កិច្ចប្រជុំពេញអង្គ លើកទី១២
នៃវេទិកាទេសចរណ៍ អន្តរតំបន់អាស៊ីបូព៌ា (12th East Asia
Inter-Regional Tourism Forum, EATOF) បានបើកកិច្ច ប្រជុំ នៅថ្ងៃទី២៩
ខែវិច្ឆិកា ឆ្នាំ២០១២ក្រោមអធិបតីភាពឯកឧត្តម បណ្ឌិតសភាចារ្យ សុខ
អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តី
ការគណៈរដ្ឋមន្ត្រី និងជាតំណាងដ៏ខ្ពង់ខ្ពស់របស់
សម្តេចអគ្គមហាសេនាបតីតេជោ ហ៊ុន
សែន នាយករដ្ឋមន្ត្រីនៃព្រះរាជាណាចក្រកម្ពុជា។
កិច្ចប្រជុំដែលមានរយ:ពេល៤ថ្ងៃ (ចាប់ពីថ្ងៃទី២៨ វិច្ឆិកា ដល់
ថ្ងៃទី១ ខែធ្នូ ឆ្នាំ២០១២)បានប្រព្រឹត្តិទៅ នៅសណ្ឋាគារ
អង្គរអេរ៉ាក្នុងក្រុងសៀមរាប-អង្គរ ដែលត្រូវបានចាត់ទុកជារមណីដ្ឋាន
បេតិកភណ្ឌពិភពលោក និង ជាទីក្រុង វប្បធម៌នៃអាស៊ីបូព៌ាឆ្នាំ២០១២បាន
ផ្ដោត លើប្រធានបទស្តីពី ការសិក្សាស្រាវជ្រាវ ទេសចរណ៍ ពាណិជ្ជកម្ម
និងវិនិយោគ ATTI (Academic, Tourism, Trade & Investment) Forum។
ឯកឧត្តមបណ្ឌិត សុខ អាន បានចាត់ទុកប្រធានបទនៃវេទិការស្តីពី “អាស៊ីបូព៌ាធ្វើបសិដ្ឋកម្មទេសចរណ៍បៃតងប្រកបដោយចិរភាព”ថា
មានសារៈសំខាន់ និងទាន់ពេលវេលា ដោយឆ្លុះបញ្ចាំងពីបញ្ហានា
ពេលបច្ចុប្បន្ន នៃអត្ថប្រយោជន៍ក្នុង តំបន់ក៏ដូចជាសកលលោក
ជាពិសេសការធ្វើឲ្យប៉ះពាល់ អវិជ្ជមាននៃវិស័យទេសចរណ៍
មានកម្រិតអប្បបរិមាដល់វប្បធម៌ សង្គម និងបរិស្ថាន។
ឯកឧត្តមបណ្ឌិត សុខ អាន បានមានប្រសាសន៍ថា ការយល់ដឹងអំពី
ផលប៉ះពាល់ទាំងនោះកំពុងត្រូវបានពង្រីកសម្រាប់ការអភិវឌ្ឍន៍ប្រក
បដោយចិរភាព។ ទេសចរណ៍បៃតង ក៏ជំរុញ ទ្រទ្រង់ដល់កិច្ចអភិរក្សវប្បធម៌
និងសុចរិតភាពរបស់ប្រជាពលរដ្ឋនៅមូលដ្ឋាននិងរួមចំណែក
ដល់កិច្ចការពារ និងអភិរក្សបេតិកភ័ណ្ឌ។ ឯកឧត្តមបណ្ឌិត សុខ
អាន បានមានប្រសាសន៍បញ្ជាក់ថាការវាយតម្លៃនៃកត្តាបរិស្ថាន
និងវប្បធម៌ជាផ្នែក សមាហរណកម្មនៃទេសចរណ៍បៃតង គឺជាការផ្សព្វផ្សា
យការប្រើប្រាស់ឡើងវិញអត្ថប្រយោជន៍នៃថាមពល
ការអភិរក្សទឹក និងការបង្កើតកាលានុវត្តភាពសេដ្ឋកិច្ច
សម្រាប់សហគមន៍មូលដ្ឋាន។ការអភិរក្ស និងការដាំដើមឈើ ពិសេសទស្សនទាន "ទេសចរម្នាក់ ដើមឈើមួយដើម” ឬ “ការដាំដើមឈើផ្តើមចេញពីអ្នក”នឹងរួមចំណែកយ៉ាងសំខាន់ ដល់ការផ្សព្វផ្សាយ និងទ្រទ្រង់ដល់ទេសចរណ៍បៃតង។
