សេចក្តីប្រកាសពត៌មាន
ស្តីពី
កិច្ចប្រជុំលើកទី ២ នៃក្រុមការងាររួមកម្ពុជា-ថៃ
ដើម្បីអនុវត្តដីកាបង្គាប់របស់តុលាការយុត្តិធម៌អន្តរជាតិ
ចុះថ្ងៃទី ១៨ ខែកក្កដាឆ្នាំ ២០១១
រាជធានីភ្នំពេញថ្ងៃទី ២៦-២៨ ខែមិថុនាឆ្នាំ ២០១២
ក្រុមការងាររួមកម្ពុជា-ថៃ (JWG) មានកិត្តិយសសូមជម្រាបជនរួមជាតិឲ្យបានជ្រាបថា ថ្ងៃទី
២៦-២៨ខែមិថុនាឆ្នាំ ២០១២
នារាជធានីភ្នំពេញមានរៀបចំកិច្ចប្រជុំលើកទី ២ ក្រុមការងាររួមកម្ពុជា-ថៃដើម្បីអនុវត្តដីកាបង្គាប់របស់តុលាការយុត្តិធម៌អន្តរជាតិចុះថ្ងៃទី ១៨ ខែកក្កដាឆ្នាំ២០១១ក្រោមអធិបតីភាពសហប្រធានឯកឧត្តមនាយឧត្តមសេនីយ៍ នាងផាតរដ្ឋលេខាធិការក្រសួងការពារជាតិនិងឯកឧត្តមនាយឧត្តមសេនីយ៍ WorapongSanganetraនាយសេនាធិការចំរុះនៃកងទ័ពភូមិន្ទថៃ។
កិច្ចប្រជុំនឹងប្រព្រឹត្តទៅនៅវិមានសន្តិភាព ទីស្តីការនាយករដ្ឋមន្ត្រីដើម្បីពិភាក្សាលើការងារសំខាន់ៗដូចខាងក្រោម៖
១- ផែនការសកម្មភាពដើម្បីអនុវត្តពេញលេញដីការបង្គាប់តុលាការយុត្តិធម៌អន្តរជាតិលេខ ១៥១ ចុះថ្ងៃទី
១៨ ខែកក្កដាឆ្នាំ២០១១។
២- រក្សាបរិយាកាសនិងស្ថានភាពស្ងប់ស្ងាត់នៅក្នុងតំបន់គ្មានកងទ័ពបណ្តោះអាសន្ន (PDZ) កំណត់ដោយតុលារយុត្តិធម៌អន្តរជាតិICJឲ្យដូចសភាពការណ៍មុនថ្ងៃទី ១៥ ខែកក្កដាឆ្នាំ ២០០៨ ។
៣- ភាគីទាំងពីរនឹងបន្តពិភាក្សាទៅលើលទ្ធផលដែលសម្រេចក្នុងកិច្ចប្រជុំក្រុមការងាររួមលើកទី ១ នៅទីក្រុងបាងកកពីថ្ងៃទី ៣-៥មេសាឆ្នាំ
២០១២ ដើម្បីលើកផែនការកែសម្រួលកងទ័ព និងតួនាទីនៃក្រុមសង្កេតការណ៍រួមយោងតាមគោលការណ៍ដែលមានចែងនៅក្នុងលក្ខខ័ណ្ឌគោលការណ៍ប្រតិបត្តិ (TOR)
ដែលនឹងត្រូវសម្រេចដោយរាជរដ្ឋាភិបាលនៃប្រទេសទាំងពីរ។
នៅមុនកិច្ចប្រជុំនេះគណៈប្រតិភូក្រុមការងាររួមថៃនឹងចូលជួបសម្តែងការគួរសមជាមួយឯកឧត្តមទៀបាញ់ឧបនាយករដ្ឋមន្ត្រីរដ្ឋមន្ត្រីក្រសួងការពារជាតិ។
អាស្រ័យដូចបានជម្រាបជូនខាងលើសូមជនរួមជាតិមេត្តាជ្រាបជាពត៌មាន។