វិបត្តិនយោបាយផ្ទៃក្នុងនៅតែបន្តបោកបក់សន្ធប់
ជញ្រ្ជុំយ៉ាងខ្លាំងមកលើគណបក្ស សម រង្ស៊ី
ស្របពេលដែលទ្វីបអាស៊ីទាំងមូលកំពុងរងគ្រោះនៃវិបត្តិធម្មជាតិទឹកជំនន់។
ចរន្តនៃព្យុះរលកនយោបាយនេះ បានរុញច្រានបង្កឲ្យមានការបែកបាក់
ប្រេះស្រាំជាបន្តបន្ទាប់គ្មានស្រាកស្រាន្ត។
ជាក់ស្តែងកាលពីដើមខែតុលាកន្លងទៅនេះ
មន្ត្រីជាន់ខ្ពស់គណបក្ស សម រង្ស៊ី រួមមានសមាជិកសភា សមាជិកព្រឹទ្ធសភា
និងសកម្មជនជាច្រើនរូបទៀត បានសម្រេចចិត្តធ្វើចំណាកបក្ស ដែលចលនានៃការប្តូរបក្សនេះ
បានចាប់ផ្តើមកាន់តែខ្លាំងៗ និងមានទ្រង់ទ្រាយធំជាបន្តបន្ទាប់។
ជាការកត់សម្គាល់រាល់ការបោះឆ្នោត ឃុំ-សង្កាត់
និងការបោះឆ្នោតថ្នាក់ជាតិ ជិតឈានចូលមកដល់ ចលនារត់ចេញពីបក្សមួយ ទៅចូលបក្សមួយ
បាននិងកំពុងកើតមានឡើងយ៉ាងគគ្រឹកគគ្រេង ក្នុងនោះភាគច្រើន
ពួកគេបាននាំគ្នាទៅចូលរួមជាមួយគណបក្សប្រជាជនកម្ពុជា ឯមួយចំនួនតូចទៀត
បានទៅចូលរួមជាមួយគណបក្សដទៃ តាមសិទ្ធិស្វ័យសម្រេចអំពីជោគវាសនា នយោបាយ
របស់បុគ្គលម្នាក់ៗ ស្របតាមគោលការណ៍ប្រជាធិបតេយ្យសេរីពហុបក្ស។
អ្វីដែលត្រូវបានគេមើលឃើញថ្មីៗនេះ
សមាជិកសភាតំណាងរាស្ត្រមណ្ឌលតាកែវមួយរូប សមាជិកព្រឹទ្ធសភា និង
ប្រធានក្រុមប្រឹក្សាគណបក្ស សម រង្ស៊ី ប្រចាំស្រុកត្បូងឃ្មុំ ខេត្តកំពង់ចាម
រួមជាមួយសកម្មជនជាច្រើននាក់ទៀត បាននាំគ្នាចាកចេញពីបក្សប្រឆាំងមួយនេះ
ដោយការអស់ជំនឿចិត្តលើរបៀបដឹកនាំដ៏ឥតអំណោយទាន និងគ្មានភាពប្រាកដប្រជា
របស់លោក សម រង្ស៊ី
។
ការធ្វើចំណាកបក្សរបស់មន្ត្រីជាន់ខ្ពស់ខាងលើនេះ
បានបន្សល់ទុកនូវភាពឯកកោខាង នយោបាយ ការចម្រូងចម្រាស់
និងក្តីអាម៉ាស់ជាច្រើនសម្រាប់គណបក្សប្រឆាំង
ដែលជិតនឹងរំលំរលាយទៅហើយនោះ។
ជាក់ស្តែងក្រោយពីការចាកចេញរបស់សមាជិកសភាតំណាងរាស្ត្រមណ្ឌលខេត្ត
តាកែវរួមជាមួយថ្នាក់ដឹកនាំដទៃទៀត ម្នាក់ក្នុងចំណោមនោះ
ដែលជាតំណាងរាស្ត្រ គាត់បាននិយាយជាសាធារណៈថា
លោកមិនសុខចិត្តចំពោះការលប់ឈ្មោះចេញពីសមាជិកសភាតំណាងរាស្ត្រខាងគណបក្ស សម
រង្ស៊ី ទេ ហើយគាត់បានប្រកាសទាមទាររកយុត្តិធម៌ជាមួយនឹងគណបក្ស សម រង្សី
ខាងផ្លូវតុលាការរហូតដល់ទីបញ្ចប់ ដោយលោកបានបន្តថា « ខ្ញុំការពារយុត្តិធម៌
ហើយនិងការពារកិត្តិយសរបស់ខ្ញុំសិន ព្រោះថា បងប្អូន