ក្នុងការងារថែរក្សាបរិស្ថានទេសចរឯកឧត្តមបណ្ឌិតសុខអានមានប្រសា
សន៍ឱ្យ
ថា យើងក៏ជំរុញយុទ្ធនាការកាត់បន្ថយការប្រើប្រាស់ថង់ប្លាស្ទីកតាម
រូបមន្ត 3Rs (Reduce, Reuse, Recycle)
“កាត់បន្ថយការប្រើប្រាស់ ប្រើប្រាស់ឲ្យបានច្រើនដង
និងកែច្នៃប្រើប្រាស់ឡើងវិញ” និងប្តេជ្ញាលប់បំបាត់ថង់ប្លាស្ទីកហើរតាម
ខ្យល់ឲ្យបានមុនឆ្នាំ២០១៥ ដែលនេះគឺជាអនុសាសន៍ដ៏ខ្ពង់ខ្ពស់របស់ស
ម្តេចតេជោនាយករដ្ឋមន្ត្រីយើងខ្ញុំ។
យោងតាមសន្ទរកថារបស់ឯកឧត្តម បណ្ឌិត សុខ អានបានឱ្យដឹងថា
ព្រះរាជាណាចក្រកម្ពុជាមានរមណីយដ្ឋានទេសចរណ៍ជាច្រើនដែលសក្តិសម
សម្រាប់ទេសចរណ៍វប្បធម៌។ កម្ពុជាប្រកបដោយទាយជ្ជទានដ៏សម្បូរបែប
មានការទាក់ទាញខាងធម្មជាតិ និងបរិស្ថានធម្មជាតិដ៏ស្រស់ត្រកាល
រួមមាន ព្រៃ ស្ទឹង ទន្លេ បឹងបួរ ឆ្នេរសមុទ្រខ្នាតអន្តរជាតិ កោះ
និងសត្វព្រៃ
ជាពិសេសសត្វផ្សោតមេគង្គដ៏កម្រ។ បុព្វបុរសខ្មែរបានបន្សល់ទុកឲ្យយើង
នូវបេតិកភ័ណ្ឌរូបីយ និងអរូបីយជាអាទិ៍ប្រាង្គប្រាសាទ សិល្បៈ
និងរបាំបុរាណ។ការទាក់ទាញខាងវប្បធម៌
និងធម្មជាតិមានសណ្ឋាគារខ្នាតអន្តរជាតិធំៗជាច្រើនចាប់ពីផ្កាយ៣
រហូតដល់ផ្កាយ៥ (រួមមានប្រមាណ ៤៥០សណ្ឋាគារនៅទូទាំងប្រទេស និងនៅដោយឡែកនៅខេត្តសៀមរាបមានជាង ១០០សណ្ឋាគារ) រមណីយដ្ឋាន
ព្រមទាំងនយោបាយបើកចំហរជើងមេឃ
ដែលជានយោបាយផ្តួចផ្តើមដោយសម្តេចតេជោនាយករដ្ឋមន្ត្រីបានធ្វើឱ្យ
ភ្ញៀវទេសចរអន្តរជាតិចូលមកទស្សនាកម្ពុជាបានកើនឡើងរហូតដល់២,៨៨លាន
នាក់ក្នុង ឆ្នាំ២០១១ ដែលឆ្នាំ១៩៩៣
យើងទទួលបានភ្ញៀវទេសចរអន្តរជាតិចំនួន ១១៨ ០០០ នាក់តែប៉ុណ្ណោះ។ ក្នងរយៈពេល១០ខែ ឆ្នាំ២០១២នេះ កម្ពុជា
ទទួលបានភ្ញៀវទេសចរអន្តរជាតិចំនួន ២,៨លាននាក់ក្នុងកំណើន ២៣,៧%
ក្នុងនោះខេត្តសៀមរាបទទួលបានទេសចរអន្តរជាតិចំនួន ១,៦ លាននាក់
ក្នុងកំណើន ៥៧,៤% ធៀបរយៈពេលដូចគ្នាក្នុងឆ្នាំ២០១១។
ទាក់ទងនិងកំណើនភ្ញៀវទេសចរនេះឯកឧត្តមបណ្ឌិត សុខ
អាន បានមានប្រសាសន៍បញ្ជាក់ថា យើងរំពឹងទុកថានៅក្នុងឆ្នាំ២០១២នេះ
យើងទទួលបានទេសចរចំនួន ៣,៣លាននាក់ ក្នុងនោះសៀមរាបនឹងបានចំនួនប្រមាណ
២លាននាក់។ នៅថ្ងៃទី០៣ ខែធ្នូ ឆ្នាំ២០១២នេះ
យើងនឹងប្រារព្ធពិធីអបអរសាទរការមកដល់នៃភ្ញៀវលើកទី២លាននាក់
