ព្រឹកថ្ងៃទី១៥
ខែធ្មូ ឆ្នាំ២០១២នេះនៅក្នុងបរិវេណវិទ្យាល័យបន្ទាយស្រី ស្រុកបន្ទាយស្រី ខេត្តសៀមរាបមានប្រារពពិធីសម្ពោធដាក់អោយប្រើប្រាស់ផ្លូវក្រវ៉ាត់ដំណាក់កាលទី២"មិត្តភាពកម្ពុជា-កូរ៉េ" វាងខាងជើងរមណីយដ្ឋានអង្គរ ក្រោមអធិបតីភាពដ៏ខ្ពង់ខ្ពស់របស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តីនិងជាប្រធានអាជ្ញាធរអប្សរា, ឯកឧត្តម ស៊ូ ភិរិន្ទ អភិបាលនៃគណៈអភិបាលខេត្តសៀមរាប, ឯកឧត្តម ប៊ុន ណារិទ្ធ អគ្គនាយកអាជ្ញាធរអប្សរា, ឯកឧត្តម ផាក ដេវ៉ុន ប្រធានទីភ្នាក់ងារសហប្រតិបត្តិការអន្តរជាតិកូរ៉េ(KOICA) ព្រមទាំងភ្ញៀវកិត្តិយសជាតិ អន្តរជាតិ សិស្សានុសិស្សនិងប្រជាពលរដ្ឋដ៏ច្រើនកុះករ។
ផ្លូវក្រវ៉ាត់ "មិត្តភាពកម្ពុជា-កូរ៉េ" ដំណាក់កាលទី2 វាងខាងជើងរមណីយដ្ឋានអង្គរតភ្ជាប់ពីចំនុចមុខអតីតភូមិភាគ៤ចាស់ទៅភូមិតាកុះ ឃុំព្រះដាក់ ស្រុកបន្ទាយស្រី មានប្រវែង20,5Km ទទឹង៨ម មានស្ពានបេតុងប្រវែង៣៨ម លូ៥កន្លែង និងស្ថានីយ៍ថ្លឹងរថយន្ត២កន្លែង ចាប់ផ្តើមសាងសង់ពីឆ្នាំ ២០១០ហើយបញ្ចប់នៅចុងឆ្នាំ២០១២
នេះ ដោយចំណាយអស់ថវិការ ១១ ៧៨០ ០០០ដុល្លារ ក្នុងនោះជំនួយឥតសំណងរបស់សាធារណៈរដ្ឋកូរ៉េចំនួន 11,5លានដុល្លារ និងថវិការបដិភាគរបស់អាជ្ញាធរអប្សរាចំនួន280ពាន់ដុល្លារ។
កំណាត់ផ្លូវវាង"មិត្តភាពកម្ពុជា-កូរ៉េ"ដំណាក់កាលទី2នេះជាសមិទ្ធិផលដែលកើតចេញពីកិច្ចសហប្រតិបត្តិការរវាងអាជ្ញាធរអប្សរានិងសាធារណៈរដ្ឋកូរ៉េតាមរយៈKOICA រួមចំណែកក្នុងកិច្ចអភិរក្សនិងអភិវឌ្ឍន៍ដោយចីរភាពរមណីយដ្ឋានប្រវត្តិសាស្រ្តអង្គរដែលជាបេតិកភណ្ឌពិភពលោក។ គោលបំណងចម្បងនៃគម្រោងកសាងផ្លូវក្រវ៉ាត់កូរ៉េ គឺផ្តល់ភាពងាយស្រួលក្នុងការបញ្ចៀសចរាចរធុនធ្ងន់ចេញពីតំបន់ក្បែរប្រាសាទ
និងការពារមរតកវប្បធម៌ពីការបំផ្លាញនិងបំពុលបរិស្ថានដោយសកម្មភាពចរាចរទាំងនោះ ។
ផ្លូវវាងរមណីយដ្ឋានអង្គរផ្នែកខាងជើងនេះនិងផ្តល់អត្ថប្រយោជន៍ច្រើនណាស់មិនត្រឹមតែ សម្រួលដល់ការធ្វើដំណើរនិងការប្រកបរបរដឹកជញ្ជូនរបស់ប្រជាពលរដ្ឋប៉ុណ្ណោះទេ ប៉ុន្តែថែមទាំងបញ្ចៀសការកកស្ទះចរាចររបស់ភ្ញៀវទេសចរដែលធ្វើដំណើរទស្សនាប្រាសាទផងដែរ ។ មានប្រសាសន៍ក្នុងឱកាសនេះឯកឧត្តមបណ្ឌិតសភាចារ្យ សុខ អាន បានបញ្ជាក់ថា៖ ដើម្បីគ្រប់គ្រងតំបន់អង្គរឱ្យមានចីរភាព អាជ្ញាធរអប្សរាមានភារកិច្ចដ៏ទូលំទូលាយក្នុងការគ្រប់គ្រង អភិរក្ស ថែរក្សា ការពារ និងអភិវឌ្ឍន៍ដោយឈរលើគោលនយោបាយ "អភិរក្ស ដើម្បីអភិវឌ្ឍ និងអភិវឌ្ឍ ដើម្បីចូលរួមចំណែកការអភិរក្ស" ។ ក្នុងន័យនេះអាជ្ញាធរអប្សរា មានបេសកកម្មជាពិសេសដោយមិនត្រឹមតែអភិរក្ស ថែរក្សាទៅលើប្រាសាទនានាដែលជាបេតិកភណ្ឌរូបី