ពលរដ្ឋខ្មែរទាំងអស់សូមមេត្តាឈប់ជឿការបោកប្រាស់របស់ កឹម សុខា និងសម រង្ស៊ី
មុននឹងខ្ញុំបាទ រៀបរាប់អំពី សុខទុក្ខផ្ទាល់ខ្លួន បន្ទាប់ពីបានចាញ់បោកគណបក្សសម
រង្ស៊ី
ជាបឋម ខ្ញុំសូមប្រកាសថា «ចាប់ពីថ្ងៃនេះតទៅ ខ្ញុំឈប់ធ្វើនយោបាយទៀតហើយ»
មេបក្សប្រឆាំងឈ្មោះសម
រង្ស៊ី និងម្នាក់ទៀត ឈ្មោះ កឹម សុខា អ្នកទាំងពីររូបនេះ គឺជាមនុស្សអត់បានការ
គឺជាឈ្លើងជញ្ជក់ឈាមគ្រួសាររបស់ខ្ញុំ និងអាចធ្វើឱ្យប្រជាជនខ្មែរមួយចំនួនជាប់គុកដោយសារដើរតាមនយោបាយនោះ
។ បើទោះបីជាពួកគេតាំងខ្លួនឯងថា ជាអ្នកស្រឡាញ់លទ្ធិប្រជាធិបតេយ្យ អាណិតអាសូរប្រជាពលរដ្ឋខ្មែរ
យ៉ាងណាក៏ដោយ ក៏ពួកនេះនឹងនៅតែជាបក្សប្រឆាំងអស់មួយជីវិត។
មិនត្រឹមតែប៉ុណ្ណោះ
ជនក្បត់ទាំងពីរនាក់នេះ គឺមិនបានជួយកសាងប្រទេសជាតិទេ គិតតែពីរឿងចង់បានអំណាច
និងបំផុសឱ្យមន្ត្រីរបស់ខ្លួននៅតាមភូមិ ឃុំ ស្អប់ខ្ពើមគណបក្សប្រជាជន និងចោទថា
មេបក្សប្រជាជនជាអាយ៉ងប្រទេសវៀតណាម និងបានកាប់សម្លាប់ខ្មែរ ប៉ុន្តែ ការពិត
រដ្ឋាភិបាលដែលដឹកនាំដោយសម្តេចហ៊ុន សែន មិនមែនដូចពួកគេប្រឆាំងចោទប្រកាន់នោះទេ។
នេះ គឺជាការយល់ឃើញរបស់ខ្ញុំបាទ ដែលបច្ចុប្បន្នជាសកម្មជនមួយរូបរបស់គណបក្សសម
រង្ស៊ី នៅខេត្តកំពង់ចាម ដែលសព្វថ្ងៃបានក្លាយខ្លួនទៅជាមនុស្សខូចចិត្ត ឈឺស្គមរីងរៃ
ហើយកំពុងជួបនូវការរងទុក្ខលំបាកវេទនាយ៉ាងខ្លាំង
បន្ទាប់ពីបានដើរខុសផ្លូវអស់រយៈពេល៦ឆ្នាំ ដោយសារស្រឡាញ់គណបក្សប្រឆាំង ជឿការបោកប្រាស់របស់មេខ្យល់នៅតាមមូលដ្ឋាន
ដោយសង្ឃឹមថា នឹងបានធ្វើជាមេឃុំមួយនៅខេត្តកំពង់ចាម ប៉ុន្តែ លទ្ធផលគឺវាសូន្យ ក្តីស្រមៃនោះវាបានក្លាយទៅជារឿងអាសារបង់ឥតប្រយោជន៍
ហើយថែមទាំងរហូតមានការឈ្លោះប្រកែកទាស់ទែងគ្នារវាងប្តីប្រពន្ធក្នុងគ្រួសារ
និងធ្លាក់ខ្លួនក្រដុនដាបលំបាកវេទនាជាខ្លាំង មិនត្រឹមតែប៉ុណ្ណោះទាំងញាតិមិត្តក្នុង
ស្រុក ភូមិ គេលែងរាប់រកទៀតផង។
មូលហេតុ គឺដោយសារខ្ញុំបាទបានលក់អស់ខ្ទេចខ្ទី
ដីស្រែ ចំការ ដែលជាកេរ្ត៍របស់ឳពុកម្តាយចែកឱ្យប្តីប្រពន្ធខ្ញុំសំរាប់ធ្វើស្រែ
និងប្រកបមុខរបបចិញ្ចឹមកូន ប៉ុន្តែឥឡូវវាហិនហោចអស់គ្មានសល់ ហើយសព្វថ្ងៃ ខ្ញុំបាទ
និងប្រពន្ធក៏ធ្លាក់ខ្លួនឈឺធ្ងន់អត់លុយព្យាបាលជម្ងឺ ចំណែកកូនក៏មិនបានទៅសាលារៀន
