នុងនាម
ជាប្រធានអាស៊ាន នៅឆ្នាំ ២០១២ នេះ កម្ពុជាបានប្រកាសជំហរថា
មិនគាំទ្រចំពោះនយោបាយរបស់សហគមន៍អន្តរជាតិក្នុងការដាក់ទណ្ឌកម្ម
សេដ្ឋកិច្ចលើប្រទេសភូមា។ នេះបើតាមការឲ្យដឹងរបស់ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន បន្ទាប់ពីកិច្ចប្រជុំបិទទ្វាររវាងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជាមួយឯកឧត្តមប្រធានាធិបតីសហភាពមីយ៉ាន់ម៉ា យូ ថេនសេន ( U Thein Sein ) កាលពីព្រលប់ថ្ងៃទី២១ ខែមីនា ឆ្នាំ២០១២។
ឯកឧត្តម ខៀវ កាញារីទ្ធ
បាននាំពាក្យពីកិច្ចប្រជុំ ដែលប្រារព្ធធ្វើនៅវិមានសន្តិភាព
ក្នុងរាជធានីភ្នំពេញថា
"កម្ពុជាមិនគាំទ្រការដាក់ទណ្ឌកម្មសេដ្ឋកិច្ចទៅលើប្រទេសភូមាទេ
ព្រោះអីវាប៉ះពាល់ដល់ជីវភាពរបស់ប្រជាពលរដ្ឋភូមា"។
ឯកឧត្តម ខៀវ កាញារីទ្ធ ក៏បានលើកឡើងថា ឯកឧត្តមប្រធានាធិបតីសហភាពមីយ៉ាន់ម៉ា ក៏បានសម្តែងការគាំទ្រដល់កម្ពុជា ចំពោះបេក្ខភាពសមាជិកមិនអចិន្ត្រៃយ៍ក្នុងក្រុមប្រឹក្សាសន្តិសុខ អង្គការសហប្រជាជាតិ ដែលនឹងត្រូវបោះឆ្នោតនាចុងឆ្នាំនេះផងដែរ។ សហភាពមីយ៉ាន់ម៉ាក៏បានគាំទ្រកម្ពុជា ចំពោះការផ្តួចផ្តើមបង្កើតសមាគមនាំអង្ករចេញ ក្នុងសមាគមអាស៊ាន។
ដោយហៅថាលទ្ធផលនៃជំនួបពិភាក្សារយៈពេល១ម៉ោង ៣០ នាទី នៅវិមានសន្តិភាពរាជធានីភ្នំពេញ រវាងសម្តេចអគ្គមហាសេនាបតីតេជោ ហ៊ុន សែន ជាមួយឯកឧត្តម យូ ថេន សេន
(U Thein Sein) ប្រធានាធិបតីសាធារណរដ្ឋសហភាពមីយ៉ាន់ម៉ា
ប្រកបដោយភាពស្និទ្ធស្នាល មានលក្ខណៈជោគជ័យ និងផ្លែផ្កាល្អនោះ
ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន
មានប្រសាសន៍ថា
សម្តេចតេជោនាយករដ្ឋមន្ត្រីបានបង្ហាញនូវក្តីសង្ឃឹមថា
សហគមន៍អាស៊ាននឹងចេញជារូប រាងពិតប្រាកដនៅឆ្នាំ ២០១៥
បន្ទាប់ពីមីយ៉ាន់ម៉ាធ្វើជាប្រធានអាស៊ាននៅឆ្នាំ ២០១៤ នោះ។
សម្តេចតេជោនាយករដ្ឋមន្រ្តីបានស្វាគមន៍ចំពោះដំណើរទស្សនកិច្ចរបស់ឯកឧត្តម យូ ថេន សេន
នៅព្រះរាជាណាចក្រកម្ពុជា ជាលើកដំបូងក្នុងឋានៈជាប្រធានាធិបតី
នៃសាធារណរដ្ឋសហភាពមីយ៉ាន់ម៉ា និងបានសំដែងនូវការជឿជាក់ថា
