អតីតឯកអគ្គរដ្ឋទូតនៃសាធារណៈរដ្ឋបារាំងប្រចាំព្រះរាជាណាចក្រកម្ពុជាលោក
PHILIPPE COSTE មានប្រសាសន៍ នៅថ្ងៃទី ១៨ ខែតុលា ឆ្នាំ ២០១១ ថា
ការរំពឹងទុករបស់លោកកាលពី ១៨ ឆ្នាំមុនពេលដែលរូបលោកធ្វើជាឯកអគ្គរដ្ឋទូតប្រទេសបារាំងប្រចាំនៅកម្ពុជា
ថា កម្ពុជានឹង មានការរីកចម្រើនយ៉ាងឆាប់រហ័សក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន
ជានាយករដ្ឋមន្ត្រីនោះគឺ ពិតជាត្រឹមត្រូវ។
ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្ត្រីឲ្យដឹងថា
នៅពេលអនុញ្ញាតឲ្យចូលជួបសំដែងការគួរសមជាមួយសម្តេចអគ្គមហាសេនាបតីតេជោ ហ៊ុន សែន នៅភូមិគ្រឹះ
ក្បែរវិមានឯករាជ្យ។ លោក PHILIPPE COSTE មានប្រសាសន៍ថា រយៈពេល ១៨ ឆ្នាំកន្លងមកហើយដែលរូបលោកបានចាកចេញពីកម្ពុជា
នៅពេលដែលលោកវិលត្រឡប់ មកកម្ពុជាវិញនៅពេលនេះ លោកបានកត់សម្គាល់ឃើញថា
កម្ពុជាមានការអភិវឌ្ឍគួរជាទីមោទនៈក្រៃលែង។ លោក PHILIPPE COSTE
ថ្លែងថា ការរំពឹងគិតរបស់លោកពិតជាត្រឹមត្រូវ នូវអ្វីដែលសម្តេចតេជោ
បានធ្វើកន្លងមកគឺសម្រាប់ប្រជាជនកម្ពុជា និង
មេដឹកនាំកម្ពុជាឆ្ពោះទៅកាន់ការអភិវឌ្ឍន៍ សុខសន្តិភាព សម្រាប់ប្រជាជនកម្ពុជាផងដែរ។
នៅក្នុងជំនួបនោះសម្តេចតេជោនាយករដ្ឋមន្ត្រីបានថ្លែងអំណរគុណ
ជូនចំពោះលោក PHILIPPE COSTE ដែលបានជួយកម្ពុជា
នៅពេលដែលលោកធ្វើជាឯកអគ្គរដ្ឋទូត បារាំងប្រចាំកម្ពុជា
ស្របពេលដែលកម្ពុជាកំពុងតែរៀបចំការបោះឆ្នោតជំនាន់អ៊ុនតាក់។ សម្តេចតេជោក៏បានមានប្រសាសន៍ថា ប្រវត្តិសាស្ត្ររបស់កម្ពុជា
មានការបែកបាក់គ្នា ជាក្រុមៗតាំងតែពីឆ្នាំ ១៤០០ មក ហើយសម្តេចតេជោក៏បានបញ្ជាក់ជូនលោក PHILIPPE COSTE ពីការនាំមកនូវសន្តិភាពជូនប្រទេសជាតិ
រួមទាំង ការអនុញ្ញាតឲ្យអតីតមេដឹកនាំខ្មែរក្រហមចុះចាញ់ និង
ចូលជួបសម្តេចនៅភូមិគ្រឹះក្នុងទីក្រុងតាខ្មៅផង ដែរ។
សម្តេចតេជោក៏បានជំរាបជូនលោក PHILIPPE COSTE
អំពីបញ្ហាគ្រោះទឹកជំនន់ដែលស្រក ចុះយឺតៗ
ហើយកំពុងតែនាំមកនូវផលវិបាកដល់ប្រជាជនកម្ពុជា។ ប៉ុន្តែទោះជាយ៉ាងនេះក្តី
ក៏ សម្តេចតេជោបានអះអាងថា
កម្ពុជានឹងមានអត្រាកំណើនសេដ្ឋកិច្ចប្រចាំឆ្នាំ៦,៥%តាមការទស្សន៍ទាយរបស់មូលនិធិរូបិយវត្ថុអន្តរជាតិ(IMF)ហើយថា
កម្ពុជាក៏មានស្រូវប្រមាណ ៤ លានតោនសម្រាប់ ធ្វើការនាំចេញផងដែរ។ សម្តេចតេជោនាយករដ្ឋមន្ត្រីក៏បានស្នើឲ្យលោក
PHILIPPE COSTE បន្តជួយដល់
កម្ពុជានៅពេលដែលលោកបញ្ចប់ការងារនៅទីក្រុងប៉ារីស ប្រទេសបារាំង។