ដោយសារអត់លុយ។
ខ្ញុំបាទបានជឿតាមការឃោសនារបស់គណបក្សសម
រង្ស៊ី បន្ទាប់ពីបានឮថា ពេលគណបក្សសម រង្ស៊ី ជាប់ឆ្នោតគេនឹងឱ្យខ្ញុំបាទធ្វើជាមេឃុំ
ប៉ុន្តែ ពួកគេមិនបានគោរពពាក្យសម្តីរបស់ខ្លួនឡើយ ដោយបានតម្រូវឱ្យខ្ញុំចំណាយលុយយ៉ាងច្រើនដើម្បីអូសទាញសម្លេងបន្ថែម
ដូចជាឱ្យខ្ញុំបាទប្រមូលលុយគ្នា ដើម្បីជប់លៀងឱ្យសកម្មជននៅតាមស្រុក ឱ្យសមាជិកក្រុមប្រឹក្សាឃុំនីមួយៗ
តាមដានគណបក្សប្រជាជន និងខំប្រឹងចាប់កំហុសអាជ្ញាធរអំពីការប្រព្រឹត្តខុសច្បាប់នានា
ដើម្បីរាយការណ៍ជូនថ្នាក់លើ និងជម្រុញឱ្យអ្នកគ្រប់គ្នាត្រូវដើរនិយាយអាក្រក់ពីរដ្ឋាភិបាលថាមិនបានយកចិត្តទុកដាក់អំពីសុខទុក្ខរបស់ប្រជាពលរដ្ឋ
ប្រជាពលរដ្ឋរងគ្រោះបញ្ហាដីធ្លី ទោះបីរឿងនោះតូចតាច ឱ្យតែកើតមាន ក៏ត្រូវតែនាំគ្នានិយាយបំប៉ោងឱ្យទៅជារឿងធំ
ដើម្បីឱ្យផ្អើលឆោឡោឡើង និងត្រូវចេះរាយការណ៍ជូនមកអ្នកតំណាងរាស្ត្រមណ្ឌលរបស់ខ្លួន
អំពីពេលមានការឈឺថ្កាត់គ្មានពេទ្យព្យាបាល និងចោទពីបញ្ហាពុករលួយផ្សេងៗរបស់សមត្ថកិច្ច
និងមន្ត្រីអ្នកមានអំណាច ដើម្បីសំអុយគណបក្សប្រជាជន។ ក្រៅពីនេះ អ្នកតំណាងរាស្ត្រមួយចំនួនពេលចុះទៅជួបប្រជាពលរដ្ឋ
បានជម្រុញឱ្យរូបខ្ញុំបាទ និងសកម្មជនទាំងអស់ ត្រូវចេះទៅចូលរួមក្នុងវេទិកាសាធារណៈជាមួយគណបក្សសិទ្ធិមនុស្ស
ឬក៍កម្មវិធីរៀបចំដោយអង្គការផ្សេងៗ និងឱ្យក្លាហានក្នុងការទូរស័ព្ទចូលចោទជាសំនួរជាមួយវិទ្យុអាស៊ីសេរី
និងវិទ្យុវីអូអេ ដើម្បីសួរទៅវាគ្មិន ដែលគេអះអាងថា វាគ្មិនទាំងនោះ គឺជាគ្នារបស់យើង
និងថាអ្នកទាំងនោះសុទ្ធតែគាំទ្រគណបក្សប្រឆាំង ដូច្នេះត្រូវតែនិយាយអាក្រក់ពីការដឹកនាំសព្វថ្ងៃ
ក្រៅពីនេះ គេបានឱ្យនាំគ្នាស្តាប់វិទ្យុភ្លើងទៀនរបស់គណបក្ស សម រង្ស៊ី
និងប្រាប់ថា ខំប្រឹងជេររដ្ឋាភិបាល
នាំគ្នាចោទថាគ្មានទេការគោរពសិទ្ធិមនុស្ស មានតែការកៀបសង្កត់ធ្វើបាប និងការគំរាមកំហែងសព្វបែបយ៉ាង
សូមកុំនិយាយពីរឿងអភិវឌ្ឍន៍ស្រុកទេស ទោះបីរដ្ឋាភិបាលបានធ្វើផ្លូវ ស្ពាន សាលារៀន
មន្ទីរពេទ្យ និងស្រុកអត់សង្គ្រាម ក៏កុំសរសើរអី នាំតែចំណេញនយោបាយគណបក្សប្រជាជនទេ
គឺត្រូវតែរិះគន់ឱ្យបានច្រើន និងចាប់យកតែចំនុចអវិជ្ជមាន ហើយបំផុសចលនានោះទៅគ្រប់ទីកន្លែង ទើបឈ្នះការបោះឆ្នោតនៅពេលខាងមុខ។
