ភាពឆោតល្ងង់ផ្នែកនយោបាយរបស់មេដឹកនាំគណបក្សប្រឆាំង
ស្ដែងឡើងតាមរយៈការធ្វើពហិការមិនចូលរួមប្រជុំរដ្ឋសភា
ក្នុងចេតនាធ្វើឲ្យមានវបត្តិធម្មនុញ្ញ និងអធម្មនុញ្ញភាពនៅក្នុងសភា
នឹងចង់ធ្វើឲ្យសេចក្ដីសម្រេចរបស់សភាខ្វះលក្ខណៈស្របច្បាប់ពេញលេញ តាមអ្វីដែលពួកគេផ្អែកលើមាត្រាទី ៧៦ និងមាត្រាទី
៩៥ នៃរដ្ឋធម្មនុញ្ញ ក្នុងបំណងធ្វើឲ្យរដ្ឋាភិបាលទ័លច្រក
នឹងមានការផ្អើលឆោឡោដល់សហគមន៍ជាតិ និងអន្តរជាតិ។
ក្ដីសុបិន្តទាំងកណ្ដាលថ្ងៃត្រង់របស់
សម រង្ស៊ី ក្នុងការប៉ុនប៉ងធ្វើវិទ្ធង្សនាធម្មនុញ្ញ
តាមរយៈការធ្វើពហិការរបស់សមាជិកសភា ២៦ រូប
និងការដកខ្លួនចេញពីសមាជិកសភា តំណាងរាស្រ្ដ ៣ រូប ដើម្បីធ្វើឲ្យចំនួនតំណាងរាស្ត្រក្រោម
១២០ រូប គឺតិចជាងអ្វីដែលរដ្ឋធម្មនុញ្ញបានតំនត់
ដែលធ្វើឲ្យរដ្ឋសភាបាត់បង់ធម្មនុញ្ញភាព គឺសេចក្ដីសម្រចរបស់សភារបស់រដ្ឋាភិបាល
មិនមានលក្ខណៈពេញច្បាប់ ស្របតាមក្ដីស្រមើលស្រម៉ៃ រវើរវាយរបស់ពួកគេ។
គោលបំណងទាំងនេះត្រូវបរាជ័យយ៉ាងអាម៉ាស់ជាទីបំផុត
ដោយការពហិកា និងការដកខ្លួនចេញពីសមាជិកសភាតំណាងរាស្ត្រ
មិនបានជះឥទ្ធិពលអ្វីទាំងអស់ដល់សេចក្ដីសម្រេចរបស់រដ្ឋសភា
ក្នុងការអនុម័ត្តថវិការជាតិឆ្នាំ ២០១២។ ជាងនេះទៅទៀត ការធ្វើបែបនេះ
រិតតែមិនបានធ្វើឲ្យមានការចាប់អារម្មណ៍ដល់មជ្ឈដ្ឋានជាតិ និងអន្តរជាតិនោះទេ។
ផ្ទុយទៅវិញ ក្រុមនេះទទួលបាននូវការរិះគន់តេះដៀល ពីក្រុមអ្នកច្បាប់ដែលមានជំនាញច្បាស់ថា
ជាភាពឆោតល្ងង់មិនយល់ច្បាប់របស់មេដឹកនាំបក្សប្រឆាំង។
ការយល់ខុសយ៉ាងធ្ងន់ធ្ងរ
ចំពោះលក្ខណ្ឌមាត្រា ៧៦ នៃរដ្ឋធម្មនុញ្ញ ដែលបានចែងថា រដ្ឋសភា
មានតំណាងរាស្ត្រយ៉ាងតិច ១២០ រូប នៃចំនួនសភា
គឺជាកំហុសផ្នែកនយោបាយថ្មីរបស់ លោក សម រង្ស៊ី។ ព្រោះថា ការធ្វើពហិកាមិនចូលរួមប្រជុំសភា
ដើម្បីអនុម័តកញ្ចប់ថវិកា និងមិនអាចនាំឲ្យមានវិបត្តិធម្មនុញ្ញឡើយ។
យោងតាមការបកស្រាយច្បាប់រដ្ឋធម្មនុញ្ញ
ដើម្បីបញ្ចប់នូវមន្ទិលសង្ស័យ អំពីភាពត្រឹមត្រូវច្បាស់លាស់ដែលស្របទៅ
នឹងគោលការណ៍ច្បាប់របស់ព្រះរាជាណាចក្រកម្ពុជា និងបិទផ្លូវតវ៉ា គឺជាលទ្ធផលដែលបានមកពីការពន្យល់វែកញ៉ែករបស់ក្រុមប្រឹក្សាធម្មនុញ្ញកម្ពុជា
។ ដូច្នេះ ចំនួនសមាសភាពសមាជិកសភាដាច់ខាត១២០
គឺសំរាប់តែការប្រជុំដំបូងរបស់រដ្ឋសភាចាប់ផ្តើមបន្តនីតិកាលនីមួយៗ
ដោយឡែកការអនុម័តច្បាប់ផ្សេងៗ គឺវាអាស្រ័យលើចំនួន កូរ៉ុម ភាគច្រើន
ដែលអាចប្រជុំ ពិភាក្សា គ្នាបាន។
ជាក់ស្ដែងទោះបីជា គណបក្សប្រឆាំងធ្វើពហិកាកាលពីថ្ងៃព្រហស្បតិ៍កន្លងទៅនេះក៏ដោយ ក៏រដ្ឋសភាកម្ពុជា
