នៅ
ក្នុងពិធីចែកប័ណ្ណកម្មសិទ្ធិដីជូនប្រជាពលរដ្ឋចំនួន ៧៤៩
គ្រួសារនៅភូមិខ្នាចឬស្សី និងភូមិ កសិទេពពោធិវង្ស
សង្កាត់បន្សាយរាក់ ក្រុងសំរោង ខេត្តឧត្តរមានជ័យ កាលពីថ្ងៃទី ៤ ធ្នូ
សម្តេចតេជោ នាយករដ្ឋមន្ត្រីមានប្រសាសន៍ថា
ការផ្តល់កម្មសិទ្ធិដីធ្លីនេះគឺជាការផ្តល់តកូន តចៅ
បើសិនជាប្រជាពលរដ្ឋចេះប្រើប្រាស់ឲ្យបានត្រឹមត្រូវនោះ
ដីនេះវានឹងបង្កើតទៅជាមាស ទៅជាពេជ្រនៅពេលក្រោយ
នៅពេលដែលយើងបង្កបង្កើនផលបានត្រឹមត្រូវនោះ។ សម្តេចតេជោថ្លែងថា
យើងសង្ឃឹមថា បងប្អូន
ប្រជាពលរដ្ឋនឹងប្រើប្រាស់ដីធ្លីដែលបានទទួលកម្មសិទ្ធិនេះ
សម្រាប់ការងារបង្កបង្កើនផលដំណាំស្រូវ
ហើយចំពោះដីដែលស្ថិតនៅក្នុងតំបន់ដែលអត់ទឹក
ត្រូវបង្វែរទៅដាំដំណាំផ្សេងៗដែលផ្តល់ផលច្រើនជាងស្រូវនោះទើបជា
ការប្រសើរ។ សម្តេចតេជោក៏មានប្រសាសន៍ដែរថា«ខ្ញុំ
មានការសង្ឃឹមថាបន្ទាប់ពី មានប័ណ្ណកម្មសិទ្ធិដីធ្លីជាក់លាក់រួចហើយ
ប្រជាពលរដ្ឋរបស់យើងនឹងមិនធ្វើចំណាកស្រុកទៀតដែរ។
សម្តេច
នាយករដ្ឋមន្ត្រីមានប្រសាសន៍ថា
ភាពមិនច្បាស់លាស់លើបញ្ហាកាន់កាប់ដីធ្លីនេះហើយ
ជាបញ្ហាប្រឈមរបស់ប្រជាពលរដ្ឋក៏ដូចជារបស់រាជរដ្ឋាភិបាលផងដែរ
ដូច្នេះហើយបានជារាជរដ្ឋាភិបាលត្រូវចាត់វិធានការជាបន្ទាន់
ដើម្បីវាស់វែងផ្តល់កម្មសិទ្ធិ ដោយចាប់ផ្តើមចេញពីជនបទទៅ
ដែលការនេះធានាសុវត្ថិភាពនៃការកាន់កាប់ដីធ្លី
និងចៀសវាងបញ្ហាទំនាស់កើតឡើងរវាងប្រជាជន និងប្រជាជន
រវាងប្រជាជនដែលកាន់កាប់ដីរដ្ឋ
ហើយដោយសារភាពមិនច្បាស់លាស់ទាំងនេះហើយទើបរដ្ឋ
បានផ្តល់ដីមួយចំនួនទៅធ្វើដីសម្បទានសេដ្ឋកិច្ច
ប៉ុន្តែដីនោះនៅតែជាដីរដ្ឋដដែលទេ។
នៅ
ក្នុងសង្កថា
សម្តេចតេជោនាយករដ្ឋមន្ត្រីក៏បានជំរុញឲ្យក្រុមវីរៈនិស្សិតស្ម័គ្រ
ចិត្តបន្តការងារ វាស់វែងដីធ្លី ដោយមានការចូលរួមពីសំណាក់ប្រជាពលរដ្ឋ
ដោយមានប្រសាសន៍ថា ការចូលរួមរបស់ ប្រជាពលរដ្ឋគឺជាការចាំបាច់ណាស់
ព្រោះថា បើគ្មានការចូលរួមពីប្រជាពលរដ្ឋទេយើងមិនអាចចេញ
ប័ណ្ណកម្មសិទ្ធិជូនបាន
ហើយក៏ត្រូវមានការបិទផ្សាយជាសាធារណៈឡើងវិញផងដែរ។ សម្តេច
នាយករដ្ឋមន្ត្រីបានកោតសរសើរចំពោះការលះបង់របស់ក្រុមវីរនិស្សិត
