កំណាត់ផ្លូវជាតិលេខ៥៦
ប្រវែង១១៣ គីឡូម៉ែត្រ ចាប់ពីក្រុងសិរីសោភ័ណ ខេត្តបន្ទាយមានជ័យ
ដល់ក្រុងសំរោង ខេត្តឧត្តរមានជ័យ
ដែលត្រូវបានចាត់ទុកជាច្រករបៀងសេដ្ឋកិច្ច ដ៏មានសក្តានុពលស្ថិត
នៅប៉ែក ពាយ័ព្យ នៃតំបន់ព្រំដែន របស់ប្រទេសកម្ពុជា
បានប្រារព្វពិធីបើកការដ្ឋានស្តារឡើងវិញ នាព្រឹកថ្ងៃទី៧ ខែមិថុនា
ឆ្នាំ២០១២ ក្រោម អធិបតីដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន
នាយករដ្ឋមន្រ្តី នៃព្រះរាជាណាចក្រកម្ពុជា ព្រមទាំងវត្តមាន ឯកឧត្តម
លោកជំទាវ ឥស្សរជនជាន់ខ្ពស់ តំណាងគ្រប់ស្ថាប័ន
របស់ព្រះរាជាណាចក្រកម្ពុជា ឥស្សរជនការទូត តំណាងអង្គការជាតិ អន្តរជាតិ
ពិសេសតំណាងធនាគារអភិវឌ្ឍន៍អាស៊ី និងថ្នាក់ដឹកនាំ និងប្រជាពលរដ្ឋ
នៃខេត្តបន្ទាយមានជ័យ និងខេត្តឧត្តរមានជ័យ ជាច្រើនរូប។
ថ្លែងក្នុងពិធីបើកការដ្ឋានសម្តេចអគ្គមហាសេនាបតីតេជោ ហ៊ុន សែន
បានគូសបញ្ជាក់អំពីសារសំខាន់នៃការបន្តខិតខំប្រឹងប្រែងរបស់
រាជរដ្ឋាភិបាលក្នុងធ្វើសមាហរណកម្មផ្ទៃក្នុងប្រទេសផង
និងតភ្ជាប់ទៅក្នុងតំបន់តាមរយៈកសាងផ្លូវជាតិលេខ៥៦ នេះ ។
សម្តេចតេជោនាយករដ្ឋមន្ត្រី
មានប្រសាសន៍ថា ខ្ញុំនៅតែប្រកាសថា ខ្ញុំអត់ជឿទេបើគ្រាន់តែធ្វើសមា
ហរណកម្មជានយោបាយ និងរដ្ឋបាល
ហើយមិនបានធ្វើសមាហរណកម្មផ្នែករូបវន្ត គឺមិនអាចធានា បានទេ។
ព្រោះរដ្ឋបាលកណ្តាលនឹងបោះបង់ចោលទឹកដីមួយផ្នែក
និងបោះបង់ចោលប្រជាពលរដ្ឋនៅតំ បន់ចុងកាត់មាត់ញក
ដោយហេតុនេះហើយបានជាអាទិភាពរបស់រាជរដ្ឋាភិបាលនៅតែបន្តលើដំណើរ
ផ្លូវ ទឹក ភ្លើង និងមនុស្សជាបន្តទៅទៀតនោះ។សម្តេចតេជោ
ថ្លែងឲ្យដឹងថា បច្ចុប្បន្ននេះយើងកំពុងតែខិតខំធ្វើ ការតភ្ជាប់
ហើយចំណុចតភ្ជាប់នេះគឺជាចំណុចអាទិភាព
នៃនយោបាយរបស់រាជរដ្ឋាភិបាលរបស់យើង
ក៏ដូចជាអាទិភាពនៅក្នុងក្របខណ្ឌអាទិភាពនៃក្របខណ្ឌមហាអនុតំបន់មេគង្គ
ដែលធនាគារអភិវឌ្ឍអា ស៊ីមានការគាំទ្របន្ថែមពីលើនោះ
