នៅក្នុងឱកាសទទួលជួបសវនាការជាមួយឯកឧត្តមបណ្ឌិត ថងបាញ់ សែងអាផន
រដ្ឋមន្រ្តីក្រសួងសន្តិសុខសាធារណៈ
នៃសាធារណរដ្ឋប្រជាធិបតេយ្យប្រជាមានិតឡាវ នៅវិមានសន្តិភាព
ក្នុងរាជធានីភ្នំពេញ នាថ្ងៃទី១៨ មករា ឆ្នាំ ២០១២ សម្តេចអគ្គមហាសេនាបតីតេជោ ហ៊ុន សែន បានស្នើឲ្យប្រទេសទាំងពីរបន្តនូវកិច្ចសហប្រតិបត្តិការលើគ្រប់វិស័យជាមួយគ្នាកាន់តែខ្លាំងថែមទៀត ។
សម្តេចតេជោនាយករដ្ឋមន្រ្តី
បានមានប្រសាសន៍កោតសរសើរ
ចំពោះកិច្ចសហប្រតិបត្តិការល្អរវាងក្រសួង និង ក្រសួង ខេត្ត និង ខេត្ត
ប្រជាជន និង ប្រជាជនកម្ពុជា-ឡាវ ដោយចាត់ទុក
កិច្ចសហប្រតិបត្តិការនេះគឺជាការចាំបាច់ណាស់
ដើម្បីជម្រុញកិច្ចសហប្រតិបត្តិការលើគ្រប់វិស័យ
ជាពិសេសនៅតាមតំបន់ព្រំដែន ដើម្បីទាញយកបាននូវសន្តិសុខ
សុវត្ថិភាពជូនប្រជាជននៅតាមព្រំដែន។
ការបន្តនូវកិច្ចសហប្រតិបត្តិការឲ្យបានកាន់តែស៊ីជម្រៅថែមទៀតនេះ សម្តេចតេជោ
បានផ្តោតទៅ លើការទប់ស្កាត់អំពើភេរវកម្ម អំពើរត់ពន្ធឆ្លងដែន
ក៏ដូចជាអំពើខុសច្បាប់នៅតាមព្រំដែនរវាងប្រទេសទាំងពីរ។ សម្តេចតេជោ
បានស្នើឲ្យខេត្តចំប៉ាសាក់ និង
ខេត្តប៉ាក់សេរបស់ឡាវបន្តសហការគ្នាឲ្យបានល្អជាមួយនឹងខេត្ត
ស្ទឹងត្រែង
ដើម្បីផ្លាស់ប្តូរព័ត៌មានជាមួយគ្នាពាក់ព័ន្ធជាមួយបញ្ហាប្រែប្រួល
អាកាសធាតុ ដូចជាបញ្ហាភ្លៀងជាដើម
ដើម្បីធ្វើយ៉ាងណាត្រៀមខ្លួនជម្លៀសប្រជាជនឲ្យបានទាន់ពេលវេលាពេល
មានទឹកជំនន់។
ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្រ្តីឲ្យដឹងថា ឯកឧត្តមបណ្ឌិត ថងបាញ់ សែងអាផន បានជំរាបជូនសម្តេចតេជោនាយករដ្ឋមន្រ្តី
អំពីលទ្ធផលនៃជំនួបរវាងរូបលោកជាមួយរដ្ឋមន្រ្តីក្រសួងមហាផ្ទៃ
កម្ពុជា
ដែលក្នុងជំនួបនោះមានការវាយតម្លៃខ្ពស់ចំពោះកិច្ចសហប្រតិបត្តិ
ការ ដែលបានធ្វើក្នុងឆ្នាំ ២០១១ កន្លងមក និង បានរាយការណ៍ជូនសម្តេចតេជោនាយករដ្ឋមន្រ្តី
ផងដែរអំពីកិច្ចសហប្រតិបត្តិការលើផែនការផ្លាស់ប្តូរព័ត៌មាន
ផ្លាស់ប្តូរបទពិសោធន៍ជាប្រចាំរវាងខេត្ត និង ខេត្ត ហើយនៅពេលនេះ
ក្រសួង និង ក្រសួង ខេត្ត និង ខេត្ត ប្រជាជន និង ប្រជាជនកម្ពុជា-ឡាវ
គឺមានភាពស្និទ្ធស្នាលយ៉ាងខ្លាំង និង
មានកិច្ចសហប្រតិបត្តិការយ៉ាងល្អប្រសើរណាស់៕