ស្ម័គ្រចិត្ត ប៉ុន្តែបានមានប្រសាសន៍ថា
នេះជាការលះបង់ដើម្បីប្រជាពលរដ្ឋរបស់យើង
ហើយក៏ជាការងារប្រវត្តិសាស្ត្រដែលត្រូវបានកត់ត្រាទុកផងដែរ។
នៅ
ក្នុងពិធីចែកប័ណ្ណកម្មសិទ្ធិដីនោះ
សម្តេចតេជោនាយករដ្ឋមន្ត្រីបានចំណាយពេលវេលា យ៉ាងច្រើន
នៅក្នុងការជួបសំណេះសំណាលជាមួយក្រុមវីរៈយុវជនស្ម័គ្រចិត្ត
ដើម្បីស្វែងយល់ពីសុខ ទុក្ខ ការលំបាក និងភាពងាយស្រួលរបស់ពួកគេ
ព្រមទាំងបានដោះស្រាយនូវសំណូមពរជាច្រើន របស់ប្រជាជនក្នុងមូលដ្ឋាន
តារយៈវីរនិស្សិតស្ម័គ្រចិត្តដូចជាផ្លូវ និងសាលារៀនជាដើម។
លោក
ពេជ្រ សុខិន
អភិបាលនៃគណៈអភិបាលខេត្តឧត្តរមានជ័យមានប្រសាសន៍ឲ្យដឹងថា
ក្នុងការអនុវត្តគោលនយោបាយចាស់សកម្មភាពថ្មីលើកំណែទំរង់ដីធ្លី
ជាពិសេសបទបញ្ជាលេខ ០១ របស់រាជរដ្ឋាភិបាល
និងអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន
គឺរដ្ឋបាលខេត្តបានរៀបចំបង្កើតគណៈកម្មការចុះវាស់វែងដី
ដើម្បីផ្តល់កម្មសិទ្ធិជូនប្រជាពលរដ្ឋទៅតាមគោលដៅដែលបានកំណត់។
លោកអភិបាលខេត្តថ្លែងបន្តថា លទ្ធផលដែលទទួលបានគិតមកដល់ថ្ងៃ ទី ២៤
វិច្ឆិកា រួមមានប្រកាសតំបន់វិនិច្ឆ័យចំនួន ១៤ ឃុំ-សង្កាត់
បំពេញសាលាកបត្រព័ត៌មានបាន ១៨ ២០៩ ក្បាលដី
បញ្ចូលក្នុងទម្រង់បញ្ជីឈ្មោះបាន ១២ ៣៣៤
គ្រួសារចំនួនគ្រួសារផ្ទៀងផ្ទាត់រួចមាន ១៣ ៤៦៣ គ្រួសារ
វាស់វែងក្បាលដីបាន ១៥ ០៤៧ ក្បាលដី គូរក្បាលដីជាប្លង់សុរិយោដី ១៤ ១២១
ក្បាលដីស្មើនឹង ២៧ ៤៥៥ ហិកតា និងបំពេញទម្រង់បែបបទបាន ៧២៧៣ ក្បាលដី។
នេះ
គឺជាលើកទី ១៤ ហើយ
ដែលសម្តេចតេជោនាយករដ្ឋមន្ត្រីអញ្ជើញចុះសំណាលសំណាល
សាកសួរសុខទុក្ខ
និងចែកប័ណ្ណកម្មសិទ្ធិដីធ្លីជូនប្រជាពលរដ្ឋនៅតាមបណ្តាខេត្តមួយ
ចំនួនក្នុងប្រទេសកម្ពុជាដោយលើកទី១ សម្តេចតេជោនាយករដ្ឋមន្ត្រី
និងលោកជំទាវកិត្តិព្រឹទ្ធបណ្ឌិតអញ្ជើញ
ចែកប័ណ្ណកម្មសិទ្ធិដីធ្លីជូនប្រជាពលរដ្ឋចំនួន ៥៦០ គ្រួសារស្មើនឹង
៨៩០ ប័ណ្ណ រស់នៅឃុំស្រែចារ និង ឃុំ ២ ធ្នូស្រុកស្នូល ខេត្តក្រចេះ
លើកទី ២ ចែកជូនប្រជាពលរដ្ឋចំនួន ៥៩៤ គ្រួសារស្មើនឹងប័ណ្ណកម្ម សិទ្ធិ
