សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី
នៃព្រះរាជាណាចក្រកម្ពុជានាព្រឹកថ្ងៃទី១១ កញ្ញា ឆ្នាំ២០១៤នេះ បានអនុញ្ញាតឱ្យឯកឧត្តម
ថាន ដុ (Than Du) ឯកអគ្គរដ្ឋទូតថ្មីនៃសាធារណៈរដ្ឋ សង្គមនិយមវៀតណាម ប្រចាំនៅកម្ពុជា ចូលជួបសំដែងការគួរសម។
ក្រោយពីជំនួបបានបញ្ចប់ ឯកឧត្តម អ៊ាង សុផល្លែត ជំនួយការសម្តេចតេជោនាយក
រដ្ឋមន្ត្រី បានឱ្យដឹងថា៖ នៅក្នុងជំនួបនេះ ឯកឧត្តម ថាន ដុ (Than Du) បានពាំនាំនូវការ ផ្តាំផ្ញើសាកសួរសុខទុក្ខពីថ្នាក់ដឹកនាំវៀតណាម
ជូនចំពោះសម្តេចតេជោនាយករដ្ឋមន្ត្រី ហើយក៏បានគោរពប្តេជ្ញាចិត្តជូនចំពោះសម្តេចផងដែរថា
នឹងខិតខំប្រឹងប្រែងឱ្យអស់ពី
សមត្ថភាពដើម្បីជំរុញទំនាក់ទំនងរវាងប្រទេសទាំងពីរ។ ក្នុងន័យនេះ ឯកឧត្តម
ក៏បានគោរព ស្នើសុំការគាំទ្រពីសម្តេចតេជោនាយករដ្ឋមន្ត្រី ក៏ដូចជាមន្ត្រីរាជការទាំងអស់មេត្តាគាំទ្រ
ដើម្បី ធ្វើយ៉ាងណាឱ្យឯកឧត្តម អាចបំពេញបេសកកម្មការទូតនៅក្នុងព្រះរាជាណាចក្រកម្ពុជា
បានទទួលជោគជ័យ ជាពិសេសកិច្ចសហប្រតិបត្តិការរវាងប្រទេសទាំងពីរដែលមានស្រាប់ ។
ជាការឆ្លើយតប សម្តេចតេជោ នាយករដ្ឋមន្ត្រី បានថ្លែងអំណរគុណជូនចំពោះឯកឧត្តម ថាន
ដុ(Than Du) ដែលបានពាំនាំនូវការផ្តាំផ្ញើសួរសុខទុក្ខពីថ្នាក់ដឹកនាំវៀតណាម
ជូន ចំពោះសម្តេច ហើយសម្តេចតេជោ ក៏បានសំដែងនូវការរីករាយចំពោះការលើកឡើង នូវទិសដៅពង្រឹងទំនាក់ទំនងសាមគ្គីភាព
មិត្តភាព រវាងប្រទេសយើងទាំងពីរ។
សម្តេច ក៏បានមានប្រសាសន៍ដែរថា ការអភិវឌ្ឍទំនាក់ទំនង របស់យើងគឺចាប់ចាំបាច់ត្រូវពង្រឹងវិស័យវិនិយោគ
សេដ្ឋកិច្ច ទេសចរណ៍ ដែលជាកត្តាសំខាន់ ។ សម្តេចបន្តថា កន្លងមកនេះ កម្ពុជា
និងវៀតណាមបានធ្វើកិច្ចការនេះជាច្រើនមកហើយៗក៏បានផ្តល់នូវក្តីសង្ឃឹមថាការងារនេះ
នឹងត្រូវសហការគ្នាជាបន្តទៅទៀត។ ទន្ទឹមនេះ សម្តេចតេជោនាយករដ្ឋមន្ត្រី ក៏បានលើក
ឡើងអំពី សក្តានុពលដែលប្រទេសយើងទាំងពីរមាន ដោយសម្តេចបានស្នើសុំឱ្យឯកឧត្តមថាន ដុ(Than
Du) ជំរុញធ្វើយ៉ាងណាពង្រឹង និងពង្រីកកិច្ចសហប្រតិបត្តិការទៅលើសក្តានុពលដែលយើងមានស្រាប់
រួមជាមួយនឹងកម្មវិធីកិច្ចសហប្រតិបត្តិការដែល ប្រទេសទាំងពីរមានស្រាប់នារយៈពេលកន្លងមកផងដែរ។
ជាទីបញ្ចប់ សម្តេចតេជោ ហ៊ុន សែន បានស្នើសុំឱ្យឯកឧត្តម ថាន ដុ(Than
Du) បន្តធ្វើការសហការឱ្យបានល្អជាមួយនឹងភាគីកម្ពុជាលើកិច្ចការថ្មីៗទៀត
ដែលខុសពីកម្មវិធី ដែលមានស្រាប់ ។ជាមួយនេះ សម្តេចក៏បានថ្លែងអំណរគុណជូនចំពោះ
គណបក្ស និង រដ្ឋាភិបាលវៀតណាម ដែលកន្លងមក តែងតែជួយដល់កម្ពុជា ។
បន្ទាប់មក សម្តេចតេជោ នាយករដ្ឋមន្ត្រី ក៏បានអនុញ្ញាតឱ្យឯកឧត្តម Touchayoot Pakdi ឯកអគ្គរាជទូតថៃចូលជួបសំដែងការគួរសម
និងជំរាបលាផងដែរ។ ឯកឧត្តម ឯកអគ្គរាជទូតថៃ បានមានប្រសាសន៍ថា ឯកឧត្តមមានកិត្តិយសដែលមក ធ្វើជាឯកគ្គរាជទូតថៃប្រចំាកម្ពុជា.។
រយៈពេល២ឆ្នំាកន្លង មកនេះឯកឧត្តម មានកិត្តិយស
ដែលបានទទួលកិច្ច សហប្រតិបត្តិការ
សណ្តានចិត្តល្អ ធ្វើអោយ ឯកឧត្តម បានបំពេញបេសកកម្មការទូត ក្នុងការជំរុញ និងពង្រឹងកិច្ចសហប្រតិបត្តិការ
ទំនាក់ទំនងរវាងប្រជាជនទំាងពីរ និងប្រទេសទំាងពីរ អោយកាន់តែល្អប្រសើរឡើង។
ជាការឆ្លើយតប សម្តេចតេជោនាយករដ្ឋមន្រ្តី ហ៊ុន សែន បាន មានប្រសាសន៏ ថាជាងពីរឆ្នំាកន្លងមកនេះឯកឧត្តម បានធ្វើការជាច្រើន ក្នុងការជំរុញកិច្ចសហប្រតិបត្តិការ ជាពិសេសឯកឧត្តម បានធ្វើការងារប្រកប ដោយការយោគយល់សម្របសម្រួលគ្នាទៅវិញទៅមកបានយ៉ាងល្អប្រសើរ៕
