ទាក់ទងទៅនឹងបញ្ហានេះ សម្តេចតេជោនាយករដ្ឋមន្ត្រីបានដាក់ចេញនូវអនុសាសន៍សំខាន់ៗមួយចំនួនរួមមាន៖
- ចាត់វិធានការក្នុងការកាត់បន្ថយចំណាកស្រុកប្រថុយប្រថាន
របស់ប្រជាពលរដ្ឋ
ដោយបង្ហាញឱ្យកាន់តែច្បាស់អំពីសក្កានុពលការងារក្នុងស្រុក
ជាពិសេសការងារក្នុងវិស័យកសិកម្មតាមគ្រប់មធ្យោបាយ
ដើម្បីធ្វើការផ្សព្វផ្សាយលើកកម្ពស់ការយល់ដឹងជាសាធារណៈ
ឱ្យបានច្រើន អំពីគុណសម្បត្ដិ និងគុណវិបត្ដិ នៃការធ្វើចំណាកស្រុក
អំពីគោលនយោបាយទេសន្តរប្រវេសក៍ដែលមានស្រាប់ សិទ្ធិ
និងច្បាប់ស្ដីពីការងារ
ឱ្យស៊ីជម្រៅតាមរយៈការរៀបចំសិក្ខាសាលាវគ្គបណ្ដុះបណ្ដាលដល់ប្រជា
ជនមូលដ្ឋានដោយផ្ទាល់។
- ពង្រឹងប្រសិទ្ធភាពយុទ្ធសាស្ដ្រពិពិធកម្មមុខរបរ
និងការងារនៅកម្ពុជា
តាមរយៈការអនុវត្ដន៍នៅក្នុងវិស័យការងារប្រកបដោយភាពជឿនលឿន
ដើម្បីពង្រឹងឧត្ដមភាពប្រជែងឈ្នះរបស់អាស៊ាន។
ការអនុវត្ដន៍សេចក្ដីថ្លែងការណ៍អាស៊ានស្ដីពីការការពារ
និងការលើកកម្ពស់សិទ្ធិ របស់ពលករទេសន្ដរប្រវេសន៍
តាមរយៈការបង្កើតលិខិតូបករណ៍ដែលត្រូវចាប់ផ្ដើមដំណើរការដោយផ្ដោត
ទៅលើបញ្ហាទាំងឡាយ
ដែលសមស្របទៅតាមស្ថានភាពរបស់ប្រទេសជាសមាជិកទាំងអស់
និងស្របទៅតាមច្បាប់
និងគោលនយោបាយជាតិជាធរមានរបស់ប្រទេសជាសមាជិកនីមួយៗ។
- ពង្រឹងគុណភាពផលិតផលការងារ ដោយជំរុញឱ្យអាជ្ញាធររាជធានី ខេត្ដ
ក្រុង ស្រុក ខណ្ឌ ចូលរួមអភិវឌ្ឍ
និងផ្សព្វផ្សាយតម្រូវការទីផ្សារការងារ
និងតម្រូវការមុខជំនាញវិជ្ជាជីវៈនៅកម្ពុជាដែលនឹងធ្វើសមាហរណកម្ម
ទីផ្សារការងារនៅក្នុងតំបន់
ជាពិសេសការបង្កើតមជ្ឈមណ្ឌលការងារនៅតាមទីរាជធានី ខេត្ដ
និងការផ្សព្វផ្សាយចល័តឱ្យដល់មូលដ្ឋានជនបទឱ្យបានច្រើនជាអតិបរមា
។
- បណ្ដុះបណ្ដាលធនធានមនុស្ស ដោយគិតពីគុណភាពនៃការអប់រំ
បណ្ដុះបណ្ដាលបច្ចេកទេស និងវិជ្ជាជីវៈ
ឆ្លើយតបទាំងស្រុងទៅតាមតម្រូវការទីផ្សារការងារបច្ចេកវិទ្យា
និងជំរុញឱ្យគ្រឹះស្ថានបណ្ដុះបណ្ដាលជំនាញនីមួយៗ
ឱ្យមានទំនាក់ទំនងយ៉ាងជិតស្និតជាមួយទីផ្សារការងារ។
ការលើកកម្ពស់សមត្ថភាពធនធានមនុស្ស ជាការជំរុញល្បឿន
និងពិពិធកម្មសេដ្ឋកិច្ចនៅក្នុងរបត់នៃការបង្កើនឧត្ដមភាពប្រៀបធៀប
នៅក្នុងរយៈពេលមធ្យមខាងមុខ។
ក្នុងនោះត្រូវបន្ដផ្ដោតឱ្យបានខ្លាំងក្លាលើការអប់រំ
និងបណ្ដុះបណ្ដាលបច្ចេកទេស និងវិជ្ជាជីវៈ ដើម្បីជួយដល់បុរស ស្ដ្រី
ជាប្រជាជនក្រីក្រ ជនពិការ និងជនងាយរងគ្រោះ
ដើម្បីឆ្លើយតបតាមតម្រូវការទីផ្សារការងារ។
