បទវិចារណកថា
លោកស្រីមូរ សុខហួរ កំពុងតែដណ្តើមតួនាទីមេបក្សសម រង្ស៊ី ឬ?
លោកស្រី មូរ
សុខហួរ តំណាងរាស្រ្តប្រចាំខេត្តកំពត និងជាអគ្គលេខាធិការរងនៃគណបក្សសម រង្ស៊ី កំពុងតែដណ្តើមតួនាទីមេបក្សសម
រង្ស៊ី ដែលមានប្រជាប្រិយភាពក្នុងគណបក្សរបស់ខ្លួនខណៈពេលប្រធានបក្សគឺលោកសម
រង្ស៊ី បាន និងកំពុងតែមានទោសហើយនិរទេសនៅក្រៅប្រទេស ប៉ុន្តែទោះជាលោកស្រីមូរ សុខហួរ
ខិតខំយ៉ាងណាក៏មិនទាន់ដល់ពេលដែលលោកស្រីទទួលតំណែងជាមេបក្សនោះឡើយពីព្រោះតាមប្រភពពីគណបក្សសម
រង្ស៊ី បានឲ្យដឹងថា លោកស្រី មូរ សុខហួរ យ៉ាងហោចណាស់ក៏ត្រូវតែឆ្លងកាត់បុគ្គលពីរនាក់ទៀតសិន គឺលោកស្រី ជូឡុង សូម៉ូរា
ដែលជាភរិយាលោក សម រង្ស៊ី និងលោកស្រី កែ សុវណ្ណរតន៍ ជាអគ្គលេខាធិការនៃគណបក្សសម
រង្ស៊ី សព្វថ្ងៃ ទើបដល់វេនលោកស្រីមូរសុខហួរ ហេតុដូច្នេះលោកស្រីប្រហែលជាគ្មានវាសនាធ្វើប្រធានបក្សនោះទេ។
តាមរយៈការចុះផ្សាយក្នុងសារព័ត៌មានThe
Cambodia Dailyកាលពីថ្ងៃទី២៧ខែកុម្ភៈឆ្នាំ២០១២ បានឲ្យដឹងថា«លោកស្រី
មូរ សុខហួរ បានទទួលការអញ្ជើញទៅកាន់សង្កាត់ប៉េស្សុងវីលប្រទេសហៃទីក្នុងឋានៈជាឯកអគ្គរាជទូតសកល»(The
Global Ambassador’s Program)ដែលជាគំនិតផ្តួចផ្តើមរួម មួយ របស់ធនាគារអាមេរិក
និងអង្គការក្រៅរដ្ឋាភិបាលមួយឈ្មោះ Vital Voices ដែលមានមូលដ្ឋាននៅសហរដ្ឋ
អាមេរិកដោយធ្វើការណែនាំ និងបណ្តុះបណ្តាលស្រ្តីថ្នាក់ដឹកនាំនិងសហគ្រិនផ្នែកសង្គមនៅទូទាំងពិភពលោក។
យោងតាមសេចក្តីថ្លែងការណ៍មួយតាមគេហទំព័ររបស់លោកស្រី
មូរ សុខហួរ បានឲ្យដឹងថា ជាទូទៅស្រ្តីមិនត្រូវបានគេឲ្យតម្លៃ
និងសិទ្ធិអំណាចទេ ហើយត្រូវបានសង្គមហៃទីផាត់ចេញមិនឲ្យចូលរួមក្នុងដំណើរការធ្វើសេចក្តីសម្រេចលើផ្នែកសេដ្ឋកិច្ច
និងសង្គមឡើយក្នុងសភាហៃទីមានសមាជិកសភាជាស្រ្តីភេទតែ៣ភាគរយប៉ុណ្ណោះ។ត្រង់ចំណុចនេះសបញ្ជាក់ថាប្រទេសហៃទីមិនឲ្យតម្លៃ
និងសិទ្ធិអំណាចដល់ស្រ្តី ផ្ទុយទៅវិញនៅប្រទេសកម្ពុជាខុសពីប្រទេសហៃទីគឺកម្ពុជាបានលើកតម្កើងដល់ស្រ្តីក្នុងការដឹកនាំបើមិនដូច្នេះនោះទេម៉្លេះលោកស្រី
មូរ សុខហួរ ម្តេច និងមានបទពិសោធន៍ក្នុងការក្លាយជាមេដឹកនាំតស៊ូមតិដ៏ខ្លាំងក្លា
រហូតដល់ហ៊ានប្តឹងនាយករដ្ឋមន្រ្តីនៃព្រះរាជាណាចក្រកម្ពុជាទៀតផងតែលទ្ធផលគឺបានចាញ់ក្តី