ហើយក៏ជាអាទិភាពរបស់សមាហរណកម្មរបស់អាស៊ាននៅ ឆ្នាំ ២០១៥ ផងដែរ។
សម្តេចនាយករដ្ឋមន្ត្រី
មានប្រសាសន៍ឲ្យដឹងថា ឥឡូវនេះយើងកំពុងតែភ្ជាប់ទិសពាយ័ព្យ ឧត្តរ
និង ទិសឥសាន្តហើយ
យើងនៅមានភាគនិរតីដែលបានតភ្ជាប់រវាងខេត្តកោះកុង ខេត្តព្រះសីហនុ
កំពត កែប ព្រែកចាកចូលទៅដល់វៀតណាម
ដែលការតភ្ជាប់របស់យើងមានមួយជុំវិញប្រទេស។
ដោយបានបញ្ជាក់ឲ្យដឹងថា ទោះបីជានៅក្នុងឆ្នាំ ២០១៤ ឬ២០១៥ ប្រាក់
ចំណូលសរុបប្រចាំឆ្នាំរបស់ប្រជា
ពលរដ្ឋកម្ពុជាម្នាក់ៗនឹងទទួលបានរហូតដល់ ១២០០
ដុល្លារសហរដ្ឋអាមេរិកក្នុងមួយឆ្នាំក៏ដោយ សម្តេចតេជោ
បានជំរាបជូនតំណាងធនាគារអភិវឌ្ឃអាស៊ី ដែលបានចូលរួមក្នុង
ពិធីបើកការដ្ឋានសាងសង់ផ្លូវនោះថា
កម្ពុជានៅតែត្រូវការឥណទានពីស្ថាប័នហិរញ្ញវត្ថុអន្តរជាតិមួយនេះ
ដែលជាពិសេសគឺឥណទានសម្ប ទានដែលមានការប្រាក់តិច
និងមានរយៈពេលសងយូរ។សម្តេចតេជោនាយករដ្ឋមន្ត្រីក៏បាន
ស្នើឲ្យ
ធនាគារអភិវឌ្ឍអាស៊ីផ្តល់ជំនួយបន្ថែមលើការសាងសង់ផ្លូវលំជនបទចាក់
កៅស៊ូប្រវែង ១០០០ គីឡូ ម៉ែត្រទៀតឲ្យបានមុនគម្រោងផ្លូវជាង ៥០០
គីឡូម៉ែត្រដែលកំពុងតែអនុវត្តត្រូវថបានបញ្ចប់នោះ។
ឯកឧត្តម ត្រាំ អ៊ីវតឹក
រដ្ឋមន្រ្តី ក្រសួងសាធារណការ និងដឹកជញ្ជូន មានប្រសាសន៍ឲ្យដឹងថា
កំណាត់ផ្លូវជាតិលេខ៥៦ ប្រវែង១១៣ គីឡូម៉ែត្រ ពីក្រុងសិរីសោភ័ណ
ខេត្តបន្ទាយមានជ័យ ដល់ក្រុងសំរោង ខេត្តឧត្តរមានជ័យ
ដែលប្រារព្វពិធីបើកការដ្ឋាន សាងសង់ឡើងវិញនេះ មានទទឹងសរុប១១
ម៉ែត្រក្នុងនោះផ្ទៃ នៃទ្រូងផ្លូវ ជាប្រភេទកំរាលថ្ម
ស្រោចកៅស៊ូស្តើងពីរស្រទាប់ DBST មានទទឹង ១០ម៉ែត្រ មានពីរគន្លង
សំរាប់រថយន្ត និងពីរគន្លង សំរាប់ទោចក្រយានយន្ត
និងចិញ្ចើមក្រាលក្រួសក្រហម សាងសង់ពង្រីកស្ពាន ២កន្លែងប្រវែង
៦៦ម៉ែត្រ លូគ្រប់ប្រភេទចំនួន ១៦៨ កន្លែងប្រវែងជាង ២ពាន់ ៤១៧ ម៉ែត្រ
រួមទាំងការសាងសង់អគារប៉ុស្តិ៍ព្រំដែន និងបំពាក់ឧបករណ៍សម្ភារៈ
