កិច្ចព្រមព្រៀងដែលមានទឹកប្រាក់ចំនួន ១.១១២.៥០០យូរ៉ូ (ប្រហែល ១.៤៣លានដុល្លារសហរដ្ឋអាមេរិក) ត្រូវបានចុះហត្ថលេខាដោយ ឯកឧត្តម ប្រាក់ សុខុន រដ្ឋមន្រ្តីអមនាយករដ្ឋមន្រ្តី និងជាអនុប្រធានអជ្ញាធរកម្ពុជា គ្រប់គ្រងសកម្មភាពកំចាត់មីន និងជួយសង្រ្គោះជនពិការដោយសារមីន ជាមួយឯកឧត្តម វ៉ុលហ្កែង ម៉ូសឺរ ( Wolfgang Mosez ) ឯកអគ្គរដ្ឋទូតវិសាមញ្ញ និងពេញ សមត្ថភាព សាធារណរដ្ឋសហព័ន្ធអាល្លឺម៉ង់ ប្រចាំព្រះរាជាណាចក្រកម្ពុជា ។
ជាមួយនឹងការថ្លែងអំណរគុណចំពោះរដ្ឋាភិបាល និងប្រជាជនអាល្លឺម៉ង់ ឯកឧត្តមបណ្ឌិតសភាចារ្យ សុខ អាន ការកត់
សម្គាល់ថាពិធីចុះហត្ថលេខាលើកិច្ចព្រមព្រៀង
សម្រាប់គាំទ្រកិច្ចសហប្រតិបត្តិការបោសសំអាតមីន ក្នុងឆ្នាំ ២០១៣
នៅក្នុងខេត្តសៀមរាប និងខេត្តឧត្តរមានជ័យ
ថាជាការឆ្លុះបញ្ចាំងអំពីការបន្តគាំទ្រផ្តល់ជំនួយមនុស្សធម៌របស់
ប្រទេសអាល្លឺម៉ង់ ក្នុងសកម្មភាពកំចាត់មីន
និងអភិវឌ្ឍន៍សេដ្ឋកិច្ចរបស់ព្រះរាជាណាចក្រកម្ពុជា ។
ឯកឧត្តមបណ្ឌិត សុខ អាន បានមានប្រសាសន៍បញ្ជាក់ថា
យើងត្រូវបន្តរំដោះផ្ទៃដីអំពីមីនដើម្បីធ្វើឲ្យប្រាកដថា
ប្រជាជនរបស់យើងអាចប្រើប្រាស់ដីសម្រាប់ដាំដុះ និងធ្វើកសិដ្ឋានបាន
ដោយសុវត្ថិភាព ។ ទន្ទឹមគ្នានោះដែរ
យើងត្រូវបង្កើនល្បឿនសហប្រតិបត្តិការបោសសំអាតមីនក្នុង
តំបន់អាទិភាពមួយចំនួនទៀត
ដូចជាតំបន់នៅជុំវិញប្រាសាទជាប្រវត្តិសាស្រ្ត និងតំបន់ដែលមានសារៈ
សំខាន់ខាងទេសចរណ៍ដទៃទៀត
ក្នុងគោលបំណងដើម្បីជម្រុញការអភិវឌ្ឍន៍សេដ្ឋកិច្ចសង្គមរបស់យើង ។
ឯកឧត្តម ប្រាក់ សុខុន បានថ្លែងថា
គម្រោងដែលចុះហត្ថលេខានៅពេលនេះ គឺមានន័យ
យ៉ាងជ្រាលជ្រៅបំផុតសម្រាប់ពលរដ្ឋកម្ពុជា
ពិសេសអ្នកនៅក្នុងខេត្តសៀមរាប និងឧត្តរមានជ័យ
អាចរស់នៅបានដោយគ្មានការភ័យខ្លាចនិងគ្មានគ្រោះថ្នាក់ដោយសារគ្រាប់មីន ។
ចាប់ពីឆ្នាំ ១៩៩៩មក រដ្ឋាភិបាលនៃសាធារណរដ្ឋសហព័ន្ធអាល្លឺម៉ង់
បានផ្តល់ថវិកាប្រមាណជាង
១៥លានដុល្លារអាមេរិកដល់កម្ពុជាសម្រាប់គាំទ្រការបោសសំអាតមីននៅ
ក្នុងខេត្តសៀមរាប និងឧត្តរមានជ័យ ។
តាមរបាយការណ៍របស់ស៊ីម៉ាក់ចេញដើមខែ មករា ឆ្នាំនេះបានឲ្យដឹងថា
ស៊ីម៉ាក់បោសសំអាតបានផ្ទៃដី ៣៨.៧៣៦ហិកតា បានរកឃើញ
និងបំផ្លាញចោលគ្រាប់មីនប្រឆាំងមនុស្សប្រមាណ ៤ម៉ឺនគ្រាប់
និងគ្រាប់មីនប្រឆាំងនឹងរថក្រោះចំនួន ៦៦០គ្រាប់
និងរកឃើញយុទ្ធភ័ណ្ឌមិនទាន់ផ្ទុះប្រមាណជាង ១៧ម៉ឺនគ្រាប់ ។
សូមបញ្ជាក់ថា កាលពីខែ វិច្ឆិកា ឆ្នាំ ២០១១ ព្រះរាជាណាចក្រកម្ពុជា
ក្នុងនាមជាម្ចាស់ផ្ទះបានរៀបចំដោយជោគជ័យ នៅកិច្ចប្រជុំលើកទី១១
នៃរដ្ឋភាគីនៃអនុសញ្ញាហាមឃាត់គ្រាប់មីនប្រឆាំងមនុស្ស
ដែលមានអ្នកចូលរួមប្រមាណ ៩០០នាក់ មកពីជាង ១៥០ប្រទេស
និងអង្គការអន្តរជាតិមួយចំនួនទៀត ដែលជាឱកាសសម្រាប់កម្ពុជា
ក៏ដូចជាបណ្តាប្រទេសដែលប៉ះពាល់ដោយសារគ្រាប់មីន
បង្ហាញនូវករណីប្រតិបត្តិការមនុស្សធម៌បោសសំអាតមីនក្នុងកម្រិត
អន្តរជាតិ និងផ្លាស់ប្តូរបទពិសោធន៍ក្នុងសកម្មភាពកំចាត់មីន
ដើម្បីសម្រេចនូវគោលដៅរួមក្នុងការធ្វើឲ្យពិភពលោករួចផុតពីផលប៉ះពាល់
នៃគ្រាប់មីន ៕