បទវិចារណកថា
លោកកឹម សុខា បង្កើតគណបក្សដើម្បីលាភសក្ការៈ
ការពិតមួយចំនួន ដែលស្ថិតនៅក្នុងភាពអាថ៌កំបាំងជាយូរមកហើយ
ត្រូវបានបកស្រាយ បំភ្លឺជាសាធារណៈដោយមន្ត្រីជាន់ខ្ពស់របស់គណបក្ស
សិទ្ធិមនុស្សមួយចំនួនដែលបានចាកចេញពីបក្សប្រឆាំងមួយនេះ បន្ទាប់ក្រុមមន្ត្រិជាន់ខ្ពស់ទាំងនោះបានមកចូលរួមជីវភាពនយោបាយជាមួយគណបក្សប្រជាជនកម្ពុជា។
មន្ត្រី ដែលបានចាកចេញ បំភ្លឺថា គណបក្សសិទ្ធិមនុស្សរបស់លោក កឹម សុខា
គឺទម្រាំបង្កើតឡើងបានជារូបរាងមកដល់សព្វថ្ងៃ
គឺមានការតថ្លៃគ្នាយ៉ាងស្វិតស្វាញ អំពីប្រាក់ខែដែលត្រូវបើកឱ្យមេបក្ស
គឺលោក កឹម សុខា ដោយ លោក កឹមសុខា
ទាមទារជំរិតទារប្រាក់ខែដ៏ខ្ពស់បំផុតពីបងប្អូនខ្មែរនៅឯក្រៅប្រទេសរហូតដល់ជាង១ម៉ឺនដុល្លារអាមេរិក
ទើបគាត់ (កឹម សុខា)យល់ព្រមធ្វើមេបក្ស សិទ្ធិមនុស្ស។
ប៉ុន្តែ ដោយលទ្ធភាពមិនអាចផ្តល់ជូនបាន តបតាមការទាមទាររបស់លោក កឹម
សុខា ទើបប្រាក់ខែលោក កឹំម សុខា ធ្លាក់មកនៅត្រឹម
៥ពាន់ដុល្លាររហូតមកដល់សព្វថ្ងៃនេះ
ដែលបានមកពីក្រុមអ្នករត់តាក់ស៊ី
និងសប្បុរសជនមួយចំនួននៅឯក្រៅប្រទេស ។ ក្រៅពីនេះ លោក កឹម សុខា
បានប្រាក់មួយចំនួនទៀតពីបងប្អូនខ្មែរ និងបរទេសមួយចំនួន។
គ្រាន់តែបង្ហើបនូវបញ្ហាមួយចំនុចនេះ ឃើញថា
បក្សសិទ្ធិមនុស្សមានកំហុសប៉ុនមហាមេឃទៅហើយ គឺបង្កើតបក្ស ដើម្បីលាភសក្ការៈ
និងប្រព្រឹត្តអំពើពុករលួយ មិនមែនដើម្បីបំរើប្រជាពលរដ្ឋខ្មែរទេ។
និយាយយ៉ាងនេះ គឺគេអាចសន្និដ្ឋានបានភ្លាមៗដោយមិនចាំបាច់គិតវែងឆ្ងាយនាំឱ្យខូចខួរក្បាលឡើយ
ជុំវិញការសារនយោបាយរបស់គណបក្សប្រឆាំងមួយនេះ ដែលបាន និងកំពុងឃោសនារកសម្លេងគាំទ្រ
ជាពិសេស គឺពាក្យចោទប្រកាន់របស់លោក កឹម សុខា
មកលើរាជរដ្ឋាភិបាលក្នុងអំពើពុករលួយ ពីព្រោះជាចម្លើយច្បាស់លាស់
និងត្រឹមត្រូវបំផុតនោះ គឺ បុគ្គល កឹម សុខា
ខ្លួនឯងតែម្តងដែលជាជនមហាពុករលួយដល់កំរិត។
ការលើកឡើងរបស់លោក
