អង្គជំនុំជម្រះវិសាមញ្ញក្នុងតុលាការកម្ពុជា(
អ.វ.ត.ក) បានបង្កើតឡើងដោយមានកិច្ចខិតខំប្រឹងប្រែង
និងការប្តេជ្ញាចិត្តខ្ពស់របស់រាជរដ្ឋាភិបាលកម្ពុជា
និងអង្គការសហប្រជាជាតិ
ដើម្បីការកាត់ទោសមេដឹកនាំខ្មែរក្រហមដែលទទួលខុសត្រូវខ្ពស់បំផុត
និងមេដឹកនាំខ្មែរក្រហមដែលមានឋានៈខ្ពស់
ដែលបានធ្វើសកម្មភាពកាប់សម្លាប់ប្រជាពលរដ្ឋខ្មែរគ្នាឯង
នៅចន្លោះថ្ងៃទី១៧ខែមេសាឆ្នាំ១៩៧២ដល់ថ្ងៃទី៦ខែមករាឆ្នាំ១៩៧៩។
ហេតុដូចនេះទើបមានកិច្ចព្រមព្រៀងនេះឡើងដែលត្រូវបានសម្រេចនៅក្នុង
មហាសន្និបាតអង្គការសហប្រជាតិ ចុះថ្ងៃទី១៨ ខែធ្នូ ឆ្នាំ២០០២ ។
ដំណើរការរបស់អ.វ.ត.ក ត្រូវបានអ្នកសង្កេតការណ៍ជាតិ
និងអន្តរជាតិជាពិសេសបណ្តាញសារព័ត៌មានក្នុង
និងក្រៅប្រទេសបានផ្សព្វផ្សាយពាសពេញពិភពលោកសម្រាប់ជាសារជូនដល់អ្នក
ជំនាន់ក្រោយឲ្យមានការចៀសវាង និងកុំយកគំរូតាមរបបដ៏ព្រៃផ្សៃ
កាប់សម្លាប់មនុស្សជាតិបែបនេះ ។
ថ្មីៗនេះមានតំណាងប្រតិភូមកពីប្រទេសអូទ្រីស បានមកទស្សនាក្នុងអ.វ.ត.ក
ដែលមានសមាសភាពប្រមាណ៥០រូបក្នុងចំណោមអ្នកទាំងនោះ រួមមាន អ្នកច្បាប់
មេធាវី អង្គចៅក្រម ព្រះរាជអាជ្ញា ជាដើម
បានវាយតំលៃខ្ពស់អំពីជោគជ័យរបស់កម្ពុជាក្នុងដំណើរការនីតិវិធី
ក្នុងសំនុំរឿង០០១ដែលបានបញ្ចប់ទៅ
និងការបើកសវនាការសំនុំរឿង០០២ នាចុងខែខាងមុខ។
ដែលគណៈប្រតិភូទាំងនោះគេបានពេញចិត្ត
នឹងលទ្ធផលតាមរយៈការផ្តល់ជូននូវយុត្តិធម៌ដល់ជនរងគ្រោះក្នុង
របបនោះ។
ជោគជ័យលេចធ្លោរ ដ៏សំខាន់ៗរបស់ អ.វ.ត.ក ត្រូវបានបញ្ជាក់តាមរយៈ៖
១. ការចំណាយថវិការតិច បើប្រៀបធៀបនឹងតុលាការព្រហ្មទណ្ឌអន្តរជាតិនានា។
២.ការអនុវត្តកិច្ចការនិងអនុម័តវិធានការផ្ទៃក្នុងដោយល្បឿនលឿនដោយប្រើរយៈពេលមិនដល់មួយឆ្នាំផង។
៣.តុលាការខ្មែរក្រហមបានចាប់ខ្លួនជនសង្ស័យចំនួន៥រូបប្រព្រឹត្តដោយរលូន និងឆាប់រហ័សដោយគ្មានការគេចខ្លួន ដោយរយៈពេលត្រឹម៤ខែប៉ុណ្ណោះ។
៤.អង្គជំនុំជម្រះវិសាមញ្ញក្នុងតុលាការកម្ពុជា
បានអនុញ្ញាតឲ្យមានការចូលរួមរបស់ជនរងគ្រោះដោយ