ថ្ងៃនេះ ខ្ញុំបាទ សូមសរសេរនូវលិខិតចំហរនេះឡើងជូនជនរួមជាតិ
ដោយបំណងចង់សារភាពប្រាប់បងប្អូនថា «ខ្ញុំខុសហើយ» ខ្ញុំមិនអាចនិយាយថា ភ្នែកខ្ញុំខ្វាក់ នៅពេលដែលភ្នែកទាំងគូរបស់ខ្ញុំភ្លឺច្បាស់
គ្មានជម្ងឺនោះទេ។ខ្ញុំរស់នៅស្រុកខ្មែរ គឺមិនដែលឃើញមានបាត់ដីកន្លែងណាមួយដុំនោះទេ
ផ្ទុយទៅវិញឃើញតែថ្នាក់ដឹកនាំប្តេជ្ញាការពារទឹកដី និងខិតខំបោះបង្គោលព្រំដែន
ដូច្នេះ បងប្អូនសូមឈប់នាំគ្នាចាញ់បោកគណបក្សសម រង្ស៊ី និងគណបក្សសិទ្ធិមនុស្សទៀតទៅ
ត្រូវចេះពិចារណាឡើងវិញ និងខិតខំស្រឡាញ់គ្រួសារ ប្រពន្ធកូន កុំចាញ់បោកគេ
និងសូមបញ្ឈប់យកលុយទៅជួយពួកបំផ្លាញជាតិដែលមានសម រង្ស៊ី និងកឹម សុខា ជាមេក្លោង
គឺពួកនេះពីមួយថ្ងៃទៅមួយថ្ងៃ គិតតែពីប្រឹងជេរ យកការជេរប្រមាថធ្វើជាមុខរបរទៅហើយ។
ខ្ញុំមិនដែលឃើញបក្សប្រឆាំងបំផុសប្រជាជនឱ្យចេះគោរពច្បាប់ ឬក៏ពន្យល់ប្រជាជនឱ្យស្គាល់ពីច្បាប់ទម្លាប់ និងចេះបែងចែកពីល្អ និងអាក្រក់នោះទេ។ ដូច្នេះ
សូមប្រជាពលរដ្ឋខ្មែរចេះរួបរួមគ្នា ស្រឡាញ់សន្តិភាព កុំចង់ឱ្យមានសង្គ្រាមទៀត
ពីព្រោះមានរបបប៉ុលពតជាគំរូស្រាប់ហើយ ។ ចាប់ពីពេលនេះតទៅ ត្រូវនាំគ្នាហ៊ាននិយាយការពិត
និងត្រូវសរសើរពីការរីកចំរើនរបស់ប្រទេស ពីព្រោះ ខ្ញុំបាទដឹងច្បាស់ណាស់ថា
ពួកប្រឆាំងគិតតែពីជេរបញ្ចោរ អត់បានចូលរួមកសាងជាតិ ឬក៏លើកកំពស់កិត្យានុភាពជាតិខ្មែរទេ
គឺនាំគ្នានិយាយតែបន្តុះបង្អាប់ និងឱ្យបរទេសយល់ច្រឡំពីខ្មែរតែប៉ុណ្ណោះ។
ម៉្យាងវិញទៀត ខ្ញុំចង់ជម្រាបបងប្អូនខ្មែរថា
ខ្ញុំបាទបានតាមដានសភាពការណ៍នយោបាយនៅក្នុងស្រុកខ្មែរ តាមវិទ្យុ អានកាសែត
និង មើលទូរទស្សន៍ គឺគណបក្សប្រឆាំងបាននាំគ្នានិយាយតែពីរឿងផ្លាស់ប្តូរមេដឹកនាំសព្វថ្ងៃ
និងបានប្រៀបធៀបសម្តេចហ៊ុន សែន អនុប្រធានគណបក្សប្រជាជន ទៅលោកកាដាហ្វី គឺមិនត្រឹមត្រូវនោះទេ
ពីព្រោះស្រុកខ្មែរយើងមានការបោះឆ្នោត ខ្មែរធ្លាប់ហែលឆ្លងការលំបាកក្នុងរបបប៉ុលពត
ធ្លាប់វេទនា ឥឡូវស្រុកខ្មែរយើងមានសន្តិភាព មានការរីកចំរើន មានប្រទេសជាច្រើនឱ្យលុយខ្មែរខ្ចីដើម្បីយកមកអភិវឌ្ឍន៍
ពីព្រោះតែគេទុកចិត្ត និងជឿជាក់ថា អ្នកដឹកនាំខ្មែរបច្ចុប្បន្នមានកំណើត និងពលរដ្ឋខ្មែរមិនចង់ឃើញសង្គ្រាមកើតមានជាថ្មី
ទើបគេជួយយើង។