ទស្សនកិច្ចនេះនឹងពង្រឹងថែមទៀតនូវចំណងទាក់ទងជាមិត្តភាពរវាងប្រទេស
និងប្រជាជនទាំងពីរផងដែរ។ សម្តេចតេជោបានវាយតម្លៃ
ចំពោះដំណើរការប្រជាធិបតេយ្យភាវូបនីយកម្មនៅមីយ៉ាន់ម៉ា
និងការសម្រេចបាននូវកិច្ចព្រមព្រៀងបទឈប់បាញ់ជាមួយក្រុមប្រដាប់
អាវុធជនជាតិភាគតិចនៅមីយ៉ាន់ម៉ានោះ។
សម្តេចតេជោ
បានជំរាបជូនឧត្តមប្រធានាធិបតី សាធារណរដ្ឋសហភាពមីយ៉ាន់ម៉ា
អំពីភាពរីករាយរបស់បណ្ដាប្រទេស និងអង្គការជាច្រើន
ដែលសម្តេចបានធ្វើការជាមួយ ដូចជា ADB សហរដ្ឋអាមេរិក
និងប្រទេសមួយចំនួនទៀត ដែលបានគាំទ្រចំពោះ
ការវិវត្តន៍ជាលក្ខណៈវិជ្ជមាន
នៃសភាពការណ៍នយោបាយនៅក្នុងមីយ៉ាន់ម៉ា។ សម្តេចតេជោ
ក៏បានថ្លែងអំណរគុណចំពោះប្រទេសមីយ៉ាន់ម៉ា
ដែលបានផ្តល់ស្បៀងដល់ប្រជាជនកម្ពុជាដែល
រងគ្រោះដោយទឹកជំនន់នាឆ្នាំ ២០១១ កន្លងទៅនេះ។
ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានមានប្រសាសន៍ឲ្យដឹងថា នៅលើសភាពការណ៍នយោបាយ សម្តេចតេជោ
បានជំរាប
ជូនឯកឧត្តមប្រធានាធិបតីមីយ៉ាន់ម៉ាអំពីការបោះឆ្នោតជ្រើសតាំងសមាជិក
ព្រឹទ្ធសភាកាលពីថ្ងៃទី ២៩ មករា
ហើយដែលព្រឹទ្ធសភានឹងចាប់ផ្តើមប្រជុំនៅក្នុងខែនេះ
ហើយកម្ពុជាក៏កំពុងតែរៀបចំធ្វើការបោះ
ឆ្នោតជ្រើសរើសសមាជិកក្រុមប្រឹក្សាឃុំ-សង្កាត់នៅថ្ងៃទី ៣
មិថុនាខាងមុខនេះផងដែរ។ ចំពោះសភាពការណ៍សេដ្ឋកិច្ច សម្តេចតេជោ
បានសំដែងនូវការរីករាយចំពោះការហោះហើរដោយផ្ទាល់រវាងមី
យ៉ាន់ម៉ា-កម្ពុជា
ដែលជាឱកាសមួយក្នុងការបង្កើនភ្ញៀវទេសចរណ៍សម្រាប់ប្រទេសកម្ពុជា។ សម្តេចតេជោ
បានសំណូមពរឲ្យមានការបង្កើនថែមទៀតនូវទំនាក់ទំនងពាណិជ្ជកម្មរវាង
ប្រទេសទាំងពីរ ដោយសារ ថា ប្រទេសទាំងពីរមានសក្ដានុពលច្រើន
ប៉ុន្តែទំនាក់ទំនងនៅមានតិចនៅឡើយ ដោយនៅក្នុងរយៈពេល ៩ ខែដើមឆ្នាំ
២០១១ កម្ពុជានាំចេញទៅមីយ៉ាន់ម៉ាតែជាង ៣៨ ម៉ឺនដុល្លារសហរដ្ឋអាមេរិក
ហើយ នាំចូលពីមីយ៉ាន់ម៉ាវិញតែ ១១
ម៉ឺនដុល្លារអាមេរិកប៉ុណ្ណោះ។សម្តេចក៏បានសំណូមពរឲ្យមានការបង្កើត
សមាគមនាំអង្ករចេញដែលជាគំនិតផ្ដួចផ្ដើមរបស់កម្ពុជា
