លោក កឹម សុខា មេបក្សសិទ្ធិមនុស្ស
បានចោទប្រកាន់មកលើយុវជនដែលអនាគតជាសរសរទ្រូងរបស់ប្រទេសជាតិ ថា
យុវជនសព្វថ្ងៃ ពាលាអាវ៉ាសែច្រើនណាស់ សប្បាយភ្លេចខ្លួន ខារាអូខេ គ្រឿងញៀន
ក្រោមលេសទម្លាក់កំហុសមកលើរាជរដ្ឋាភិបាលថា
ជាអ្នកបានធ្វើឲ្យយុវជនក្លាយទៅជាបែបនោះ។
ការ
ចេញមុខជាសាធារណៈ វាយប្រហារមកលើក្រុមយុវជនកម្ពុជា
គឺគេអាចដឹងយ៉ាងច្បាស់ថា លោក កឹម សុខា បាន
និងកំពុងចាប់ផ្តើមប្រកាសធ្វើសត្រូវជាមួយយុវជន
ដោយសម្លឹងមើលឃើញតែពីភាពអវិជ្ជមាន
ដោយមិនបានចួលរួមលើកទឹកចិត្ត
និងបើកផ្លូវឱ្យយុវជនមានឱកាសរួមចំណែកជាមួយនឹងបញ្ហាធំៗរបស់
ប្រទេសជាតិ ដែលយុវជនជំនាន់ក្រោយនឹងត្រូវទទួលបន្តវេននោះទេ។
កាលពីថ្ងៃទី៩ ខែវិច្ឆិកា ឆ្នាំ២០១១ នៅឯស្រុកមុខកំពូល ខេត្តកណ្តាល លោក កឹម សុខា
បាននិយាយថា «សង្គមឥឡូវធ្វើឲ្យយុវជនប៉ះតែរឿងពាលា អាវ៉ាសែច្រើនណាស់
សប្បាយភ្លេចខ្លួន ខារាអូខេ គ្រឿងញៀន គេធ្វើឲ្យខូចយុវជនអស់» ។លោក កឹម សុខា
បានស្តីបន្ទោសដល់យុវជនបន្ថែមទៀតថា
យុវជនមួយចំនួនដែលរៀននៅមហាវិទ្យាល័យភាគច្រើនគេសង្ឃឹមថា
ពេលចេញទៅធ្វើការអាចរកលុយបានច្រើន ដូចជាតុលាការ ដុកទ័រ ជាដើម
គឺយុវជនទាំងនោះគិតតែរឿងរកលុយទាំងអស់»។
ការលើកឡើងរបស់លោក កឹម សុខា ត្រូវបានអ្នកជំនាញខាងធនធានមនុស្សវាយតម្លៃថា លោក កឹម សុខា មិនគួរគប្បី
ស្តីបន្ទោសយុវជន ឬនិស្សិត
ដោយការធ្វើបុរេវិនិច្ឆ័យមិនល្អចំពោះយុវជននោះទេ
នេះគឺជាការមិនឱ្យតម្លៃយុវជន
និងបើកភ្នែកមើលយុវជនតែក្នុងផ្លូវអាក្រក់ ។
និសិត្ស
កំពុងតែក្រេបយកចំណេះវិជ្ជាមកកសាងជាតិសង្ឃឹមថានឹងបានយកចំណេះ
វិជ្ជាទាំងនេះយកមកបំរើជាតិមាតុភូមិ
ដោយនិស្សិតទាំងឡាយពុំទាន់បានរៀនចប់ផងស្រាប់តែលោក កឹម សុខា
ប្រមាថមើលងាយទៅហើយទម្រាំលោក កឹម សុខា ដឹកនាំប្រទេសនោះតើលោក កឹម សុខា
មើលងាយដល់យុវជនយ៉ាងណានោះទេ?