និងការអភិរក្សនូវទំនៀមទំលាប់ ប្រពៃណី វប្បធម៌របស់បងប្អូនក្នុងតំបន់អង្គរដែលជាបេតិកភណ្ឌអរូបីប៉ុណ្ណោះទេ គឺត្រូវគិតគូរអំពីការរៀបចំហេដ្ឋារចនាសម្ព័ន្ឋផ្លូវថ្នល់ក្នុងតំបន់អង្គរ ដែលមិនត្រឹមតែបំរើអោយផែនការអភិវឌ្ឍន៍ទេសចរណ៍ប៉ុណ្ណោះទេ តែក៏នៅបំរើអោយការអភិវឌ្ឍន៍សេដ្ឋកិច្ចក្នុងតំបន់តាមរយៈការកាត់បន្ថយចំណាយថវិកា និងពេលវេលាក្នុងការដឹកជញ្ជួនផងដែរ។
ផ្លូវវាងរមណីយដ្ឋានអង្គរផ្នែកខាងជើងនេះនិងផ្តល់អត្ថប្រយោជន៍ច្រើនណាស់មិនត្រឹមតែ សម្រួលដល់ការធ្វើដំណើរនិងការប្រកបរបរដឹកជញ្ជូនរបស់ប្រជាពលរដ្ឋប៉ុណ្ណោះទេ ប៉ុន្តែថែមទាំងបញ្ចៀសការកកស្ទះចរាចររបស់ភ្ញៀវទេសចរដែលធ្វើដំណើរទស្សនាប្រាសាទផងដែរ ។ មានប្រសាសន៍ក្នុងឱកាសនេះឯកឧត្តមបណ្ឌិតសភាចារ្យ សុខ អាន បានបញ្ជាក់ថា៖ ដើម្បីគ្រប់គ្រងតំបន់អង្គរឱ្យមានចីរភាព អាជ្ញាធរអប្សរាមានភារកិច្ចដ៏ទូលំទូលាយក្នុងការគ្រប់គ្រង អភិរក្ស ថែរក្សា ការពារ និងអភិវឌ្ឍន៍ដោយឈរលើគោលនយោបាយ "អភិរក្ស ដើម្បីអភិវឌ្ឍ និងអភិវឌ្ឍ ដើម្បីចូលរួមចំណែកការអភិរក្ស" ។ ក្នុងន័យនេះអាជ្ញាធរអប្សរា មានបេសកកម្មជាពិសេសដោយមិនត្រឹមតែអភិរក្ស ថែរក្សាទៅលើប្រាសាទនានាដែលជាបេតិកភណ្ឌរូបី និងការអភិរក្សនូវទំនៀមទំលាប់ ប្រពៃណី វប្បធម៌របស់បងប្អូនក្នុងតំបន់អង្គរដែលជាបេតិកភណ្ឌអរូបីប៉ុណ្ណោះទេ គឺត្រូវគិតគូរអំពីការរៀបចំហេដ្ឋារចនាសម្ព័ន្ឋផ្លូវថ្នល់ក្នុងតំបន់អង្គរ ដែលមិនត្រឹមតែបំរើអោយផែនការអភិវឌ្ឍន៍ទេសចរណ៍ប៉ុណ្ណោះទេ តែក៏នៅបំរើអោយការអភិវឌ្ឍន៍សេដ្ឋកិច្ចក្នុងតំបន់តាមរយៈការកាត់បន្ថយចំណាយថវិកា និងពេលវេលាក្នុងការដឹកជញ្ជួនផងដែរ។
គួររំឭកផងដែរថា ៖ សាធារណៈរដ្នកូរ៉េតាមរយៈទីភ្នាក់ងារសហប្រតិបត្តិអន្តរជាតិកូរ៉េ KOICA បានជួយស្ថាបនាផ្លូវវាងរមណីយដ្ឋានអង្គរដំណាក់កាលទី១ម្តងរួចមកហើយ គឺផ្លូវវាងខាងកើតអង្គរតភ្ជាប់ពីភូមិព្រះដាក់ទៅភូមិស្វាយធំ និងផ្លូវវាងខាងលិចអង្គរពីចំនុចជាប់សាលារៀន ហ៊ុន សែនគ្រួសទៅចំនុចអតីតភូមិភាគ៤ចាស់ដែលមានប្រវែង១៥គម ដោយចំណាយអស់ថវិការជិត៦លានដុល្លារ ។ ដោយផ្អែកលើជោគជ័យនៃកិច្ចសហប្រតិបត្តិការ ទាំងពីរដំណាក់កាលខាងលើ ដំណាក់កាលទី៣នឹងចាប់ផ្តើមនៅឆ្នាំ២០១៣ខាងមុនបន្តទៀត។
ឆ្លៀតក្នុងឱកាសនេះដែរ អាជ្ញាធរអប្សរាសូមអំពាវនាវដល់បងប្អូនប្រជាពលរដ្ឋអាជ្ញាធរដែនដីដែលរស់នៅតាមដងផ្លូវ ព្រមទាំងក្រុមហ៊ុនដឹកជញ្ជូននានាដែលកំពុងប្រកបអាជីវកម្មលើកកំណាត់វាងរមណីដ្ឋានអង្គរទាំងអស់ សូមជួយថែរក្សាផ្លូវទាំងនេះឲ្យបានស្ថិតស្ថេរគង់វង្សយូរអង្វែង។ ត្រូវគោរពច្បាប់ចរាចរនិងកុំដឹកទំនិញគ្រប់ប្រភេទលើសទម្ងន់កំណត់ព្រោះផ្លូវវាងទាំងនេះជាសមិទ្ធិផលរបស់យើងទាំងអស់គ្នា។