គ្រឿងបរិក្ខារទំនើមៗ សំរាប់ការត្រួតពិនិត្យការឆ្លងកាត់ព្រំដែន
នៅច្រកទ្វារព្រំដែនអូរស្មាច់ ខេត្តឧត្តរមានជ័យ។ ឯកឧត្តម រដ្ឋមន្រ្តី
មានប្រសាសន៍ ឲ្យដឹងដែរថា គំរោងនេះ នឹងចំណាយអស់ថវិកាសរុបប្រមាណ ៤៥
លានដុល្លាអាមេរិក ក្នុងនោះ ១៦លានដុល្លា ជាថវិកា កម្ចីឥណទាន
របស់ធនាគារអភិវឌ្ឍអាស៊ី និង២៩ លានដុល្លាអាមេរិកទៀត ជាកម្ចីឥណទាន
ពីសាធារណរដ្ឋកូរ៉េ។ ការសាងសង់ នៅពេលនេះត្រូវបានអនុវត្តដោយឡែកពីគ្នា
ក្នុងនោះកំណាត់ផ្លូវ ពីសិរីសោភ័ណ ដល់ស្វាយចេក ប្រវែង ២៩គីឡូ ម៉ែត្រ
ជាហិរញ្ញប្បទានរបស់ ADBអនុវត្តដោយក្រុមហ៊ុន តាន់គឹមអេង
សហការជាមួយក្រុមហ៊ុន BCDC របស់ថៃ សាងសង់ រយៈពេល ២២ខែ គ្រោងនឹងបញ្ចប់
នៅពាក់កណ្តាលឆ្នាំ២០១៣។ រីឯពីស្វាយចេក ដល់ក្រុងសំរោង ប្រវែង ៨៤
គីឡូម៉ែត្រ ជា ហិរញ្ញប្បទាន របស់ប្រទេសកូរ៉េ អនុវត្ដ ដោយក្រុមហ៊ុន
គុមហូ សហការជាមួយក្រុមហ៊ុន ហ្វាងបូ របស់ប្រទេសកូរ៉េ សាងសង់រយៈពេល
២៨ខែគ្រោង និងបញ្ចប់នៅពាក់កណ្តាលឆ្នាំ២០១៤។
ឯកឧត្តម ត្រាំ អ៊ីវតឹក
បញ្ជាក់ថា ផ្លូវជាតិលេខ ៥៦ នេះ គម្រោងទាំងមូលមានឈ្មោះថា
គម្រោងស្ថាបនាផ្លូវថ្នល់ទិសពាយ័ព្យប្រទេសកម្ពុជា ដែលជាផ្លូវ
យុទ្ធសាស្ត្រយ៉ាងសំខាន់
តភ្ជាប់ខេត្តបន្ទាយមានជ័យទៅនឹងខេត្តឧត្តរមានជ័យ
ព្រមទាំងជាផ្លូវផ្គត់ផ្គង់ សមរភូមិ ដើម្បីយកប្រៀប និងឈរយ៉ាងរឹងមាំ
ការការពារខ្សែក្រវ៉ាត់ព្រំដែននៃមាតុភូមិទៀតផង។ឯក
ឧត្តមរដ្ឋមន្ត្រីថ្លែងថា បន្ទាប់ពីសាងសង់រួចផ្លូវជាតិលេខ ៥៦
នេះនឹងបង្កលក្ខណៈងាយស្រួលបន្ថែម ទៀតក្នុងការធ្វើទំនាក់ទំនង
និងការធ្វើដំណើររវាងខេត្តបន្ទាយមានជ័យ ឧត្តរមានជ័យ តំបន់ភូមិភាគ
ខាងជើងទាំងមូល និងតភ្ជាប់ទៅតំបន់ប្រាសាទព្រះវិហារ
ដែលជាតំបន់ទេសចរណ៍ចប្បធម៌ប្រវត្តិ សាស្ត្រដ៏រុងរឿងរបស់កម្ពុជា
ជាបេតិកភ័ណ្ឌពិភពលោក និងជាទ្រព្យសម្បត្តិដ៏មានតម្លៃរបស់មនុស្ស
ជាតិទាំងមូលនោះ៕