ដោយឡែករាជរដ្ឋាភិបាលកម្ពុជាបាន
និងកំពុងតែយកចិត្តទុកដាក់បង្កើតសាលារៀនរហូតដល់ឃុំ ស្រុក ខេត្ត
ដើម្បីលើកស្ទួយវិស័យអប់រំ ផ្នែកធនធានមនុស្ស
ដែលផ្តល់ឱកាសឲ្យយុវជនចូលរួមជាមួយចលនាសង្គម ដូចជាយុវជនកាកបាទក្រហម
និង កាយរឹទ្ធិ ដើម្បីឲ្យដើរស្របតាមស្តង់ដាអន្តរជាតិនិងពិភពលោក ។
យុវជនកាយរឹទ្ធិជាសរសទ្រូងប្រទេសជាតិ
សមដូចសារលិខិតរបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្រ្តី
រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី
និងជាប្រធានកាយរឹទ្ធិជាតិកម្ពុជាជាអធិបតីភាព
ក្នុងពិធីសច្ចាប្រណិធាន និងបំពាក់កន្សែង ជូននវកាយរឹទ្ធិ
រាជធានីភ្នំពេញ កាលពីថ្ងៃទី២៩ខែ វិច្ឆិកា ឆ្នាំ២០១១ បានបញ្ជាក់ថា «
ស្ថិតក្នុងបរិបទសកលភាវូនីយកម្ម
ព្រះរាជាណាចក្រកម្ពុជាកំពុងតែបោះជំហានលើមាគ៌ាដ៏ត្រឹមត្រូវ
ក្រោមការដឹកនាំប្រកបដោយគតិបណ្ឌិតរបស់ សម្តេចអគ្គមហាសេនាបតីតេជោ ហ៊ុន
សែន ប្រទេសជាតិទាំងមូលមានសុខសន្តិភាពពេញបរិបូរណ៍ មានវឌ្ឍនៈភាពបំផុត
ដែលជាមូលដ្ឋានធ្វើឲ្យប្រទេសជាតិមានស្ថិរភាពផ្នែកនយោបាយ
និងការអភិវឌ្ឍន៍។
ការអភិវឌ្ឍមិនអាចកាត់ផ្តាច់បានពីការចូលរួមរបស់កម្លាំងយុវជនបានឡើយ
ហេតុនេះការអប់រំយុវជនដែលជាទំពាំងស្នងឬស្សីរបស់ប្រទេសជាតិយើងនៅថ្ងៃអនាគត
គឺជាការចាំបាច់បំផុតដើម្បីឲ្យពួកគេមាន សមត្ថភាពរួមចំណែកអភិវឌ្ឍប្រទេសជាតិ។
ឯកឧត្តមបណ្ឌិតសភាចារ្យ សុខ អាន បានបន្តថា
វិធីសាស្រ្តដ៏ល្អប្រសើរមួយសម្រាប់ជួយដល់យុវជនយើង
គឺតាមរយៈការអប់រំក្រៅប្រព័ន្ធដល់កាយរឹទ្ធិដែលមានកាយ
រឹទ្ធិប្អូនកាយរឹទ្ធិ និងកាយរឹទ្ធិរៀមច្បង
ធ្វើយ៉ាងណាឲ្យពួកគេក្លាយជាពលរដ្ឋល្អរបស់សង្គមយើង។
កាយរឹទ្ធិ
ទាំងអស់ត្រូវទទួលបានការហាត់ពត់ឲ្យមានកាយសម្បទាមាំមួន ទទួលការអប់រំល្អ
មានចំណេះដឹង និងចំណេះធ្វើជ្រៅជ្រះប្រកបដោយគុណភាពខ្ពស់គុណសម្បតិ្តល្អ
និងគុណធម៌ប្រពៃថ្លៃថ្លា មានសមត្ថភាពខ្ពស់
មានការទទួលខុសត្រូវជំនឿទុកចិត្តពីអ្នកដ៏ទៃ ហើយនឹងក្លាយខ្លួនជាពលរដ្ឋល្អ
និងជាអ្នកដឹកនាំល្អនាថ្ងៃអនាគត។កាយរឹទ្ធិគ្រប់រូបត្រូវបាន ពន្យល់ ណែនាំ
ឱ្យជៀសវាងផុតពីអំពើអបាយមុខនិងអំពើអសកម្មផ្សេងៗដែលសង្គមជាតិ
និងមនុស្សជាតិទាំងឡាយមិនចង់បាន។ ឆ្លងតាមបទពិសោធន៍នៃ
