កាយរឹទ្ធជាតិ
កម្ពុជាខេត្តក្រចេះចំនួន៣៤២៩នាក់ ត្រូវបានបំពាក់កន្សែងជូនដោយ
ឯកឧត្តម បណ្ឌិតសភាចារ្យសុខ អាន ឧបនាយករដ្ឋមន្រ្តី
រដ្ឋមន្រ្តីទទួលបន្ទុក ទីស្តីការគណៈរដ្ឋមន្រ្តី
និងជាប្រធានកាយរឹទ្ធជាតិកម្ពុជា និងលោកជំទាវនាព្រឹកថ្ងៃទី ២០ ខែ
កុម្ភៈឆ្នាំ២០១២។
ថ្លែងនៅក្នុងពិធីសច្ចាប្រណិធាន
និងបំពាក់កន្សែងដល់ នវកាយរឺទ្ធជាតិកម្ពុជា
ខេត្តក្រចេះដែលបានប្រារព្ធធ្វើឡើងនៅពហុកីឡាដ្ឋានខេត្តក្រចេះ
ឯកឧត្តម បណ្ឌិតសុខ អាន បានមានប្រសាសន៍ចាត់ទុកពិធីបំពាក់កន្សែង
ជូននវកាយរឺទ្ធ ថ្មីខេត្តក្រចេះនាពេលនេះមានអត្ថន័យយ៉ាងជ្រាលជ្រៅ
និងបានលើកទឹកចិត្តក្មួយៗ
ជាសមាជិកនៃកាយរឹទ្ធិជាតិកម្ពុជាខេត្តក្រចេះទាំងមូលឱ្យខិត
ខំអប់រំខ្លួននិងបង្កើនការប្រព្រឹត្តអំពើ ល្អឲ្យកាន់តែទូលំទូលាយ
ប្រកបដោយក្តីមោទនភាពបំផុត
ដែលនឹងរួមចំណែកធ្វើឱ្យកិត្យានុភាពរបស់កាយរឹទ្ធិជាតិកម្ពុជាកាន់
តែខ្ពង់ខ្ពស់ឡើងថែមទៀត។
ជាមួយនឹងការសម្តែងនូវការគោរពដឹងគុណ
ដ៏ខ្ពង់ខ្ពស់ និងជ្រាល ជ្រៅបំផុតចំពោះសម្តេចអគ្គមហាសេនាបតីតេជោ
ហ៊ុន សែន នាយរដ្ឋមន្ត្រីនៃព្រះរាជាណាចក្រ កម្ពុជា
និងលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលកន្លងមក
ក៏ដូចជាពេល បច្ចុប្បន្ន បានយកអស់កម្លាំងកាយចិត្ត និងបញ្ញាញាណ
បំពេញបេសកកម្មដ៏ឧត្តុង្គឧត្តម និង វិសេសវិសាលបំផុត
ដោយធ្វើឲ្យមានការផ្សះផ្សានិងបង្រួបបង្រួមជាតិ មានសុខសន្តិភាព
ស្ថិរភាពនយោបាយ លទ្ធិប្រជាធិតេយ្យ កំណើនសេដ្ឋកិច្ច និងការអភិវឌ្ឍ
ព្រមទាំងបានធ្វើសមាហរណកម្មកម្ពុជាទៅក្នុងតំបន់និងពិភពលោក
ឯកឧត្តមបណ្ឌិតសុខ អាន បានមានប្រសាសន៍ថា សម្តេចតេជោ
និងលោកជំទាវកិត្តិព្រឹទ្ធបណ្ឌិត
តែងតែយកចិត្តទុកដាក់ខ្ពស់បំផុតចំពោះសុខទុក្ខរបស់ប្រជាជន
ដោយស្ថិតនៅជាប់ជាមួយ ប្រជាជន និងជួយប្រជាជនគ្រប់កាលៈទេសៈ
រួមទាំងបានជួយឲ្យកុមារនិងយុវជនកម្ពុជាទទួលបាននូវសិទ្ធិគ្រប់បែប
យ៉ាង រួមមាន សិទ្ធិរស់រានមានជីវិត សិទ្ធិក្នុងការអភិវឌ្ឍ
