ក្នុងឱកាសអញ្ជើញចូលរួមជាអធិបតី ក្នុងពិធីបើកការដ្ឋានសាងសង់ស្ពានអាកាសស្ទឹងមានជ័យ
នាព្រឹកថ្ងៃទី២៦ ខែវិច្ឆិកា ឆ្នាំ២០១២ ជាមួយនឹងការពន្យល់អំពីមូលហេតុនៃការផ្អាកពិធីបុណ្យអុំទូក
សម្តេចអគ្គមហាសេនាបតីតេជោ ហ៊ុន សែន ហ៊ុន សែន នាយករដ្ឋមន្ត្រីព្រះរាជាណាចក្រកម្ពុជាបានប្រកាសថា
ព្រះបរមសព របស់ព្រះករុណា សម្តេចព្រះមហាវីរក្សត្រ សម្តេចព្រះនរោត្តម សីហនុ
នឹងត្រូវថ្វាយព្រះភ្លើងបូជា នៅវាលព្រះមេរុ នៅថ្ងៃទី៤ ខែកុម្ភៈ
ឆ្នាំ២០១៣។
សម្តេចតេជោនាយករដ្ឋមន្ត្រីបានមានប្រសាសន៍ថា នៅពេលដែលព្រះបរមសព កំពុងតែតម្កល់ដើម្បីស្ថិតនៅក្នុងដំណាក់កាលនៃការកាន់ទុក្ខ វាមិនជាការគួរសមទេ ដែលយើងនាំគ្នា មនុស្សរាប់លាននាក់ មកហ៊ោកញ្ជ្រៀវ នៅឯទីក្រុងភ្នំពេញ មុខព្រះបរមរាជវាំង មុខកន្លែងតម្កល់ព្រះបរមសពនោះ។ អីចឹងទេ បានជារាជរដ្ឋាភិបាល សុំឲ្យមានការផ្អាកការចាត់តាំងពិធីបុណ្យអុំទូក នៅរាជធានីភ្នំពេញនេះ។ ប៉ុន្តែប្រជាពលរដ្ឋអាចនឹងអុំទូកនៅកន្លែងនេះ ឬនៅកន្លែងនោះ ហើយធ្វើនៅតាមទីអារាម នៃពិធីបុណ្យអកអំបុក សំពះព្រះខែ ជាដើម។ អានឹងធ្វើតាមផ្ទះ តាមស្អី ជាការធម្មតា ហើយនៅថ្ងៃសំរាកនេះ ប្រជាពលរដ្ឋមួយចំនួនអាចនឹងទៅសំរាក ទៅលេងនៅតំបន់នេះ តំបន់នោះ។
សម្តេចតេជោនាយករដ្ឋមន្ត្រីបានមានប្រសាសន៍ថា នៅពេលដែលព្រះបរមសព កំពុងតែតម្កល់ដើម្បីស្ថិតនៅក្នុងដំណាក់កាលនៃការកាន់ទុក្ខ វាមិនជាការគួរសមទេ ដែលយើងនាំគ្នា មនុស្សរាប់លាននាក់ មកហ៊ោកញ្ជ្រៀវ នៅឯទីក្រុងភ្នំពេញ មុខព្រះបរមរាជវាំង មុខកន្លែងតម្កល់ព្រះបរមសពនោះ។ អីចឹងទេ បានជារាជរដ្ឋាភិបាល សុំឲ្យមានការផ្អាកការចាត់តាំងពិធីបុណ្យអុំទូក នៅរាជធានីភ្នំពេញនេះ។ ប៉ុន្តែប្រជាពលរដ្ឋអាចនឹងអុំទូកនៅកន្លែងនេះ ឬនៅកន្លែងនោះ ហើយធ្វើនៅតាមទីអារាម នៃពិធីបុណ្យអកអំបុក សំពះព្រះខែ ជាដើម។ អានឹងធ្វើតាមផ្ទះ តាមស្អី ជាការធម្មតា ហើយនៅថ្ងៃសំរាកនេះ ប្រជាពលរដ្ឋមួយចំនួនអាចនឹងទៅសំរាក ទៅលេងនៅតំបន់នេះ តំបន់នោះ។
