Thursday, July 24, 2014
លោក សាយ សំអាល់៖« ភ្នំពេញលិច មិនមែនដោយសារលុបបឹងនោះទេ»
រដ្ឋមន្ត្រីវ័យក្មេងថ្មីរបស់ក្រសួងបរិស្ថាន លោក សាយ សំអាល់ បានច្រានចោលចំពោះមតិមួយចំនួនដែលបានលើកឡើងថា រាជធានីភ្នំពេញតែងតែជន់លិចនៅពេលដែលមានមេឃភ្លៀង ដោយសារតែរដ្ឋាភិបាលលុបបឹងបួរសម្រាប់បង្ហូរទឹកអស់។ នៅក្នុងសន្និសីទសារព័ត៌មាន នៅភ្នំពេញ នាថ្ងៃពុធនេះ លោករដ្ឋមន្ត្រីបានអះអាងដូច្នេះថា៖ « ខ្ញុំមិនឯកភាពនោះទេ ចំពោះគំនិតដែលនិយាយថា ដោយសារតែយើងលុបបឹងបានលិច។ ខ្ញុំគិតថា ការលិចនេះ ដោយសារតែចំនួនទឹកភ្លៀងច្រើន និងការស្រុតចុះផ្ទៃដីនៅក្នុងរាជធានីភ្នំពេញ ព្រមទាំងប្រព័ន្ធលូបង្ហូរទឹកមិនគ្រប់គ្រាន់»។