នៅទីស្តីការគណៈរដ្ឋមន្រ្តី នាព្រឹកថ្ងៃទី១៤ខែមីនា ឆ្នាំ ២០១២
កិច្ចប្រជុំលើកដំបូងរបស់ក្រុមប្រឹក្សាជាតិភាសាខ្មែរ បានប្រារព្ធឡើង
ក្រោមអធិបតីភាពឯកឧត្តមបណ្ឌិត សភាចារ្យ សុខ អាន
ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី
ជាប្រធានកិត្តិ យស និងអាណាព្យាបាលក្រុមប្រឹក្សាជាតិភាសាខ្មែរ
តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
បន្ទាប់ពីបានស្តាប់របាយការណ៍
របស់ឯកឧត្តមបណ្ឌិតសភាចារ្យ ព្រុំ ម៉ល់ ទីប្រឹក្សារាជរដ្ឋាភិបាល
និងជាប្រធានក្រុមប្រឹក្សាជាតិភាសាខ្មែររួចមក
ឯកឧត្តមឧបនាយករដ្ឋមន្រ្តី សុខ អាន
បានមានប្រសាសន៏ថា ការជួបជុំគ្នាយ៉ាងផុសផុលនេះ
គឺជាសក្ខីភាពបញ្ជាក់នូវទឹកចិត្តស្រលាញ់ភាសា
និងអក្សរខ្មែរពីសំណាក់បញ្ញាវន្តខ្មែរមកពីគ្រប់មជ្ឈដ្ឋាន។ ជាការពិត
គ្រប់ភាសាជាតិសាសន៏ទំាងអស់តែងតែមានពាក្យថ្មីៗ កើត ឡើងនៅ ពេល
ដែលសង្គមវប្បធម៌មានការប្រែប្រួល
ដើម្បីយកមកប្រើប្រាស់ឲ្យសមស្របតាមការរីកចំរើន របស់បច្ចេកវិទ្យា
វិទ្យាសាស្រ្ត ផលិតផលទំនើបៗ ទៅតាមតម្រូវការផ្សេងទៀតរបស់សង្គម។
ឯកឧត្តមឧបនាយករដ្ឋមន្រ្តីបានបន្តថា ជាក់ស្តែងការប្រើប្រាស់ភាសា
និងអក្សរខ្មែរនាបច្ចុប្បន្ននៅមានភាពប្រទាញប្រទង់គ្នាមួយចំនួនដោយ
សារពុំទាន់មានការស្រុះស្រួល និងខ្វះការឯកភាព គ្នាលើគោលការណ៏
និងក្បួនខ្នាតពាក់ព័ន្ធទៅនឹងសំណេរ អំណាន និងការនិយាយស្តីជាដើម។
ជាថ្មីម្តងទៀត ឯកឧត្តមឧបនាយករដ្ឋមន្រ្តីបានបញ្ជាក់ថា ដោយមើលឃើញបញ្ហាប្រឈមទំាងនេះ សម្តេចតេជោ ហ៊ុន សែន នាយករដ្ឋមន្រ្តី
បានយកចិត្តទុកដាក់យ៉ាងខ្លំាងក្នុងរៀបចំបង្កើតឲ្យមានយន្តការថ្នាក់
ជាតិមួយ សម្រាប់ការសម្របសម្រួលលើការសិក្សាការប្រមូល
និងការកំណត់ន័យរបស់បច្ចេកស័ព្ទ
ដែលមានប្រើរួចមកហើយនិងបង្កើតពាក្យថ្មីៗតាមមុខជំនាញនីមួយៗ
ដើម្បីជំរុញឲ្យមានការឯកភាពគ្នាក្នុងភាសាជាតិទំាងសំណេរ អំណាន
និងការនិយាយស្តី។ ជាងនេះទៀតនៅចន្លោះពីឆ្នំា២០០០ ដល់២០០៧
វិទ្យាស្ថានភាសាជាតិនៃរាជបណ្ឌិតសភាកម្ពុជាបានរៀបចំសិក្ខាសាលា៤លើក
ស្តីពីការអភិរក្ស
និងការអភិវឌ្ឍភាសាខ្មែរដើម្បីឈានទៅរកការឯកភាពគ្នាប្រើប្រាស់
ភាសាជាតិ
តាមរយៈសិក្ខាសាលាទំាងនោះមានមតិភាគច្រើនបានស្នើសុំឲ្យយកវចនានុក្រម
ខ្មែររបស់សម្តេចព្រះសង្ឃរាជ ជួន ណាត ធ្វើជាមូលដ្ឋាន
ក្នុងការប្រើប្រាស់ភាសាខ្មែរជាទូទៅ។
ឯកឧត្តមឧបនាយករដ្ឋមន្រ្តីបន្ថែមថា
ដោយវិសាលភាពការងាររបស់គណៈកម្មាធិការជាតិភាសាខ្មែរឲ្យកាន់
តែមានទំហំធំធេងជាងមុន
រាជរដ្ឋាភិបាលសម្រេចកែសម្រួលយន្តការគណៈកម្មាធិការជាតិនេះឲ្យទៅ
ជាក្រុមប្រឹក្សាជាតិភាសាខ្មែរនៅខែមិថុនាឆ្នំា២០១១ ដើម្បីសិក្សា
ប្រមូល និងកំណត់និយមន័យបច្ចេកស័ព្ធទាក់ទងនិងជំនាញនានា
ឲ្យបានកាន់តែទូលំទូលាយជាងមុន
សំដៅឆ្លើយតបទៅនឹងតម្រូវការនៃការវិវត្តន៏របស់សង្គម
ហើយយើងទំាងអស់គ្នាត្រូវចូលរួមគំាទ្រដល់ការលើកស្ទួយតម្លៃវ
ប្បធម៌ជាតិ ជាពិសេសភាសា
និងអក្សរខ្មែរដែលជាដួងព្រលឹងនៃវប្បធម៌
និងជាអត្តសញ្ញាណរបស់ជាតិយើង ឲ្យសមដូចជាសភាសិតខ្មែរពោលថា
វប្បធម៌រលត់ ជាតិរលាយ វប្បធម៌ពណ្ណរាយ ជាតិថ្កុំថ្កើង។
ឯកឧត្តមឧបនាយករដ្ឋមន្រ្តីបានសម្តែងក្តី
សង្ឃឹមថា
ក្រុមប្រឹក្សាជាតិភាសាខ្មែរនឹងខិតខំយកចិត្តទុកដាក់បង្កើនការ
ផ្សព្វផ្សាយលទ្ធផលការងាររបស់ខ្លួន
ឲ្យបានជ្រួតជ្រាបដល់ស្រទាប់មហាជនយ៉ាងទូលំទូលាយនិងទាន់ពេលវេលា។