មកកាន់ខេត្តសៀមរាបតាមផ្លូវអាកាស។ ជាមួយនិងបេតិភ័ណ្ឌវប្បធម៌
ធម្មជាតិសម្បូរណ៍បែប អរិយធម៌ដ៏រុងរឿង ស្ថិរភាពនយោបាយ សុខសន្តិភាព
សុវត្ថិភាពទូទាំងប្រទេស ឯកឧត្តម បណ្ឌិត សុខ
អានមានប្រសាសន៍បញ្ជាក់ថា
យើងរំពឹងថានឹងទទួលបានទេសចរអន្តរជាតិប្រមាណ ៤,៥លាននាក់នៅឆ្នាំ២០១៥
និងប្រមាណ ៧លាននាក់នៅឆ្នាំ២០២០
ក្នុងនោះខេត្តសៀមរាបនឹងទទួលបានប្រមាណ ៤លាននាក់។
ដើម្បីបម្រើឱ្យវិស័យទេសចរ ឯកឧត្តម បណ្ឌិត សុខ
អានមានប្រសាសន៍ឱ្យដឹងថា
រាជរដ្ឋាភិបាលកម្ពុជាបានរៀបចំផែនការយុទ្ធសាស្ត្រ
ពិសេសការពង្រីកគោលដៅទេសចរណ៍
និងការធ្វើពិពិធកម្មពីតំបន់សៀមរាបអង្គរទៅកាន់តំបន់បឹងទន្លេសាប
តំបន់ប្រាសាទព្រះវិហារដែលជាគោលដៅទេសចរណ៍បេតិកភ័ណ្ឌទី២
តំបន់អេកូទេសចរណ៍
និងតំបន់ឆ្នេរសមុទ្រដែលត្រូវបានទទួលស្គាល់ថាជាសមាជិកក្លិប
ឆ្នេរសមុទ្រដ៏ស្អាតបំផុតលើពិភពលោក
និងត្រូវបានប្រសិទ្ធនាមថាជា “តារារះនាទិសនិរតី” ។ ម្យ៉ាងទៀត
យើងយកចិត្តទុកដាក់ខ្ពស់ដល់ការអភិវឌ្ឍបៃតង
និងការរៀបចំសណ្តាប់ធ្នាប់ របៀបរៀបរយ និងសោភ័ណ្ឌភាពទីក្រុង
ទីប្រជុំជននៅតំបន់ទេសចរណ៍។
រាជរដ្ឋាភិបាលបានដាក់ចេញនូវយុទ្ធនាការប្រលងប្រណាំង “ទីក្រុងស្អាត រមណីយដ្ឋានស្អាត សេវាល្អ” ពិសេស
ការដាក់ចេញនូវស្តង់ដារទីក្រុងទេសចរណ៍ស្អាតកម្ពុជា
ដែលអាស៊ានបានយកជាគំរូក្នុងការរៀបចំស្តង់ដារទីក្រុងទេសចរណ៍ស្អាត
អាស៊ាន។
យើងក៏យកចិត្តទុកដាក់ផងដែរក្នុងការរៀបចំទីក្រុង
បៃតង “Eco-City” ដោយរៀបចំឲ្យមានផ្លូវថ្មើរជើង ផ្លូវជិះកង់
ការប្រើបច្ចេកវិទ្យាបៃតង និងថាមពលកកើតឡើងវិញ។
ទន្ទឹមនិងការស្វាគមន៍ចំពោះប្រតិភូអន្តរជាតិដែលបានមកចូលរួមនិង
ថ្លែងអំណរគុណចំពោះគណៈកម្មាការរៀបចំវេទិការអង្គ លើកទី១២
នៃវេទិកាទេសចរណ៍ អន្តរតំបន់អាស៊ីបូព៌ា (12th East Asia Inter-Regional
Tourism Forum, EATOF) ឯកឧត្តម បណ្ឌិត សុខ អាន
បានថ្លែងស្វាគមន៍ចំពោះការបង្កើតឲ្យមានមជ្ឈមណ្ឌលស្រាវជ្រាវ
និងអប់រំ EATOF ។
ឯកឧត្តម ស៊ូ ភីរិន
អភិបាលគណៈអភិបាលខេត្តសៀមរាបបានមានប្រសាសន៍ឱ្យដឹងថា
ក្នុងឆ្នាំ២០០៩
ខេត្តសៀមរាបបានក្លាយទៅជាសមាជិកនៃវេទិការនេះ។នៅឆ្នាំ២០១០កិច្ចប្រ
ជុំពេញអង្គនៃ EATOF បានអនុម័តឱ្យខេត្តសៀមរាបធ្វើជាម្ចាស់ផ្ទះនៃកិ