ដោយបានបញ្ជាក់ថា នៅក្នុងអាស៊ានមាន ស្ថានភាព ២ គឺ ១
ជាក្រុមដែលនាំអង្ករចេញ និងសមាជិកអាស៊ាន ១
ក្រុមទៀតជាអ្នកនាំអង្ករចូល
ដែលការសហការគ្នានេះជាកិច្ចការដ៏ល្អមួយដើម្បីអាចសម្របសម្រួល
គ្នាលើបញ្ហានេះ។
សម្តេចតេជោនាយករដ្ឋមន្រ្តី
ក៏បានលើកឡើងជម្រាបឯកឧត្តមប្រធានាធិបតីសភាពមីយ៉ាន់ម៉ាផងដែរ
ពីបទពិសោធន៍របស់កម្ពុជាក្រោយពេលបញ្ចប់សង្គ្រាម
ដោយបានចំណាយពេលរាប់ទសវត្សដើម្បីកំចាត់មីន
ហើយកម្ពុជាបានត្រៀមខ្លួនដើម្បីជួយដល់មីយ៉ាន់ម៉ាលើការ ងារនេះ
បន្ទាប់ពីមីយ៉ាន់ម៉ាសម្រេចបាននូវសន្តិភាពក្នុងប្រទេសរបស់ខ្លួន។
សម្តេចតេជោនាយករដ្ឋមន្ត្រី
បានបញ្ជាក់ថា ឆ្នាំនេះកម្ពុជាជាប្រធានអាស៊ាន
ដូច្នេះការជំរុញស្មារតី នៃសហគមន៍អាស៊ាននេះ ត្រូវតែខ្លាំងក្លា
ក្នុងនោះគឺការរៀបចំពង្រឹងកិច្ចប្រជុំកម្ពុជា ឡាវ មីយ៉ាន់ម៉ា
វៀតណាម(CLMV)ឲ្យកាន់តែរឹងមាំថែម ទៀត
និងឈានទៅសមាហរណកម្មនៅក្នុងសហគមន៍អាស៊ាននាពេលខាងមុខ។
ឯកឧត្តម
រដ្ឋមន្ត្រីក្រសួងព័ត៌មានបានថ្លែងថា នៅក្នុងជំនួបនោះ
ឯកឧត្តមប្រធានាធិបតីមីយ៉ាន់ម៉ាបានអបអរ
សាទរចំពោះការរីកចម្រើននូវចំណងទាក់ទងរវាងប្រទេសទាំងពីរ
ដែលមានរយៈពេលជាង ៦០ ឆ្នាំមក ហើយនោះ។ ឯកឧត្តម យូ ថេន សេន
មានប្រសាសន៍ថា
ទំនាក់ទំនងរវាងប្រទេសទាំងពីរជាទំនាក់ទំនងមួយដ៏ល្អរឹងមាំទាំង
ជាមួយរដ្ឋាភិបាល រហូតដល់ទំនាក់ទំនងបុគ្គល
ដែលនេះជាគ្រឹះដ៏រឹងមាំសម្រាប់
ការអភិវឌ្ឍមិត្តភាពរវាងប្រទេសទាំងពីរនោះ។ ឯកឧត្តម យូ ថេន សេន
បានថ្លែងអំណរគុណចំពោះប្រជាជនកម្ពុជា
ដែលបានសំដែងនូវបដិសណ្ឋារកិច្ចយ៉ាងកក់ក្តៅចំពោះដំណើរទស្សនកិច្ច
របស់ឯកឧត្តម នៅក្នុងប្រទេសកម្ពុជា។ ឯកឧត្តម យូ ថេន សេន
មានប្រសាសន៍ថា នៅពេលចូលក្រាបបង្គំគាល់ព្រះ
មហាក្សត្រលោកក៏បានយាងព្រះករុណា ព្រះបាទសម្តេចព្រះបរមនាថ នរោត្តម
សីហមុនី ទៅធ្វើព្រះ
រាជទស្សនកិច្ចនៅប្រទេសមីយ៉ាន់ម៉ានៅក្នុងឱកាសសមស្របណាមួយ
ដើម្បីរឹតចំណងមិត្តភាពរវាងប្រទេសទាំងពីរនោះ។
ឯកឧត្តម
ប្រធានាធិបតីមីយ៉ាន់ម៉ា បានថ្លែងអំណរគុណចំពោះប្រទេសកម្ពុជា