កឹម សុខា អំពីបញ្ហាពុករលួយក្នុសង្គម គឺវាគ្រាន់តែបិទបាំងសកម្មភាពរបស់លោក កឹម សុខា ខ្លួនឯងតែប៉ុណ្ណោះ ពីព្រោះការចោទប្រកាន់មកលើរាជរដ្ឋាភិបាលអំពីបញ្ហានេះ គឺវាមិនត្រឹមត្រូវទេ ។ អំពើពុករលួយប្រទេសណាក៏មានដែរលើពិភពលោកយើងនេះ។ ប៉ុន្តែ ជាឆន្ទៈនយោបាយ
គឺរាជរដ្ឋាភិបាលមានការប្តេជ្ញាចិត្តខ្ពស់ក្នុងការប្រឆាំងនឹងអំពើពុករលួយ
តាមរយៈវិធានការ អប់រំ បង្ការ និងទប់ស្កាត់
ដើម្បីកាត់បន្ថយនូវភាពក្រីក្រ។
សព្វថ្ងៃរាជរដ្ឋាភិបាលបានធ្វើកែទម្រង់យ៉ាងស៊ីជម្រៅ
និងបានបង្កើតច្បាប់រាប់រយ និងបានបង្កើតច្បាប់ប្រឆាំងអំពើពុករលួយ ជាពិសេសបានបង្កើតអង្គភាពប្រឆាំងអំពើពុករលួយ ហើយអង្គភាពនេះបានចាត់វិធានការណ៏ជាច្រើនលើមន្រ្តីមួយចំនួនដែលប្រព្រឹត្តខុសច្បាប់កន្លងមក។ បើនិយាយថាប្រជាពលរដ្ឋក្រទៅៗនោះ
យើងសូមបង្ហាញសារធារណជនឲ្យបានដឹងថា សូម្បីតែ លោក កឹម សុខា កាលពីមុនលោក
កឹម សុខា មានតែរថយន្ត CRV ១គ្រឿង និងស្នាក់នៅផ្ទះល្វែង តែសព្វថ្ងៃលោក
កឹម សុខា មានរថយន្តLUXUSចំនួន២ គ្រឿង និងរស់នៅវិឡា
និងប្រាក់ខែរាប់ម៉ឺនដុល្លារ សួរថា តើលោក កឹម សុខា ក្រទៅៗឬ? ប៉ុន្តែបើនិយាយពីសមាជិកនិងមន្រ្តីរបស់គណបក្សសិទ្ធិមនុស្សមកដល់សព្វថ្ងៃកាន់តែក្រទៅៗមែន ពីព្រោះសកម្មជនទាំងនោះបានចាយលុយជួយគណបក្សសិទ្ធិមនុស្ស ដោយគ្មានប្រាក់ចំណូលជួយជីវភាពគ្រួសារខ្លួនឯងបន្តិចសោះ។ ម៉្យាងទៀត ពេលបោះឆ្នោតបើគ្មានលុយទេ
មិនបានឈលេខរៀងលេខ១នោះឡើយ លោក កឹម សុខា ទុកកៅអីឲ្យអ្នកដែលមានប្រាក់ច្រើនមកពីបរទេសជាអាទិភាព បើទោះបីជាសមាជិកណាបានតស៊ូជាយូរយាមកហើយក្តី ក៏ទុបមិនជាប់នឹងចរន្តប្រាក់កាក់ឡើយ។
នេះគឺជាការពិត
ខ្ញុំគ្រាន់តែចង់បង្ហាញជូនបងបង្អូនប្រជាពលរដ្ឋឲ្យបានដឹងនូវចរិតរបស់លោកកឹម
សុខា
ជាមនុស្សគិតតែផលប្រយោជន៍ផ្ទាល់ខ្លួនដោយសារតែប្រាក់ខែ៥ពាន់ដុល្លារដែលផ្តល់ដោយបងប្អូនខ្មែរ
នៅក្រៅប្រទេសបានជាលោក កឹម សុខា សុខចិត្តបង្កើតគណបក្សសិទ្ធិមនុស្ស វាមិនមែនគាត់ស្រលាញ់ជាតិដូចការអួតកន្លងមកនោះទេ។
