នារាត្រីថ្ងៃទី២១ ខែកុម្ភៈ
ឆ្នាំ២០១៣ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្រ្តី
រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី និង
លោកជំទាវបានអញ្ជើញចូលរួមជាអធិបតី ក្នុងពិធីបើកមហោស្រព គីហ្សូណា
ជប៉ុន-កម្ពុជាឆ្នាំ២០១៣ដែលរៀបចំនៅមជ្ឈមណ្ឌលសហប្រតិបត្តិការ
កម្ពុជា-ជប៉ុន
ដែលរៀបចំឡើងដើម្បីអបអរខួបអនុស្សាវរីយលើកទី៦០នៃការបង្កើតទំនា
ក់ទំនងការទូតរវាងកម្ពុជា-ជប៉ុន ។
ជាមួយនិងការកោតសរសើរឯកឧត្តម ម៉ាសាហ្វូមី គូរ៉ួគី
ឯកអគ្គរាជទូតជប៉ុន ប្រចាំកម្ពុជា ដែលបានរៀបចំព្រឹត្តិការណ៍នេះ
ឯកឧត្តមបណ្ឌិត សុខ អាន បានចាត់ទុកការរៀបចំ មហោស្រព គីហ្សូណា
ជប៉ុន-កម្ពុជាឆ្នាំ២០១៣ថាព្រឹត្តិការណ៍ពិសេសព្រោះថានៅឆ្នាំនេះជាខួ
បលើកទី៦០នៃការបង្កើតទំនាក់ទំនងការទូតរវាងកម្ពុជា-ជប៉ុន ។
ឯកឧត្តមបណ្ឌិត សុខ អាន បានមានប្រសាសន៍ថា ប្រទេសជប៉ុន
និងកម្ពុជា
បាននិងកំពុងសហការគ្នាយ៉ាងជិតស្និទក្នុងនាមប្រទេសជាដៃគូរអស់រយៈពេ
ល៦០ឆ្នាំមកហើយរហូតមកដល់ថ្ងៃនេះនៅបន្តបង្ហាញជូននូវមហោស្រព និង
ឱកាសថ្មីៗសម្រាប់ប្រជាជនគ្រប់វ័យនៃប្រទេសទាំងអស់ដើម្បីជូ
បគ្នានិងផ្លាស់ប្តូរបទពិសោធ វប្បធម៌ គំនិត និង ទស្សនៈ។
ទាក់ទងនិងកិច្ចសហប្រតិបត្តិការអភិវឌ្ឍន៍ឯកឧត្តម បណ្ឌិត សុខ អាន
មានប្រសាសន៍ថា
ប្រទេសជប៉ុនគឺជាប្រទេសផ្តល់ជំនូយទ្វេភាគីដ៏សំខាន់មួយដែលផ្តោតលើ
ការគាំទ្រដល់ដំណើរស្វែងរកសន្តិភាព ការអភិវឌ្ឍន៍សេដ្ឋកិច្ច និង
វប្បធម៌របស់កម្ពុជា។ប្រទេសជប៉ុនក៏បានចូលរួមយ៉ាងសកម្មក្នុងការលើ
កកម្ពស់ស្ថេរភាពនិងការអភិវឌ្ឍន៍របស់កម្ពុជា
តាមរយៈកិច្ចសហប្រតិបត្តិការសេដ្ឋកិច្ចក្នុងវិស័យមួយចំនួនដូចជា
កសាងហេដ្ឋារចនាសម្ព័ន្ធ និងការអភិវឌ្ឍន៍ធនធានមនុស្ស
ការអភិរក្សប្រាសាទអង្គរ
និងការចូលរួមវិភាគទានក្នុងអង្គជុំនំជុំរះវិសាមញ្ញក្នុងតុលាការកម្ពុ