- ពង្រឹងការអនុវត្ដច្បាប់ស្ដីពីការងារ និងការពង្រឹងវិស័យឯកជន
ដែលជាដៃគូដ៏សំខាន់របស់រដ្ឋ
ដើម្បីធានាដល់ចីរភាពនៃការអភិវឌ្ឍវិស័យការងារ
និងបណ្ដុះបណ្ដាលវិជ្ជាជីវៈនៅកម្ពុជា
ដែលទន្ទឹមនឹងការអនុវត្ដច្បាប់
ត្រូវឱ្យមានប្រសិទ្ធភាពក្នុងការអប់រំបណ្ដុះបណ្ដាល
និងការចុះអធិការកិច្ចការងារតាមរោងចក្រ សហគ្រាស គ្រឹះស្ថាននានា
អំពីលក្ខខណ្ឌការងារ អំពីអនាម័យ និងសុខភាព សុវត្ថិភាពការងារ
អំពីពលកម្មកុមារ និងការប្រើប្រាស់ពលករបរទេស
និងការអនុវត្ដសេរីភាពសហជីពតាមច្បាប់ស្ដីពីការងារ
និងបទបញ្ជាស្ដីពីការងារ
ជាពិសេសការគិតគូរបន្ថែមទៀតអំពីកិច្ចសន្យាការងាររយៈពេលខ្លី
ការបន្ដពិនិត្យការកសាងច្បាប់ស្ដីពីសហជីព និងបទដ្ឋានផ្សេងៗ
ដែលអាចទទួលយកបានពីគ្រប់ភាគី។
- ជំរុញការគិតគូរឱ្យបានល្អិតល្អន់អំពីផលប្រយោជន៍កម្មករ
និយោជិតឱ្យបានប្រសើរ ដើម្បីរួម
ចំណែកដល់ការកាត់បន្ថយភាពក្រីក្រប្រកបដោយប្រសិទ្ធភាព
តាមរយៈការអនុវត្ដច្បាប់ស្ដីពីរបបសន្ដិសុខសង្គមសម្រាប់ជនទាំង
ឡាយណា
ដែលស្ថិតក្រោមបទប្បញត្ដិនៃច្បាប់ស្ដីពីការងារជាជំហានៗបន្ដទៀត
ជាពិសេសត្រូវគិតគូរដល់អ្នកធ្វើការក្រៅផ្លូវការ
ដែលមិនអាចទទួលបាននូវសោធននិវត្ដន៍ អត្ថប្រយោជន៍ពេលឈឺថ្កាត់
និងការការពារលើហានិភ័យនៃការងារដូចជា គ្រោះថ្នាក់
និងការខូចសុខភាពជាដើម។
ឯកឧត្តម វង សូត រដ្ឋមន្ត្រីក្រសួងការងារ
និងបណ្តុះបណ្តាលវិជ្ជាជីវៈបានមានប្រសាសន៍ឲ្យដឹងថា
ក្នុងអាណត្តិនៃការអនុវត្តផែនការសកម្មភាពរយៈពេល៤ឆ្នាំ (២០០៩-២០១៣)
នេះក្រសួងបានអនុវត្តសកម្មភាពចំនួន៥ធំៗ ដែលរួមមាន៖
ទី១- ការរៀបចំបញ្ជូនពលករចេញទៅធ្វើការនៅតាមរោងចក្រសហគ្រាស។
ទី២- ធានាឲ្យមានសុខភាព សុវត្ថិភាពការងា ដល់កម្មករនិយោជិតនៅតាមរោងចក្រសហគ្រាស។
ទី៣- ការដោះស្រាយវិវាទការងារក្នុងរោងចក្រសហគ្រាស។
ទី៤-ជម្រុញអនុវត្តរបបសន្តិសុខសង្គម។
ទី៥- ការអប់រំបណ្តុះបណ្តាលបច្ចេកទេស និងវិជ្ជាជីវៈ។
ឯកឧត្តម វង សូត បានមានប្រសាសន៍បញ្ជាក់ថា
ក្រសួងបានជម្រុញការអនុវត្តលក្ខខណ្ឌការងារតាមរយៈការចុះធ្វើ
អធិការកិច្ចការងារតាមសហគ្រាសគ្រឹះស្ថាន សំដៅលើកកម្ពស់សុខភាព
សុវត្ថិភាពការងារ និងធានាសុខដុមនីយកម្មរវាងនិយោជក និងកម្មករនិយោជិត
ពោលគឺកាត់បន្ថយវិវាទការងារ និងបញ្ហាបាតុកម្ម កូដកម្មជាដើម
រួមទាំងការទប់ស្កាត់ការរីករាលដាលមេរោគអេដស៍
និងជម្ងឺ/អេដស៍តាមសហគ្រាស គ្រឹះស្ថាន៕