ដែលជានិច្ចកាល
បានបង្ហាញនូវការគាំទ្រដល់ប្រទេសមីយ៉ាន់ម៉ានៅក្នុងវេទិកាតំបន់
និងវេទិកាអន្តរជាតិ ហើយដែលរូបលោកសូមចងចាំចំពោះការប្រឹងប្រែង
និងគាំទ្ររបស់កម្ពុជានេះ។ ឯកឧត្តមប្រធានាធិបតីមីយ៉ាន់ម៉ា
បានឯកភាពដែលថា ទំនាក់ទំនងសេដ្ឋកិច្ចរវាងប្រទេសទាំងពីរនៅទាប
ដែលក្រសួងស្ថាប័នពាក់ព័ន្ធ
ត្រូវធ្វើយ៉ាងណាបន្តជំរុញសហការគ្នាឲ្យបានថែមទៀត។ឯកឧត្តមក៏បាន
គាំទ្រចំពោះគំនិតផ្ដួចផ្ដើម ឲ្យមានសមាគមនាំអង្ករចេញ
ដោយបានបញ្ជាក់ថា ឥឡូវនេះប្រទេសមីយ៉ាន់ម៉ាកំពុងតែរៀបចំបង្កើន
គុណភាពម៉ាស៊ីនកិនស្រូវរបស់ខ្លួន
ដែលនាំឲ្យមានការសង្ឃឹមថាមីយ៉ាន់ម៉ានឹងជំរុញឲ្យមានការនាំ
ចេញអង្ករឲ្យបានច្រើន និងអាចសហការជាមួយកម្ពុជាលើបញ្ហានេះ។
ចំពោះសភាពការណ៍នយោបាយនៅមីយ៉ាន់ម៉ា ឯកឧត្តម យូ ថេន សេន
មានប្រសាសន៍ថា មីយ៉ាន់ម៉ា
បានលើកឡើងអំពីការប្រឹងប្រែងធ្វើកំណែទម្រង់ប្រព័ន្ធទាំង ៣
នៃប្រជាធិរតេយ្យនីយកម្ម គឺ កំណែទម្រង់នីតិបញ្ញត្តិ នីតិប្រតិបត្តិ និង
តុលាការ ដោយលោកបានលើកឡើងនូវសំណូមពរឲ្យមាន
កិច្ចសហប្រតិបត្តិការរវាងសភាទាំងពីរកម្ពុជា-មីយ៉ាន់ម៉ា
ដែលបច្ចុប្បន្ននេះប្រទេសទាំងពីរមានកិច្ច
សហប្រតិបត្តិការតែរវាងរដ្ឋាភិបាល និងរដ្ឋាភិបាលតែប៉ុណ្ណោះ។ ឯកឧត្តម យូ ថេន សេន
ក៏បានលើក ពីការរៀបចំកំណែទម្រង់ ការសម្រួលនយោបាយ
ដោយសារតែបច្ចុប្បន្ននេះ មីយ៉ាន់ម៉ាបានធ្វើការដោះ លែងលោកស្រី អង់សាន
ស៊ូជី ដោះលែងអ្នកទោសនយោបាយ ប៉ុន្តែទណ្ឌកម្មសេដ្ឋកិច្ចក៏នៅមិនទាន់
បានលើកលែងទាំងស្រុងទេ ដែលមីយ៉ាន់ម៉ាកំពុងតែខិតខំថែមទៀត
ហើយមីយ៉ាន់ម៉ានឹងខិតខំធ្វើ
យ៉ាងណាឲ្យការបោះឆ្នោតនៅពេលខាងមុខនេះប្រកបដោយតម្លាភាពនោះ។
ឯកឧត្តម យូ ថេន សេន(U
Thein Sein)ប្រធានាធិបតីសាធារណរដ្ឋសហភាពមីយ៉ាន់ម៉ា បាន
អញ្ជើញមកបំពេញទស្សនកិច្ចផ្លូវរដ្ឋនៅព្រះរាជាណាចក្រកម្ពុជារយៈពេល ២
ថ្ងៃ(២១.២២-០៣.២០១២) តាមការអញ្ជើញរបស់ព្រះករុណាព្រះបាទសម្តេចព្រះបរមនាថ នរោត្តម សីហមុនី មហាក្សត្រនៃព្រះរាជាណាកម្ពុជា៕