ជាសម្រាប់ការកាត់ទោសមេដឹកនាំខ្មែរក្រហម។
ទាក់ទងនិងទំនាក់ទំនងសេដ្ឋកិច្ចរវាងប្រទេសជប៉ុន និង
កម្ពុជាដែលកាន់តែមានភាពសកម្មជាងមុនដោយសារតែភាពប្រសើឡើងនៃបរិយាកា
សវិនិយោគក្នុងប្រទេសកម្ពុជាឯកឧត្តម បណ្ឌិត សុខ អាន បានមានប្រសាសន៍ថា
យើងសូមស្វាគមន៍នូវកំណើននៃវិនិយោគិននិងធុរៈកិច្ច
ព្រោះការណ៍នេះនិងផ្តល់ឱកាសការងារកាន់តែច្រើនសម្រាប់ប្រជាជនក្នុងស្រុ
ក ជាពិសេសយុវជន។
ឯកឧត្តម បណ្ឌិត សុខ អាន បានមានប្រសាសន៍បញ្ជាក់ថា
គម្រោងនិងសកម្មភាពទាំងនេះនិងមិនទទួលបានភាពជោគជ័យទេប្រសិនបើគ្មាន
ការយល់ដឹង និង ការស្ងប់ស្វែងនូវវប្បធម៌នៃប្រទេសទាំងពីរ។
មានប្រសាសន៍ក្នុងឱកាសបើកកម្មវិធីមហោស្រពគីហ្សូណា ជប៉ុន-កម្ពុជា
ឆ្នាំ២០១៣នោះដែរឯកឧត្តម ម៉ាសាហ្វូមី គូរ៉ួគី
ឯកអគ្គរាជទូតជប៉ុនប្រចាំព្រះរាជាណាចក្រ កម្ពុជា
បានមានប្រសាសន៍ឱ្យដឹងថាប្រទេសជប៉ុន និង
កម្ពុជាបានកំណត់យកឆ្នាំ២០១៣ជាខួបអនុស្សាវរីយលើកទី៦០
នៃចំណងមិត្តភាពរវាងជប៉ុន និង
កម្ពុជាដែលមានទំនាក់ទំនងការទូតចាប់ទាំងពីឆ្នាំ១៩៥៣
ដែលជាឆ្នាំនៃឯករាជជាតិនៃព្រះរាជាណាចក្រកម្ពុជា ។
ឯកឧត្តម
ឯកអគ្គរាជទូតជប៉ុនបានមានប្រសាសន៍ថាខួបអនុស្សាវរីយលើកទី៦០នេះគឺជាឱ
កាសដ៏ល្អសម្រាប់ប្រទេសកម្ពុជា និង
ប្រទេសជប៉ុនគិតគូរអំពីកិច្ចការដែលប្រទេសទាំងពីរត្រូវបន្តអនុវ
ត្តជាមួយគ្នាដើម្បីកសាងទំនាក់ទំនងកាន់តែរឹងមាំទៅថ្ងៃអនាគតដោយយោងទៅលើ
ទំនាក់ទំនងដ៏ល្អកន្លងមក។
សូបញ្ជាក់ថា កម្មវិធី មហោស្រពគីហ្សូណា ជប៉ុន-កម្ពុជា ឆ្នាំ២០១៣
ប្រព្រឹត្តទៅរយៈពេល៣ថ្ងៃ(២១-២៤ កុម្ភៈ ឆ្នាំ២០១៣) នៅ
មជ្ឈមណ្ឌលសហប្រតិបត្តិការកម្ពុជា-ជប៉ុនដែលក្នុងនោះមានការសម្តែង
សិល្បៈ មិត្តភាពជប៉ុន-កម្ពុជា បញ្ជាំងខ្សែភាពយន្ត
ការបង្ហាញម៉ូតសម្លៀកបំពាក់ ការធ្វើនំ និង កម្មវិធីសំណួរចម្លើយ
និង ប្រឡងចម្រៀងសម្រាប់អ្នកសិក្សាភាសាជប៉ុន៕