ថ្ងៃទី ៣០ ខែ តុលា ឆ្នាំ ២០១៤នេះ
សាលាក្តីកាត់ទោសមេដឹកនាំខ្មែរក្រហម បានចេញសេចក្តីប្រកាសព័ត៌មាន វីដេអូនៃកិច្ចប្រជុំអំពីការរៀបចំ
សវនាការ លើសំណុំរឿង ០០២/០២នៅថ្ងៃទី ២៨ ខែ តុលា ឆ្នាំ ២០១៤
ត្រូវបានផ្សព្វផ្សាយជាសាធារណៈ អង្គជំនុំជម្រះសាលាដំបូង
នៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)
បានសម្រេចផ្សព្វផ្សាយជាសាធារណៈនូវវីដេអូនៃកិច្ចប្រជុំស្តីអំពីការរៀបចំសវនាការលើសំណុំរឿង
០០២/០២ សម្រាប់វគ្គពេលព្រឹកដែលបានប្រព្រឹត្តទៅនៅថ្ងៃទី ២៨ ខែ តុលា ឆ្នាំ ២០១៤។
វីដេអូដែលត្រូវបានផ្សព្វផ្សាយជាសាធារណៈនេះគឺពាក់ព័ន្ធទៅនឹងការពិភាក្សាលើធនធានដែលមានសម្រាប់ក្រុមមេធាវីការពារក្តី
ខៀវ សំផន និង នួន ជា ហើយនឹងក្រុមមេធាវីការពារក្តីបានត្រៀមខ្លួនរួចជាស្រេចក្នុងការចូលរួមសវនាការលើសំណុំរឿង
០០២/០២ ដោយភ្ជាប់នូវលក្ខខណ្ឌមួយចំនួន។
ភាគីពាក់ព័ន្ធនានាក៏បានដាក់សារណាផងដែរទាក់ទងនឹងសំណើរបស់សហព្រះរាជអាជ្ញាដែលសុំតែងតាំងក្រុមមេធាវីបម្រុងដើម្បីការពារផលប្រយោជន៍ជនជាប់ចោទនៅក្នុងអំឡុងពេលអវត្តមានក្រុមមេធាវីរបស់ពួកគាត់ពីកិច្ចដំណើរការនីតិវិធីសវនាការ។
វីដេអូនៃកិច្ចប្រជុំនេះ
ត្រូវបានផ្សព្វផ្សាយ និងអាចរកបាននៅលើគេហទំព័ររបស់អ.វ.ត.ក: www.eccc.gov.kh ។
សម្រាប់ព័ត៌មានបន្ថែម សូមទាក់ទង៖
លោក ឡាស អូលសិន
និង លោក នេត្រ ភក្រ្តា
មន្រ្តីទំនាក់ទំនងផ្នែកច្បាប់ មន្តី្រនាំពាក្យសាលាក្តីខ្មែរក្រហម