និងមិត្តភក្តិជាច្រើនបានគាំទ្រខ្ញុំ ហើយនឹងជួយស្វែងរកយុត្តិធម៌ឲ្យខ្ញុំ
»។
បន្ទាប់ពីគណបក្សសម
រង្ស៊ី លប់ឈ្មោះពីសមាជិកសភាតំណាងរាស្រ្ត មណ្ឌលខេត្តតាកែវ អតីត តំណាងរាស្រ្តរូបនេះ
បានដាក់ពាក្យបណ្តឹងមួយច្បាប់ ទៅតុលាការក្រុងភ្នំពេញ កាលពីថ្ងៃទី ១០ ខែតុលា
ឆ្នាំ២០១១ កន្លងទៅនេះ ហើយនៅថ្ងៃដដែលនោះ
លោកចៅក្រមសាលាដំបូងក្រុងភ្នំពេញបានចេញដីការរក្សាការពារដើម្បីឲ្យគណបក្សសម
រង្ស៊ី ផ្អាកសេចក្តីសម្រេចរបស់ខ្លួន។ ក្រោយពីតុលាការបានចេញដីការ
រក្សាការពាររួចមក គណបក្ស សម រង្ស៊ី
បែជាធ្វើការវាយប្រហារទៅលើស្ថាប័នតុលាការថា គ្មានឯករាជ្យ ទៅវិញ
ដែលការចោទប្រកាន់ចំពោះតុលាការបែបនេះ បានក្លាយទៅជាទម្លាប់របស់គណបក្ស
សម រង្ស៊ី ទៅហើយ។
គេបានសង្កេតឃើញថា រាល់ការចាកចេញ របស់មន្រ្តីបក្សម្តងៗ
លោក សម រង្ស៊ី តែងតែធ្វើការចោទប្រកាន់ អ្នកទាំងអស់នោះថា ជាសំរាម
របស់ស្អុយរលួយ គ្មានតំលៃសំរាប់គណបក្សទេ។
តើទម្លាប់ជាន់ឈ្លីទៅលើកិត្តិយសនិងសេចក្តីថ្លៃថ្នូររបស់មនុស្សបែបនេះ
សក្តិសមជាមេដឹកនាំដែលមានការទទួលខុសត្រូវដែរ ឬទេ? តើសីលធម៌ សច្ចៈធម៌ របស់សម
រង្ស៊ី នៅឯណា? នៅពេលដែលគាត់ត្រូវការពួកគេ ដើម្បីបំរើផលប្រយោជន៏គាត់ គាត់(សម
រង្ស៊ី )និយាយថា ពួកគេជាដុំពេជ្រ ឬ ជាត្បូងដ៏មានតម្លៃ។
ការស្រែកទាមទាររកយុត្តិធម៌របស់អតីតអ្នកតំណាងរាស្ត្រ សម
រង្ស៊ី នេះ កើតឡើងតែប៉ុន្មានខែប៉ុណ្ណោះ បន្ទាប់ពីមានការចាកចេញរបស់ លោក
ម៉ៅ មុន្នីវណ្ណ អតីតតំណាងរាស្រ្តមណ្ឌលកំពង់ចាម រួមជាមួយថ្នាក់ដឹកនាំ ១០
រូបទៀត ទៅចូលរួមជាមួយគណបក្សដ៏ទៃ កាលពីថ្ងៃទី ២១ ខែមីនា ឆ្នាំ ២០១១
កន្លងទៅនេះ ដែលកាលនោះលោក ម៉ៅ មុន្នីវណ្ណ បានធ្វើសន្និសីទកាសែត
និងបានលើកបដារិះគន់ គណបក្ស សម រង្ស៊ី ថា
ជាគណបក្សគ្រួសារ
មិនប្រជាធិបតេយ្យ
និងមិនគោរពបាវចនា
សីលធម៌
សច្ចៈធម៌ជាដើម
។ល។
ដោយភាពអយុត្តិធម៌ស៊ីរូងផ្ទៃក្នុង
រួមជាមួយនឹងប្រព័ន្ធគ្រប់គ្រងផ្តាច់ការ បែបបក្សពួក គ្រួសារនិយមយ៉ាងដូចនេះ
តើសក្តិសមនឹងប្រើពាក្យប្រជាធិបតេយ្យដែរឬទេ ។ ម៉្យាងវិញទៀត
បើសូម្បីតែក្រុមអ្នកគាំទ្រដ៏តូចមួយរបស់គណបក្សខ្លួន
គេមិនអាចទទួលយកបានផងនូវការដឹកនាំរបៀបនោះ ចុះទំរាំប្រជាជាតិទាំងមូល
ឱ្យគេជឿម្តេចបាន?