ផ្ទាល់ក្នុងដំណើរការជំនុំជម្រះក្តីក្នុងនាមជាដើមបណ្តឹងរដ្ឋប្បវេណី។នេះគឺជាការវិវឌ្ឍន៍ឈានទៅមុខគេ របស់ អ.វ.ត.ក ក្នុងចំណោមតុលាការព្រហ្មទណ្ឌអន្តរជាតិនានាហើយការចូលរួមរបស់ដើមបណ្តឹងរដ្ឋប្បវេណីនេះ អាចនឹងក្លាយជាយុទ្ធសាស្រ្តនាពេលអនាគតសម្រាប់តុលាការដទៃទៀត។
៥.មានការចូលរួម
និងគាំទ្រដ៏ច្រើនលើសលប់ពីសាធារណជន។ រហូតមកដល់ឆ្នាំ២០១១នេះ ប្រជាជនជិត
១០ម៉ឺននាក់ ហើយដែលបានចូលរួមក្នុងដំណើរទស្សនកិច្ច និងចូលទស្សនាដោយផ្ទាល់ នៅអ.វ.ត.ក។
៦.អ.វ.ត.ក ធ្វើការជំនុំជម្រះក្តីលើជនជាប់ចោទ ៤រូប ជាអតីតមេដឹកនាំជាន់ខ្ពស់នៃរបបមួយ តាំងពី
ប្រមុខរដ្ឋ ប្រធានសភា ឧបនាយករដ្ឋមន្រ្តី ទទួលបន្ទុកកិច្ចការបរទេស រដ្ឋមន្ត្រីក្រសួងសង្គមកិច្ច ក្នុងសំណុំរឿង០០២។
៧.អ.វ.ត.ក នឹងបន្សល់ទុកនូវកេរ្តិ៍តំណែលដ៏ល្អសម្រាប់ប្រព័ន្ធតុលាការជាតិចាប់តាំងពីរដ្ឋបាលរហូតដល់គ្រប់នីតិវិធីតុលាការ។
បើយោងតាមសេចក្តីប្រកាសព័ត៌មានក្រោយជំនួបរវាង ឯកឧត្តមឧបនាយករដ្ឋមន្រ្តី សុខ អាន រដ្ឋមន្ត្រីទទួលបន្ទុកទីស្តីការគណៈរដ្ឋមន្រ្តី ដែលបានជួបពិភាក្សាជាមួយ លោកជំទាវ Patricia O’Brien
អគ្គលេខាធិការរងអង្គការសហប្រជាជាតិទទួលបន្ទុកកិច្ចការច្បាប់
និងជាអ្នកប្រឹក្សាផ្នែកច្បាប់
ស្តីពីការវិវត្តន៍ថ្មីៗរបស់អង្គជំនុំជម្រះវិសាមញ្ញក្នុង
តុលាការកម្ពុជា(អ.វ.ត.ក)ភាគីទាំងពីរបានបញ្ជាក់សារជាថ្មីនូវការគាំទ្រយ៉ាងមុតមាំចំពោះកិច្ចការរបស់ អ.វ.ត.ក និងបាន
វាយតម្លៃខ្ពស់ចំពោះម្ចាស់ជំនួយ
ព្រមទាំងមានមោទនភាពចំពោះជោគជ័យដែលតុលាការនេះទទួលបានរហូត
មកដល់បច្ចុប្បន្ន ក្នុងនោះរួមមាន
ការចូលរួមគាំទ្រដ៏ច្រើនលើសលុបពីសាធារណជន។
ភាគីទាំងពីរបានផ្តោតសារៈសំខាន់ផងដែរលើសំណុំរឿង០០២
ដែលជាសំណុំរឿងមួយដ៏សំខាន់បំផុតនៅក្នុងប្រវត្តិសាស្រ្តតុលាការ
យុត្តិធម៌អន្តរជាតិ
ដោយបាននាំមកកាត់ទោសនូវមេដឹកនាំជាន់ខ្ពស់នៃរបបប្រល័យពូជ
សាសន៍ ដែលនៅរស់រានមានជីវិត។
ឯកឧត្តមឧបនាយករដ្ឋមន្រ្តី សុខ អាន
បានមានប្រសាសន៍
