សម្តេចអគ្គមហាសេនាបតីតេជោ
ហ៊ុន សែន មានប្រសាសន៍នៅថ្ងៃទី ២៩ ខែវិច្ឆិកា ឆ្នាំ ២០១១ ថា
កម្ពុជាមានការពេញ ចិត្តណាស់ចំពោះសកម្មភាព និង វត្តមានរបស់ស្ថាប័ន កាកបាទក្រហមអន្តរជាតិតាំងពីដើមរៀងមកនៅក្នុងប្រទេសកម្ពុជា
។
ឯកឧត្តម អ៊ាង សុផល្លែត បានឲ្យដឹងថា នៅក្នុងឱកាសទទួលជួបឯកឧត្តម
Olivier Vodoz អនុ
ប្រធានគណៈកម្មាធិការអន្តរជាតិកាកបាទក្រហមប្រចាំទីក្រុងហ្សឺណែវ
(ICRC) នៅវិមានសន្តិភាព សម្តេចតេជោនាយករដ្ឋមន្រ្តីមានប្រសាសន៍ថា
ក្នុងរយៈពេល ៣២ ឆ្នាំដែល ICRC មានវត្តមាននៅកម្ពុជានោះ
កម្ពុជាមានការពេញចិត្តយ៉ាងខ្លាំងចំពោះកិច្ចសហប្រតិបត្តិការ និង
ការផ្តល់ជំនួយដល់កម្ពុជា និង កិច្ច សហការទាំងឡាយពីស្ថាប័ន ICRC ។ ពាក់ព័ន្ធនឹងបញ្ហាទឹកជំនន់កន្លងមកនេះ
សម្តេចតេជោមានប្រសាសន៍ថា
យន្តការរបស់កាកបាទក្រហមកម្ពុជាគឺជាយន្តការដែលមានប្រសិទ្ធភាព ហើយ
គួរត្រូវបានយកមកប្រើប្រាស់ដើម្បីដោះស្រាយបញ្ហាទឹកជំនន់ និង
បញ្ហាគ្រោះធម្មជាតិដទៃទៀត។
សម្តេចអគ្គមហាសេនាបតីតេជោ
ហ៊ុន សែន
មានប្រសាសន៍ថា ព្រះរាជាណាចក្រកម្ពុជាក្នុងដំណាក់កាលនេះ គឺជាដំណាក់កាលស្តារ
ឡើងវិញពីគ្រោះទឹកជំនន់ ហើយអ្វីដែលជាកិច្ចការបន្តនោះ
គឺកាកបាទក្រហមកម្ពុជាកំពុងតែពិនិត្យ និង បន្តជួយជនរងគ្រោះដោយសារតែទឹកជំនន់។
មានប្រសាសន៍ក្នុងជំនួបនោះឯកឧត្តម
Olivier Vodoz បាន ថ្លែងអំណរ គុណយ៉ាងជ្រាលជ្រៅចំពោះរាជរដ្ឋាភិបាលកម្ពុជា
ដែលបានផ្តល់នូវកិច្ចសហប្រតិបត្តិការយ៉ាងល្អ ប្រពៃជាមួយអង្គការ ICRC ។ ឯកឧត្តម
Olivier Vodoz បានវាយតម្លៃខ្ពស់ចំពោះកាកបាទក្រហមកម្ពុជា និង
រាជរដ្ឋាភិបាលកម្ពុជា ដែលបានធ្វើសកម្មភាពយ៉ាងសកម្ម និង មានប្រសិទ្ធភាព
ក្នុងការជួយដល់ប្រជា ពលរដ្ឋ ដែលរងគ្រោះដោយទឹកជំនន់នោះ។ ឯកឧត្តម Olivier
Vodoz បានជំរាបជូនសម្តេចនាយករដ្ឋ មន្ត្រីថា រយៈពេលជា ៣២ ឆ្នាំមកហើយ ដែល ICRC
មានវត្តមាននៅក្នុងព្រះជាណាចក្រកម្ពុជា ហើយ ក្នុងពេលបំពេញបេសកកម្ម ICRC
បានទទួលនូវកិច្ចសហប្រតិបត្តិការយ៉ាងល្អប្រសើរពីស្ថាប័ន និង
ក្រសួងនានានៅក្នុងកម្ពុជានោះ៕
