និង
អាយុជីវិត ដែលកន្លងមកអង្គការអន្តរជាតិ និង
អង្គការក្រៅរដ្ឋាភិបាលជាច្រើននៅកម្ពុជាបានយកចិត្តទុកដាក់លើ
ទិដ្ឋភាពនានា ក្នុងការជួយដល់សហគមន៍
ការកាត់បន្ថយគ្រោះភ័យនៃគ្រោះមហន្តរាយ
ពិសេសបន្តយកចិត្តទុកដាក់កំណត់អត្តសញ្ញាណ និង
សេចក្តីត្រូវការសំរាប់ការយល់ដឹងជាសាធារណៈ ដែលសំខាន់ត្រូវផ្តោត
ទៅលើសហគមន៍ងាយរងគ្រោះ។
សម្តេចតេជោនាយករដ្ឋមន្រ្តីមាន
ប្រសាសន៍បញ្ជាក់ថា
ដើម្បីលុបបំបាត់ភាពមិនច្បាស់លាស់អំពីប្រភពព័ត៌មាន
ដែលមានសារៈសំខាន់សំរាប់ផែនការស្តារឡើងវិញគឺចាំបាច់ត្រូវឲ្យ
មានការសំរបសំរួលពីថ្នាក់មូលដ្ឋាន និង
ថ្នាក់ក្រោមជាតិនូវតួលេខនៃការប៉ះពាល់ ការបាត់បង់ និង ការខូចខាត
តាមវិស័យ នីមួយៗឲ្យបានឯកភាពរវាងមន្ទីរជំនាញពាក់ព័ន្ធ និង
អាជ្ញាធរមូលដ្ឋានដោយត្រូវកំណត់ប៉ាន់ប្រមាណ
សមស្របចៀសវាងការប្រទាំងគ្នា។
សម្តេចតេជោនាយករដ្ឋមន្រ្តី
សំដែងនូវការស្វាគមន៍
ចំពោះការផ្តល់អនុសាសន៍អំពីបទពិសោធន៍លើការងាររបស់ NGO
ក្នុងកិច្ច
អន្តរាគមន៍សង្រ្គោះប្រជាពលរដ្ឋក្នុងគ្រោះធម្មជាតិទឹកជំនន់កាលពី
ពេលកន្លងមក ។
ទាក់ទិននឹងសំណូមពរឲ្យមានការរៀបចំវេទិការវាងរាជរដ្ឋាភិបាល
និង NGO ដូចវេទិការាជរដ្ឋាភិបាលផ្នែកឯកជនដែរនោះ សម្តេចតេជោបានផ្តល់ភារកិច្ចជូនឯកឧត្តម គាត ឈន់
ឧបនាយករដ្ឋមន្រ្តី និងជាអនុប្រធានក្រុមប្រឹក្សាអភិវឌ្ឍន៍កម្បុជា
(CDC) ធ្វើកិច្ចសំរបសំរួលជាមួយនឹងតំណាង NGO ជាមុនសិន ដើម្បីឈានទៅ
សំរេចបាននូវវេទិការវាងរាជរដ្ឋាភិបាល និង NGO
ក្នុងពេលវេលាសមស្រប។ សម្តេចតេជោនាយករដ្ឋមន្រ្តី ក៏បានអនុញ្ញាតឲ្យឯកឧត្តមឧបនាយករដ្ឋមន្រ្តី គាត ឈន់ ជួប
ពិភាក្សាជាមួយស្ថាប័នមីក្រូហិរញ្ញវត្ថុ
ដើម្បីពិនិត្យអំពីលទ្ធភាពសុំឲ្យមានការពន្យាការសងបំណុល
ដែលប្រជាពលរដ្ឋក្រីក្ររងគ្រោះដោយសារទឹកជំនន់ជំពាក់ផងដែរ។
សម្តេចតេជោនាយករដ្ឋមន្រ្តី
មានប្រសាសន៍ឲ្យដឹងថា
មកដល់ពេលនេះព្រះរាជាណាចក្រកម្ពុជាមានអង្គការក្រៅ រដ្ឋាភិបាលចំនួន
៣១០៩ ដែលបំពេញបេសកកម្មមនុស្សធម៌ផ្សេងៗគ្នា
ដូច្នេះវេទិការបស់យើងមិន អាចកើតឡើងបានទេ
ប្រសិនបើមិនមានការសំរបសំរួលជាមុនសិន រវាងតំណាងរាជរដ្ឋាភិបាលជា
មួយនឹងតំណាង NGO ពីព្រោះថា
យើងមិនអាចអញ្ជើញតំណាងអង្គការក្រៅរដ្ឋាភិបាលទាំង ៣១០៩ នោះ
មកធ្វើការបកស្រាយលើបញ្ហាមួយចំនួនក្នុងពេលប្រជុំតែមួយបានទេ។