សិទិ្ធទទួលការ ការពារ និងសិទ្ធិទទួលបានការអប់រំ
ប្រកបដោយសមធម៌ដើម្បីសម្រេចឱ្យបាននូវចំណេះដឹង ចំណេះធ្វើ
មានសីលធម៌ល្អ និងចេះរស់នៅរួមគ្នាក្នុងស្មារតីសន្តិសហវិជ្ផមាន
និងមានវិធានការ ទប់ស្កាត់អំពើអសកម្មនានា ដូចជា ការសេពគ្រឿងញៀន
ការសេពគ្រឿងស្រវឹង ការលេង ល្បែងស៊ីសង សកម្មភាពក្មេងទំនើង ការលួច ឆក់
ប្លន់ ជាដើម។ល។
ឯកឧត្តមឧបនាយករដ្ឋមន្រ្តី
និងជាប្រធានកាយរឹទ្ធជាតិកម្ពុជា បានមានប្រសាសន៍ឲ្យដឹងថា
នៅក្នុងឆ្នាំ២០១១កន្លងទៅ រាជរដ្ឋាភិបាល ដែលមានសម្តេចតេជោជា
ប្រមុខ បាន អនុម័តគោលនយោបាយជាតិស្តីពីការអភិវឌ្ឍយុវជនកម្ពុជា
ក្នុងគោលបំណងជំរុញឲ្យគ្រប់ ក្រសួង ស្ថាប័នសាធារណៈ ផ្នែកឯកជន
អង្គការសង្គមស៊ីវិលជាតិ និងអន្តរជាតិ យកចិត្តទុកដាក់
លើកកម្ពស់ការអភិវឌ្ឍយុវជនដើម្បីឲ្យយុវជនគ្រប់រូប
ជាពិសេសយុវជនដែលបាត់បង់ឱកាស ទទួលបាននូវការបណ្តុះបណ្តាលសមត្ថភាព
និងជំនាញ សម្រាប់រួមចំណែកក្នុងដំណើរការ អភិវឌ្ឍប្រទេសជាតិ។ សម្តេច
និងលោកជំទាវ បានឧបត្ថម្ភ
និងគាំទ្រជានិច្ចដល់ដំណើរការកាយរឹទិ្ធជាតិកម្ពុជា
ក្នុងការពង្រីកតួនាទីគំរូរបស់ខ្លួននៅក្នុងសង្គមជាតិ
ដោយធ្វើឲ្យមានការប្រែប្រួល
ឥរិយាបថរបស់យុវជនឆ្ពោះទៅរកភាពជឿនលឿនប្រកបដោយភាពក្លាហាន
ដើម្បីផ្សាភ្ផាប់ខ្លួន ទៅនឹងភារកិច្ចអភិវឌ្ឍខ្លួនឯង ជួយអ្នកដទៃ
និងភារកិច្ចចំពោះជាតិ សាសនា ព្រះមហាក្សត្រ
និងដើម្បីរួមចំណែកលើកកម្ពស់ការអនុវត្តបេសកកម្មជាប្រវត្តិសាស្ត្រ
របស់កាយរឹទ្ធិជាតិកម្ពុជា
ឲ្យទទួលបាននូវតម្លៃជាសាកលសំដៅជំរុញចលនាកាយរឹទ្ធិឱ្យកាន់តែរឹង
មាំជាលំដាប់ ទាំងបរិមាណ និងគុណភាព។
ក្នុងនាមកាយរឹទ្ធជាតិកម្ពុជាឯកឧត្តមបណ្ឌិត សុខ
អានបានមានប្រសាសន៍ណែនាំឲ្យក្រុមប្រឹក្សាកាយរឹទ្ធជាតិកម្ពុជា
ខេត្តក្រចេះខិតខំអប់រំ
បណ្តុះបណ្តាលជំនាញកាយរឹទ្ធនិងពង្រីកសមាជិកកាយរឹទ្ធបន្ថែមទៀតពិសេស
ការរៀបចំធ្វើតេស្តតំឡើងឋានៈជូនសមាជិកកាយរឹទ្ធ។ ឯកឧត្តមបណ្ឌិត សុខ