នាយករដ្ឋមន្រ្តីតេជោហ៊ុន សែន
ពីបទបរិហាកេរ្តិ៍ យ៉ាងអាម៉ាស់ម្តងរួចទៅហើយ។
មានមតិខ្លះតែងតែនិយាយថាបើចង់ល្បីឈ្មោះទាល់តែហ៊ានតវ៉ាឬប្តឹងជាមួយប្រមុខរាជរដ្ឋាភិបាលជាពិសេសសម្តេចអគ្គសេនាបតីតេជោ
ហ៊ុន សែន ទើបល្បីឈ្មោះម៉្លោះហើយក្រុមបក្សប្រឆាំងភាគច្រើនគេមិនខ្លាចញញើត
និងនិយាយរិះគន់ដល់រាជរដ្ឋាភិបាលអ្វីសោះឡើយ ទោះបីរាជរដ្ឋាភិបាលខិតខំកសាង
និងអភិវឌ្ឍជាតិដូចជាហេចដ្ឋារចនាសម្ព័ន្ធផ្លូវថ្នល់តូច ធំ ប្រឡាយទឹក ស្ពាន សាលារៀន
មន្ទីពេទ្យ ។ល។ និងរក្សាបានស្ថេរភាពនយោបាយបានល្អយ៉ាងណាក៏ដោយក៏ក្រុមអ្នកប្រឆាំងទាំងនោះមិនបានបើកភ្នែកមើលហើយលើកសរសើរឬលើកទឹកចិត្តដល់ប្រមុខរាជរដ្ឋាភិបាលម្តងណាឡើយ។
ខណៈពេលដែលលោក
សម រង្ស៊ី ត្រូវបានសាលាដំបូងខេត្តស្វាយរៀង
និងសាលាដំបូងរាជធានីភ្នំពេញបានផ្តន្ទាទោសជាប់គុកជាង១០ឆ្នាំ
និងពិន័យជាប្រាក់រាប់លានរៀល ក្រោមបទចោទប្រកាន់បំផ្លិចបំផ្លាញទ្រព្យសម្បត្តិសាធារណៈ
និងករណីដកតម្រុយបង្គោលព្រំដែនរវាងកម្ពុជា-វៀតណាម
និងញុះញង់ឲ្យមានការរើសអើងជាតិសាសន៍ និងក្លែងឯកសារផែនទីសាធារណៈ។បើយោងតាមរដ្ឋធម្មនុញ្ញកម្ពុជា១៩៩៣
ប្រជាពលរដ្ឋទាំងពីភេទមានសិទ្ធិស្មើគ្នាចំពោះមុខច្បាប់ដូច្នេះលោក សម រង្ស៊ី
ក៏ជាប្រជាពលរដ្ឋម្នាក់ដែរត្រូវតែមានកាត្វកិច្ចគោរពច្បាប់ដូចប្រជាពលរដ្ឋដ៏ទៃទៀតដែរមិនគួរព្យាយាមនៅពីលើច្បាប់នោះទេ។ ដោយសាមេ
បក្សសម រង្ស៊ី នៅក្រៅប្រទេសបានធ្វើផ្ទៃក្នុងគណបក្សបានប្រកួតប្រជែងដណ្តើមស្នាដៃរៀងៗខ្លួនដូចជាក្រុមលោក
គង់ គាំ លោក សុន ឆ័យ លោក យឹម សុវណ្ណ លោកស្រី កែ សុវណ្ណរតន៍ លោកស្រី
លី ស្រីវីណា លោកស្រីជូឡុង សូម៉ូរា និងលោកស្រីមូរ សុខហួរ។
តាមអ្នកវិភាគឯករាជ្យជាតិ
អន្តរជាតិបានកត់សម្គាល់ឃើញថាគណបក្សសម រង្ស៊ី ប៉ុន្មានឆ្នាំចុងក្រោយ
នេះមានក្រុមជាច្រើនបានដណ្តើមស្នាដៃគ្នាទោះបីជាលោកស្រី មូរ សុខហួរ
បានទទួលស្នាដៃលេចធ្លោក្នុងការងារតស៊ូមតិយ៉ាងណាក៏ដោយក៏លោក ស្រីមូរ សុខហួរ មិនអាចទទួលតំណែងជាប្រធានគណបក្សសម
រង្ស៊ី បានដែរ ត្រូវតែប្រឈម និងលោកស្រី ជូឡុង សូម៉ូរា និងលោកស្រី កែ សុវណ្ណរតន៍
ទើបដល់លេខរៀងលោកស្រី មូរ សុខហួរ ហេតុដូច្នេះលោកស្រីមូរ សុខហួរ
មិនអាចទទួលតំណែងតួនាទីមេបក្សសម រង្ស៊ី បានឡើយ។។
រួម ជាតិ