បទបង្ហាញរបស់ខ្ញុំបាទនៅពេលនេះ គឺគ្រាន់តែចង់ជម្រាបការពិតជូនដល់ប្រជាពលរដ្ឋ ជាពិសេសសកម្មជនបក្សប្រឆាំងឱ្យឈប់ចាញ់បោក លោក កឹម សុខា
ដែលតែងតែនិយាយមិនចេះចប់នូវការស្រលាញ់ជាតិ ប៉ុន្តែធាតុពិត សកម្មភាពរបស់បក្សប្រឆាំងរាល់ថ្ងៃ គឺដើម្បីលាភសក្ការៈតែប៉ុណ្ណោះ ។
ការដឹកនាំរបស់លោកកឹម
សុខា បានធ្វើឲ្យសកម្មជននិងសមាជិកគណៈកម្មាធិការនាយកជាច្រើនរួមទាំងប្អូនបង្កើតរបស់លោក
កឹម សុខា គឺលោក
កឹម សុខុន ក៏បានចាកចេញពីគណបក្សសិទ្ធមនុស្សដោយការដឹកនាំមិនច្បាស់លាស់គ្មានគោលដៅ
។
ដោយឡែកលោក ប៉ែន សុវណ្ណ ប្រធានគណៈកម្មាធិការវិន័យរបស់គណបក្សសិទ្ធិមនុស្ស បានប្រកាសថា ខ្លួនជាអ្នកបិតា២ធ្នូ និងបីតា៧មករា
ចំណែកលោក កឹម សុខា បែរជាប្រឆាំងដាច់ខាតពុំទទួលស្គាល់ថ្ងៃ៧មករាទៅវិញ។ សួរថា នៅក្នុងគណបក្សមួយបែជាមានមតិពីខុសគ្នា តើមន្រ្តី និងសមាជិកក្រុមប្រឹក្សាឃុំ
សង្កាត់ របស់គណបក្សសិទ្ធិមនុស្សគួរតែដើរតាមផ្លូវណាមួយពិតប្រាកដ? ពីព្រោះមន្រ្តីគណបក្សរបស់ខ្លួនមានគំនិតមិនត្រូវគ្នាផងនោះ? សូម្បីតែប្អូនបង្កើតរបស់ខ្លួនក៏មិនគាំទ្រលោក
កឹម សុខា ផង តើអ្នក
ដ៏ទៃអាចនៅជាមួយ
លោក កឹម សុខា បានដែរឬទេ?
ផ្ទុយទៅវិញគណបក្សប្រជាជនកម្ពុជាបាននឹងកំពុងតែកសាង
និង អភវឌ្ឍន៏ជាតិតាំងពីបាតដៃទទេ រហូតដល់កសាងបាននូវហេចដ្ឋារចនាសម្ព័ន្ធ មានដូចជា ផ្លូវថ្នល់ ស្ពានតូចធំ រួមទាំងស្ពានអាកាស សាលារៀន វត្តអារាម និង មន្ទីរពេទ្យ ។
រាជរដ្ឋាភិបាលកម្ពុជា រក្សាបាននូវស្ថេរភាពនយោបាយ សន្តិភាព សន្តិសុខពេញផ្ទៃប្រទេស តាមរយៈគោលនយោបាយឈ្នះ -ឈ្នះ របស់សម្តេចតេជោ ហ៊ុន សែន និងបាននាំមកនូវឯកភាពជាតិ រក្សានូវបូរណភាពទឹកដី
និងអធិបតេយ្យជាតិដ៏ពេញលេញ។
ដូច្នេះ មាននូវសន្តិភាព ទើបមានការអភិវឌ្ឍន៏ មានសន្តិភាពទើបមានការវិនិយោគិន មានសន្តិភាពទើបធ្វើឲ្យប្រជាពលរដ្ឋមានការកក់ក្តៅ
ក្នុងការរកស៊ីទទួលទាន ដូចរាជរដ្ឋាភិបាលសព្វថ្ងៃដែលដឹកនាំដោយគណបក្សប្រជាជនកម្ពុជា វាមិនដូចជាគណបក្សប្រឆាំងខ្លះ
បង្កើតឡើងដើម្បីតែលាភសក្ការៈនោះឡើយ៕
អត្ថបទដោយៈ រួម ជាតិ