បានអនុម័តថវិការជាតិឆ្នាំ ២០១២ ប្រមាណ ២.៧០០ លានដុល្លា អាមេរិក
ដោយផ្ដោតទៅលើការធ្វើឲ្យប្រសើរឡើងដល់វិស័យ សុខាភិបាល អប់រំ កសិកម្ម និងការអភិវឌ្ឍហេដ្ឋារចនាសម្ព័ន្ធ។
ការអនុម័តច្បាប់ថវិការជាតិ ដោយជោគជ័យនេះ ជាការផ្ដល់ឧបករណ៍សំខាន់មួយសម្រាប់រដ្ឋាភិបាលបន្តគ្រប់គ្រងប្រទេសយ៉ាងល្អប្រសើរ
រួមមានការការពារអធិបតេយ្យភាព បូរណៈភាពទឹកដី និងការអភិវឌ្ឍន៍ប្រទេសគ្រប់វិស័យ
ឆ្លើយនិងតំរូវការរបស់ប្រជាពលរដ្ឋខ្មែរគ្រប់រូប ។
ភាពបរាជ័យនៃនយោបាយគ្មានសុច្ចរិកភាពរបស់
សម រង្ស៊ី ម្ដងហើយម្ដងទៀត បានរុញច្រាន
រូបកាយ វិញ្ញាណ ស្មារតី មេបក្សប្រឆាំងគ្មានអំណាយរូបនេះ
ឃ្លាតចាកទៅកាន់តែឆ្ងាយទៅៗ ពីប្រជាពលរដ្ឋ ឆាកនយោបាយពីមាតុប្រទេស
ដែលសម្បូរបែប នៅការអភិវឌ្ឍប្រជាធិបតេយ្យ
ការប្រតិបត្តិយ៉ាងខ្ជាប់ខ្ជួននៅរដ្ឋធម្មនុញ្ញ ដែលប្រជាពលរដ្ឋខ្មែរជាម្ចាស់វាសនានៃប្រទេសជាតិ
ក្រោមការដឹកនាំដ៏ឈ្លាសវៃ របស់សម្ដេចអគ្គសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
សរុបមកនយោបាយបានញ៉ុះញ៉ុង
បោកបញ្ឆោតបំភ្លៃ បំភ័ន្តការពិតរបស់ សម រង្ស៊ី ជាច្រើនលើកច្រើនសាកន្លងមកនេះ គឺជាការធ្វើអត្តឃាតនយោបាយខ្លួនឯង
ដែលសមល្មមនឹងដល់ទីបញ្ចប់ហើយ។
ទីបញ្ចប់នៃអនាគតនយោបាយរបស់ សម រង្ស៊ី គឺក៏អាចនឹងត្រូវបញ្ចប់ផងដែរដោយលោកស្រី មូរ សុខហួរ ដែលកំពុងតាំងខ្លួនប្រជែងតំណែងប្រធានបក្សប្រឆាងនោះ។ ពេលថ្មីៗនេះ មូរ សុខហួរ បានប្រកាសប្រឆាំងនឹងនយោបាយដកខ្លួនចេញពីសមាជិកសភារបស់ សម រង្ស៊ី ដោយចំហ ព្រមទាំងនិយាយថា លោកស្រីមិនដកខ្លួនចេញនោះទេ ហើយលោកស្រីក៏នឹងមិនទៅបង្កើតគណបក្សថ្មីណាមួយទៀតដែរ។
តើភាពបែកបាក់ និងការខ្វែងគំនិតរបស់មន្ត្រីជាន់ខ្ពស់សំខាន់ៗ
ក្នុងជួរបក្ស សម រង្ស៊ី វាវិវត្តន៍ទៅយ៉ាងដូចម្ដេចទៀត
នាពេលខាងមុខនេះ?
តាមការសន្និដ្ឋានរបស់ក្រុមអ្នកវិភាគ
នៃស្ថានការណ៍នយោបាយកម្ពុជា មើលឃើញថា ដោយក្ដីអស់សង្ឃឹមលាយឡំ
និងភាពបាត់ម្ចាស់ការលើខ្លួនឯងរបស់ សម រង្ស៊ី ក្នុងកាលៈទេសៈ នេះ មូរ សុខហួរ សាកសមណាស់ ពីព្រោះ មូរ សុខហួរ
កំពុងព្យាយាមប្រដូចខ្លួនទៅនឹង
លោកស្រី អង់ សាន ស៊ូជី ដែលជាមេបក្សជំទាស់របស់ប្រទេសភូមា។
ហេតុដូច្នេះ សម រង្ស៊ី គួររម្ងាប់ចិត្ត ហើយត្រៀមខ្លួនទទួលយកការពិត នូវគ្រប់ព្រឹត្តិការណ៍ដែលបាន
និងកំពុងតែកើតមានក្នុងផ្ទៃក្នុងបក្សរបស់ខ្លួន
ចាប់ពីពេលនេះ
និងតទៅអនាគត់ដ៏ខ្លី តើនឹងនៅសល់អ្វីទៀតដែលជាក្តីសង្ឃឹមសម្រាប់ជាមត៌កនៃជីវិតនយោបាយចុងក្រោយរបស់ខ្លួន៕
ដោយ ឧត្តម សក្ដិ