ឯកឧត្តម ដេវីត ខាឌីន
(DAVID CARDEN) ឯកអគ្គរដ្ឋទូតសហរដ្ឋអាមេរិកប្រចាំអាស៊ាន មាន ប្រសាសន៍
នាថ្ងៃទី១៧ ខែតុលា ឆ្នាំ ២០១១ ថា
ព្រះរាជាណាចក្រកម្ពុជាជាប្រទេសដែលមានសក្តានុពលជាច្រើន
ដែលពិភពលោកទាំងមូលគប្បីមើលឃើញ និង
គប្បីជួយជ្រោមជ្រែងនូវសក្តានុពលទាំងនោះ ជាពិសេស
ទៅលើបញ្ហាសន្តិសុខស្បៀង បញ្ហាកាត់បន្ថយភាពក្រីក្រ និង
បញ្ហារបស់អាស៊ានបង្កើតជាសហគមន៍នៅឆ្នាំ ២០១៥ ខាងមុខនេះ។
ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្រ្តីឲ្យដឹងថា នៅក្នុងជំនួបសំដែងការគួរសមជាមួយសម្តេចអគ្គមហាសេនាបតីតេជោ ហ៊ុន សែន នៅវិមានសន្តិភាពក្នុងរាជធានីភ្នំពេញ ឯកឧត្តម ដេវីត ខាឌីន
(DAVID CARDEN) បានថ្លែងថា
ឯកឧត្តមនឹងធ្វើការជាមួយមន្រ្តីរាជការកម្ពុជា ដើម្បី
ធ្វើយ៉ាងណាគាំទ្រកម្ពុជា ដែលនឹងធ្វើជាប្រធានអាស៊ាននៅឆ្នាំ ២០១២
ខាងមុខនេះ។ ឯកឧត្តមបានថ្លែង បន្ថែមថា អាស៊ានមានតួនាទីយ៉ាងសំខាន់
នៅក្នុងពិភពលោក ជាពិសេសនៅពេលដែលវេទិកាអាស៊ី បូព៌ា
ដែលនឹងរៀបចំឡើងនៅប្រទេសកម្ពុជានាពេលខាងមុខនេះ។ ឯកឧត្តម ដេវីត ខាឌីន
(DAVID CARDEN) មានប្រសាសន៍ថា
ឯកឧត្តមនឹងខំធ្វើយ៉ាងណាឲ្យកិច្ចការទាំងឡាយពាក់ព័ន្ធការប្រជុំអាស៊ី
បូព៌ានាពេលខាងមុខនេះឲ្យទទួលបានជោគជ័យនៅពេល
ដែលកម្ពុជាធ្វើជាប្រធានអាស៊ាននោះ។
ឯកអគ្គរដ្ឋ
ទូតសហរដ្ឋអាមេរិកប្រចាំអាស៊ាន
ក៏បានសំដែងនូវមនោសញ្ចេតនាសោកស្តាយយ៉ាងជ្រាលជ្រៅជូនចំពោះ
ប្រជាជនកម្ពុជា ដែលរងគ្រោះដោយទឹកជំនន់ ដោយមានប្រសាសន៍ចាត់ទុកថា
នេះជាគ្រោះមហន្តរាយដ៏ធ្ងន់ធ្ងរមួយ។
មានប្រសាសន៍ក្នុងឱកាសនោះ សម្តេចតេជោនាយករដ្ឋមន្រ្តី
បានផ្តោតនូវក្តីសង្ឃឹមថា ឯកឧត្តមឯក
អគ្គរដ្ឋទូតសហរដ្ឋអាមេរិកប្រចាំនៅអាស៊ាន
ជាពិសេសសហរដ្ឋអាមេរិកផ្ទាល់នឹងចូលរួមចំណែក
យ៉ាងសកម្មនៅក្នុងបញ្ហានេះ ដោយមានប្រសាសន៍ថា
អ្វីដែលជាបញ្ហាសេសសល់របស់កម្ពុជានោះគឺ
ការបន្តតាមដានពិនិត្យនូវរាល់អ្វី
ដែលឥណ្ឌូណេស៊ីអនុវត្តបានជោគជ័យនាពេលកន្លងមក ដើម្បីបន្ត
ជម្រុញឲ្យមានការរីកចំរើននៅក្នុងកិច្ចប្រជុំអាស៊ាន នៅកម្ពុជា។
សម្តេចតេជោ
បានមានប្រសាសន៍សង្កត់ធ្ងន់ទៅលើបញ្ហាសន្តិសុខស្បៀង
ជាពិសេសគ្រោះមហន្តរាយដែលកំពុងតែរាតត្បាតនៅ
ក្នុងតំបន់មេគង្គខាងក្រោមដូចជា ថៃ កម្ពុជា និងវៀតណាម ថា បញ្ហានេះ
អាស៊ានគប្បីមានយន្ត ការដើម្បីជួយ
គ្នាទៅវិញទៅមកលើបញ្ហាគ្រោះមហន្តរាយនេះ ហើយគប្បីពិនិត្យ
ពិចារណារៀបចំឲ្យមានសន្តិសុខ ស្បៀងឲ្យបានល្អ
ព្រោះថានេះមិនមែនជាបញ្ហាសម្រាប់តែតំបន់ទេគឺជាបញ្ហា
របស់ពិភពលោកទាំងមូលតែម្តង។