ឯកឧត្តម ញឹម វណ្ណដា ទេស
រដ្ឋមន្រ្តីទទួលបន្ទុកជាអនុប្រធានទី១
គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម)
បានមានប្រសាសន៍ឲ្យដឹងថា ឥទ្ធិពលនៃទឹកជំនន់ឆ្នាំ ២០១១
បានធ្វើឲ្យប៉ះពាល់ដល់ រាជធានី ខេត្ត ចំនួន ១៨ ស្រុក ខ័ណ្ឌ ក្រុង ១២២
និង ឃុំ សង្កាត់ ៦៨៧ ប្រជាជនរងគ្រោះជិត ២ លាននាក់លើ ៣៥៤.២១៧
គ្រួសារ។ ក្នុងនោះមានប្រជាជនចំនួន ២៥០ នាក់ ដែលក្មេង ៥២%
បានស្លាប់ផលដំណាំកសិកម្ម មានស្រូវ
និងដំណាំរួមផ្សំរាប់ម៉ឺនហិកតា
ហេដ្ឋារចនាសម្ព័ន្ធ ផ្លូវជាតិ ផ្លូវ ខេត្ត ផ្លូវលំ
រាប់ពាន់គីឡូម៉ែត្រ ប្រព័ន្ធធារាសាស្រ្តរាប់រយគីឡូម៉ែត្រ
សាលារៀន មណ្ឌលសុខភាព វត្តអារាម ផ្ទះសំបែងប្រជាជន
បានរងការខូចខាត និងលិចលង់ ដែលគិតតម្លៃជាទឹកអស់ប្រមាណ ៥០០
លានដុល្លារអាមេរិក។
ក្នុងសភាពការគ្រោះមហន្តរាយដែលកើតឡើងដោយធម្មជាតិ
និងដោយមនុស្សបង្កធ្ងន់ធ្ងរយ៉ាងដូច្នេះ សម្តេចតេជោនាយករដ្ឋមន្រ្តី បាន
ដាក់ចេញនូវបទបញ្ជាការពារប្រាសាទ
និងទឹកដីដ៏ពិសិដ្ឋរបស់ព្រះរាជាណាចក្រកម្ពុជាឲ្យបានដោយដាច់ខាត
និងសង្គ្រោះឆ្លើយតបដល់ប្រជាជន ភៀសសឹក
ក្នុងនោះមានគ្រួសារកងទ័ពផង។
ឯកឧត្តម ញឹម វណ្ណដា បាន
ឲ្យដឹងថា ក្នុងចំណោមប្រជាជនរងគ្រោះ ៣៥៤.២១៧ គ្រួសារ
គឺបានឆ្លើយតបបានឆាប់រហ័សចំនួន ៤៧៩.៤៨១ គ្រួសារ
ដោយក្នុងគ្រួសារនីមួយទទួលបាននូវ ស្បៀង ថ្នាំពេទ្យ ថវិកា
សម្ភារៈផ្សេងៗ ដោយមិនប្រកាន់និន្នាការអ្វីឡើយ។ ឯកឧត្តម ញឹម វណ្ណដា ចាប់
ទុកថា ថាការជួយសង្គ្រោះនេះជាបទពិសោធន៍មួយដ៏ល្អ
នៅពេលដែលទឹកជំនន់មានទំហំធំធេង
តែការសង្គ្រោះប្រជាជនបានលឿនទាន់ពេលវេលា
មានកម្លាំងចម្រុះក្រោមការដឹកនាំដោយអាជ្ញាធរខេត្ត រាជធានី
បានធ្វើការសម្របសម្រួលពីខ្សែបណ្តោយគណៈកម្មាធិការគ្រប់គ្រងគ្រោះ
មហន្តរាយ ខេត្ត កាកបាទក្រហមខេត្ត មន្ទីរជំនាញនានា អាជ្ញាធរ ស្រុក
ខ័ណ្ឌ ឃុំ សង្កាត់ ភូមិ និងអង្គការមិនរដ្ឋាភិបាល
ដែលឈរជើងនៅតាមកន្លែងរងគ្រោះនីមួយៗ។
សូម
បញ្ជាក់ថា ក្រៅពីសម្ភារៈសង្គ្រោះដែលផ្តល់ដោយ រាជរដ្ឋាភិបាល
ព្រះបរមរាជវាំង កាកបាទក្រហមកម្ពុជា
អំណោយសង្គ្រោះដែលទទួលបានពីបណ្តាប្រទេសជាមិត្ត
និងអង្គការសហប្រជាជាតិ អង្គការមិនមែនរដ្ឋាភិបាលជាតិ និងអន្តរជាតិ
មានប្រមាណជាង ២២ លានដុល្លារអាមេរិក៕