ការបែកបាក់ទ្រង់ទ្រាយធំ និងជាប្រព័ន្ធរបស់គណបក្ស សម
រង្ស៊ី ជាបន្តបន្ទាប់បែបនេះ បានបង្ហាញឲ្យឃើញយ៉ាងច្បាស់ពីកំសោយភាព
និងកង្វះបទពិសោធនយោបាយ នៃការដឹកនាំផ្ទាល់ របស់ លោក សម រង្ស៊ី តែប៉ុណ្ណោះ
ហើយគេក៏បានដឹងយ៉ាងច្បាស់ដែរថា សព្វថ្ងៃគណបក្សនេះកំពុងគ្មានមេថែទាំ
ហើយមេបក្សនោះ ក៏ជាជនមានពិរុទ្ធភាពទៀត
តើឱ្យពួកគាត់គាំទ្រដូចម្តេចកើត?
ក៏ប៉ុន្តែ
អ្វីដែលជាការអស់សំណើចបំផុតនោះ ពួកនេះ (ថ្នាក់ដឹកនាំគណបក្ស សម រង្ស៊ី)
មិនដែលបានទទួលស្គាល់ការពិតពីភាពបរាជ័យ
នៃយុទ្ធសាស្ត្រនយោបាយរបស់ខ្លួនម្តងណានោះទេ ផ្ទុយទៅវិញរាល់ការបែកបាក់ម្តងៗ
គេបែជាព្យាយាមទម្លាក់បញ្ហា និងធ្វើការចោទប្រកាន់ដដែលៗ ម្តងហើយម្តងទៀត
មកលើគណបក្សប្រជាជនកម្ពុជាថា ជាអ្នកនៅពីក្រោយខ្នង
នៃការចាកចេញរបស់មន្ត្រីបក្ស និងបានរៀបចំផែនការបំបែកគណបក្ស សម
រង្ស៊ី»។
ការលើកឡើងបែបនេះ
ត្រូវបានអ្នកតាមដានស្ថានករណ៍នយោបាយ នៃសង្គមកម្ពុជាមើលឃើញថា
វាគ្រាន់តែជាការលាបពណ៌ឲ្យគណបក្សប្រជាជនកម្ពុជាតែប៉ុណ្ណោះ ពោលគឺ
គណបក្សប្រជាជនកម្ពុជា មានកម្មវិធីនយោបាយច្បាស់លាស់ មានរចនាសម្ព័ន្ធរឹងមាំ
ពីថ្នាក់មូលដ្ឋាន ដល់ថ្នាក់ជាតិ
ហើយក៏មិនដែលជ្រៀតជ្រែកចូលកិច្ចការផ្ទៃក្នុងរបស់គណបក្សនយោបាយណាមួយឡើយ។
ផ្ទុយទៅវិញ សម្រាប់គណបក្សប្រជាជនកម្ពុជា
គឺមានធនធានមនុស្សគ្រាប់គ្រាន់រួចទៅហើយ
ប៉ុន្តែបើសិនចង់ចូលរួមរស់ជាមួយគណបក្សប្រជាជនកម្ពុជានោះ
គឺច្រកទ្វាបក្សនៅចំហចាំជានិច្ច។
អ្វីដែលគណបក្សប្រជាជនយកចិត្តទុកដាក់បំផុត គឺបញ្ហា
ស្ថេរភាពនយោបាយ សង្គមកិច្ច និងសុខមាលភាពសង្គម ដែលជាកត្តារុញច្រាននៃការអភិវឌ្ឍន៍
សង្គមជាតិទាំងមូលប្រកបដោយចីរភាព។
ដូច្នេះ គណបក្ស សម
រង្ស៊ី ល្មមបញ្ឈប់នូវវប្បធម៌ បៀមឈាមព្រួសដាក់អ្នកដ៏ទៃទៀតទៅ ពីព្រោះពលរដ្ឋគ្រប់រូប
មានគតិវិនិច្ឆ័យច្បាស់លាស់ ស្គាល់ល្អ និងអាក្រក់
ហើយតែងតែផ្តល់យុត្តិធម៌
សម្រាប់គណបក្សប្រជាជនកម្ពុជាជារៀងរហូត៕
ដោយៈ ឧត្តម
សក្តិ