ចំណែកឯលោក សម រង្ស៊ី និងលោក កឹម សុខា
វិញ មានតែការច្រណែន និងឈ្លោះប្រកែកទាស់ទាញគ្នា និយាយអាក្រក់ពីគ្នា ហែកហួរគ្នា
ចោទគ្នាទៅវិញទៅមក ថាអ្នកនេះក្បត់ អ្នកនោះក្បត់ និងចង់ធ្វើមេបក្សប្រឆាំងដ៏ល្បីល្បាញនៅស្រុកខ្មែរ
តែរៀងៗខ្លួន ដណ្តើមគ្នាដូចសត្វធាតុ ។ បើនិយាយពីលោក កឹម សុខា ទៅរៀនសូត្រឯក្រៅប្រទេស គាត់ចេះតែរបៀបភូតភរ យកគំនិតផ្តេសផ្តាស់ពីក្រៅ
មកពង្វក់ខ្មែរ គឺអត់បានចូលរួមអភិវឌ្ឍស្រុកទេស ដូចគណបក្សប្រជាជនកម្ពុជាទេ។
ខ្ញុំនិយាយដូច្នេះ ដោយខ្ញុំបាទចង់ប្រាប់បងប្អូនខ្មែរថា ចាប់ពីពេលនេះតទៅ
ខ្ញុំឈប់គាំទ្រគណបក្សក្រុមបោកដូច សម រង្ស៊ី និងកឹម សុខា ទៀតហើយ។ ខ្ញុំនឹងខិតខំព្យាបាលខ្លួនឱ្យជាពីជម្ងឺវង្វេងនយោបាយ
និងខំរកស៊ីចិញ្ចឹមកូនប្រពន្ធ តាមសមាជីវោ និងប្រកាសថា សូមគាំទ្រគណបក្សប្រជាជនកម្ពុជារហូតអស់ជីវិត
ឈប់ជឿការបោកប្រាស់របស់គណបក្សប្រឆាំងទៀតហើយ ខ្ញុំរាងចាលហើយ ខ្ញុំខុសហើយ!
។
ខ្ញុំបាទក៏ចង់និយាយដែរថា បើគណបក្សសម
រង្ស៊ី មានមេបក្សដូចសម រង្ស៊ី គឺស្រុកខ្មែរនឹងរលាយអស់ ពីព្រោះសកម្មភាពរបស់លោក
សម រង្ស៊ី មិនបំរើប្រយោជន៍ខ្មែរទេ គឺគាត់ចេះតែរបៀបបំផ្លាញ និងបង្កចលាចល បានជាគាត់ត្រូវមានទោសយ៉ាងនេះ។
ខ្ញុំអាចនិយាយបានថា «ជើងលេខរបស់លោកសម រង្ស៊ី គឺនឹងស្អុយរលួយកែមកជាល្អមិនកើតទេ
គឺគាត់សមនឹងរស់នៅប្រទេសបារាំងជារៀងរហូត ពីព្រោះគាត់មានសញ្ជាតិបារាំងអញ្ចឹង
បានជាគាត់មើលមកស្រុកខ្មែរមិនឃើញល្អបន្តិចណាសោះ ឃើញតែគុណវិបត្តិ។
ជាចុងក្រោយនេះ ខ្ញុំបាទសូមប្រកាសថា
ខ្ញុំស្រឡាញ់គ្រួសារខ្ញុំ សូមស្រមោលអព្វមង្គលឈប់លងបន្លាចខ្ញុំទៀតទៅ ។ នយោបាយខ្ញុំ
ទីបញ្ចប់នៅសល់តែឆ្អឹង នឹងក្ររហាម ពីព្រោះដើរខុសផ្លូវ ។ ការពិតគណបក្សប្រជាជនកម្ពុជា
ពិតជាបានជួយជាតិ និងជួយឱ្យខ្ញុំបានរស់រានមានជីវិតមកដល់សព្វថ្ងៃ
គណបក្សប្រជាជនទើបជាក្តីសង្ឃឹម និងអាចជួយស្រោចស្រង់គ្រួសារខ្ញុំបាន ។
ចាប់ពីពេលនេះតទៅ ខ្ញុំមិនលុងខ្លួនចាញ់បោកពួកប្រឆាំងជាលើកទីពីរទៀតទេ។
ការភូតកុហក់របស់ពួកវា សម រង្ស៊ី និងកឹម សុខា គង់តែថ្ងៃណាមួយនឹងរលាយហិនហោច
ហើយនឹងត្រូវបណ្តាសារពីប្រជាជនជាក់ជាពុំខាន ពួកនេះ ដូចជាសត្វក្រពើរមឹលគុណអញ្ចឹង
បានរស់មកដល់សព្វថ្ងៃហើយប្រមាថអ្នកមានគុណទៀត៕