ជាមួយនឹងការប្រកាសដូច្នេះ សម្តេចតេជោក៏បានគូសបញ្ជាក់ថា
ការសំរេចផ្អាកពិធីបុណ្យអុំទូកនេះជាការបង្ហាញសម្តែងនូវការគោរពចំពោះព្រះវិញ្ញាណក្ខន្ធ
ចំពោះព្រះមហាវីរក្សត្ររបស់យើង ដែលព្រះអង្គសោយទិវង្គតទៅ។
សម្តេចតេជោនាយករដ្ឋមន្ត្រីក៏បានបន្ថែមថា នៅថ្ងៃទី២៨ ឆ្នាំ២០១២
នឹងមានពិធីដើម្បីថ្វាយព្រះគោរមងារ ព្រះបរមបច្ឆាមរណនាមជាផ្លូវការ
គឺព្រះបរមរតនកោដិ ដោយល្ងាចស្អែកជាថ្ងៃទី១៤កើត ខែកក្តិក (ត្រូវនឹងថ្ងៃទី២៧វិច្ឆិកា)
នឹងមានពិធីសាសនា នៅពេលល្ងាច។ ឯព្រឹកឡើងថ្ងៃទី១៥កើត ខែកក្តិក
ត្រូវនឹងថ្ងៃទី២៨វិច្ឆិកា ព្រះមហាក្សត្រ ក៏ដូចជាព្រះមាតាជាតិ ព្រមទាំងមន្ត្រីដែលជាសម្តេចសង្ឃ
បូកជាមួយថ្នាក់ដឹកនាំ នឹងថ្វាយព្រះគោរមងារជាផ្លូវការ នៅក្នុងព្រះបរមរាជវាំង។
សម្តេចតេជោក៏បានបន្ថែមថា រឿងនេះដល់ពេលនោះ (ដង្ហែព្រះបរមសព សម្តេចព្រះមហាវីរក្សត្រ)
ក៏សូមការយោគយល់ដែរ។ ព្រះបរមសព ពិតមែនតែថ្វាយព្រះភ្លើងនៅថ្ងៃទី៤
ខែកុម្ភៈ ឆ្នាំ២០១៣ ក៏ប៉ុន្តែព្រះបរមសព នឹងត្រូវចាកចេញពីព្រះរាជវាំង
នៅថ្ងៃទី១ ខែកុម្ភៈ ហើយដង្ហែ ពេលនោះ នឹងមានការបិទផ្លូវមួយចំនួនថែមទៀត ដើម្បីរៀបចំឲ្យមានការដង្ហែ
ហើយមានការផ្សាយបន្តផ្ទាល់ សម្រាប់ប្រជាពលរដ្ឋរបស់យើង។
រាជរដ្ឋាភិបាលកំពុងពិនិត្យ ពិភាក្សាថាតើនឹងត្រូវរៀបចំពិធីកាន់ទុក្ខសាជាថ្មីម្តងទៀតរយៈពេលប៉ុន្មានថ្ងៃ
ព្រោះព្រះបរមសព ដង្ហែចេញនៅថ្ងៃទី១ ខែកុម្ភៈ ហើយយកទៅតម្កល់នៅព្រះវាលព្រះមេរុ
រយៈពេល៣ថ្ងៃ ពីថ្ងៃទី១ ដល់ថ្ងៃទី៤ ទើបថ្វាយព្រះភ្លើង។ អីចឹងពិធីនោះ
គឺជាពិធីដ៏ធំ។ អីចឹងទេ យើងក៏ត្រូវរៀបចំកិច្ចការទាំងអស់នេះ ជំនួសឲ្យការសប្បាយរីករាយនៅទីក្រុងភ្នំពេញ
នៅក្នុងពិធីបុណ្យអុំទូក។
សម្តេចតេជោនាយករដ្ឋមន្ត្រីបានគូសបញ្ជាក់ថា នៅថ្ងៃពិធីបុណ្យអុំទូក