អានក៏បានអំពាវនាវដល់សប្បុរស និងអង្គការមិនមែនរដ្ឋាភិបាលនានា
ឲ្យជួយចូលរួមគាំទ្រដល់ចលនាកាយរឹទ្ធជាតិកម្ពុជា ឲ្យបានរីកចម្រើន
និងរឹងមាំដើម្បីឲ្យប្អូនៗយុវជនមានសត្ថភាពក្នុងការចូលរួមកសាងនិង
អភិវឌ្ឍន៍ប្រទេសជាតិ។
ឯកឧត្តម
ខាំ ភឿន អភិបាលនៃគណៈអភិបាលខេត្តក្រចេះ
និងជាប្រធានក្រុមប្រឹក្សាកាយរិទ្ធិជាតិកម្ពុជាខេត្តក្រចេះ
បានឲ្យដឹងថា
ក្រោមការដឹកនាំដ៍ឈ្លាសវៃប្រកបដោយគតិបណ្ឌិរបស់សម្តេចអគ្គមហាសេនា
បតីតេជោ ហ៊ុន សែន ខេត្តក្រចេះកសាងបាននូវសមិទ្ធិផលថ្មីៗជាច្រើនមាន
ជាអាទិ៍ ហេដ្ឋារចនាសម្ព័ន្ធ បណ្តាញអគីសនី បណ្តាញទឹកស្អាត
ប្រឡាយទឹកច្រាំងទន្លេ
និងសមិទ្ធិផលផ្សេងៗទៀតដើម្បីបំរើប្រជាពលរដ្ឋខេត្តក្រចេះ ។
កាយរិទ្ធិជាតិកម្ពុជាខេត្តក្រចេះបានបដិសន្ធិឡើងនៅថ្ងៃទី ១៥
ខែធ្នូឆ្នាំ ២០០០។ ក្រោមការដឺកនាំ ណែនាំរបស់ឯកឧត្តម បណ្ឌិតសភាចារ្យ សុខ
អាន និងការយកចិត្តទុកដាក់ពីសម្តេចអគ្គមហាសេនាបតីតេជោ ហ៊ុន សែន
ដែលជាគរុគុណកាយរឺទ្ធជាតិកម្ពុជា មកដល់ឆ្នាំ ២០១២នេះ
សមាជិកកាយរិទ្ធិទូទាំងខេត្តក្រចេះមានចំនួន៤.៣៩១នាក់ក្នុងនោះស្រី
២១១០ នាក់។ កាយរិទ្ធិជាតិកម្ពុជា
ខេត្តក្រចេះរួមនឹងយុវជនស្ម័គ្រចិត្តកាកបាទក្រហមកម្ពុជា
សាខាខេត្តក្រចេះ បានចូលរួមក្នុងសកម្មភាពសង្គជាច្រើន មានជាអាទិ៍
ធ្វើពលកម្មសំអាត ទីធ្លាសាធារណៈ វត្ត និងផ្សាក្រចេះ ក្រោយពេលទឹកស្រក
ចុះជួយច្រូតស្រូវក្នុង ឃុំបុសលាវ និងឃុំថ្មគ្រែ ស្រុកចិត្តបូរី
និងចូលរួមចែកអំណោយដល់កងទ័ពនៅព្រំដែនកម្ពុជាថៃ ខេត្តព្រះវិហារ។
សូមបញ្ជាក់ថា
កាយរឹទ្ធជាតិកម្ពុជាបានបង្កើតឡើងតាំងពីទសវត្សឆ្នាំ ១៩៣០មកម្លេះ
ប៉ុន្តែមិនបានចូលជាសមាជិកអង្គការកាយរឹទ្ធិពិភពលោកឡើយ។ រហូតដល់ឆ្នាំ
២០០៨ ក្រោមការដឹកនាំរបស់សម្តេចអគ្គមហាសេនាបតីតេជោហ៊ុន សែន
កាយរឹទ្ធជាតិកម្ពុជាត្រូវបានអង្គការកាយរឹទ្ធិពិភពលោកដែលមានសមាជិកជា
ង ៤០លាននាក់
ទទួលស្គាល់ជាសមាជិកនិងបានចូលរួមសកម្មភាពជាច្រើនរបស់អង្គការនេះ
ក្នុងកំរិតពិភពលោក និងតំបន់។