សម្ដេចអគ្គមហាសេនាបតីតេជោ ហ៊ុន សែន
នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងឲ្យដឹងពី
ពុតត្បុតអាក្រក់របស់ក្រុមប្រឆាំង
ដែលមានបំណងបំផ្លាញជាតិតាមរយៈនៃការព្យាយាមបន្ទុចបង្អាក់ដំណើរ
ការកិច្ចប្រជុំពេញអង្គនៃរដ្ឋសភាជាតិ
ដែលគ្រោងនឹងបើកកិច្ចប្រជុំនៅថ្ងៃទី២៣វិច្ឆិកាឆ្នាំ២០១១ដើម្បី
អនុម័តថវិកាជាតិឆ្នាំ ២០១២។
សេចក្តីថ្លែងរបស់សម្ដេចតេជោ
បានធ្វើឡើងនៅក្នុងពិធីសម្ពោធដាក់អោយប្រើប្រាស់កំណាត់ផ្លូវជាតិ
លេខ៣ ចោមចៅ-កំពតដែលត្រូវប្រកាសថាជាផ្លូវមិត្តភាពកម្ពុជា-កូរ៉េ
នាព្រឹកថ្ងៃទី១៤ ខែវិច្ឆិកាឆ្នាំ២០១១។
សម្ដេចតេជោបាន
មានប្រសាសន៍ឲ្យដឹងថា
បន្តិចទៀតនឹងមានវីរៈបុរស៤នាក់នៅក្នុងគណបក្សមួយដែលមានអាសនៈនៅក្នុង
រដ្ឋសភាលាលែងពីតំណែង
ជាគោលបំណងដើម្បីធ្វើអោយរាំងស្ទះដល់កិច្ចប្រជុំពេញអង្គស្ដីពី
ការអនុម័តថវិកាជាតិ។
ការលើកឡើងពីការលាលែងរបស់វីរៈបុរសទាំង៤នាក់នោះធ្វើឡើងក្នុង
កិច្ចប្រជុំតាមវីដេអូខនហ្វឺរឹន របស់បក្សនោះកាលពីថ្ងៃទី៦ខែវិច្ឆិកា
ដោយសុំអោយជ្រើសរើសវីរៈបុរស
៤នាក់គឺសមាជិកសភា៤រូបលាលែងពីតំណែង។រហូតដល់ថ្ងៃទី១០ខែវិច្ឆិកា
ឆ្នាំ២០១១បក្សរបស់
គេដដែលបានកោះប្រជុំវីដេអូខនហ្វឺរឹនបីជ្រុងម្ដងទៀតចេញពីទីក្រុង
ភ្នំពេញ ប៉ារីស និងមួយកន្លែងផ្សេងទៀតជ្រើសរើសវីរៈបុរស៤នាក់របស់គេ
ដើម្បីធ្វើអោយមានអធម្មនុញ្ញភាពនៃដំណើរការសភាជាតិដើម្បីកុំអោយបាន
អនុម័តថវិកាជាតិ ព្រោះអោយវាផ្ទុយនិងមាត្រា៧៦
នៃរដ្ឋធម្មនុញ្ញដែលបានចែងថារដ្ឋសភាត្រូវមានអាសនៈយ៉ាងតិច ១២០
ដើម្បីដំណើរការកិច្ចប្រជុំពេញអង្គអនុម័តថវិកាជាតិ។អញ្ចឹងទេបើគេលាលែង
៤ នាក់ សភាមានសមាជិក ១១៩ នាក់
ដែលសភាមិនអាចអនុម័តបានទេហើយបើអនុម័តទៅក៏មិនប្រក្រតីដែរ ។
សម្ដេចតេជោ
បានថ្លែងបន្តថាពេលនោះសមាជិកសភាបក្សរបស់គេធ្វើបែបនេះចង់អោយ
អន្តរជាតិគាបសង្កត់រដ្ឋាភិបាលលោក ហ៊ុន សែន ។
គោលបំណងលាលែងរបស់សមាជិកសភា ៤ នាក់
