សម្តេចអគ្គមហាសេនាបតីតេជោ
ហ៊ុន សែន
នាយករដ្ឋមន្ត្រីនៃព្រះរាជាណាចក្រកម្ពុជាបាន បានស្វាគមន៍
ចំពោះការផលិតថាមពលអគ្គិសនី ប្រើជីវម៉ាស ដោយប្រើម៉ាស៊ីនកិនស្រូវ ដែល អង្គការ
NEDO បានចុះហត្ថលេខាជាមួយក្រសួងឧស្សាហកម្មរ៉ែ និង ថាមពល ។
ឯកឧត្តម អ៊ាង សុផល្លែត ជំនួយការរបស់សម្តេចតេជោនាយករដ្ឋមន្ត្រី
បានឲ្យដឹងថា សម្តេចតេជោមានប្រសាសន៍បែបនេះក្នុងឱកាស
អនុញ្ញាតឲ្យលោក KAZOU FURUKAWA ប្រធានអង្គការ NEDO របស់ប្រទេសជប៉ុន
ចូលជួបសម្តែងការគួរសមនារសៀលថ្ងៃទី ២២ វិចិ្ឆកា
ឆ្នាំ២០១១នៅវិមានសន្តិភាព នៅពេល ដែលរូបលោក KAZOU FURUKAWA បានមកបំពេញទស្សនកិច្ចនៅកម្ពុជា។
នៅក្នុងជំនួបនោះលោក FURUKAWA
បានមានប្រសាសន៍សម្តែងការចូលរួមរំលែកទុក្ខជាមួយប្រជាជនកម្ពុជា
ដែលបានរងគ្រោះដោយទឹកជំនន់ និងថ្លែងអំណរគុណ យ៉ាងជ្រាលជ្រៅចំពោះសប្បុរសជន
និង រាជរដ្ឋាភិបាលកម្ពុជា
ដែលបានផ្តល់ជំនួយដល់ជប៉ុនដែលបានជួបប្រទះគ្រោះរញ្ជួយផែនដីកន្លងមក។ លោក
FURUKAWA បានឲ្យដឹងថា តាមរយៈជំនួបរវាងសម្តេចតេជោនាយករដ្ឋមន្ត្រី
និង អតីតប្រធានអង្គការ NEDO នោះគឺ លោកប្រធានអង្គការ NEDO
បានស្នើសុំផលិតអគ្គិសនីដោយប្រើជីវម៉ាសដើម្បីចែកចាយដល់សហគមន៍
សម្រាប់ការប្រើប្រាស់ ។ កាលពីម្សិលមិញនេះរូបលោកផ្ទាល់ដែលជាប្រធានអង្គការ
NEDO នៅ ពេលនេះ បានចុះហត្ថលេខាលើអនុស្សារណៈយោគយល់គ្នា
ក្នុងការផលិតថាមពលដោយប្រើជីវម៉ាស
ក្នុងនោះមានការរៀបចំកម្រោងតម្លើងម៉ាស៊ីនកិនស្រូវ តាមស្តង់ដាអន្តរជាតិយកអង្កាមធ្វើជាវត្ថុធាតុដើមក្នុងការផលិតអគ្គិសនីដើរដោយជីវម៉ាសនេះ
ហើយ កម្ទេចអង្គាមឬផេះ ដែលបានដុតនោះ គឺរៀបចំធ្វើកែច្នៃឲ្យទៅជាជីធម្មជាតិ
ដើម្បីបម្រើឲ្យវិស័យកសិកម្មថែមទៀត។លោក FURUKAWA បានបន្ថែមទៀតថា
ចំពោះគម្រោងទីពីរ អង្គការ NEDO កំពុងតែធ្វើការសិក្សាលើបញ្ហា ជាតិអាសេនិកនៅក្នុងទឹកស្អាត
នៅទីរួមខេត្តកំពង់ចាម កណ្តាល និង ខេត្តព្រៃវែង ហើយការសិក្សានេះ កំពុងតែប្រព្រឹត្តទៅយ៉ាងសកម្ម
ហើយលោកក៏បានស្នើសុំឲ្យរាជរដ្ឋាភិបាលកម្ពុជាគាំទ្រដល់អង្គការ NEDO
ដើម្បីធ្វើយ៉ាងណាឲ្យដំណើរការរបស់អង្គការ NEDO នេះប្រព្រឹត្តទៅមានគុណភាពប្រសិទ្ធ
ភាព ។
ឯកឧត្តម អ៊ាង សុផល្លែត ឲ្យដឹងថាសម្តេចតេជោនាយករដ្ឋមន្ត្រី
បានថ្លែងអំណរគុណចំពោះរាជ
រដ្ឋាភិបាលជប៉ុនដែលបានផ្តល់ជំនួយសង្គ្រោះបន្ទាន់ជួយដល់កម្ពុជា
ដែលបានរងគ្រោះដោយសារ បញ្ហាទឹកជំនន់។ សម្តេចតេជោមានប្រសាសន៍ថា
ទឹកជំនន់នេះមានភាពធ្ងន់ធ្ងរប្រជាជនប្រមាណ ២ លាន
នាក់បានទទួលផលប៉ះពាល់ទោះជាយ៉ាងណាក៏ដោយទាំងប្រទេសជប៉ុន កម្ពុជា ថៃ វៀតណាម
និង ប្រទេសឡាវ សុទ្ធសឹង តែទទួលនូវផលប៉ះពាល់ដោយគ្រោះធម្មជាតិ
ប៉ុន្តែបានជួយគ្នាទៅវិញទៅមក ជំនៈលើបញ្ហាធម្មជាតិនេះ។
សម្តេចតេជោក៏បានកោតសរសើរ
ចំពោះការផលិតថាមពលអគ្គិសនី ប្រើជីវម៉ាស ដោយប្រើម៉ាស៊ីនកិនស្រូវ ដែលអង្គការ
NEDO បានចុះហត្ថលេខាជាមួយក្រសួងឧស្សាហកម្មរ៉ែ និងថាមពល ហើយសម្តេចក៏បានឯកភាពចំពោះការប្រើប្រាស់អង្កាមជាថាមពលអគ្គិសនី
និងសម្រាប់បម្រើឲ្យ វិស័យកសិកម្ម។ សម្តេចនាយករដ្ឋមន្ត្រីមានប្រសាសន៍បញ្ជាក់ថា
បើប្រព័ន្ធនេះទទួលបានជោគជ័យនោះ ម៉ាស៊ីនកិនស្រូវដទៃទៀតក៏នឹងអាចប្រើប្រាស់ប្រព័ន្ធនេះបានដែរ
។ សម្តេចតេជោនាយករដ្ឋមន្ត្រីក៏បានថ្លែង
អំណរគុណចំពោះរបាយការណ៍ដែលបានសិក្សាអំពីអាសេនិកក្នុងទឹកនៅខេត្តកំពង់ចាម
ខេត្តកណ្តាល និងខេត្តព្រៃវែង ដោយសម្តេចបានស្នើឲ្យអង្គការ NEDO
បន្តការសិក្សានេះ និងធ្វើយ៉ាងណាឲ្យគម្រោងនេះដំណើរការទៅមុខបានជោគជ័យ
៕