៩៧២ ប័ណ្ណរស់នៅឃុំឆ្នាល់មាន់ ស្រុកគាស់ក្រឡ ខេត្តបាត់ដំបង
និងលើកទី ៣ ចែកប័ណ្ណកម្មសិទ្ធិជូនប្រជាពលរដ្ឋចំនួន ៦៨៥ គ្រូសារ
ស្មើនឹងប័ណ្ណកម្មសិទ្ធិចំនួន ១០៨៦ ប័ណ្ណរស់នៅឃុំព្រងិល និង ឃុំលាច
ស្រុកភ្នំក្រវាញ ខេត្តពោធិ៍សាត់ លើកទី ៤ ចែកជូនប្រជាពលរដ្ឋចំនួន
៥១០ ក្បាលដីមានផ្ទៃដី ទំហំជាង ៤៣៦ ហិកតា
និងមានប្រជាពលរដ្ឋរស់នៅចំនួន ២៩៨ គ្រួសាររស់នៅឃុំត្រស់
និងឃុំគគីរ ស្រុករមាសហែកខេត្តស្វាយរៀង លើកទី ៥
ចែកប័ណ្ណកម្មសិទ្ធិជូនប្រជាពលរដ្ឋចំនួន ៧៤៤ គ្រួសារ ប័ណ្ណក្បាលដី
១១០៨ ក្បាលដី ស្មើនឹង ២៨៨៦ ហិកតារស់នៅឃុំបន្ទាយឆ្មារស្រុកថ្មពួក
ខេត្តបន្ទាយ មានជ័យ និងស្រុកបន្ទាយអំពិល ខេត្តឧត្តរមានជ័យ លើកទី ៦
ចែកជូនប្រជាពលរដ្ឋចំនួន ៥៣២ គ្រួសារមានប័ណ្ណក្បាលដីចំនួន ១ ០៥៣
ក្បាលដី មានផ្ទៃដីទំហំ ១៣៨០ ហិកតារស់នៅឃុំត្រពាំងភ្លាំង
និងឃុំល្បើក ស្រុកឈូក ខេត្តកំពត លើកទី ៧ ចែកជូនប្រជាពលរដ្ឋចំនួន ១០៥៧
គ្រួសារស្មើនឹង ១២៩៧ ប័ណ្ណក្បាលដីមានផ្ទៃដីទំហំជាង ១៩៧
ហិកតារស់នៅឃុំព្រែកកក់ ស្រុកស្ទឹងត្រង់ ខេត្តកំពង់ ចាម លើកទី ៨
ចែកជូនប្រជាពលរដ្ឋទាំង ២៩៧ គ្រួសារ មាន ៧៣០ ក្បាលដី លើផ្ទៃដីទំហំជាង
៣៦៩ ហិកតា រស់នៅភូមិអណ្តូងប្រេង ឃុំក្រាំងលាវ ស្រុករលាប្អៀរ
ខេត្តកំពង់ឆ្នាំង លើកទី ៩ ចែកជូនប្រជា ពលរដ្ឋចំនួន ១១៧៨ គ្រួសារស្មើនឹង
១២២២ ប័ណ្ណរស់នៅភូមិបន្ទាយស្រី ឃុំខ្នារសណ្តាយ ស្រុក បន្ទាយស្រី
ខេត្តសៀមរាប លើកទី ១០ ចែកជូនប្រជាពលរដ្ឋចំនួន ៨១១ គ្រួសារស្មើនឹង ១៣២៥
ក្បាលដីរស់នៅភូមិបន្ទាយស្រី ឃុំសង្កែសាទប ស្រុកឱរ៉ាល់
ខេត្តកំពង់ស្ពឺ លើកទី ១១ ចែកជូនប្រជា ពលរដ្ឋចំនួន ៥៧០ គ្រួសារ ស្មើនឹង
៩០០ ក្បាលដី រស់នៅភូមិចំការស្រម៉ូវ សង្កាត់ប៉ាលហាល ក្រុង ព្រះវិហារ
ខេត្តព្រះវិហារ លើកទី ១២ ចែកជូនដល់ប្រជាពលរដ្ឋចំនួន ១៨៩ គ្រួសារ
ស្មើនឹង ៣៥១ ក្បាលដី មានផ្ទៃដី ទំហំជាង ៥៥៤ ហិកតា រស់នៅភូមិអូរសោម
ឃុំបឹងល្វា ស្រុកសន្ទុក ខេត្តកំពង់ធំ និងលើកទី ១៣
ជូនដល់ប្រជាពលរដ្ឋចំនួន ៤៧១ គ្រួសារស្មើនឹង ៩១៩
ក្បាលដីរស់នៅភូមិស្វាយ ឃុំជើងគោ ស្រុកព្រៃនប់ ខេត្តព្រះសីហនុ៕