ច្ចប្រជុំលើកទី១២ នៃ EATOF។
សូមបញ្ជាក់ថា
គោលដៅអភិវឌ្ឍន៍រយៈពេលវែងរបស់ EATOF ដើម្បីឲ្យក្លាយទៅជាវេទិកាទេ
សចរណ៍សកលមួយតាមរយៈការពង្រឹងតួនាទីរបស់ខ្លួននៃការស្នើឡើងនូវជម្រើ
សគោលនយោបាយផ្សេងៗ ការផ្តោះប្តូរព័ត៌មានទេសចរណ៍និងការពិភាក្សា
ពីបញ្ហាទេសចរណ៍ជាសកលនាពេលបច្ចុប្បន្ន។ ខេត្តជាសមាជិកទាំង១២ រប
ស់ EATOF រួមមានខេត្ត ៖ ស៊ីប៊ូ Cebu (ហ្វីលីពីន)
ឈៀងម៉ៃ Chiang Mai (ថៃ) កាងវុន Gangwon (កូរ៉េ) ជីលីន Jilin (ចិន)
ព្រីម៉ូស្គី Primorsky (រូស្សី)ក្វាងនិញ Quang Ninh
(វៀតណាម) សារាវ៉ាក់Sarawak (ម៉ាឡេស៊ី) តូតូរី Tottori (ជប៉ុន) តូវ Tuv
(ម៉ុងហ្គោលី) ជោគហ្សាកាតា Yogyakarta (ឥណ្ឌូនេស៊ី) សៀមរាប (កម្ពុជា)
ហ្លួងប្រាបាងLuang Prabang (ឡាវ)។
ប្រតិភូដែលចូលរួមកិច្ចប្រជុំពេញអង្គ លើកទី១២
នៃវេទិកាទេសចរណ៍ អន្តរតំបន់អាស៊ីបូព៌ា (12th East Asia Inter-Regional
Tourism Forum, EATOF) គឺជាអភិបាលខេត្ត
មន្ត្រីជាន់ខ្ពស់នៃខេត្តជាសមាជិក គ្រឹះស្ថាននិងសាកលវិទ្យាល័យនៃ
ស្រាវជ្រាវមួយចំនួននិងអ្នកចូលរួមពីឧស្សាហកម្មទេសចរណ៍
(ប្រតិបត្តិករទេសចរណ៍ សណ្ឋាគារ សេវាដឹកជញ្ជូន
ប្រតិបត្តិករហិរញ្ញវត្ថុ ពាណិជ្ជកម្ម
និងវិនិយោគក្រុមហ៊ុនពិគ្រោះយោបល់។ល។)
របៀបវារៈសំខាន់ៗកិច្ចប្រជុំក្នុងរយ:ពេល ៤ថ្ងៃនេះមាន ចំនួន៩ គឺ
១-ការអនុម័តលើការតែងតាំងអគ្គលេខាធិការថ្មីរបស់ EATOF
២-ការបង្កើនសមាជិកភាព តាមរយៈវិសោធនកម្មនូវបទបញ្ញតិ្តមួយចំនួនរបស់ខ្លួន
៣-ការគាំទ្ររួមគ្នាឆ្ពោះទៅរកការជំនះឲ្យបាននូវវិបត្តិទេសចរណ៍នៅក្នុងតំបន់
៤-ការកែប្រែនិងផែនការធ្វើឲ្យប្រសើរឡើងផ្សេងៗចំពោះកម្មវិធីនានានៅក្នុងមហាសន្និបាត
៥-ការកែទម្រង់លើកម្មវិធីប្តូរគ្នាមួយចំនួនជាលក្ខណៈពហុភាគី
៦-ការជំរុញដោយសមាជិកអសកម្មឲ្យចូលរួមក្នុងសកម្មភាពផ្សេង
៧-ការពង្រឹងនូវទេសចរណ៍កីឡា តាមរយៈការជំរុញឲ្យមានប្រតិកម្ម ទៅវិញទៅមករវាងក្រុមកីឡានានានៅក្នុងខេត្តសមាជិក
៨- ការបង្កើត និងការគ្រប់គ្រងមជ្ឈមណ្ឌល EATOF TREC (មជ្ឈមណ្ឌលស្រាវជ្រាវ និងអប់រំវិស័យទេសចរណ៍)
៩-ការជ្រើសរើសខេត្តដែលត្រូវធ្វើជាម្ចាស់ផ្ទះសម្រាប់មហាសន្និបាតវេទិកា EATOF លើកទី១៤ នៅឆ្នាំ២០១៤៕