ចលនាកាយរឹទ្ធិពិភពលោកបានបង្ហាញឲ្យឃើញថា យុវជនដែលបានឆ្លងកាត់ចលនាកាយរឹទ្ធិ
ទទួលបាននូវលក្ខណៈសម្បត្តិ និងចរិយាសម្បត្តិល្អ និងក្លាយជាយុវជនគំរូ
ដូចជាការទទួលបាននូវបទពិសោធន៍សំរាប់ជីវភាពរស់នៅ ការបំពេញការងារ
ទំនាក់ទំនងក្នុងសង្គម និងជំនះបានបញ្ហាប្រឈមនានា
តាមរយៈការចំណាយពេលវេលាក្រៅម៉ោងសិក្សាទៅធ្វើសកម្មភាព ឬបោះជំរុំនៅតាមទីវាល
តាមសហគមន៍ និងនៅគ្រប់ទីកន្លែងដែលមានប្រយោជន៍។
តាមរយៈចលនាកាយរឹទ្ធិ យើងនឹងអាចផលិតបាននូវយុវជនដែលមានសក្កានុពលនិងក្លាយជាសរសទ្រូងប្រទេសជាតិដ៏រឹងមាំសម្រាប់ថ្ងៃអនាគត»។
ឯកឧត្តមឧបនាយករដ្ឋមន្រ្តី
សុខ អាន ក៏បានពន្យល់អំពីការធ្វើសច្ចាប្រណិធានរបស់កាយរឹទ្ធិ
គឺពាក្យសច្ចាប្រណិធាន ច្បាប់កាយរឹទ្ធិ និងកាយរឹទ្ធិរៀមច្បង
ដែលពួកគេពោលពាក្យសច្ចាថា ទី១‑
គោរពបូជាឲ្យអស់ពីចិត្តពីថ្លើមរបស់ខ្ញុំចំពោះជាតិ សាសនា
និងព្រះមហាក្សត្រ ទី២‑ជួយសង្រ្គោះមនុស្សជាតិ គ្រប់កាលៈទេសៈ ទី៣‑
គោរពច្បាប់កាយរឹទ្ធិ និងថែរក្សាខ្លួនប្រាណរបស់ខ្ញុំឲ្យមានកាយសម្បទាមាំមួន
ចិត្តគំនិតភ្ញាក់រឮកនិងសីលធម៌ខ្ពស់ បន្ថែមលើនេះ
គឺកាយរឹទ្ធិគោរពបូជាសាសនា ហើយមានចិត្តស្រឡាញ់មនុស្សជាតិ សត្វ
និងធម្មជាតិទាំងឡាយ ស្អាតស្អំទាំងចិត្ត ទាំងពាក្យសំដី និងទាំងអំពើ។
បេសកកម្មកាយរឹទ្ធិជាតិកម្ពុជា
គឺការចែករំលែកចំណេះដឹងដល់យុវជនជាលក្ខណៈប្រព័ន្ធ
ផ្អែកតាមការសច្ចាប្រណិធាន និងច្បាប់កាយរឹទ្ធិ
ដើម្បីកសាងពិភពលោកមួយដ៏ស្រស់ត្រកាលដែលមានយុវជនប្រកបដោយលក្ខណៈសម្បត្តិ
គ្រប់គ្រាន់ និងដើរតួនាទីយ៉ាងសំខាន់ដល់សង្គមជាតិ។
ទាំង
នេះ គឺការយកចិត្តទុកដាក់ខ្ពស់របស់រាជរដ្ឋាភិបាល
ក្នុងការផ្តល់ឱកាសគ្រប់គ្រាន់ និងផ្តល់តម្លៃដល់យុវជន
ក្នុងការចូលរួមក្នុងសកម្មភាពសង្គម ដើម្បីការអប់រំ
ការកសាងអំពើល្អ និងការអភិវឌ្ឍប្រកបដោយចីរភាព
ដែលផ្ទុយពីមេបក្សសិទ្ធិមនុស្ស លោក កឹម សុខា គឺមិនចេះលើកទឹកចិត្តដល់យុវជន
នោះទេ គឺចេះតែស្តីបន្ទោស និងការប្រមាថមាក់ងាយ
និងចាត់ទុកយុវជនជាសត្រូវរបស់ខ្លួន។ ដូច្នេះ
លទ្ធផលនឹងត្រូវផ្តល់ជូនចំពោះលោកកឹម សុខា វិញ គឺយុវជនទាំងអស់
នឹងដកសេចក្តីទុកចិត្តទាំងស្រុងពីលោក កឹម សុខា៕
ដោយៈ រួម ជាតិ