ថ្ងៃសំពះព្រះខែ គឺជាថ្ងៃដែលព្រះមហាក្សត្រប្រទាននូវព្រះបរមបច្ឆាមរណនាម
ថ្វាយព្រះសព ដែលមានព្រះនាមថាព្រះបរមរតនកោដិ។ អីចឹងទេ សូមប្រជាពលរដ្ឋមេត្តាយោគយល់អំពីការអាកខាន
ក្នុងការសប្បាយរីករាយ។ យើងនៅមានពេលវេលាច្រើនទៀត តែអតីតព្រះមហាក្សត្រសម្តេចឪរបស់យើងមានតែមួយអង្គ
ឯយើងនៅសល់ច្រើនឆ្នាំទៀត ដើម្បីនឹងធ្វើបុណ្យអុំទូកនោះ ហើយអុំទូក អុំពេលណាក៏បានដែរ"។
សូមបញ្ជាក់ថា
ក្នុងពិធីបើកការដ្ឋានសាងសង់ស្ពានអាកាសស្ទឹងមានជ័យមានជ័យនេះដែរ សម្តេចតេជោនាយករដ្ឋមន្ត្រីក៏បានប្រកាសជាថ្មីឲ្យដឹង
ពីការស្វាគមន៍ចំពោះការចូលរួមរបស់បក្សនយោបាយ និងអង្គការសង្គមស៊ីវិល
ប្រសិនបើពួកគេមានឆន្ទៈក្នុងការស្វែងរកដំណោះស្រាយដើម្បីបញ្ចប់ជម្លោះដីធ្លីពិតប្រាកដ។
គួររំលឹកថា
កាលពីព្រឹកថ្ងៃសុក្រទី២៣ ខែវិច្ឆិកា ឆ្នាំ២០១២ ក្នុងពិធីចែកប័ណ្ណកម្មសិទ្ធិដីធ្លីជូនដល់ប្រជាពលរដ្ឋ
នៅខេត្តព្រះវិហារថា សម្តេចតេជោនាយករដ្ឋមន្ត្រីបានប្រកាសថា សម្តេចនឹងមិនជួយដោះស្រាយបញ្ហាដីធ្លីណាដែលមានការចូលឡូកឡំពីគណបក្សនយោបាយ
និងអង្គការក្រៅរដ្ឋាភិបាល ដែលជួយដល់ប្រជាពលរដ្ឋ ក្នុងជម្លោះដីធ្លីនោះឡើយ។
ទាក់ទងបញ្ហានេះសម្តេចតេជោបានគូសបញ្ជាក់ជាថ្មីថា
យើងសំដៅកុំឲ្យនយោបាយចូលឡូកឡំ ដែលបានសេចក្តីថា
វាចូលឡូកឡំជាទិដ្ឋភាពនយោបាយមកតែម្តង ដែលករណីនេះទោះដោះរហូតស្លាប់ទាំងខ្លួនក៏មិនរួចដែរ
ដូច្នេះហើយបានជាខ្ញុំហាមតាំងពីក្នុងគណបក្សប្រជាជនកម្ពុជាក៏ហាម ដែរ។កុំយកបញ្ហា
ជម្លោះណាមួយបង្កើតជារឿងនយោបាយនៅក្នុងហ្នឹង។ ប៉ុន្តែបើដោះស្រាយក្នុងទិដ្ឋភាពចង់ឲ្យមានដំណោះស្រាយពិតប្រាកដ
នៅតែមានការចូលរួមបានពីអ្នកតំណាងរាស្ត្រ ឬពីអង្គការក្រៅរដ្ឋាភិបាលនានា
ដែលមានបំណងពិតប្រាកដ ហើយជួយរកដំណោះស្រាយពិតប្រាកដ។
សម្តេចតេជោថ្លែងថា ខ្ញុំសូមបញ្ជាក់ប្រហែលជាមកពីខ្ញុំនិយាយមិនអស់។
ខ្ញុំចង់ដៅទៅលើ ការឡូកឡំនៃបក្សនយោបាយ ឬអង្គការក្រៅរដ្ឋាភិបាល ដែលមានទិដ្ឋភាពនយោបាយឡូកឡំ។