នោះគ្មានការដាក់ជំនួសតំណាងរាស្ត្រមកវិញទេ។
គេអោយលាលែង៤ខែហើយគេបញ្ជាក់ថាអ្នកដែលទៅឈរឈ្មោះបោះឆ្នោត
ជ្រើសរើសសមាជិកព្រឹទ្ធសភាមួយចំនួនរង់ចាំការបោះឆ្នោតព្រឹទ្ធសភាហើយ
ចាំលាលែង។ ឯតំណាងរាស្ត្រ៤នាក់គេអោយលាលែង២ខែមុន។
ទាក់ទងនឹងបញ្ហានេះ សម្តេចតេជោនាយករដ្ឋមន្រ្តី បាន
មានប្រសាសន៍បញ្ជាក់ថា
ខ្ញុំសូមផ្ដាំទៅវិញសិទ្ធិបកស្រាយរដ្ឋធម្មនុញ្ញមិនមែនប្រធានបក្ស
ដែលជាប់គុកនោះទេ មិនមែនទណ្ឌិតទេហើយក៏មិនមែនសមាជិកសភាដែរ
សូម្បីនាយករដ្ឋមន្ត្រីក៏អត់មានសិទ្ធិដែរ
គឺជាសមត្ថកិច្ចពេញទីរបស់ក្រុមប្រឹក្សាធម្មនុញ្ញ។
សម្ដេចតេជោបាន
ជម្រុញថា
បើយកល្អចង់ធ្វើជាវីរៈបុរសទាំងអស់គ្នាគឺលាលែងពីតំណាងរាស្ត្រ
ទាំង២៦នាក់នោះទៅ រួចហើយបោះបង់ចោលអាសនៈសភាទៅៗ
ងាយស្រួលអោយគណៈកម្មាធិការជាតិរៀបចំការបោះឆ្នោតយកសន្លឹកឆ្នោត
ទាំងនោះបែងចែកដល់បក្សផ្សេងៗទៀត ដែលមានអាសនៈនៅក្នុងរដ្ឋសភា។
បើតាមប្រសាសន៍របស់សម្តេចតេជោនៅឯកិច្ចប្រជុំ
ផ្ទៃក្នុងរបស់ក្រុមប្រឆាំងកាលពីថ្ងៃទី៦វិច្ឆិកា ឆ្នាំ ២០១១
ក៏មានសមាជិកសភារបស់ក្រុមប្រឆាំងបានលើកឡើងអោយសមាជិកសភាទាំង២៦នាក់
នោះលាលែងដែរ។
គេលើកឡើងបែបនេះគោលបំណងមិនចង់អោយខ្ចីថវិកាពីអន្តរជាតិព្រោះសភា
ត្រូវអនុម័តថវិកាជាកញ្ចប់ ដែលមានថវិកាជាតិនិងថវិកាអន្តរជាតិ។
ប្រមុខ
រាជរដ្ឋាភិបាលកម្ពុជាសម្ដេចតេជោបញ្ជាក់ថា«អានេះបំផ្លាញជាតិពេញទី»
សូមកុំបង្កើតបញ្ហាខាងក្រៅដើម្បីយកមករំងាប់បញ្ហាផ្ទៃក្នុងបក្ស
របស់ខ្លួនដែលកំពុងបែកជា៥ក្រុម។
សម្ដេចតេជោនាយករដ្ឋមន្រ្តី
ក៏បានមានប្រសាសន៍ផ្ដាំផ្ញើទៅមិត្តភ័ក្តិបរទេសថា
បើសិនចង់បានខ្សែអាត់ក្នុងកិច្ចប្រជុំរបស់គេនៅថ្ងៃទី៦ និងថ្ងៃទី១០
វិច្ឆិកា ឆ្នាំ ២០១១
សម្តេចនឹងជូនខ្សែអាត់អំពីបំណងអាក្រក់របស់បក្សនយោបាយមួយនោះ។
ទាក់ទងនឹងពុតត្បុតអាក្រក់នេះសម្តេចតេជោបានលើកសំណួរថា
តើគេបំផ្លាញជាតិប៉ុណ្ណា? ចង់អោយកើតមានអស្ថិរភាពប៉ុណ្ណា?