ដោយសង្កត់ធ្ងន់អំពីភាពចាំបាច់របស់អ្នកធ្វើការសម្រេចចិត្តនៃភាគី
ទាំងពីរ
ដើម្បីបំពេញការទទួលខុសត្រូវរបស់ខ្លួនដោយមិនអនុញ្ញាតឱ្យមាន
ការរំខានពី ការបំប៉ោងព័ត៌មាន ការដាក់គំនាប
និងការជ្រៀតជ្រែកដ៏ខ្លាំងពីសំណាក់ប្រព័ន្ធផ្សព្វផ្សាយ
និងពីសំណាក់ភាគីខាងក្រៅដទៃៗទៀត។
ឯកឧត្តមឧបនាយករដ្ឋមន្រ្តី សុខ អាន និងលោកជំទាវ Patricia O’Brien
ក៏បានស្វាគមន៍ផងដែរនូវសាលដីកាស្ថាពរនៃសំណុំរឿង០០១
ដែលនឹងប្រកាសក្នុងពេលឆាប់ៗខាងមុខនេះ
និងសេចក្តីប្រកាសស្តីពីដំណើរការសវនការលើអង្គសេចក្តីនៃសំណុំរឿង
០០២ដែលនឹងប្រព្រឹត្តទៅនៅថ្ងៃទី២១ ខែវិច្ឆិកា ឆ្នាំ២០១១
ហើយភាគីទាំងពីរក៏បានសំដែងនូវឆន្ទៈឱ្យដំណើរការតុលាការបន្ត
ទៅមុខ យ៉ាងឆាប់រហ័ស និងដោយរលូន ។
ជំនួបនេះ គឺបានបង្ហាញយ៉ាងច្បាស់ អំពីការយកចិត្តទុកដាក់ខ្ពស់ទៅលើអង្គជំនុំជម្រះវិសាមញ្ញក្នុងតុលាការកម្ពុជា ដោយរាជរដ្ឋាភិបាលកម្ពុជា និងអង្គការសហប្រជាជាតិ ស្របពេលដំណើរការរបស់ អ.វ.ត.ក កំពុងតែឆ្ពោះទៅមុខ ដោយរលូន ដែលជាការចង់ឃើញរបស់ប្រទេសកម្ពុជា និង អង្គការសហប្រជាជាតិស្របតាមកិច្ចព្រមព្រៀង ដែលបានសំដែងនូវកង្វល់អំពីគោលការណ៍សន្តិភាព ការផ្សះផ្សា និងបង្រួបបង្រួមជាតិ និងដើម្បី ស្ថេរភាព ចៀសវាងនូវសង្រ្គាមស៊ីវិលបន្តទៀត។
ជារួម ដំណើរការនៃអង្គជំនុំជម្រះវិសាមញ្ញក្នុងតុលាការកម្ពុជា បាន និងកំពុងតែទទួលនូវការគាំទ្រនៅលើឆាកអន្តរជាតិ ដោយសារតែភាពជោគជ័យនៃដំណើរការសំណុំរឿង
០០១ និង០០២ ថ្មីៗនេះ
បានធ្វើឲ្យរដ្ឋាភិបាលសហរដ្ឋអាមេរិកមានការចាប់អារម្មណ៍
និងសហការជាមួយរាជរដ្ឋាភិបាលកម្ពុជា
ក្នុងគោលបំណងត្រៀមរៀបចំបង្កើតជាសារៈមន្ទីរហាយនភាព
(International Holocaust)
អន្តរជាតិហើយនឹងប្រមូលចងក្រងឯកសារឧក្រិដកម្មនានាមក
រក្សាទុកដើម្បីសិក្សាអប់រំដល់យុវវ័យជំនាន់ក្រោយមិនចំពោះយុវវ័យ
កម្ពុជាប៉ុណ្ណោះទេ គឺចង់អប់រំដល់យុវវ័យជំនាន់លើពិភពលោក ឲ្យបានដឹង
និងត្រូវតែចៀសវាងនូវទង្វើមហន្តរាយទាំងនេះ
មិនអនុញ្ញាតឱ្យកើតមានឡើងសារជាថ្មីម្តងទៀតបានឡើយ៕
រួម ជាតិ