សម្តេចតេជោបានបញ្ជាក់ថា ខ្ញុំនឹងមិនដោះស្រាយទេក្នុងករណីដែលនយោបាយចូលឡូកឡំ
បានសេចក្តីថា ដោះមិនចេញព្រោះគេមានចេតនានឹងរាំងស្កាត់ដំណោះស្រាយ ចង់ឲ្យប៉ុន្មានក៏មិនទៅហើយពង្រីករឿងពីតូចឲ្យទៅជាធំ
កាឡៃរឿងពីមួយទៅមួយ។
ក៏ប៉ុន្តែសម្តេចតេជោនាយករដ្ឋមន្ត្រី
ក៏បានថ្លែងព្រមានថា បើសិនជាបក្សនយោបាយ និងអង្គការក្រៅរដ្ឋាភិបាលទាំងនោះ
មានបំណងរាំងខ្ទប់ និងពង្រីកបញ្ហាដីធ្លី ក្នុងទិដ្ឋភាពនយោបាយ គឺសម្តេចមិនអនុញ្ញាតឲ្យកើតមាន
ហើយសម្តេចក៏មិនជួយអន្តរាគមន៍ដោះស្រាយដីធ្លីនោះឡើយ។ “ខ្ញុំសូមបញ្ជាក់ឡើងវិញថា
យើងស្វាគមន៍ជាមួយនឹងអ្វីដែលមិនជាប់ពាក់ព័ន្ធជាមួយនឹងនយោបាយ ប៉ុន្តែខ្ញុំក៏សូមផ្តាំដែរថា
សូមកុំទម្លាយទ្វារនៅពេលដែលទ្វារបើកស្រាប់ បានសេចក្តីថា
រឿងនោះត្រូវបានដោះស្រាយហើយ ប៉ុន្តែបែរជាទៅអួតក្អេងក្អាងថា បើកុំតែខ្លួនស្នើកុំអីអត់ដោះបានទេ”។
សម្តេចតេជោនាយករដ្ឋមន្ត្រីក៏បានបញ្ជាក់ដែរថា
ប៉ុន្តែក្នុងករណីដែលរឿងជាក់ស្តែងកើតឡើងក៏មានអង្គការក្រៅរដ្ឋាភិបាលខ្លះគេមានចេតនាល្អដែរ
គេចង់រកដំណោះស្រាយជូនប្រជាពលរដ្ឋដែរ គេចង់ការពារប្រជាពលរដ្ឋដែរដោយអំពើល្អ
ដើម្បីគេចវេះពីការទន្ទ្រានរំលោភសិទ្ធិដីធ្លីពីសំណាក់អាជ្ញាធរឬពីសំណាក់បុគ្គលណានោះ
អញ្ចឹងនៅពេលដែលគេមិនអាចរកអន្តរាគមន៍ពីអាជ្ញាធរបាន គេទៅរកអន្តរាគមន៍ពីអង្គការក្រៅរដ្ឋាភិបាល
វាជារឿងឡូហ្សីកចៀសមិនផុត។
បន្ទាប់ពីបញ្ចប់កម្មវិធីបើកការដ្ឋានសាងសង់ស្ពានអាកាសស្ទឹងមានជ័យរួចភ្លាម
នៅព្រឹកថ្ងៃទី២៦ ខែវិច្ឆិកា ឆ្នាំ២០១២ សម្តេចតេជោនាយករដ្ឋមន្ត្រី អមដំណើរដោយមន្ត្រីជាន់ខ្ពស់រាជរដ្ឋាភិបាល
ពិសេសសម្តេចចៅហ្វាវាំង គង់ សំអុល បានចុះទៅពិនិត្យការស្ថាបនាសាងសង់ព្រះមេរុ
ដើម្បីរៀចំព្រះរាជពិធីថ្វាយព្រះភ្លើងថ្វាយសម្តេចព្រះមហាវីរក្សត្រ សម្តេចព្រះ
នរោត្តម សីហនុ នៅវាលព្រះមេរុ ខាងជើង ជាប់ព្រះបរមរាជវាំង៕